როგორ გადარჩა ხელისგულისოდენა ჩვილი
1 536 ნახვა
მელინდა სტარ გვიდო ერთ-ერთია მსოფლიოში დაბადებულ იმ პატარებს შორის, რომლებიც ძალიან ნაადრევად დაიბადნენ და გადარჩნენ. ის 24-ე კვირას გაჩნდა (დედის დაახლოებით ექვსთვიანი ორსულობის შემდეგ), საკეისრო კვეთით. ისეთი პაწაწინა იყო, ექთნის ხელისგულში ეტეოდა – 270 გრამს იწონიდა.
ორსულობის დროს მომავალ დედას, ჰაიდი იბარას, მაღალი წნევები ჰქონდა, რაც საშიშია როგორც ქალისთვის, ისე ნაყოფისთვის. სან-ფერნანდოს საავადმყოფოში გადაიყვანეს, სადაც ექიმებმა პლაცენტის პრობლემები აღმოაჩინეს – ამ ორგანოს მეშვეობით იღებს ბავშვი წყალსა და საკვებ ნივთიერებებს.
ქალსა და მის ქმარს ამცნეს, რომ ნაადრევად უნდა გაეკეთებინათ საკეისრო კვეთა. შანსი, რომ ბავშვი გადარჩებოდა, მინიმალური იყო, და ამ შემთხვევაშიც პატარას შეიძლებოდა დამუქრებოდა სიბრმავე, სიყრუე, ცერებრალური დამბლა და განვითარების დარღვევები. თუმცა მშობლები ამ რისკზე წავიდნენ და გამოაცხადეს, რომ მზად არიან პრობლემური ბავშვის გასაზრდელადაც.
პატარა დაიბადა, გადარჩა.
14 კვირისა უკვე ნამდვილ ბავშვს დაემსგავსა, ინკუბატორში მწოლიარე დედის ნეკს ეჭიდებოდა. 4 თვე გაატარა ინტენსიური თერაპიის პალატაში. მერე კი დედამ სახლში განაგრძო მისი გაზრდა, თუმცა ექვს წლამდე გამუდმებით მოუწევს ექიმების მეთვალყურეობის ქვეშ ყოფნა – ჯერ გაურკვეველია, ექნება თუ არა მას ფიზიკური და გონებრივი განვითარების პრობლემები. მხედველობის პრობლემებს უკვე მკურნალობენ – ეს ხშირია ნაადრევად დაბადებულ ბავშვებში. მთავარია, რომ მან თავიდან აიცილა ყველაზე რთული, რაც შეიძლებოდა გასჩენოდა – ტვინში სისხლჩაქცევა.
ჰაიდი ამბობს, რომ მელინდამ ძალიან ბევრ განსაცდელს გაუძლო, ყველაფერი გადალახა. ის მისი პატარა სასწაულია.
ამერიკაში დაახლოებით 7,5 ათასი ბავშვი იბადება ყოველწლიურად ნახევარ კილოგრამზე ნაკლები წონის და აქედან მხოლოდ 10%-ის გადარჩენა ხერხდება. ერთი გოგონა, რომელიც 260-გრამიანი დაიბადა, უკვე სკოლაშიც დადის, მეორე კი, 280-გრამიანი, დღეს 22 წლის არის. იმედია, მალე მთელ მსოფლიოში იქნება შესაძლებელი მსგავსი პრობლემების დროს ბავშვების გადარჩენა.
ორსულობის დროს მომავალ დედას, ჰაიდი იბარას, მაღალი წნევები ჰქონდა, რაც საშიშია როგორც ქალისთვის, ისე ნაყოფისთვის. სან-ფერნანდოს საავადმყოფოში გადაიყვანეს, სადაც ექიმებმა პლაცენტის პრობლემები აღმოაჩინეს – ამ ორგანოს მეშვეობით იღებს ბავშვი წყალსა და საკვებ ნივთიერებებს.
ქალსა და მის ქმარს ამცნეს, რომ ნაადრევად უნდა გაეკეთებინათ საკეისრო კვეთა. შანსი, რომ ბავშვი გადარჩებოდა, მინიმალური იყო, და ამ შემთხვევაშიც პატარას შეიძლებოდა დამუქრებოდა სიბრმავე, სიყრუე, ცერებრალური დამბლა და განვითარების დარღვევები. თუმცა მშობლები ამ რისკზე წავიდნენ და გამოაცხადეს, რომ მზად არიან პრობლემური ბავშვის გასაზრდელადაც.
პატარა დაიბადა, გადარჩა.
14 კვირისა უკვე ნამდვილ ბავშვს დაემსგავსა, ინკუბატორში მწოლიარე დედის ნეკს ეჭიდებოდა. 4 თვე გაატარა ინტენსიური თერაპიის პალატაში. მერე კი დედამ სახლში განაგრძო მისი გაზრდა, თუმცა ექვს წლამდე გამუდმებით მოუწევს ექიმების მეთვალყურეობის ქვეშ ყოფნა – ჯერ გაურკვეველია, ექნება თუ არა მას ფიზიკური და გონებრივი განვითარების პრობლემები. მხედველობის პრობლემებს უკვე მკურნალობენ – ეს ხშირია ნაადრევად დაბადებულ ბავშვებში. მთავარია, რომ მან თავიდან აიცილა ყველაზე რთული, რაც შეიძლებოდა გასჩენოდა – ტვინში სისხლჩაქცევა.
ჰაიდი ამბობს, რომ მელინდამ ძალიან ბევრ განსაცდელს გაუძლო, ყველაფერი გადალახა. ის მისი პატარა სასწაულია.
ამერიკაში დაახლოებით 7,5 ათასი ბავშვი იბადება ყოველწლიურად ნახევარ კილოგრამზე ნაკლები წონის და აქედან მხოლოდ 10%-ის გადარჩენა ხერხდება. ერთი გოგონა, რომელიც 260-გრამიანი დაიბადა, უკვე სკოლაშიც დადის, მეორე კი, 280-გრამიანი, დღეს 22 წლის არის. იმედია, მალე მთელ მსოფლიოში იქნება შესაძლებელი მსგავსი პრობლემების დროს ბავშვების გადარჩენა.
