ტეილორ სვიფტმა კენედის კლანი გადაიკიდა
22 წლის მომღერალ ტეილორ სვიფტისა და 18 წლის კონორ კენედის - რობერტ კენედის შვილიშვილის რომანის შესახებ გავრცელებული ხმები დადასტურდა.
წყვილი რამდენჯერმე გამოიჭირეს პაპარაცებმა. თუმცა, როგორც კი ეს ცნობილი გახდა, ბიჭის ოჯახში მაშინვე არეულობა დაიწყო.
კონორმა რჩეული თავისი ბიძაშვილის, კაილი კენედის ქორწილში მიიყვანა. ეს არ მოეწონა პატარძლის დედა ვიქტორია გიფორდ-კენედის, ცნობილი მომღერალი ხომ მისი ლამაზი ქალიშვილისგან თავისკენ გადაიტანდა საზოგადოების ყურადღებას.
ქალს ყველა წესი დაავიწყდა და ორჯერ სთხოვა ტეილორს, ცერემონია დაეტოვებინა. იმაზეც მიანიშნა, რომ მისი რჩეული მხოლოდ 18 წლისაა და "ცხვირმოუხოცავ" ბიჭთან არ უნდა დადიოდეს.
მაგრამ ტეილორიც არანაკლებ "ზრდილობიანი" აღმოჩნდა და მასპინძლის თხოვნა ყურად არ იღო. მეორე დღეს კი ბიჭთან ერთად მისი დედის - მერი კენედის საფლავზე წავიდა. მერიმ წელს მაისში მოიკლა თავი.
