ანრი ჯოხაძე: "ჩემი გული თავისუფალი არ არის, მაგრამ ოჯახის შექმნას არ ვაპირებ"
1 872 ნახვა
მომღერალი ანრი ჯოხაძე ზედმეტ კილოგრამებთან ბრძოლას შეეშვა, ქაოსური დღის რეჟიმი გამოასწორა და ახალ სიმღერაზეც დაიწყო მუშაობა. ნიკო გომელაურის ლექსზე შექმნილ სიმღერაზე ვიდეოკლიპის გადაღებას გეგმავს, რეჟისორი კი, რა თქმა უნდა, თავად იქნება. ბევრი მისი კოლეგის მსგავსად, არ თვლის, რომ ქართული შოუბიზნესი ერთ ადგილას გაიყინა და სასიკეთო არაფერი ხდება. თვითონ საკუთარ თავზე მუდმივად მუშაობს და შედეგიც აქვს – თავს სიმღერით ირჩენს. ახლახან დიდი ხნის მეგობარი, სომეხი მომღერალი, ევა რივასი ჰყავდა სტუმრად. სოციალურ ქსელში მათი ერთად გადაღებული ფოტოები გავრცელდა და ხალხი კიდევ ერთხელ ალაპარაკდა ორი მომღერლის რომანზე, მაგრამ, ანრის თქმით, მათ შორის სერიოზული არაფერი ხდება და ევასთან მხოლოდ მეგობრობა აკავშირებს.
– ანრი, როგორ ატარებთ ზაფხულს?
– ძალიან ცუდად, იმიტომ, რომ ბევრი სამუშაო მაქვს და დასვენებისთვის ვერ ვიცლი. თუმცა კარგი გეგმები მაქვს, ნიკო გომელაურის ლექსზე "ჩემს ქალაქში" ახალი ვიდეოკლიპის გადაღებას ვაპირებ. ეს კლიპიც სოციალურ თემაზე იქნება და ბევრი ცნობილი ქართველი მიიღებს მონაწილეობას. ვფიქრობ, მასშტაბური გამოვა.
– თქვენი ბოლო ნამუშევარი "განა ყველა ქალი ქალია" საკმაოდ აქტუალურ თემას, ქალთა მიმართ ძალადობას ეხმაურება. ეს თქვენი მხრიდან პროტესტი იყო?
– ეს ძალიან მტკივნეული თემაა. ძალადობა ცნობიერებას უნგრევს მომავალ თაობას და არა მარტო – მათ. ვინც ამგვარ ოჯახებში იზრდებიან, წარმოიდგინეთ, როგორი უბედურები არიან. ზოგიერთი საშინელი ძალადობის მსხვერპლია. ამ ვიდეოკლიპის პოპულარობა მხოლოდ თემის აქტუალობას არ გამოუწვევია – კარგად მოსასმენი სიმღერაა. თითქმის 400 ათასი ნახვა აქვს "იუთუბზე". დიდი ხანია ქართული პოპსიმღერა ჩვენთან არ გაჰიტებულა, ძირითადად ფანოღები ჰიტდება. მეც მიმღერია რამდენიმე ფანოღური სიმღერა, რომლებიც ძალიან პოპულარული გამხდარა, მათ შორის – "ია, ია", რომელიც ეთერ კაკულიასთან ერთად შევასრულე. მაგრამ ამ ბოლო დროს ეჭვი შემეპარა, რომ მხოლოდ ფანოღური სიმღერებია საქართველოში პოპულარული და ამას ჩემი ბოლო ნამუშევარი მოწმობს. ანუ ლამაზ პოპსიმღერას ჩვენს დროში ყურადღებას კიდევ აქცევენ.
– ყველა სიმღერაზე კლიპს თავად იღებთ. არ ენდობით სხვა რეჟისორებს?
– როგორ არ ვენდობი, დიდი სიამოვნებით ვითანამშრომლებდი სხვა რეჟისორებთან, რომლებიც ჩემზე ბევრად პროფესიონალები არიან, უბრალოდ, აქ სხვა, შიდა დეტალებია, თუნდაც პროფესიული ინტერესი. კლიპის გადაღების შემდეგ მე თვითონ ყველაფერს ყურადღებით ვამონტაჟებ. სხვათა შორის, მუსიკალური მონტაჟი, ანუ დინამიკური მონტაჟი რეჟისორებს ხშირად არ გამოსდით. რეჟისორობა არასდროს დამიჩემებია, მაგრამ შემიძლია ვთქვა, რომ ძალიან კარგად ვიცი მონტაჟი.
