სოფო ხალვაში: ''შორიდან კრიტიკა და ლაპარაკი ძალიან იოლია...''
1 467 ნახვა
მომღერალმა სოფო ხალვაშმა ''ახალ ტალღაზე'' ნუცა ბუზალაძესთან ერთად დუეტში ''ყვავილების ქვეყანა'' შეასრულა. ასე რომ, ნუცას გამარჯვებაში, პროდიუსერებთან ერთად, სოფომაც შეიტანა წვლილი. თავად სოფო იმავე კონკურსში რამდენიმე წლის წინ მონაწილეობდა. ვერ გაიმარჯვა, მაგრამ ჟიურისა და მაყურებელს თავი კარგად დაამახსოვრა.
- არაჩვეულებრივი შედეგით დავბრუნდით. ძალიან ბედნიერი და გახარებული ვარ. ეს მხოლოდ ნუცას და ჩემი წარმატება არაა. ეს მთელი საქართველოს წარმატებაა. ყველას ვულოცავ ამ გამარჯვებას და ნუცას ვუსურვებ, უფრო დიდი წარმატებისთვის მიეღწიოს.
- სოფო, შენ უკვე მესამედ იყავი ამ კონკურსზე. სხვა წლებთან შედარებით რა იყო განსხვავებული?
- ''ახალ ტალღაზე'' ყოველთვის კარგი გარემოა. ისეთი შეგრძნება მაქვს, რომ კონკურსი პატარა ოჯახივითაა, სადაც ყველას იცნობ და ყოველ ჯერზე ისეთი განცდა მეუფლება, რომ ოჯახის წევრები ვნახე. ქართველების მიმართ ყოველთვის განსაკუთრებულ ყურადღებას იჩენენ და წელსაც ასე იყო. ვნახე იურმალაში შეძენილი მეგობრები და მათთან ერთად ძალიან კარგი დრო გავატარე.
- სცენაზე გასვლის წინ ინერვიულე?
- თუ არ ღელავ, პასუხისმგებლობის გრძნობა არ გექნება. რა თქმა უნდა, ვნერვიულობდი, ძალიან მინდოდა, ნუცასთვის ეს სიმღერა წარმატების მომტანი ყოფილიყო. ჩვენს გამოსვლაში იგრძნობოდა, რომ ჩვენ ვიყავით დუეტი. ვმღეროდით ერთმანეთისთვის და მთელი საქართველოსთვის.
- საქართველოში აზრი გამოთქვეს, რომ ჯობდა, სიყვარულზე დუეტი გოგონასა და ბიჭს შეესრულებინა.
- შორიდან კრიტიკა და ლაპარაკი ძალიან იოლია. როცა კონკურსში ხარ ჩართული, მაშინ ყველაფერს სხვა თვალით უყურებ. ჩვენ თავიდან მიშა მდინარაძის ''თოლიები'' დაგვიმტკიცეს და ის უნდა გვემღერა. ერთი კვირით ადრე დაგვირეკეს და გვითხრეს, ''თოლიები'' არ გვინდა, ''ყვავილების ქვეყანა'' უნდა იმღეროთო. მათ უნდოდათ სიმღერა, რომელიც ძალიან კარგად იციან. ''ყვავილების ქვეყანას'' ახლა ვალერი მელაძე მღერის. აქედან გამომდინარე არ შევეწინააღმდეგეთ და ეს სიმღერა გავაკეთეთ. ვფიქრობ, ძალიან კარგი ვარიანტი გამოგვივიდა. არანჟირება ზაზა ხუბუკელაშვილს ეკუთვნის.
- სოციალურ ქსელში ზოგი წერდა, რომ შენც ამ კონკურსის გამარჯვებული ხარ. როგორც ჩანს, მაყურებელს იმდენად კარგად და-ამახსოვრდა შენი გამოსვლა, რომ გამარჯვებულად აღგიქვამენ.
