კაზანტიპის ღონისძიება არის სამეძავო ზოლი ღია ცის ქვეშ
2 280 ნახვა
ქართველი და უკრაინელი გოგონები უფასოდ შევლენ, კაცებისთვის კი ვიზის ფასი დღეში 100 დოლარი იქნება. ათდღიანი ვიზის ერთიანად აღების შემთხვევაში კაცები თანხას დაზოგავენ და 250 დოლარს გადაიხდიან – ასეთია ელექტრონული მუსიკის ფესტივალის, კაზანტიპის წესები, რომლის ჩატარებაც 20–დან 30 აგვისტოს ჩათვლით სამეგრელოში, ანაკლიაში, შემოსაზღვრულ ტერიტორიაზეა დაგეგმილი.
კაზანტიპის ფესტივალი უკრაინაში, ყირიმის ტერიტორიაზე 1992 წლიდან ტარდებოდა. წელს ეს ტერიტორია სეპარატისტების ხელშია, რის გამოც ფესტივალის ორგანიზატორებმა საქართველოში გადმოინაცვლეს. წესების მიხედვით, ტერიტორიას, სადაც კაზანტიპის ფესტივალი ტარდება, აქვს მხოლოდ ერთი გასასვლელი და შესასვლელი. ფესტივალს საკუთარი მთავრობა ჰყავს – პრეზიდენტი და მინისტრები – ბედნიერების, ცეკვის, მუსიკის. მათი მთავარი კანონია – "იყავი ბედნიერი და ისიამოვნე".
კაზანტიპის საქართველოში ჩატარების გადაწყვეტილებამ ქვეყნის სასულიერო პირები და საზოგადოების გარკვეული ნაწილი აღაშფოთა. საპატრიარქომ სპეციალური განცხადებაც გაავრცელა, სადაც აღნიშნული ფესტივალი გარყვნილ ღონისძიებად არის მოხსენიებული.
"კაზანტიპი 20–30 აგვისტოს ჩატარდება საქართველოში, მაცხოვრის კვართისა და ღვთისმშობლის სამოსლის მცველ ჩვენს კურთხეულ ქვეყანაში და თანაც, მარიამობის მარხვაში. კაზანტიპის მომწვევის, ტურიზმის დეპარტამენტის ხელმძღვანელის, გიორგი სიგუასა და უკრაინაში ამ ფესტივალის დამაარსებლის, ნიკიტა მარშუნოკის თქმით, "წელს ანაკლიაში არ იქნება ნარკოტიკები და თავისუფალი სექსი, მაგრამ იქნება ხმა, განათება, კარგი განწყობა და სიყვარული". ღონისძიებას სახელიც შეუცვალეს ("რეალობის ანტირეალობა" დაარქვეს) და ალბათ კიდევ სხვა საშუალებებითაც შეალამაზებენ, მაგრამ, ანტიდისკრიმინაციული კანონის მსგავსად, არსით იგი მაინც უცვლელი დარჩება.
კაზანტიპს სწორედ აღვირახსნილობის გამო სტუმრობს ამდენი "ტურისტი". მათ სწორედ მასობრივი ორგიები და თავაშვებულობა იზიდავთ და არა – მუსიკა ან რაიმე კულტურული ღონისძიება, მით უმეტეს, ჩვენი ქვეყნის აღორძინების სურვილი... ჩვენი აზრით, საზოგადოებას ხმა არ მიუცია საქართველოს სახელმწიფოს ამ მიმართულებით განვითარებისთვის. საქართველო უძველესი კულტურის ქვეყანაა და იგი არ შეიძლება გახდეს აღვირახსნილობის ხელშემწყობი... ყველამ უნდა იცოდეს, რომ ამ ფესტივალში ნებისმიერი სახით მონაწილეობა და მისი მხარდაჭერა უმძიმესი შედეგების მომტანი იქნება ქვეყნისთვისაც და ცალკეული პიროვნებებისთვისაც. ეკლესია ვალდებულია, ამის შესახებ გააფრთხილოს მოსახლეობა" – ნათქვამია საპატრიარქოს განცხადებაში.