– პროექტში "ორი ვარსკვლავი" წარმატებას ვერ მიაღწიეთ, მაგრამ, მგონი, კარგი მეგობარი შეიძინეთ დალი ჩიტალაძის სახით, რომელიც თქვენი პარტნიორი იყო.
– მე და დალი ვძმაკაცობთ, მუდმივად ვეკონტაქტებით ერთმანეთს. "ორი ვარსკვლავი" ძალიან სასიამოვნოდ მახსენდება, მიუხედავად იმისა, რომ დიდი კრიტიკა გამოიწვია, ვფიქრობ, მაინც შედგა, ხალხი უყურებდა. მთავარი კი ის იყო, რომ ძალიან კარგ სიმღერებს ვმღეროდით. ქართველ მომღერლებს არ გვაქვს იმის ფუფუნება, რომ ყოველ კვირა ეკრანზე გამოვიდეთ და ვიმღეროთ ის, რაც გვინდა და მოგვწონს. იმ პროექტში კი ვარჩევდი იმ სიმღერებს, რისი შესრულებაც მინდოდა. ეს არაპროფესიონალი მომღერლების შეჯიბრი იყო, მაყურებელმა კი თავიდან კონკურსის აზრი ვერ გაიგო. თუკი შეიძლებოდა პროექტში "ცეკვავენ ვარსკვლავები" ანრი ჯოხაძეს ეცეკვა, რომელსაც ცეკვის არაფერი გაეგება, რატომ არ შეიძლებოდა დალი ჩიტალაძეს ემღერა? მას სიმღერა ბევრად კარგად გამოსდის, ვიდრე მე – ცეკვა.
– როგორც მუსიკოსი და მომღერალი, სხვადასხვა მუსიკალურ პროექტებს როგორ აფასებთ, ეს ქართულ შოუბიზნესს რამეს მატებს?
– ამ პროექტებში ჩნდებიან, მაგრამ ხშირ შემთხვევაში მალევე ქრებიან. ბევრი ნიჭიერი ადამიანი აღმოუჩენია რომელიღაც პროექტს, მაგრამ, სამწუხაროდ, შემდეგ მათ საეჭვო რეპუტაციის კლუბებში გაუგრძელებიათ სიმღერა. ვისურვებდი, რომ ის ადამიანები ნამდვილად შედგნენ, როგორც პროდუქტიული მომღერლები იმ ინდუსტრიაში, რომელსაც ქართული შოუბიზნესი ჰქვია.
– თქვენგან განსხვავებით, ბევრი თვლის, რომ ქართული შოუბიზნესი აღარ არსებობს.
– ჩვენ გვაქვს შოუბიზნესი! შეგვიძლია ამით ვიცხოვროთ, ვაკეთოთ სიახლეები და მივაწოდოთ საზოგადოებას.
– ამას ბევრი რატომ ვერ ახერხებს?
– მათ უნდა ჰკითხოთ. მე ვაკეთებ და შედეგიც მაქვს.
– ქართველი პროდიუსერების შესახებ თქვენი და მუსიკოს მარინა ბერიძის ორმხრივმა კომენტარებმა პრესაში ისეთი შთაბეჭდილება შექმნა, რომ მასთან დაპირისპირებული ხართ...
– ეგ ვინ არის? გავიცინოთ და შემდეგ კითხვაზე გადავიდეთ.
– როგორ ფიქრობთ, პროდიუსინგი რამდენად განვითარებულია ჩვენთან?
– ჩვენთან არ ესმით, რომ პროდიუსერი ქმნის პროდუქციას. საკუთარ თავს ყველა პროდიუსერს უწოდებს, ხშირ შემთხვევაში კი მხოლოდ კარგი მენეჯერები არიან. ქართველები კრეატიული ხალხი ვართ, ისეთი რაღაცეების წარმოსახვა და დაჯერება შეგვიძლია, ყველა მეორე კარგი პროდიუსერი შეიძლება აღმოჩნდეს. მე პირადად მხოლოდ საკუთარი თავის პროდიუსინგით ვარ დაინტერესებული, რადგან ჩემზე კარგი პროდუქტის მოძებნა ძალიან მიჭირს.
