''ძმაკაცები მეუბნებიან, ნინო ქათამაძისნაირად იცვამო''
1 963 ნახვა
გემომეტრის სტუმრები გიორგი მახარაშვილი და მზია ორველაშვილი ფავორიტი სამოსის მაღაზიებისა და სილამაზის სალონების შესახებ ისაუბრებენ.
გიორგი:
- თუ გავიგე, რომ სადმე ჩემი ზომა ფეხსაცმელი იყიდება, მომწონს-არ მომწონს, მაშინვე ვყიდულობ, ერთადერთია, რაშიც ფული არ მენანება, 47 ზომა ფეხი მაქვს და სულ პრობლემაა ეს თემა ჩემთვის. შოპინგზე გაყოლა არ მეზარება, მაგრამ ჩემთვის წასვლა - კი, პირველივე, რაც შემხვდება, იმას ვყიდულობ. ასევე ვიწერ ინტერნეტიდან. მაღაზიებიდან ძალიან მომწონს ''მასიმო დუტი'', მიუხედავად იმისა, რომ მე იმ სტილზე არ ვიცვამ, რა სამოსიც იქაა წარმოდგენილი, სულ რამდენიმე მაისური მაქვს იქ ნაყიდი, ასევე მომწონს ''გეპი'', თავისუფალი სტილის სამოსია და ამ ბოლო დროს დავიწყე ასეთი რაღაცების მორგება. ძმაკაცები მეუბნებიან, დაანებე ''გეპის'' დიდ მაისურებს თავი, თორემ უკვე ნინო ქათამაძისნაირად იცვამო, კიდევ მომწონს ''სმარტდრაივი'' და აბაშიძეზე ბუტიკი თაკე თწო.
- აქსესუარების მომხმარებელი თუ ხარ და სად ყიდულობ?
- საათი სულ მიკეთია, მაგრამ არ ვიყენებ, დროის გაგება რომ მჭირდება, მობილურს დავხედავ, მაგრამ აუცილებლად უნდა მეკეთოს. ოპტიკურ სათვალეს ვიყენებ, ამიტომ მზის სათვალეს ნაკლებად ვხმარობ, თუმცა მაჩუქეს და მომწონს, რამდენადაც ვიცი, ძალიან ძვირი გადაიხადეს და ნერვები მომეშალა. ყველაზე ცუდი კი ისაა, რომ ძვირიან სათვალის მაღაზიებში 700 ლარს მისცემ სათვალეში, გამოხვალ და იმავე დიზაინით 10 ლარად ნახავ, ანუ იმდენად იდენტურია, რომ განსხვავებას ვერ შეამჩნევ, თუ კარგად ვერ ერკვევი.
- თმის მოსაწესრიგებლად სად დადიხარ?
- სოლოლაკში ვცხოვრობ და თმას ბავშვობიდან იქვე მდებარე საპარიკმახეროში ნატაშასთან ვიჭრი. ვიცი, რომ ძალიან კარგია ირინა ონაშვილის სალონი Lე Bლანც, ''ნატალი'' და ''მელანჟი'', თუმცა მე, ძირითადად, ნატაშასთან ვიჭრი.
მზია:
- ბრენდებზე გადარეული არ ვარ და არც რომელიმე მაღაზია მაქვს ამოჩემებული, სადაც მომეწონება რამე, ვყიდულობ. ჩემს გემოვნებას აკმაყოფილებს ''ზარას'' მაღაზია, რუსთაველზე რომ გაიხსნა სავაჭრო ცენტრი, იქ დავდივარ ხოლმე. ძალიან მიყვარს სპორტული სამოსი, ამიტომ ''ნაიკისა'' და ''პუმას'' მაღაზიებს ვანიჭებ უპირატესობას. მიუხედავად იმისა, რომ უკვე დიდი ხანია, ''თბილისი მოლი'' ფუნქციონირებს, არ ვყოფილვარ, რადგან დრო არ მქონდა. ფეხსაცმელს, ძირითადად, საქართველოში არ ვყიდულობ, როცა ვხვდები, გერმანიასა და კიევში ვიძენ, კედებსა და სპორტულ ფეხსაცმელს კი - ''ნაიკიში''.
ჩვენთან აქსესუარები ძალიან ძვირი ღირს, რაც, ჩემი აზრით, გადაყრილი ფულია, სათვალეში 400 ლარის გადახდა სისულელეა. საზღვარგარეთ ბევრად იაფად იყიდი იმავე სათვალეს.
- მზია, ამოჩემებული სილამაზის სალონი თუ გაქვს?
- სალონი და სტილისტი უკვე წლებია ამოჩემებული მყავს, ესაა რიჩარდი ''ნატალიში'', იქ ვიკეთებ ყველაფერს, ერთადერთი, რაც არ გამიკეთებია ''ნატალიში'' და არ ვიცი, როგორ აკეთებენ, ფრჩხილებია. თითქმის ყოველთვის ჟელეთი დაგრძელებული ფრჩხილები მაქვს, საქართველოში კი ვერ ვიპოვე ისეთი ადამიანი, რომელიც ისე გამიკეთებს, როგორც მინდა. თბილისში ასე გაკეთებული ფრჩხილებით რომ ჩამოვედი, გამიფუჭეს, ამიტომ საქართველოში წამოსვლის წინ მოძრობა მიწევს ხოლმე.
''ნატალის'' მუდმივი სტუმარი ვარ, სხვა სალონებს თითქმის არ ვიცნობ, მაგრამ გამიგია, რომ სალონი ''ანანო'' ძალიან კარგია.
