ვის გამო დადის თეონა კოროშინაძე ამერიკასა და საქართველოს შორის
1 595 ნახვა
''ნიჭიერის'' ერთ-ერთი მონაწილე, თეონა კოროშინაძე, ამერიკის მოქალაქეა. მოგეხსენებათ, ის ცნობილი ქართველი შემსრულებლის ეთერ იოსებიძის ქალიშვილია. ამერიკაში გამგზავრების შემდეგ მამასთან ურთიერთობა არ ჰქონია, ''ნიჭიერის'' შემდეგ ეს ურთიერთობა ნელ-ნელა აღდგა და ახლა თეონა მამასთან კონტაქტობს და მას შეყვარებულიც გააცნო.
უკვე ორი წელია, რაც თეონა ჩვენს კოლეგაზე, გიორგი ბითაძეზეა შეყვარებული. ჯერჯერობით გიორგიმ მასთან ამერიკაში სტუმრობა ვერ მოახერხა, რადგან ვიზა არ ჩაურტყეს, სამაგიეროდ, თეონა, როგორც კი დროს გამონახავს, თბილისში ჩამოდის. ახლაც აქ არის. დრო ვიხელთეთ და მასთან ინტერვიუ ჩავწერეთ.
- რა ხდება შენს კარიერაში ამერიკაში?
- აქედან რომ წავედი, ჯერ მარტო ვმღეროდი, შემდეგ კი ბენდი შევქმენი, ვიფიქრე, რომ ცოცხალ ბენდთან მუშაობა უფრო წარმატებული იქნებოდა. მუსიკოსები იტალიელი ბიჭები არიან, რომლებთან ერთადაც სხვადასხვა ღონისძიებასა და მუსიკალურ ფესტივალში ვმონაწილეობ. გარდა ამისა, ვმუშაობთ სტუდიაში. მხოლოდ ქავერების სიმღერა აღარ არის საინტერესო, ამიტომაც გადავწყვიტეთ, იტალიურენოვანი სიმღერები ჩავწეროთ. გვინდა, საკუთარი კომპოზიციები გვქონდეს. შემდეგ ინგლისურენოვან სიმღერებსაც ჩავწერთ.
- პროდიუსერი თუ გყავთ?
- პროდიუსერი არ არის საჭირო. ვფიქრობ, იქ დამოუკიდებელი არტისტები უფრო წინ მიდიან. პროდიუსერის ყოლა ცუდი არ არის, მაგრამ საკუთარი თავის პატრონი არ ხარ, რაც გინდა, იმას ვერ გააკეთებ. თანაც, ახლა უკვე ძალიან ბევრი დამოუკიდებელი არტისტია, რომელიც ყველაფერს თავისით აკეთებს, ინტერნეტი არსებობს და ბევრი საშუალებაა.
გარდა ბენდისა, ერთ-ერთ კლუბში ცალკეც ვმუშაობ მომღერლად. ბენდი იმისთვის გაკეთდა, რომ ხალხმა გაგვიცნოს, მაგრამ ფულიც ხომ მჭირდება (იღიმის). მთელი ცხოვრება ვმღერი და ეს არის ჩემი საქმე. თანაც, უნივერსიტეტში სპორტულ მედიცინას ვსწავლობ, წელიწად-ნახევარი დამრჩა, სწავლა ექვსი წელი მიმდინარეობს. ეს იქნება ჩემი ძირითადი პროფესია.
- მას შემდეგ, რაც ''ნიჭიერში'' მიიღე მონაწილეობა, საქართველოდან არ გქონია მოწვევა?
- ერთი თვის წინ ჩამომიყვანეს, დიასპორის სამინისტრომ სხვადასხვა ემიგრანტი მომღერალი მოიწვია, რუსთაველის თეატრში დიდი კონცერტი გაიმართა, რომელშიც მონაწილეობა მივიღე. ''ნიჭიერი'' რომ არ ყოფილიყო, ალბათ, ვერ მიპოვიდნენ. სიამოვნებით ჩამოვიდოდი ბენდთან ერთად და გავმართავდი კონცერტს, თუ მომიწვევდნენ.
- ბენდის რეპერტუარში ქართული სიმღერები თუ გაქვთ?