...
თბილისში 26 ივლისს სახელმწიფო კანცელარიასთან კაზანტიპის საწინააღმდეგო აქცია დაიგეგმა. ორგანიზატორები ბევრ ხალხს ელოდნენ, მაგრამ ასიოდე ადამიანი ძლივს მოგროვდა. აქციის ერთ–ერთი ორგანიზატორი, "ეროვნული ფრონტის" წარმომადგენელი, ევგენი მიქელაძე ამბობს, რომ მომავალში უფრო ფართომასშტაბიან აქციებს მოაწყობენ და კაზანტიპის ფესტივალს აუცილებლად ჩაშლიან.
ევგენი მიქელაძე: ეს ღონისძიება არის სამეძავო ზოლი ღია ცის ქვეშ, რისი დაშვებაც კატეგორიულად დაუშვებელია. რამდენიც უნდა ამტკიცონ, რომ იქ გარყვნილება არ იქნება, ყველამ ვიცით, რომ ამ ფესტივალის დროს ნუდისტური პლაჟები ეწყობა და ნარკოტიკულ ნივთიერებებს მოიხმარენ. იმ კაცს რა ვუთხარი, ვინც ქვეყნის ღირსებას ქალის კაბაზე გაცვლის!
თბილისის საკრებულოს დეპუტატი, სოსო მანჯავიძე ამბობს, რომ თბილისში ნარკობარიგების განსაკუთრუბელი მოძრაობა შეინიშნება, რაც კაზანტიპის ფესტივალთანაა დაკავშირებული და ეს ამბავი სამართალდამცავმა ორგანოებმაც კარგად იციან.
სოსო მანჯავიძე: თბილისში ნარკოტიკებთან დაკავშირებული პირების განსაკუთრებული მოძრაობა შეინიშნება. უნდათ, ექსტაზი და სხვა ნივთიერებები შეიტანონ ანაკლიაში. სადაც არის მოთხოვნილება, იქ არის მიწოდებაც. არ უნდა გააჩინო ეს მოთხოვნილება, ეს ხომ მარტივია! თბილისი წალეკილია ნარკოტიკებით, აქ ვერ აკონტროლებენ და იქ გააკონტროლებენ?! ახალგაზრდები იქით გარბიან, სადაც რაღაც ბრჭყვიალებს. სახელმწიფომ არ უნდა დააყენოს ახალგაზრდობა ასეთი ცდუნების წინაშე. უკრაინაში შიდს–ით დაავადებულთა ყველაზე დიდი რაოდენობა ფიქსირდება. ჩვენ კი თავისუფალი სექსის სამკილომეტრიან ზონას ვაკეთებთ. ნახევარი საქართველო ცდილობს, მოიპოვოს 250 დოლარი, რომ იქ წავიდეს.
...
პროფესიით ფინანსისტი ირმა დევაძე 12 წელი ცხოვრობდა უკრაინაში. ერთხელ კაზანტიპის ფესტივალსაც ეწვია და მაშინდელი შთაბეჭდილებები ახლა გაგვიზიარა.
ირმა დევაძე: კაზანტიპზე ოთხნი ვიყავით – ორი გოგო და ორი ბიჭი. სტუდენტები გახლდით. იქ რომ სექსი დამენახა, ერთი წუთით აღარ გავჩერდებოდი. ერთადერთი, რაც მაშინ თვალში მომხვდა, ის იყო, რომ თითქმის ყველას "ტანგა" ეცვა. დღეს საქართველოს პლაჟებზეც სულ "ტანგები" აცვიათ. შეიძლება ვიღაც ნარკოტიკსაც იღებდა, მაგრამ ჩვენ იქ არც "შპრიცები" დაგვინახავს და არც არავის შემოუთავაზებია მისი გასინჯვა. თუ არ გინდა, ვერავინ ვერაფერს გაგაკეთებინებს და არც გაკადრებს. ქართველი ბიჭები რომ ბევრს ლაპარაკობენ, იქ უფასოდ სექსს ვერავინ მიართმევთ და არც არავინ მიახტებათ. ისეთი ბიჭები ჩამოვლენ, თვალები შუბლზე აგივათ. გაშტერებული ვიყურებოდი, ისეთი ლამაზი ბიჭები იყვნენ.
