''ლეოპარდის ფაქტურა დიდი ხანია, გადავიდა მოდიდან...''
2 414 ნახვა
დიზაინერ პუსა ღოღაძის შემოქმედების გზა ღრმა ბავშვობიდან დაიწყო. მისთვის მთავარი იყო, თოჯინებს ახალი სამოსი ჰქონოდათ, ამიტომ სადაც ქსოვილს დაინახავდა, ნემსით ხელში მიჰყვებოდა, თუმცა სულაც არ იცოდა მისი გამოყენება. საბავშვო ბაღიდანვე იცოდა მომავალი პროფესია. 10 წლისა, მშობლების სურვილით, გოგი ცაბაძის სამხატვრო სკოლაში შეიყვანეს, შემდეგ იყო საქართველოს კარიტასი, სადაც ქართულ რეწვას დაეუფლა. ამას მოჰყვა სამხატვრო აკადემია, რომელიც მისი წარმატების გზის დასაწყისი გახდა. ამჟამადაც სწავლობს და სამომავლო გეგმებიც სწავლას უკავშირდება, სურს, იტალიაში გაემგზავროს.
თბილისის მოდის კვირეულზე ''ნიუ ქამერში'' მიიღო მონაწილეობა, მესამე ადგილი დაიკავა და მილანის აკადემიაში სწავლა 60%-ით დაუფინანსეს. ამ ეტაპზე მუშაობა დაწყებული აქვს ზაფხულის კოლექციაზე, რომელიც გაჯერებული იქნება ღია ფერებით, ყვავილებიანი პრინტით.
- წლევანდელ ტენდენციებზე 70-80 წლების მოდა ახდენს გავლენას. სილუეტი აუცილებლად უნდა იყოს წელში გამოყვანილი, რაც ქალურობას უსვამს ხაზს, ''ხორციან'' ქალბატონებს კი ვურჩევდი, წელის ხაზი ოდნავ ასწიონ და გაშვებული ჰაეროვანი ზედატანები მოირგონ, რაც უფრო დახვეწილ სილუეტს წარმოაჩენს.
- რომელი ფერებია აქტუალური ამ სეზონზე?
- წელს თითქმის ყველანაირი ფერის ქსოვილია მოდური, რომელიც მაქსიმალურად დატვირთულია სხვადასხვა პრინტით. თუმცა შავი კლასიკაა და არასდროს გადავა მოდიდან, ამასთან, უპირატესობას მივანიჭებდი ყვითელსა და იასამნისფერს.
- როგორი ფაქტურისგან შეკერილი სამოსის მორგებას გვირჩევთ?
- ზაფხულს ძალიან უხდება კოპლები, ყვავილები, …მაქმანებიანი ქსოვილები... და საქართველოში უნდა მიხვდნენ, რომ ლეოპარდის ფაქტურა დიდი ხანია, გადავიდა მოდიდან.
- რაც შეეხება კაბის ფორმას, სიგრძეს, ამაზე რას გვეტყვით?
- თანამედროვე სამოსში ქალი მეტად ახალგაზრდულად გამოიყურება. შეარჩიეთ ''კლოში'', ''ნახევრად კლოში'' ან ''შემხვედრნაკეცებიანი'' კაბები, რომლებსაც ოდნავ ამოღებული კორსეტი გაალამაზებს.
- ზედატანების მხრივ რა გავითვალისწინოთ? სამოსში მამაკაცური დეტალების შეტანაზე რას გვირჩევთ?
- პატარა ''ტოპი'' უფრო მრავალფეროვანს გახდის ქალის სილუეტს. ახლა ის დროა, თქვენი გარდერობიდან გადმოაწყოთ აწ უკვე გამოუყენებელი მაისურები და თქვენთვის სასურველ სიგრძემდე გადაჭრათ. თავისუფალ ზედებს იყენებს ის, ვისაც ჰგონია, რომ ზედმეტი კილოგრამები აწუხებს, თუმცა მწარედ ცდებიან. ასეთ შემთხვევაში წელის ხაზი ზუსტად უნდა დააფიქსირონ და ქამარი არავითარ შემთხვევაში არ მოირგონ წელს ქვევით. მგონი, საქართველოს სენია ეს ''მოდა'', რაც ძალიან სამწუხაროა.
რაც შეეხება მამაკაცურ დეტალებს, ეს ქალს უფრო სექსუალურს ხდის. კოკო შანელი ერთ-ერთ შეხვედრაზე თავისი მეგობარი მამაკაცის მაისურით წავიდა, უბრალოდ, ის დიდი აქსესუარით შეალამაზა.
- რაც შეეხება ფეხსაცმელს, ამ მხრივ რა დეტალებია საგულისხმო?
- ფეხსაცმელი ტრაქტორის ძირზე პატარა ქუსლით წლევანდელი ტენდენციაა. არასდროს მომწონდა ''ბალეტკა'', მიმაჩნია, რომ ქალის ფეხს უფრო დაბალს აჩენს. ქალბატონებს მაქსიმალურად სადა ფეხსაცმელს ვურჩევ, წლევანდელ ტენდენციებში შავ-თეთრი ფიგურირებს.
- ჩანთებისა და აქსესუარების თვალსაზრისით წელს როგორი ტენდენციაა?
- ჯერჯერობით მოდის ქვეყნები ისევ პატარა ზომის ჩანთებს გვთავაზობენ თავიანთი კოლექციებიდან, რაც ნიშნავს იმას, რომ ქლაჩები აქტუალობას არ კარგავს. აქსესუარებიდან კი დიდი ხის სამკაულები ნებისმიერ კოსტიუმს მომხიბვლელს გახდის. ასევე მოდაშია ტყავის აქსესუარები, თუნდაც სამაჯურები, გაფორმებული ხით და არა მეტალით.