- ბენდის რეპერტუარში არა, ქართულ რესტორანში ვმღეროდი, სანამ აქ ჩამოვიდოდი და ვასრულებდი ქართულ სიმღერებსაც. ახლა მანჰეტენზე იხსნება ახალი ქართული რესტორანი და შესაძლოა, იქ გავაგრძელო სიმღერა. სხვათა შორის, რაც ყველაზე კარგად გამომდის, ეს ნინო ქათამაძის სიმღერებია (იღიმის), თუმცა გია ყანჩელის კომპოზიციებსაც ვასრულებ. დედა ფილმში ''მხიარული რომანი'' ''იმღერე რამეს'' ასრულებდა და მისი რეპერტუარიდან სწორედ ეს სიმღერა ავარჩიე. აქაც ვიმღერე დიასპორის სამინისტროს კონცერტზე. მეგონა, რომ ქართული სიმღერის შესრულებისას კომპლექსი მექნებოდა, მაგრამ არ მიჭირს, მეც მომწონს და მგონი, მსმენელსაც.
- საქართველოს არანაირი გეგმები არ უკავშირდება?
- მქონდა ''X ფაქტორში'' მონაწილეობის შემოთავაზება, მაგრამ არ დავთანხმდი. არ მინდოდა. ვფიქრობ, საქართველოში კონკურსებში თავი ამოვწურე. ''ნიჭიერში'' გამოვედი, მაგრამ არანაირი განვითარება არ მოჰყვა. მინდა, ამერიკაში ვცადო ბედი, ''ვოისში''. მე ამერიკის მოქალაქეობა მაქვს და შემიძლია, თავისუფლად მივიღო მონაწილეობა. ახლა მინდოდა კასტინგებზე მისვლა, მეგონა, ცოტა ადრე იქნებოდა, მაგრამ კასტინგი დაემთხვა ჩემს საქართველოში ჩამოსვლას. მანამდეც, იანვარში, ანგინა დამემართა და ვეღარ შევძელი მისვლა. ნამდვილად ვიცი, რომ მინდა მონაწილეობა. ისიც მინდა ვთქვა, რომ ამერიკაში ძალიან დიდი კონკურენციაა, ყველა მღერის, მაგრამ ყველაფერი მაინც ბედია. ვფიქრობ, თუკი შეხება გაქვს მუსიკასთან, შეიძლება, გაგიმართლოს. ჩემი რა მიდის? ვცდი ბედს.
- გარეგნულ ცვლილებებს შევეხოთ. ძალიან გამხდარხარ, ტუჩი გაგიკეთებია და გაქერავებულხარ.
- რაც შეეხება სიგამხდრეს, თავში რაღაც გადამიტრიალდა, მსუქანი არ ვყოფილვარ, მაგრამ მანამდეც ვხედავდი, რომ მეტი წონა მქონდა ჩემს სიმაღლესთან შედარებით. ხალხი რომ მეუბნებოდა, ცოტა დაკლება არ გინდაო, ვპასუხობდი, არა-მეთქი. საქართველოდან ამერიკაში რომ დავბრუნდი, მარტში, მაშინ გადავწყვიტე, უნდა გავხდე-მეთქი. მას მერე ყოველდღე ტრენაჟორებზე ვვარჯიშობ. თუ ცუდად ვარ, მხოლოდ ერთ დღეს ვაგდებ ხოლმე. ჭამაც შევზღუდე, არანაირ ცომეულსა და ტკ-ბილეულს არ ვიღებ, არც შაქარს ვიყრი. 18 მარტიდან მოყოლებული საკმაოდ დავიკელი. ახლა საკუთარი თავი უფრო მომწონს. რაც შეეხება თმას, გავიქერავე, ტუჩიც გავიკეთე. ცხვირის გაკეთებაც მინდა, კეხის მოშორება, ძგიდის გასწორება, მაგრამ მეშინია.
- ტუჩის გაკეთება რამ გადაგაწყვეტინა?
- იმან, რომ საერთოდ არ მქონდა (იცინის). საქართველოში გავიკეთე და გადავიხადე 350 ლარი, მაშინ, როდესაც ამერიკაში იგივე ოპერაცია 700 დოლარი ჯდება. თანაც, ვისაც იქ გაუკეთებია, არ იყო კმაყოფილი. აქ კი კმაყოფილი დავრჩი, თანხითაც და გაკეთებითაც.
- ახერხებ შენი თავის შენახვას კლუბში მუშაობით?