- ვფიქრობ, მესამე ადგილზე გასვლა იმ დროისთვის ძალიან დიდი გამარჯვება იყო. პირადად მე კმაყოფილი ვიყავი ჩემი გამოსვლით. მთავარი არაა, რომელ ადგილს აიღებ. ნუცასაც სულ ვეუბნებოდი, არ იფიქრო, რომ აუცილებლად უნდა გაიმარჯვო, იფიქრე იმაზე, რომ ღირსეულად წარადგინო შენი ქვეყანა და შენი მონაცემების მაქსიმუმი გააკეთე სცენაზე-მეთქი. მართლაც ასე მოხდა. ნუცამ ძალიან კარგად გაართვა თავი ყველაფერს.
- ყველაზე მეტად, ალბათ, მესამე საკონკურსო დღეს ინერვიულეთ.
- ყველა საკონკურსო დღე სანერვიულო იყო. რომელ დღეს რას გადაწყვეტდა ჟიური, წინასწარ ვერავინ იტყოდა. პირველ დღეს ნუცას ისეთი სიმღერა ჰქონდა შერჩეული, კითხვის ნიშანი იდგა, ან ძალიან მაღალ ქულებს დაგვიწერდნენ, ან დაბალს. შეიძლებოდა, თავად სიმღერა არ მოსწონებოდათ. ისინი ხშირად სიმღერას აფასებენ და არა ნამღერს. მეორე დღეს მთავარი იყო შედეგის გამყარება. ვინმეს, მაგალითად, ფილიპ კირკოროვს რომ დაეწერა ცხრიანი, წინ არაფერი ედგა და ვერავინ ვერაფერს ვეტყოდით. თავად კირკოროვი ერთ-ერთ წარმომადგენელს უჭერდა მხარს. რა თქმა უნდა, ძალიან კარგი იყო, რომ პირველი ადგილი შევინარჩუნეთ. მესამე საკონკურსო დღეს ნუცას ვეუბნებოდით, შანსი არ უნდა დაუტოვო ჟიურის წევრებს, რომ დაბალი ქულა დაწერონო და როგორც ნახეთ, ნუცამ არაჩვეულებრივად იმღერა.
- როგორც ინტერვიუს დაწყებამდე მითხარი, ასეთი საკონკურსო ციებ-ცხელების შემდეგ კვლავ ბათუმში მიდიხარ და მშვიდ და წყნარ ცხოვრებას უბრუნდები. რატომ არ რჩები აქტიურად შოუბიზნესში?
- ჯერ ერთი, ქართულ ესტრადაზე არაფერი არ ხდება და მეორეც, შვილები ბათუმში მყავს დატოვებული და ერთი სული მაქვს, როდის ვნახავ.
მერი კობიაშვილი
ჟურნალი ''რეიტინგი''
- არაჩვეულებრივი შედეგით დავბრუნდით. ძალიან ბედნიერი და გახარებული ვარ. ეს მხოლოდ ნუცას და ჩემი წარმატება არაა. ეს მთელი საქართველოს წარმატებაა. ყველას ვულოცავ ამ გამარჯვებას და ნუცას ვუსურვებ, უფრო დიდი წარმატებისთვის მიეღწიოს.
- სოფო, შენ უკვე მესამედ იყავი ამ კონკურსზე. სხვა წლებთან შედარებით რა იყო განსხვავებული?
- ''ახალ ტალღაზე'' ყოველთვის კარგი გარემოა. ისეთი შეგრძნება მაქვს, რომ კონკურსი პატარა ოჯახივითაა, სადაც ყველას იცნობ და ყოველ ჯერზე ისეთი განცდა მეუფლება, რომ ოჯახის წევრები ვნახე. ქართველების მიმართ ყოველთვის განსაკუთრებულ ყურადღებას იჩენენ და წელსაც ასე იყო. ვნახე იურმალაში შეძენილი მეგობრები და მათთან ერთად ძალიან კარგი დრო გავატარე.
- სცენაზე გასვლის წინ ინერვიულე?
- თუ არ ღელავ, პასუხისმგებლობის გრძნობა არ გექნება. რა თქმა უნდა, ვნერვიულობდი, ძალიან მინდოდა, ნუცასთვის ეს სიმღერა წარმატების მომტანი ყოფილიყო. ჩვენს გამოსვლაში იგრძნობოდა, რომ ჩვენ ვიყავით დუეტი. ვმღეროდით ერთმანეთისთვის და მთელი საქართველოსთვის.
