"ვეფხისტყაოსანი" არ უნდა ჰგავდეს "ჰარი პოტერს" და "ბეჭდების მბრძანებელს"
1 981 ნახვა
"ტარიელი ბერიკაობა-ყეენობის პერსონაჟივითაა გამოწყობილი და კომიკურად გამოიყურება"
”ტარიელის როლის შემსრულებლის კოსტუმი, რომელიც არა ვეფხის ტყავის კაბაშია გამოწყობილი, არამედ ბერიკაობა-ყეენობის პერსონაჟივით, თავსა და მხრებზე მოგდებული მთლიანი, კბილებდაკრეჭილი თუ ხახადაფჩენილი ვეფხვის ტყავში, რაც, რბილად რომ ვთქვათ, კომიკურად გამოიყურება. ასეთი ჩანაფიქრი მომავალ ფილმს (ნებისმიერს და არა მარტო "ვეფხისტყაოსანის" მიხედვით) ბუტაფორიულ და ხელოვნურ იერს ანიჭებს და შესაბამისად, საზოგადოებასაც არასერიოზულად ან პესიმისტურად განაწყობს” - ამბობს კინომცოდნე ლელა ოჩიაური.
- ძნელია, წინასწარ განსაზღვრო, როგორ მიიღებს ამა თუ იმ ფილმს მაყურებელი, ექნება თუ არა მას წარმატება და მით უმეტეს, მოგვცემს თუ არა თავის მოწონების შესაძლებლობას. ქართული კინოს ისტორიიდან საერთაშორისო წარმატებამიღწეული და საამაყო ფილმი სულ რამდენიმე შემიძლია გავიხსენო. ნიკოლოზ ხომასურიძის ოსტატობასა და ნიჭზე ვერაფერს ვიტყვი, არ ვიცნობ მის ხელწერას, სტილს, რადგან არც ერთი მისი ფილმი არ მინახავს და შესაბამისად, ვერ ვივარაუდებ, არის თუ არა იგი "მზად" ისეთი მასშტაბის პროექტისთვის, როგორიც "ვეფხისტყაოსანია". თუნდაც პოემიდან ერთი-ორი ეპიზოდის გადასაღებად. საერთოდ - "ვეფხისტყაოსანი" ფილმად - ძალიან ხმამაღალი განაცხადია. ვიტყოდი, ამბიციურიც (რაც თავისთავად, ცუდი არაა), რეჟისორს დიდი და მით უმეტეს, ასეთი რანგის პროექტებზე მუშაობის გამოცდილება სჭირდება...
- საზოგადოების მხრიდან უკიდურესად ცინიკური დამოკიდებულებაა, სოციალურ ქსელში წამდაუწუმ ვრცელდება ფოტოები...
- სოციალურ ქსელში გავრცელდა ფოტოები ფილმის გადასაღები მოედნიდან და ალბათ ცინიკური დამოკიდებულებაც ამან გამოიწვია. უფრო ზუსტად, ტარიელის როლის შემსრულებლის კოსტუმი, რომელიც არა ვეფხის ტყავის კაბაშია გამოწყობილი, არამედ ბერიკაობა-ყეენობის პერსონაჟივით, თავსა და მხრებზე მოგდებული მთლიანი, კბილებდაკრეჭილი თუ ხახადაფჩენილი ვეფხვის ტყავში, რაც, რბილად რომ ვთქვათ, კომიკურად გამოიყურება. ასეთი ჩანაფიქრი მომავალ ფილმს (ნებისმიერს და არა მარტო "ვეფხისტყაოსანის" მიხედვით) ბუტაფორიულ და ხელოვნურ იერს ანიჭებს და შესაბამისად, საზოგადოებასაც არასერიოზულად ან პესიმისტურად განაწყობს... კამათი თემაზე - შეიძლება თუ არა "ვეფხისტყაოსნის" ეკრანიზება, დიდი ხანია, მიმდინარეობს და ამდენად, აქვს თუ არა რეჟისორს მისი გადაღების უფლება, მკრეხელობაა მისი მხრიდან, თუ არაა მკრეხელობა, არაერთი პოლემიკის თემა გამხდარა. როგორც წავიკითხე, ფილმი მიუზკლის ჟანრში იქნება გადაწყვეტილი, ქართული ფოლკლორის, ქართული საბრძოლო ხელოვნების ნომრებით იქნება გაფორმებული და ასე გამოდის, რომ შეფუთული "სუვენირის" სახე, საიმიჯო ხასიათი ექნება. ვფიქრობ, ეს არ იქნება ეკრანიზაცია, არამედ როგორც უწოდებენ, ფილმი "ვეფხისტყაოსნის" "მიხედვით", "მოტივებზე" და ა.შ.
"ვეფხისტყაოსანი" არ უნდა გავდეს არც "ჰარი პოტერს", "ბეჭდების მბრძანებელსა" და არც სხვა ასეთი კატეგორიის ფილმებს, რადგან ჟანრობრივად სრულიად სხვადასხვა რამაა და საერთო კონტექსტში არ ჯდება.