- იმდენს გამოვიმუშავებ, რომ მყოფნის, ძალიან კარგად მიხდიან. ერთ სიმღერაში დაახლოებით ას დოლარს ვიღებ, მთელ საღამოს რვა სიმღერას ვასრულებ და სამუშაო დღეებია ხუთშაბათი, პა-რასკევი, შაბათი და კვირა. იმიტომაც არ მინდა საქართველოში სულ ჩამოსვლა. არადა, აქ შეყვარებული მყავს, მაგრამ ის ვერაფრით მესტუმრა ამერიკაში, რადგან ვიზას არ ურტყამენ, საბუთები წესრიგში ჰქონდა. ამბობს, დათარსული ვარო. ჯერჯერობით ჩემებთან ვცხოვრობ, თუ ჩემი შეყვარებული ჩამოვა, ცალკე გადავალთ საცხოვრებლად.
- გაგვიმხილე მისი ვინაობა.
- ორი წელია, გიორგი ბითაძესთან ერთად ვარ. ბათუმში გავიცანით ერთმანეთი. მას მერე წინ და უკან დავდივარ და ვიტანჯები. აქ ჯერ ვერაფერს ახერხებს, ჟურნალისტიკის ფაკულტეტი აქვს დამთავრებული. ასეთი ქართველი ბიჭი არ მინახავს. ვფიქრობ, მაინც არ არის ტიპური ქართველი. ჩაცმულობითაც განსხვავებულია, იცვამს ისე, როგორც მე მომწონს. სპორტულებში დადის. აქვს სასწაული აღნაგობა, ეწევა ჯანსაღი ცხოვრების წესს, არ სვამს, არ მოუწევია სიგარეტი, სპორტს მისდევს. ესეც იყო ჩემი სტიმული, რომ გავმხდარიყავი. სულ მეუბნებოდა, შეგიძლია ამის გაკეთებაო. თავადაც მაძლევდა ამის სტიმულს.
- არ ეჭვიანობთ ერთმანეთზე, შორი-შორს რომ ხართ?
- ძალიან რთულია, მაგრამ ერთმანეთს ძალიან ვენდობით. ზოგადად, ეჭვიანი ადამიანი ვარ, მაგრამ როცა ადამიანი დაგანახვებს, რომ ეჭვიანი არ უნდა იყო... ალბათ, სხვა შემთხვევაში ორი წელი ერთად ვერ გავძლებდით.
- სიმღერებს უძღვნი ხოლმე?
- ყველა სიმღერა მოსწონს, რასაც ვასრულებ. გიორგი სულ მეუბნება, რომ ''ვოისში'' გავიდე. მან თავდაჯერება შემმატა. ამ სიყვარულმა ძალიან შემცვალა (იღიმის)!..
- ვიცი, რომ ძალიან გინდოდა ქართველი ბიჭი შენ გვერდით.
- მინდოდა, მაგრამ ამერიკაში გაცნობილმა ქართველმა ბიჭებმა, არ მინდა ცუდის თქმა, მაგრამ ჩემი იმედები ვერ გაამართლეს. ბევრი გოიმური საქციელი დავინახე მათგან, თითქოს თავში აქვთ ავარდნილი, რომ ამერიკაში ცხოვრობენ. რაღაცნაირად ძველბიჭობენ, რასაც ვერ ვხვდები. ამერიკაში ვარ გაზრდილი და არაფერი მიკვირს. მიმიჩნია, რომ ქართველობა მაინც უნდა შეინარჩუნო. იქ კი, თი-თქოს არ უნდათ, რომ ქართველები იყვნენ.
- გიორგი მამას გააცანი?
- მაქვს ურთიერთობა, ჩემიანებიდან ყველა იცნობს გიორგის. მამაჩემს გიორგი ძალიან უყვარს, რაგბის თამაშებზე ერთად დავდივართ, ბევრჯერ გვივახშმია ერთად. აქ ჩემს ბიძაშვილსა და მის მეუღლესთან გიორგი ძალიან მეგობრობს, ყოველდღე ერთად არიან.
- ამერიკაში როდის ბრუნდები?