- საქართველოში აზრი გამოთქვეს, რომ ჯობდა, სიყვარულზე დუეტი გოგონასა და ბიჭს შეესრულებინა.
- შორიდან კრიტიკა და ლაპარაკი ძალიან იოლია. როცა კონკურსში ხარ ჩართული, მაშინ ყველაფერს სხვა თვალით უყურებ. ჩვენ თავიდან მიშა მდინარაძის ''თოლიები'' დაგვიმტკიცეს და ის უნდა გვემღერა. ერთი კვირით ადრე დაგვირეკეს და გვითხრეს, ''თოლიები'' არ გვინდა, ''ყვავილების ქვეყანა'' უნდა იმღეროთო. მათ უნდოდათ სიმღერა, რომელიც ძალიან კარგად იციან. ''ყვავილების ქვეყანას'' ახლა ვალერი მელაძე მღერის. აქედან გამომდინარე არ შევეწინააღმდეგეთ და ეს სიმღერა გავაკეთეთ. ვფიქრობ, ძალიან კარგი ვარიანტი გამოგვივიდა. არანჟირება ზაზა ხუბუკელაშვილს ეკუთვნის.
- სოციალურ ქსელში ზოგი წერდა, რომ შენც ამ კონკურსის გამარჯვებული ხარ. როგორც ჩანს, მაყურებელს იმდენად კარგად და-ამახსოვრდა შენი გამოსვლა, რომ გამარჯვებულად აღგიქვამენ.
- ვფიქრობ, მესამე ადგილზე გასვლა იმ დროისთვის ძალიან დიდი გამარჯვება იყო. პირადად მე კმაყოფილი ვიყავი ჩემი გამოსვლით. მთავარი არაა, რომელ ადგილს აიღებ. ნუცასაც სულ ვეუბნებოდი, არ იფიქრო, რომ აუცილებლად უნდა გაიმარჯვო, იფიქრე იმაზე, რომ ღირსეულად წარადგინო შენი ქვეყანა და შენი მონაცემების მაქსიმუმი გააკეთე სცენაზე-მეთქი. მართლაც ასე მოხდა. ნუცამ ძალიან კარგად გაართვა თავი ყველაფერს.
- ყველაზე მეტად, ალბათ, მესამე საკონკურსო დღეს ინერვიულეთ.
- ყველა საკონკურსო დღე სანერვიულო იყო. რომელ დღეს რას გადაწყვეტდა ჟიური, წინასწარ ვერავინ იტყოდა. პირველ დღეს ნუცას ისეთი სიმღერა ჰქონდა შერჩეული, კითხვის ნიშანი იდგა, ან ძალიან მაღალ ქულებს დაგვიწერდნენ, ან დაბალს. შეიძლებოდა, თავად სიმღერა არ მოსწონებოდათ. ისინი ხშირად სიმღერას აფასებენ და არა ნამღერს. მეორე დღეს მთავარი იყო შედეგის გამყარება. ვინმეს, მაგალითად, ფილიპ კირკოროვს რომ დაეწერა ცხრიანი, წინ არაფერი ედგა და ვერავინ ვერაფერს ვეტყოდით. თავად კირკოროვი ერთ-ერთ წარმომადგენელს უჭერდა მხარს. რა თქმა უნდა, ძალიან კარგი იყო, რომ პირველი ადგილი შევინარჩუნეთ. მესამე საკონკურსო დღეს ნუცას ვეუბნებოდით, შანსი არ უნდა დაუტოვო ჟიურის წევრებს, რომ დაბალი ქულა დაწერონო და როგორც ნახეთ, ნუცამ არაჩვეულებრივად იმღერა.
- როგორც ინტერვიუს დაწყებამდე მითხარი, ასეთი საკონკურსო ციებ-ცხელების შემდეგ კვლავ ბათუმში მიდიხარ და მშვიდ და წყნარ ცხოვრებას უბრუნდები. რატომ არ რჩები აქტიურად შოუბიზნესში?
- ჯერ ერთი, ქართულ ესტრადაზე არაფერი არ ხდება და მეორეც, შვილები ბათუმში მყავს დატოვებული და ერთი სული მაქვს, როდის ვნახავ.
მერი კობიაშვილი
ჟურნალი ''რეიტინგი''
