„ტრანსფორმერებმა“ მილიარდიანი შემოსავალი მოიტანეს

Variety-ის ცნობით, „ტრანსფორმერები-4“ პირველი ფილმია, რომლის კინოგაქირავების შემოსავლებმაც 2014 წელს მილიარდიანი ზღვარი გადალახა. რეჟისორ მაიკლ ბეის ეს უკვე მეორე მსგავსი წარმატებაა - 2009 წელს ფილმის „ტრანსფორმერები-3“ შემოსავალმა ასევე მილიარდ დოლარს გადააჭარბა.

ფილმის წლევანდელი წარმატება მნიშვნელოვნად განაპირობა საკასო რეკორდმა ჩინეთში, სადაც „განადგურების ეპოქამ“ 300 მლნ დოლარი გამოიმუშავა. მთლიანად საერთაშორისო გაქირავებაზე ფილმმა მოიტანა 764 მლნ დოლარი, როდესაც თავად აშშ-ში კინოგაქირავების ბრუნვამ მხოლოდ 241 მლნ დოლარი შეადგინა.

კინოსტუდიამ Paramount მეოთხე ფილმში გარკვეული ცვლილებები შეიტანა. მთავარ როლზე მაიკლ უოლბერგის დაპატიჟეს, ხოლო გადაღებების ნაწილი ჩინეთში შედგა.

მანამდე ცნობილი გახდა, რომ Paramount Pictures-მა რეჟისორ მაიკლ ბეისთან კონტრაქტი 3 წლით გაახანგრძლივა. შესაბამისი შეთანხმება ბეის საპროდუსერო ცენტრთან Platinum Dunes-თან გაფორმდა


news.ge