- 15 სექტემბერს, თუმცა მანამდე იტალიაში ვაპირებ გამგზავრებას, შემდეგ საფრანგეთში, რა თქმა უნდა, გიორგისთან ერთად (იღიმის). მერე კი თბილისში დავბრუნდები და აქედან ამერიკაში. კიდევ როდის დავბრუნდები, არ ვიცი, შეიძლება, დამარტყას რაღაცამ და ერთ თვეში ჩამოვიდე უკან (იღიმის).
ნინო მურღულია
ჟურნალი ''რეიტინგი''
უკვე ორი წელია, რაც თეონა ჩვენს კოლეგაზე, გიორგი ბითაძეზეა შეყვარებული. ჯერჯერობით გიორგიმ მასთან ამერიკაში სტუმრობა ვერ მოახერხა, რადგან ვიზა არ ჩაურტყეს, სამაგიეროდ, თეონა, როგორც კი დროს გამონახავს, თბილისში ჩამოდის. ახლაც აქ არის. დრო ვიხელთეთ და მასთან ინტერვიუ ჩავწერეთ.
- რა ხდება შენს კარიერაში ამერიკაში?
- აქედან რომ წავედი, ჯერ მარტო ვმღეროდი, შემდეგ კი ბენდი შევქმენი, ვიფიქრე, რომ ცოცხალ ბენდთან მუშაობა უფრო წარმატებული იქნებოდა. მუსიკოსები იტალიელი ბიჭები არიან, რომლებთან ერთადაც სხვადასხვა ღონისძიებასა და მუსიკალურ ფესტივალში ვმონაწილეობ. გარდა ამისა, ვმუშაობთ სტუდიაში. მხოლოდ ქავერების სიმღერა აღარ არის საინტერესო, ამიტომაც გადავწყვიტეთ, იტალიურენოვანი სიმღერები ჩავწეროთ. გვინდა, საკუთარი კომპოზიციები გვქონდეს. შემდეგ ინგლისურენოვან სიმღერებსაც ჩავწერთ.
- პროდიუსერი თუ გყავთ?
- პროდიუსერი არ არის საჭირო. ვფიქრობ, იქ დამოუკიდებელი არტისტები უფრო წინ მიდიან. პროდიუსერის ყოლა ცუდი არ არის, მაგრამ საკუთარი თავის პატრონი არ ხარ, რაც გინდა, იმას ვერ გააკეთებ. თანაც, ახლა უკვე ძალიან ბევრი დამოუკიდებელი არტისტია, რომელიც ყველაფერს თავისით აკეთებს, ინტერნეტი არსებობს და ბევრი საშუალებაა.
გარდა ბენდისა, ერთ-ერთ კლუბში ცალკეც ვმუშაობ მომღერლად. ბენდი იმისთვის გაკეთდა, რომ ხალხმა გაგვიცნოს, მაგრამ ფულიც ხომ მჭირდება (იღიმის). მთელი ცხოვრება ვმღერი და ეს არის ჩემი საქმე. თანაც, უნივერსიტეტში სპორტულ მედიცინას ვსწავლობ, წელიწად-ნახევარი დამრჩა, სწავლა ექვსი წელი მიმდინარეობს. ეს იქნება ჩემი ძირითადი პროფესია.
- მას შემდეგ, რაც ''ნიჭიერში'' მიიღე მონაწილეობა, საქართველოდან არ გქონია მოწვევა?
- ერთი თვის წინ ჩამომიყვანეს, დიასპორის სამინისტრომ სხვადასხვა ემიგრანტი მომღერალი მოიწვია, რუსთაველის თეატრში დიდი კონცერტი გაიმართა, რომელშიც მონაწილეობა მივიღე. ''ნიჭიერი'' რომ არ ყოფილიყო, ალბათ, ვერ მიპოვიდნენ. სიამოვნებით ჩამოვიდოდი ბენდთან ერთად და გავმართავდი კონცერტს, თუ მომიწვევდნენ.
- ბენდის რეპერტუარში ქართული სიმღერები თუ გაქვთ?
