ქართული სამზარეულო მანჰეტენზე

ქართული კერძები ნიუ-იორკში, კერძოდ კი ბრუკლინსა და მანჰეტენზე, საკმაოდ პოპულარულია.
ამის შესახებ ერთ-ერთი ამერიკელი ბლოგერი წერს.

ბლოგერი ქართულ კერძებს აღწერს. მისი თქმით, საქართველო არის პატარა ქვეყანა, რომელიც გემოსა და კულტურის გეოგრაფიულ გზაჯვარედინზე მდებარეობს. აქ ერთმანეთს ერწყმის აღმოსავლეთ ევროპული, ახლო აღმოსავლული და ხმელთაშუაზღვიური არომატები.

”ნიუ-იორკში ქართული რესტორნები, ძირითადად, ბრუკლინსა და მანჰეტენზეა წარმოდგენილი. მაგალითად, შარშან აქ Oda House გაიხსნა, ახლად გახსნილია ასევე Old Tbilisi Garden”, -წერს ბლოგერი.

მისი შეფასებით, ქართული კერძები, სახელწოდებებიდან გამომდინარე, ერთი შეხედვით საშიშად გამოიყურება. მაგრამ რესტორან Old Tbilisi Garden-ის მფლობელი ფიქრია ბასარია ამბობს, რომ ქართული კერძები ძალიან გემრიელია და მასში საშიშს ვერაფერს ნახავთ.

”მენიუში შეხვდებით აჯაფსანდალს, შქმერულს, ასევე ხაჭაპურს, რომელიც პურის რიმეიკია და კეთდება ყველის განსაკუთრებული სახეობით - სულგუნით. იქიდან გამომდინარე, რომ ქართული კერძები განსაკუთრებულ სანელებლებს საჭიროებს, რომლების შეძენაც ნიუ-იორკში შეუძლებელია, Old Tbilisi Garden-ის მფლობელი რესტორნისთვის სანელებლებს ახლობლებსა და ნათესავებს საქართველოდან აგზავნინებს”,- წერს ამერიკელი ბლოგერი.

რესტორანი კვირიდან ოთხშაბათის ჩათვლით დილის 11-დან 13 საათამდე მუშაობს, ხუთშაბათიდან შაბათის ჩათვლით კი - 10დან- 14-მდე.

მასალის ინგლისური ვერსია იხილეთ ლინკზე: Find Georgian Food in Manhattan at Old Tbilisi Garden