– ინტერვიუს დროს შევთანხმდით, რომ ყოფილ მეგობარზე, მომღერალ ვერიკო ტურაშვილზე კითხვას არ დაგისვამდით, ამიტომ ზოგადად გკითხავთ – შოუბიზნესში მეგობრობა შესაძლებელია?
– ის ურთიერთობა, რომელიც იგულისხმეთ, შოუბიზნესიდან არ დაწყებულა, უფრო ღრმა ყმაწვილობიდან იღებს სათავეს. სხვათა შორის, ნათელმირონობაც კი არის შუაში... ამაზე არაფერს ვიტყვი. შოუბიზნესში მეგობრობა შესაძლებელია. ეს სფერო შურისა და ბოღმის სამყარო ნამდვილად არ არის. სხვა სფეროებში გაცილებით მეტი შურია, ვიდრე აქ. სხვათა შორის, ვინც იხედება ჩვენს შოუბიზნესში, ხშირად აღნიშნავენ, რომ აქ ძალიან კარგი ურთიერთობებია.
– ცოტა ხნის წინ თქვენი მეგობარი, სომეხი მომღერალი ევა რივასი იყო საქართველოში. პროექტში "ცეკვავენ ვარსკვლავები" ერთადაც იმღერეთ. როგორ დახვდით მეგობარს?
– ევა საქართველოში რამდენიმეჯერ იყო სტუმრად, ოღონდ პრივატულად. შესაბამისად, ეს არ იყო ჩვენი პირველი შეხვედრა.
– სოციალურ ქსელში დაიწყეს საუბარი თქვენი რომანის შესახებ, წერდნენ, რომ კარგი წყვილი ხართ...
– კარგია, რომ ასე აღგვიქვეს, მაგრამ ჩვენ მხოლოდ მეგობრები ვართ.
– ანუ თქვენი გული თავისუფალია?
– ჩემი გული თავისუფალი არ არის, მაგრამ ეს იმას არ ნიშნავს, რომ ოჯახის შექმნას ვაპირებ. როცა ეს მოხდება, რა თქმა უნდა, "სარკე" გაიგებს. საერთოდ, ხალხი უფრო დარდობს ჩემს პირად ცხოვრებაზე, ვიდრე მე. სინამდვილეში ყველაფერი ძალიან უბრალოდ და ლამაზად არის. ჩემს ცხოვრებაში არიან ადამიანები, რომლებიც მაბედნიერებენ.
– ინტერვიუს ბოლოს აუცილებლად უნდა გკითხოთ დიეტაზე, აგრძელებთ კილოგრამებთან ბრძოლას?
– დიეტას აღარ ვიცავ, იმიტომ, რომ მივხვდი, ნერვებს ვიფუჭებდი. მე კი მინდა, სულ კარგ ხასიათზე ვიყო. შესაბამისად, არ შეიძლება დიეტაზე ჩემი ყოფნა. სამაგიეროდ, ჩემი დღის რეჟიმი გამოსწორდა, ისეთი ქაოსური აღარ არის, როგორც ადრე.
მანანა ნოდია, ჟურნალი სარკე
– ანრი, როგორ ატარებთ ზაფხულს?
– ძალიან ცუდად, იმიტომ, რომ ბევრი სამუშაო მაქვს და დასვენებისთვის ვერ ვიცლი. თუმცა კარგი გეგმები მაქვს, ნიკო გომელაურის ლექსზე "ჩემს ქალაქში" ახალი ვიდეოკლიპის გადაღებას ვაპირებ. ეს კლიპიც სოციალურ თემაზე იქნება და ბევრი ცნობილი ქართველი მიიღებს მონაწილეობას. ვფიქრობ, მასშტაბური გამოვა.
– თქვენი ბოლო ნამუშევარი "განა ყველა ქალი ქალია" საკმაოდ აქტუალურ თემას, ქალთა მიმართ ძალადობას ეხმაურება. ეს თქვენი მხრიდან პროტესტი იყო?