- ბენდის რეპერტუარში არა, ქართულ რესტორანში ვმღეროდი, სანამ აქ ჩამოვიდოდი და ვასრულებდი ქართულ სიმღერებსაც. ახლა მანჰეტენზე იხსნება ახალი ქართული რესტორანი და შესაძლოა, იქ გავაგრძელო სიმღერა. სხვათა შორის, რაც ყველაზე კარგად გამომდის, ეს ნინო ქათამაძის სიმღერებია (იღიმის), თუმცა გია ყანჩელის კომპოზიციებსაც ვასრულებ. დედა ფილმში ''მხიარული რომანი'' ''იმღერე რამეს'' ასრულებდა და მისი რეპერტუარიდან სწორედ ეს სიმღერა ავარჩიე. აქაც ვიმღერე დიასპორის სამინისტროს კონცერტზე. მეგონა, რომ ქართული სიმღერის შესრულებისას კომპლექსი მექნებოდა, მაგრამ არ მიჭირს, მეც მომწონს და მგონი, მსმენელსაც.
- საქართველოს არანაირი გეგმები არ უკავშირდება?
- მქონდა ''X ფაქტორში'' მონაწილეობის შემოთავაზება, მაგრამ არ დავთანხმდი. არ მინდოდა. ვფიქრობ, საქართველოში კონკურსებში თავი ამოვწურე. ''ნიჭიერში'' გამოვედი, მაგრამ არანაირი განვითარება არ მოჰყვა. მინდა, ამერიკაში ვცადო ბედი, ''ვოისში''. მე ამერიკის მოქალაქეობა მაქვს და შემიძლია, თავისუფლად მივიღო მონაწილეობა. ახლა მინდოდა კასტინგებზე მისვლა, მეგონა, ცოტა ადრე იქნებოდა, მაგრამ კასტინგი დაემთხვა ჩემს საქართველოში ჩამოსვლას. მანამდეც, იანვარში, ანგინა დამემართა და ვეღარ შევძელი მისვლა. ნამდვილად ვიცი, რომ მინდა მონაწილეობა. ისიც მინდა ვთქვა, რომ ამერიკაში ძალიან დიდი კონკურენციაა, ყველა მღერის, მაგრამ ყველაფერი მაინც ბედია. ვფიქრობ, თუკი შეხება გაქვს მუსიკასთან, შეიძლება, გაგიმართლოს. ჩემი რა მიდის? ვცდი ბედს.
- გარეგნულ ცვლილებებს შევეხოთ. ძალიან გამხდარხარ, ტუჩი გაგიკეთებია და გაქერავებულხარ.
- რაც შეეხება სიგამხდრეს, თავში რაღაც გადამიტრიალდა, მსუქანი არ ვყოფილვარ, მაგრამ მანამდეც ვხედავდი, რომ მეტი წონა მქონდა ჩემს სიმაღლესთან შედარებით. ხალხი რომ მეუბნებოდა, ცოტა დაკლება არ გინდაო, ვპასუხობდი, არა-მეთქი. საქართველოდან ამერიკაში რომ დავბრუნდი, მარტში, მაშინ გადავწყვიტე, უნდა გავხდე-მეთქი. მას მერე ყოველდღე ტრენაჟორებზე ვვარჯიშობ. თუ ცუდად ვარ, მხოლოდ ერთ დღეს ვაგდებ ხოლმე. ჭამაც შევზღუდე, არანაირ ცომეულსა და ტკ-ბილეულს არ ვიღებ, არც შაქარს ვიყრი. 18 მარტიდან მოყოლებული საკმაოდ დავიკელი. ახლა საკუთარი თავი უფრო მომწონს. რაც შეეხება თმას, გავიქერავე, ტუჩიც გავიკეთე. ცხვირის გაკეთებაც მინდა, კეხის მოშორება, ძგიდის გასწორება, მაგრამ მეშინია.
- ტუჩის გაკეთება რამ გადაგაწყვეტინა?
- იმან, რომ საერთოდ არ მქონდა (იცინის). საქართველოში გავიკეთე და გადავიხადე 350 ლარი, მაშინ, როდესაც ამერიკაში იგივე ოპერაცია 700 დოლარი ჯდება. თანაც, ვისაც იქ გაუკეთებია, არ იყო კმაყოფილი. აქ კი კმაყოფილი დავრჩი, თანხითაც და გაკეთებითაც.
- ახერხებ შენი თავის შენახვას კლუბში მუშაობით?