- რა უნდა იყოს აუცილებლად მოდური ქალის გარდერობში?
- შანელი ამბობდა, ქალმა უბრალო ტომარაც რომ ჩამოიცვას თავზე, მაგრამ ეცვას მაგარი ფეხსაცმელი, ის უკვე ქალიაო. ასე რომ, მოდის მოყვარულებს ვურჩევ, დიდი ყურადღებით შეარჩიონ ფეხსაცმელი.
ციცი ომანიძე
ჟურნალი ''რეიტინგი''
თბილისის მოდის კვირეულზე ''ნიუ ქამერში'' მიიღო მონაწილეობა, მესამე ადგილი დაიკავა და მილანის აკადემიაში სწავლა 60%-ით დაუფინანსეს. ამ ეტაპზე მუშაობა დაწყებული აქვს ზაფხულის კოლექციაზე, რომელიც გაჯერებული იქნება ღია ფერებით, ყვავილებიანი პრინტით.
- წლევანდელ ტენდენციებზე 70-80 წლების მოდა ახდენს გავლენას. სილუეტი აუცილებლად უნდა იყოს წელში გამოყვანილი, რაც ქალურობას უსვამს ხაზს, ''ხორციან'' ქალბატონებს კი ვურჩევდი, წელის ხაზი ოდნავ ასწიონ და გაშვებული ჰაეროვანი ზედატანები მოირგონ, რაც უფრო დახვეწილ სილუეტს წარმოაჩენს.
- რომელი ფერებია აქტუალური ამ სეზონზე?
- წელს თითქმის ყველანაირი ფერის ქსოვილია მოდური, რომელიც მაქსიმალურად დატვირთულია სხვადასხვა პრინტით. თუმცა შავი კლასიკაა და არასდროს გადავა მოდიდან, ამასთან, უპირატესობას მივანიჭებდი ყვითელსა და იასამნისფერს.
- როგორი ფაქტურისგან შეკერილი სამოსის მორგებას გვირჩევთ?
- ზაფხულს ძალიან უხდება კოპლები, ყვავილები, …მაქმანებიანი ქსოვილები... და საქართველოში უნდა მიხვდნენ, რომ ლეოპარდის ფაქტურა დიდი ხანია, გადავიდა მოდიდან.
- რაც შეეხება კაბის ფორმას, სიგრძეს, ამაზე რას გვეტყვით?
- თანამედროვე სამოსში ქალი მეტად ახალგაზრდულად გამოიყურება. შეარჩიეთ ''კლოში'', ''ნახევრად კლოში'' ან ''შემხვედრნაკეცებიანი'' კაბები, რომლებსაც ოდნავ ამოღებული კორსეტი გაალამაზებს.
- ზედატანების მხრივ რა გავითვალისწინოთ? სამოსში მამაკაცური დეტალების შეტანაზე რას გვირჩევთ?
- პატარა ''ტოპი'' უფრო მრავალფეროვანს გახდის ქალის სილუეტს. ახლა ის დროა, თქვენი გარდერობიდან გადმოაწყოთ აწ უკვე გამოუყენებელი მაისურები და თქვენთვის სასურველ სიგრძემდე გადაჭრათ. თავისუფალ ზედებს იყენებს ის, ვისაც ჰგონია, რომ ზედმეტი კილოგრამები აწუხებს, თუმცა მწარედ ცდებიან. ასეთ შემთხვევაში წელის ხაზი ზუსტად უნდა დააფიქსირონ და ქამარი არავითარ შემთხვევაში არ მოირგონ წელს ქვევით. მგონი, საქართველოს სენია ეს ''მოდა'', რაც ძალიან სამწუხაროა.
რაც შეეხება მამაკაცურ დეტალებს, ეს ქალს უფრო სექსუალურს ხდის. კოკო შანელი ერთ-ერთ შეხვედრაზე თავისი მეგობარი მამაკაცის მაისურით წავიდა, უბრალოდ, ის დიდი აქსესუარით შეალამაზა.
- რაც შეეხება ფეხსაცმელს, ამ მხრივ რა დეტალებია საგულისხმო?
- ფეხსაცმელი ტრაქტორის ძირზე პატარა ქუსლით წლევანდელი ტენდენციაა. არასდროს მომწონდა ''ბალეტკა'', მიმაჩნია, რომ ქალის ფეხს უფრო დაბალს აჩენს. ქალბატონებს მაქსიმალურად სადა ფეხსაცმელს ვურჩევ, წლევანდელ ტენდენციებში შავ-თეთრი ფიგურირებს.
- ჩანთებისა და აქსესუარების თვალსაზრისით წელს როგორი ტენდენციაა?
- ჯერჯერობით მოდის ქვეყნები ისევ პატარა ზომის ჩანთებს გვთავაზობენ თავიანთი კოლექციებიდან, რაც ნიშნავს იმას, რომ ქლაჩები აქტუალობას არ კარგავს. აქსესუარებიდან კი დიდი ხის სამკაულები ნებისმიერ კოსტიუმს მომხიბვლელს გახდის. ასევე მოდაშია ტყავის აქსესუარები, თუნდაც სამაჯურები, გაფორმებული ხით და არა მეტალით.
- რა უნდა იყოს აუცილებლად მოდური ქალის გარდერობში?
- შანელი ამბობდა, ქალმა უბრალო ტომარაც რომ ჩამოიცვას თავზე, მაგრამ ეცვას მაგარი ფეხსაცმელი, ის უკვე ქალიაო. ასე რომ, მოდის მოყვარულებს ვურჩევ, დიდი ყურადღებით შეარჩიონ ფეხსაცმელი.
ციცი ომანიძე
ჟურნალი ''რეიტინგი''