მანანა გაბრიჭიძე
”ტარიელის როლის შემსრულებლის კოსტუმი, რომელიც არა ვეფხის ტყავის კაბაშია გამოწყობილი, არამედ ბერიკაობა-ყეენობის პერსონაჟივით, თავსა და მხრებზე მოგდებული მთლიანი, კბილებდაკრეჭილი თუ ხახადაფჩენილი ვეფხვის ტყავში, რაც, რბილად რომ ვთქვათ, კომიკურად გამოიყურება. ასეთი ჩანაფიქრი მომავალ ფილმს (ნებისმიერს და არა მარტო "ვეფხისტყაოსანის" მიხედვით) ბუტაფორიულ და ხელოვნურ იერს ანიჭებს და შესაბამისად, საზოგადოებასაც არასერიოზულად ან პესიმისტურად განაწყობს” - ამბობს კინომცოდნე ლელა ოჩიაური.
- ძნელია, წინასწარ განსაზღვრო, როგორ მიიღებს ამა თუ იმ ფილმს მაყურებელი, ექნება თუ არა მას წარმატება და მით უმეტეს, მოგვცემს თუ არა თავის მოწონების შესაძლებლობას. ქართული კინოს ისტორიიდან საერთაშორისო წარმატებამიღწეული და საამაყო ფილმი სულ რამდენიმე შემიძლია გავიხსენო. ნიკოლოზ ხომასურიძის ოსტატობასა და ნიჭზე ვერაფერს ვიტყვი, არ ვიცნობ მის ხელწერას, სტილს, რადგან არც ერთი მისი ფილმი არ მინახავს და შესაბამისად, ვერ ვივარაუდებ, არის თუ არა იგი "მზად" ისეთი მასშტაბის პროექტისთვის, როგორიც "ვეფხისტყაოსანია". თუნდაც პოემიდან ერთი-ორი ეპიზოდის გადასაღებად. საერთოდ - "ვეფხისტყაოსანი" ფილმად - ძალიან ხმამაღალი განაცხადია. ვიტყოდი, ამბიციურიც (რაც თავისთავად, ცუდი არაა), რეჟისორს დიდი და მით უმეტეს, ასეთი რანგის პროექტებზე მუშაობის გამოცდილება სჭირდება...
- საზოგადოების მხრიდან უკიდურესად ცინიკური დამოკიდებულებაა, სოციალურ ქსელში წამდაუწუმ ვრცელდება ფოტოები...
- სოციალურ ქსელში გავრცელდა ფოტოები ფილმის გადასაღები მოედნიდან და ალბათ ცინიკური დამოკიდებულებაც ამან გამოიწვია. უფრო ზუსტად, ტარიელის როლის შემსრულებლის კოსტუმი, რომელიც არა ვეფხის ტყავის კაბაშია გამოწყობილი, არამედ ბერიკაობა-ყეენობის პერსონაჟივით, თავსა და მხრებზე მოგდებული მთლიანი, კბილებდაკრეჭილი თუ ხახადაფჩენილი ვეფხვის ტყავში, რაც, რბილად რომ ვთქვათ, კომიკურად გამოიყურება. ასეთი ჩანაფიქრი მომავალ ფილმს (ნებისმიერს და არა მარტო "ვეფხისტყაოსანის" მიხედვით) ბუტაფორიულ და ხელოვნურ იერს ანიჭებს და შესაბამისად, საზოგადოებასაც არასერიოზულად ან პესიმისტურად განაწყობს... კამათი თემაზე - შეიძლება თუ არა "ვეფხისტყაოსნის" ეკრანიზება, დიდი ხანია, მიმდინარეობს და ამდენად, აქვს თუ არა რეჟისორს მისი გადაღების უფლება, მკრეხელობაა მისი მხრიდან, თუ არაა მკრეხელობა, არაერთი პოლემიკის თემა გამხდარა. როგორც წავიკითხე, ფილმი მიუზკლის ჟანრში იქნება გადაწყვეტილი, ქართული ფოლკლორის, ქართული საბრძოლო ხელოვნების ნომრებით იქნება გაფორმებული და ასე გამოდის, რომ შეფუთული "სუვენირის" სახე, საიმიჯო ხასიათი ექნება. ვფიქრობ, ეს არ იქნება ეკრანიზაცია, არამედ როგორც უწოდებენ, ფილმი "ვეფხისტყაოსნის" "მიხედვით", "მოტივებზე" და ა.შ.
"ვეფხისტყაოსანი" არ უნდა გავდეს არც "ჰარი პოტერს", "ბეჭდების მბრძანებელსა" და არც სხვა ასეთი კატეგორიის ფილმებს, რადგან ჟანრობრივად სრულიად სხვადასხვა რამაა და საერთო კონტექსტში არ ჯდება.
მანანა გაბრიჭიძე