- იმდენს გამოვიმუშავებ, რომ მყოფნის, ძალიან კარგად მიხდიან. ერთ სიმღერაში დაახლოებით ას დოლარს ვიღებ, მთელ საღამოს რვა სიმღერას ვასრულებ და სამუშაო დღეებია ხუთშაბათი, პა-რასკევი, შაბათი და კვირა. იმიტომაც არ მინდა საქართველოში სულ ჩამოსვლა. არადა, აქ შეყვარებული მყავს, მაგრამ ის ვერაფრით მესტუმრა ამერიკაში, რადგან ვიზას არ ურტყამენ, საბუთები წესრიგში ჰქონდა. ამბობს, დათარსული ვარო. ჯერჯერობით ჩემებთან ვცხოვრობ, თუ ჩემი შეყვარებული ჩამოვა, ცალკე გადავალთ საცხოვრებლად.
- გაგვიმხილე მისი ვინაობა.
- ორი წელია, გიორგი ბითაძესთან ერთად ვარ. ბათუმში გავიცანით ერთმანეთი. მას მერე წინ და უკან დავდივარ და ვიტანჯები. აქ ჯერ ვერაფერს ახერხებს, ჟურნალისტიკის ფაკულტეტი აქვს დამთავრებული. ასეთი ქართველი ბიჭი არ მინახავს. ვფიქრობ, მაინც არ არის ტიპური ქართველი. ჩაცმულობითაც განსხვავებულია, იცვამს ისე, როგორც მე მომწონს. სპორტულებში დადის. აქვს სასწაული აღნაგობა, ეწევა ჯანსაღი ცხოვრების წესს, არ სვამს, არ მოუწევია სიგარეტი, სპორტს მისდევს. ესეც იყო ჩემი სტიმული, რომ გავმხდარიყავი. სულ მეუბნებოდა, შეგიძლია ამის გაკეთებაო. თავადაც მაძლევდა ამის სტიმულს.
- არ ეჭვიანობთ ერთმანეთზე, შორი-შორს რომ ხართ?
- ძალიან რთულია, მაგრამ ერთმანეთს ძალიან ვენდობით. ზოგადად, ეჭვიანი ადამიანი ვარ, მაგრამ როცა ადამიანი დაგანახვებს, რომ ეჭვიანი არ უნდა იყო... ალბათ, სხვა შემთხვევაში ორი წელი ერთად ვერ გავძლებდით.
- სიმღერებს უძღვნი ხოლმე?
- ყველა სიმღერა მოსწონს, რასაც ვასრულებ. გიორგი სულ მეუბნება, რომ ''ვოისში'' გავიდე. მან თავდაჯერება შემმატა. ამ სიყვარულმა ძალიან შემცვალა (იღიმის)!..
- ვიცი, რომ ძალიან გინდოდა ქართველი ბიჭი შენ გვერდით.
- მინდოდა, მაგრამ ამერიკაში გაცნობილმა ქართველმა ბიჭებმა, არ მინდა ცუდის თქმა, მაგრამ ჩემი იმედები ვერ გაამართლეს. ბევრი გოიმური საქციელი დავინახე მათგან, თითქოს თავში აქვთ ავარდნილი, რომ ამერიკაში ცხოვრობენ. რაღაცნაირად ძველბიჭობენ, რასაც ვერ ვხვდები. ამერიკაში ვარ გაზრდილი და არაფერი მიკვირს. მიმიჩნია, რომ ქართველობა მაინც უნდა შეინარჩუნო. იქ კი, თი-თქოს არ უნდათ, რომ ქართველები იყვნენ.
- გიორგი მამას გააცანი?
- მაქვს ურთიერთობა, ჩემიანებიდან ყველა იცნობს გიორგის. მამაჩემს გიორგი ძალიან უყვარს, რაგბის თამაშებზე ერთად დავდივართ, ბევრჯერ გვივახშმია ერთად. აქ ჩემს ბიძაშვილსა და მის მეუღლესთან გიორგი ძალიან მეგობრობს, ყოველდღე ერთად არიან.
- ამერიკაში როდის ბრუნდები?
- 15 სექტემბერს, თუმცა მანამდე იტალიაში ვაპირებ გამგზავრებას, შემდეგ საფრანგეთში, რა თქმა უნდა, გიორგისთან ერთად (იღიმის). მერე კი თბილისში დავბრუნდები და აქედან ამერიკაში. კიდევ როდის დავბრუნდები, არ ვიცი, შეიძლება, დამარტყას რაღაცამ და ერთ თვეში ჩამოვიდე უკან (იღიმის).
ნინო მურღულია
ჟურნალი ''რეიტინგი''
