3 წლის ბავშვმა 10 დღე უღრან ტყეში გაატარა - უპრეცედენტო სამაშველო ოპერაცია ტაიგაში
1 910 ნახვა
სამაშველო ოპერაციის წევრები ტყეში დაკარგულ 3 წლის გოგონა ათი დღე ეძებდნენ. შემთხვევა იაკუტიის ტაიგაში მოხდა. საბოლოოდ პატარა თავისი სოფლიდან ექვს კილომეტრში იპოვეს. ბავშვი მაშინვე გადაიყვანეს რაიონულ საავადმყოფოში რეაბილიტაციისთვის – ექიმები ამბობენ, რომ საკმაოდ მძიმე მდგომარეობაშია.
მის სოფელში სულ რვა ადამიანი ცხოვრობს. ბავშვი დედამ და ბებიამ წაიყვანეს იქ, თიბვის პერიოდში რომ დახმარებოდნენ კაცებს.
29 ივლისს პატარა ბებიასთან დატოვეს. ბებიას ჩაუთვლემია, ხოლო როცა გაიღვიძა, შვილიშვილი ვეღარ იპოვა. არც ბებია და არც დედა არ აღელვებულან – მათ იფიქრეს, რომ გოგონა მამამ წაიყვანა. მთელი ოთხი დღე ბავშვი არავის არ უძებნია. მხოლოდ ოთხი დღის შემდეგ, 2 აგვისტოს, როცა კარინას მამამ სახლში შეიარა, გაირკვა, რომ უბედურება დატრიალებულა. მაშინ დაიწყეს პატარის ძებნა.
ტაიგას უპილოტო საფრენი აპარატებით, უამრავი ფეხით მოსიარულე მაშველით უვლიდნენ გარს. მეხუთე დღეს სოფელში ძაღლი დაბრუნდა, რომელიც გოგონას ახლდა თან – მშიერი და დაუძლურებული. ძაღლთან ერთად გააგრძელეს მაშველებმა ძიება და ბავშვის კვალს მეექვსე დღეს მიაგნეს, რის შემდეგაც გააძლიერეს მუშაობა და დაკარგვიდან მეათე დღეს მიაგნეს პატარას, რომელიც, საბედნიეროდ, ცოცხალი გადარჩა.
არადა, უკვე ყველას ეგონა, რომ მხოლოდ გარდაცვლილს თუ მიაკვლევდნენ, რადგან მსგავსი ფაქტი არაერთი მომხდარა და ტყეში შიშისა თუ შიმშილისგან არაერთი ბავშვი გარდაცვლილა.
მის სოფელში სულ რვა ადამიანი ცხოვრობს. ბავშვი დედამ და ბებიამ წაიყვანეს იქ, თიბვის პერიოდში რომ დახმარებოდნენ კაცებს.
29 ივლისს პატარა ბებიასთან დატოვეს. ბებიას ჩაუთვლემია, ხოლო როცა გაიღვიძა, შვილიშვილი ვეღარ იპოვა. არც ბებია და არც დედა არ აღელვებულან – მათ იფიქრეს, რომ გოგონა მამამ წაიყვანა. მთელი ოთხი დღე ბავშვი არავის არ უძებნია. მხოლოდ ოთხი დღის შემდეგ, 2 აგვისტოს, როცა კარინას მამამ სახლში შეიარა, გაირკვა, რომ უბედურება დატრიალებულა. მაშინ დაიწყეს პატარის ძებნა.
ტაიგას უპილოტო საფრენი აპარატებით, უამრავი ფეხით მოსიარულე მაშველით უვლიდნენ გარს. მეხუთე დღეს სოფელში ძაღლი დაბრუნდა, რომელიც გოგონას ახლდა თან – მშიერი და დაუძლურებული. ძაღლთან ერთად გააგრძელეს მაშველებმა ძიება და ბავშვის კვალს მეექვსე დღეს მიაგნეს, რის შემდეგაც გააძლიერეს მუშაობა და დაკარგვიდან მეათე დღეს მიაგნეს პატარას, რომელიც, საბედნიეროდ, ცოცხალი გადარჩა.
არადა, უკვე ყველას ეგონა, რომ მხოლოდ გარდაცვლილს თუ მიაკვლევდნენ, რადგან მსგავსი ფაქტი არაერთი მომხდარა და ტყეში შიშისა თუ შიმშილისგან არაერთი ბავშვი გარდაცვლილა.
