ყოფილმა ქმარმა ყოფილი ცოლი ეჭვიანობის გამო მოკლა
1 700 ნახვა
ყოფილ ცოლ–ქმარს შორის კონფლიქტი დიდი ტრაგედიით დასრულდა. 22 წლის სალომე ჯორბენაძე ყოფილმა ქმარმა, სერგი საცერაძემ მოკლა. საზარელი მკვლელობა 25 ივლისს ზესტაფონში, პარკში მოხდა. დამნაშავე სამართალდამცავებს საკუთარი ნებით ჩაბარდა. როგორც გაირკვა, ბრალდებული ზესტაფონის პოლიციის თანამშრომელია, იარაღი კი, საიდანაც გასროლა მოხდა, ტაბელური იყო.
გავრცელებული ინფორმაციით, სალომეს საქმრო ჰყავდა, ყოფილი ქმარი კი შერიგებას სთხოვდა და ეჭვიანობდა. როგორც ყვებიან, სალომე ჯორბენაძემ ყოფილ ქმარს დაურეკა და უთხრა, რომ თხოვდებოდა, და თუ ამის არ სჯეროდა, მას საქმროსაც გააცნობდა.
შეხვედრა ქალაქის პარკში დათქვეს. ყოფილ ქმარს სალომე მართლაც შეყვარებულთან ერთად დახვდა, რის შემდეგაც ეს ტრაგედია დატრიალდა.
ზესტაფონის მცხოვრებნი მკვლელობის სხვა ვერსიაზეც ლაპარაკობენ. მათი თქმით, გოგონა ყოფილ მეუღლე–სთან შესახვედრად საქმროსთან ერთად არ მისულა, ის მარტო იყო. იკამათეს, ყოფილმა ქმარმა სცემა. სალომე პარკში, ხალხმრავალი ადგილისკენ გაიქცა, რომ შველა ეთხოვა. სერგი საცერაძემ კი ამ დროს ესროლა. 5 ჭრილობიდან 2 სასიკვდილო აღმოჩნდა.
სალომე ჯორბენაძეს 3 წლის შვილი, სანდრიკა, დარჩა. როგორც ითქვა, ის მოტაცებით გათხოვდა, მაგრამ ოჯახი მალევე დაენგრა. ქმრისგან ორსული წამოვიდა. იმასაც ამბობენ, რომ ცოლ–ქმრის კონფლიქტის მიზეზი მაშინაც ეჭვიანობა იყო.
სალომეს შვილი მის მშობლებთან, ზესტაფონში იზრდებოდა. თვითონ თბილისში ცხოვრობდა, მაგრამ შვილს ხშირად აკითხავდა. იმ საბედისწერო დღესაც სალომე მშობლების და შვილის მოსანახულებლად ჩავიდა.
სალომე ჯორბენაძე თბილისის ივანე ჯავახიშვილის სახელობის სახელმწიფო უნივერსიტეტში უცხო ენების ფაკულტეტზე სწავლობდა. მას გრანტიც ჰქონდა მოპოვებული. როგორც ამბობენ, გოგონა სწავლის პარალელურად ხატვით, წერით და ფოტომოდელობით იყო გატაცებული. ის "მის იმერეთიც" გახლდათ. როგორც მეგობრები ყვებიან, მას ბევრი გეგმა ჰქონდა, მაგრამ მათი განხორციელება არ დასცალდა.
"მე მგონია, რომ ოჯახური ძალადობა არის ის საკითხი, რომელზეც ყველა, მთელი საზოგადოება უნდა შეთანხმდეს პროკურორიან, მოსამართლიანად, კაციან–ქალიანად და ნულოვანი ტოლერანტობის პოლიტიკა უნდა გამოვაცხადოთ. მგონია, ეს დაგვიანებულიც არის, მაგრამ იქნებ მომავალი მსხვერპლი გადავარჩინოთ", – ასე გამოეხმაურა პარლამენტის წევრი თინა ხიდაშელი სალომე ჯორბენაძის მკვლელობას.
ეკა ლემონჯავა, ჟურნალი სარკე
გავრცელებული ინფორმაციით, სალომეს საქმრო ჰყავდა, ყოფილი ქმარი კი შერიგებას სთხოვდა და ეჭვიანობდა. როგორც ყვებიან, სალომე ჯორბენაძემ ყოფილ ქმარს დაურეკა და უთხრა, რომ თხოვდებოდა, და თუ ამის არ სჯეროდა, მას საქმროსაც გააცნობდა.
შეხვედრა ქალაქის პარკში დათქვეს. ყოფილ ქმარს სალომე მართლაც შეყვარებულთან ერთად დახვდა, რის შემდეგაც ეს ტრაგედია დატრიალდა.
ზესტაფონის მცხოვრებნი მკვლელობის სხვა ვერსიაზეც ლაპარაკობენ. მათი თქმით, გოგონა ყოფილ მეუღლე–სთან შესახვედრად საქმროსთან ერთად არ მისულა, ის მარტო იყო. იკამათეს, ყოფილმა ქმარმა სცემა. სალომე პარკში, ხალხმრავალი ადგილისკენ გაიქცა, რომ შველა ეთხოვა. სერგი საცერაძემ კი ამ დროს ესროლა. 5 ჭრილობიდან 2 სასიკვდილო აღმოჩნდა.
სალომე ჯორბენაძეს 3 წლის შვილი, სანდრიკა, დარჩა. როგორც ითქვა, ის მოტაცებით გათხოვდა, მაგრამ ოჯახი მალევე დაენგრა. ქმრისგან ორსული წამოვიდა. იმასაც ამბობენ, რომ ცოლ–ქმრის კონფლიქტის მიზეზი მაშინაც ეჭვიანობა იყო.
სალომეს შვილი მის მშობლებთან, ზესტაფონში იზრდებოდა. თვითონ თბილისში ცხოვრობდა, მაგრამ შვილს ხშირად აკითხავდა. იმ საბედისწერო დღესაც სალომე მშობლების და შვილის მოსანახულებლად ჩავიდა.
სალომე ჯორბენაძე თბილისის ივანე ჯავახიშვილის სახელობის სახელმწიფო უნივერსიტეტში უცხო ენების ფაკულტეტზე სწავლობდა. მას გრანტიც ჰქონდა მოპოვებული. როგორც ამბობენ, გოგონა სწავლის პარალელურად ხატვით, წერით და ფოტომოდელობით იყო გატაცებული. ის "მის იმერეთიც" გახლდათ. როგორც მეგობრები ყვებიან, მას ბევრი გეგმა ჰქონდა, მაგრამ მათი განხორციელება არ დასცალდა.
"მე მგონია, რომ ოჯახური ძალადობა არის ის საკითხი, რომელზეც ყველა, მთელი საზოგადოება უნდა შეთანხმდეს პროკურორიან, მოსამართლიანად, კაციან–ქალიანად და ნულოვანი ტოლერანტობის პოლიტიკა უნდა გამოვაცხადოთ. მგონია, ეს დაგვიანებულიც არის, მაგრამ იქნებ მომავალი მსხვერპლი გადავარჩინოთ", – ასე გამოეხმაურა პარლამენტის წევრი თინა ხიდაშელი სალომე ჯორბენაძის მკვლელობას.
ეკა ლემონჯავა, ჟურნალი სარკე