– ეს ძალიან მტკივნეული თემაა. ძალადობა ცნობიერებას უნგრევს მომავალ თაობას და არა მარტო – მათ. ვინც ამგვარ ოჯახებში იზრდებიან, წარმოიდგინეთ, როგორი უბედურები არიან. ზოგიერთი საშინელი ძალადობის მსხვერპლია. ამ ვიდეოკლიპის პოპულარობა მხოლოდ თემის აქტუალობას არ გამოუწვევია – კარგად მოსასმენი სიმღერაა. თითქმის 400 ათასი ნახვა აქვს "იუთუბზე". დიდი ხანია ქართული პოპსიმღერა ჩვენთან არ გაჰიტებულა, ძირითადად ფანოღები ჰიტდება. მეც მიმღერია რამდენიმე ფანოღური სიმღერა, რომლებიც ძალიან პოპულარული გამხდარა, მათ შორის – "ია, ია", რომელიც ეთერ კაკულიასთან ერთად შევასრულე. მაგრამ ამ ბოლო დროს ეჭვი შემეპარა, რომ მხოლოდ ფანოღური სიმღერებია საქართველოში პოპულარული და ამას ჩემი ბოლო ნამუშევარი მოწმობს. ანუ ლამაზ პოპსიმღერას ჩვენს დროში ყურადღებას კიდევ აქცევენ.
– ყველა სიმღერაზე კლიპს თავად იღებთ. არ ენდობით სხვა რეჟისორებს?
– როგორ არ ვენდობი, დიდი სიამოვნებით ვითანამშრომლებდი სხვა რეჟისორებთან, რომლებიც ჩემზე ბევრად პროფესიონალები არიან, უბრალოდ, აქ სხვა, შიდა დეტალებია, თუნდაც პროფესიული ინტერესი. კლიპის გადაღების შემდეგ მე თვითონ ყველაფერს ყურადღებით ვამონტაჟებ. სხვათა შორის, მუსიკალური მონტაჟი, ანუ დინამიკური მონტაჟი რეჟისორებს ხშირად არ გამოსდით. რეჟისორობა არასდროს დამიჩემებია, მაგრამ შემიძლია ვთქვა, რომ ძალიან კარგად ვიცი მონტაჟი.
– პროექტში "ორი ვარსკვლავი" წარმატებას ვერ მიაღწიეთ, მაგრამ, მგონი, კარგი მეგობარი შეიძინეთ დალი ჩიტალაძის სახით, რომელიც თქვენი პარტნიორი იყო.
– მე და დალი ვძმაკაცობთ, მუდმივად ვეკონტაქტებით ერთმანეთს. "ორი ვარსკვლავი" ძალიან სასიამოვნოდ მახსენდება, მიუხედავად იმისა, რომ დიდი კრიტიკა გამოიწვია, ვფიქრობ, მაინც შედგა, ხალხი უყურებდა. მთავარი კი ის იყო, რომ ძალიან კარგ სიმღერებს ვმღეროდით. ქართველ მომღერლებს არ გვაქვს იმის ფუფუნება, რომ ყოველ კვირა ეკრანზე გამოვიდეთ და ვიმღეროთ ის, რაც გვინდა და მოგვწონს. იმ პროექტში კი ვარჩევდი იმ სიმღერებს, რისი შესრულებაც მინდოდა. ეს არაპროფესიონალი მომღერლების შეჯიბრი იყო, მაყურებელმა კი თავიდან კონკურსის აზრი ვერ გაიგო. თუკი შეიძლებოდა პროექტში "ცეკვავენ ვარსკვლავები" ანრი ჯოხაძეს ეცეკვა, რომელსაც ცეკვის არაფერი გაეგება, რატომ არ შეიძლებოდა დალი ჩიტალაძეს ემღერა? მას სიმღერა ბევრად კარგად გამოსდის, ვიდრე მე – ცეკვა.
– როგორც მუსიკოსი და მომღერალი, სხვადასხვა მუსიკალურ პროექტებს როგორ აფასებთ, ეს ქართულ შოუბიზნესს რამეს მატებს?
– ამ პროექტებში ჩნდებიან, მაგრამ ხშირ შემთხვევაში მალევე ქრებიან. ბევრი ნიჭიერი ადამიანი აღმოუჩენია რომელიღაც პროექტს, მაგრამ, სამწუხაროდ, შემდეგ მათ საეჭვო რეპუტაციის კლუბებში გაუგრძელებიათ სიმღერა. ვისურვებდი, რომ ის ადამიანები ნამდვილად შედგნენ, როგორც პროდუქტიული მომღერლები იმ ინდუსტრიაში, რომელსაც ქართული შოუბიზნესი ჰქვია.
– თქვენგან განსხვავებით, ბევრი თვლის, რომ ქართული შოუბიზნესი აღარ არსებობს.
– ჩვენ გვაქვს შოუბიზნესი! შეგვიძლია ამით ვიცხოვროთ, ვაკეთოთ სიახლეები და მივაწოდოთ საზოგადოებას.