თეკლა ჟვანია
ჟურნალი ''რეიტინგი''
გიორგი:
- თუ გავიგე, რომ სადმე ჩემი ზომა ფეხსაცმელი იყიდება, მომწონს-არ მომწონს, მაშინვე ვყიდულობ, ერთადერთია, რაშიც ფული არ მენანება, 47 ზომა ფეხი მაქვს და სულ პრობლემაა ეს თემა ჩემთვის. შოპინგზე გაყოლა არ მეზარება, მაგრამ ჩემთვის წასვლა - კი, პირველივე, რაც შემხვდება, იმას ვყიდულობ. ასევე ვიწერ ინტერნეტიდან. მაღაზიებიდან ძალიან მომწონს ''მასიმო დუტი'', მიუხედავად იმისა, რომ მე იმ სტილზე არ ვიცვამ, რა სამოსიც იქაა წარმოდგენილი, სულ რამდენიმე მაისური მაქვს იქ ნაყიდი, ასევე მომწონს ''გეპი'', თავისუფალი სტილის სამოსია და ამ ბოლო დროს დავიწყე ასეთი რაღაცების მორგება. ძმაკაცები მეუბნებიან, დაანებე ''გეპის'' დიდ მაისურებს თავი, თორემ უკვე ნინო ქათამაძისნაირად იცვამო, კიდევ მომწონს ''სმარტდრაივი'' და აბაშიძეზე ბუტიკი თაკე თწო.
- აქსესუარების მომხმარებელი თუ ხარ და სად ყიდულობ?
- საათი სულ მიკეთია, მაგრამ არ ვიყენებ, დროის გაგება რომ მჭირდება, მობილურს დავხედავ, მაგრამ აუცილებლად უნდა მეკეთოს. ოპტიკურ სათვალეს ვიყენებ, ამიტომ მზის სათვალეს ნაკლებად ვხმარობ, თუმცა მაჩუქეს და მომწონს, რამდენადაც ვიცი, ძალიან ძვირი გადაიხადეს და ნერვები მომეშალა. ყველაზე ცუდი კი ისაა, რომ ძვირიან სათვალის მაღაზიებში 700 ლარს მისცემ სათვალეში, გამოხვალ და იმავე დიზაინით 10 ლარად ნახავ, ანუ იმდენად იდენტურია, რომ განსხვავებას ვერ შეამჩნევ, თუ კარგად ვერ ერკვევი.
- თმის მოსაწესრიგებლად სად დადიხარ?
- სოლოლაკში ვცხოვრობ და თმას ბავშვობიდან იქვე მდებარე საპარიკმახეროში ნატაშასთან ვიჭრი. ვიცი, რომ ძალიან კარგია ირინა ონაშვილის სალონი Lე Bლანც, ''ნატალი'' და ''მელანჟი'', თუმცა მე, ძირითადად, ნატაშასთან ვიჭრი.
მზია:
- ბრენდებზე გადარეული არ ვარ და არც რომელიმე მაღაზია მაქვს ამოჩემებული, სადაც მომეწონება რამე, ვყიდულობ. ჩემს გემოვნებას აკმაყოფილებს ''ზარას'' მაღაზია, რუსთაველზე რომ გაიხსნა სავაჭრო ცენტრი, იქ დავდივარ ხოლმე. ძალიან მიყვარს სპორტული სამოსი, ამიტომ ''ნაიკისა'' და ''პუმას'' მაღაზიებს ვანიჭებ უპირატესობას. მიუხედავად იმისა, რომ უკვე დიდი ხანია, ''თბილისი მოლი'' ფუნქციონირებს, არ ვყოფილვარ, რადგან დრო არ მქონდა. ფეხსაცმელს, ძირითადად, საქართველოში არ ვყიდულობ, როცა ვხვდები, გერმანიასა და კიევში ვიძენ, კედებსა და სპორტულ ფეხსაცმელს კი - ''ნაიკიში''.
ჩვენთან აქსესუარები ძალიან ძვირი ღირს, რაც, ჩემი აზრით, გადაყრილი ფულია, სათვალეში 400 ლარის გადახდა სისულელეა. საზღვარგარეთ ბევრად იაფად იყიდი იმავე სათვალეს.
- მზია, ამოჩემებული სილამაზის სალონი თუ გაქვს?
- სალონი და სტილისტი უკვე წლებია ამოჩემებული მყავს, ესაა რიჩარდი ''ნატალიში'', იქ ვიკეთებ ყველაფერს, ერთადერთი, რაც არ გამიკეთებია ''ნატალიში'' და არ ვიცი, როგორ აკეთებენ, ფრჩხილებია. თითქმის ყოველთვის ჟელეთი დაგრძელებული ფრჩხილები მაქვს, საქართველოში კი ვერ ვიპოვე ისეთი ადამიანი, რომელიც ისე გამიკეთებს, როგორც მინდა. თბილისში ასე გაკეთებული ფრჩხილებით რომ ჩამოვედი, გამიფუჭეს, ამიტომ საქართველოში წამოსვლის წინ მოძრობა მიწევს ხოლმე.
''ნატალის'' მუდმივი სტუმარი ვარ, სხვა სალონებს თითქმის არ ვიცნობ, მაგრამ გამიგია, რომ სალონი ''ანანო'' ძალიან კარგია.
თეკლა ჟვანია
ჟურნალი ''რეიტინგი''