– ამას ბევრი რატომ ვერ ახერხებს?
– მათ უნდა ჰკითხოთ. მე ვაკეთებ და შედეგიც მაქვს.
– ქართველი პროდიუსერების შესახებ თქვენი და მუსიკოს მარინა ბერიძის ორმხრივმა კომენტარებმა პრესაში ისეთი შთაბეჭდილება შექმნა, რომ მასთან დაპირისპირებული ხართ...
– ეგ ვინ არის? გავიცინოთ და შემდეგ კითხვაზე გადავიდეთ.
– როგორ ფიქრობთ, პროდიუსინგი რამდენად განვითარებულია ჩვენთან?
– ჩვენთან არ ესმით, რომ პროდიუსერი ქმნის პროდუქციას. საკუთარ თავს ყველა პროდიუსერს უწოდებს, ხშირ შემთხვევაში კი მხოლოდ კარგი მენეჯერები არიან. ქართველები კრეატიული ხალხი ვართ, ისეთი რაღაცეების წარმოსახვა და დაჯერება შეგვიძლია, ყველა მეორე კარგი პროდიუსერი შეიძლება აღმოჩნდეს. მე პირადად მხოლოდ საკუთარი თავის პროდიუსინგით ვარ დაინტერესებული, რადგან ჩემზე კარგი პროდუქტის მოძებნა ძალიან მიჭირს.
– ინტერვიუს დროს შევთანხმდით, რომ ყოფილ მეგობარზე, მომღერალ ვერიკო ტურაშვილზე კითხვას არ დაგისვამდით, ამიტომ ზოგადად გკითხავთ – შოუბიზნესში მეგობრობა შესაძლებელია?
– ის ურთიერთობა, რომელიც იგულისხმეთ, შოუბიზნესიდან არ დაწყებულა, უფრო ღრმა ყმაწვილობიდან იღებს სათავეს. სხვათა შორის, ნათელმირონობაც კი არის შუაში... ამაზე არაფერს ვიტყვი. შოუბიზნესში მეგობრობა შესაძლებელია. ეს სფერო შურისა და ბოღმის სამყარო ნამდვილად არ არის. სხვა სფეროებში გაცილებით მეტი შურია, ვიდრე აქ. სხვათა შორის, ვინც იხედება ჩვენს შოუბიზნესში, ხშირად აღნიშნავენ, რომ აქ ძალიან კარგი ურთიერთობებია.
– ცოტა ხნის წინ თქვენი მეგობარი, სომეხი მომღერალი ევა რივასი იყო საქართველოში. პროექტში "ცეკვავენ ვარსკვლავები" ერთადაც იმღერეთ. როგორ დახვდით მეგობარს?
– ევა საქართველოში რამდენიმეჯერ იყო სტუმრად, ოღონდ პრივატულად. შესაბამისად, ეს არ იყო ჩვენი პირველი შეხვედრა.
– სოციალურ ქსელში დაიწყეს საუბარი თქვენი რომანის შესახებ, წერდნენ, რომ კარგი წყვილი ხართ...
– კარგია, რომ ასე აღგვიქვეს, მაგრამ ჩვენ მხოლოდ მეგობრები ვართ.
– ანუ თქვენი გული თავისუფალია?
– ჩემი გული თავისუფალი არ არის, მაგრამ ეს იმას არ ნიშნავს, რომ ოჯახის შექმნას ვაპირებ. როცა ეს მოხდება, რა თქმა უნდა, "სარკე" გაიგებს. საერთოდ, ხალხი უფრო დარდობს ჩემს პირად ცხოვრებაზე, ვიდრე მე. სინამდვილეში ყველაფერი ძალიან უბრალოდ და ლამაზად არის. ჩემს ცხოვრებაში არიან ადამიანები, რომლებიც მაბედნიერებენ.
– ინტერვიუს ბოლოს აუცილებლად უნდა გკითხოთ დიეტაზე, აგრძელებთ კილოგრამებთან ბრძოლას?
– დიეტას აღარ ვიცავ, იმიტომ, რომ მივხვდი, ნერვებს ვიფუჭებდი. მე კი მინდა, სულ კარგ ხასიათზე ვიყო. შესაბამისად, არ შეიძლება დიეტაზე ჩემი ყოფნა. სამაგიეროდ, ჩემი დღის რეჟიმი გამოსწორდა, ისეთი ქაოსური აღარ არის, როგორც ადრე.
მანანა ნოდია, ჟურნალი სარკე