გარეთ სექსი არ დამინახავს და კარავში ვინ ვისთან იწვა, ჩემი საქმე არ იყო! 2 000 დოლარამდე გვქონდა, მაგრამ 5 დღეზე მეტი არ გვეყო. წარმოიდგინეთ, რა თანხაზეა საუბარი!
– ინტერნეტში გავრცელებული ფოტოებით თუ ვიმსჯელებთ, ფესტივალის მონაწილეთა ნაწილი მაინც მთლიანად გაშიშვლდება.
– იქ ნუდისტური პლაჟი ცალკე იყო მოწყობილი. მეორე ნაწილში კი ჩვეულებრივად, საცურაო კოსტიუმებში იყვნენ. ჩვენი ბიჭები იქით გაიქცნენ, სადაც ქალები მკერდმოშიშვლებულები იყვნენ. თავიდან აინტერესებდათ, მაგრამ მერე იქით აღარც გაუხედავთ. დღეს რუსები და უკრაინელები აღარ გიჟდებიან ქართველ კაცებზე, პრაგმატულად აზროვნებენ – აღარ აინტერესებთ სექსი, თუ მას სხვა რამე არ მოჰყვება.
...
ადგილობრივი მოსახლეობის უმრავლესობას არ სჯერა, რომ კაზანტიპი გარყვნილების ფესტივალია. ამ უკანასკნელებს გამდიდრების იმედი აქვთ. თბილისში მოწყობილი აქციის პარალელურად, ისინიც გამოვიდნენ ქუჩაში და შეაჩვენეს ის ადამიანები, ვისაც ფესტივალის ჩაშლის მცდელობა აქვთ.
"მინდა, საზოგადოებას ბოდიში მოვუხადო ჩვენი ტურიზმის სააგენტოს ხელმძღვანელის ძალიან არაეთიკური საქციელის გამო, როდესაც მან მოქალაქეს აბსოლუტურად უმსგავსოდ მიმართა და ეს არის ჩემი გულწრფელი ბოდიში", – განაცხადა ეკონომიკის მინისტრმა, გიორგი კვირიკაშვილმა, რომელიც გულისხმობდა ტურიზმის ეროვნული ადმინისტრაციის ხელმძღვანელის, გიორგი სიგუას მიერ ზუგდიდის მოქალაქის მისამართით დასმულ კითხვას – თქვენ გქონიათ სექსი პლაჟზე? გიორგი სიგუა კაზანტიპის ფესტივალზე ნამყოფია. ამბობს, რომ სექსი პლაჟზე თავადაც ჰქონია, მაგრამ არა – კაზანტიპზე.
– გიორგი, როგორ გადაწყდა კაზანტიპის საქართველოში ჩატარება, ვინ მისცა თანხმობა ამ ფესტივალის ორგანიზატორებს?
– შპს "კაზანტიპმა" ითხოვა, რომ უნდოდა ამ ტერიტორიაზე რაღაცის გაკეთება. აშენებს რაღაცეებს, ჩამოაქვს აპარატურა, ჩამოჰყავს დიჯეები, მომღერლები, მუსიკოსები... მე რა შუაში ვარ?! ჩვენ, რა თქმა უნდა, ყველა ფესტივალს და ყველა საინტერესო ღონისძიებას მხარს ვუჭერთ. რაში სჭირდებოდათ თანხმობა, მუსიკის დაკვრაზე თუ ცეკვაზე?
– ანუ ვისაც მოუნდება, შეუძლია ჩამოვიდეს და ნებისმიერი ღონისძიება გამართოს?
– ეს ადამიანები ისეთს არაფერს ითხოვენ, რასაც ნებართვა სჭირდება. თქვენ ფიქრობთ, რომ მუსიკის ჩართვას სახელმწიფოს ნებართვა სჭირდება?! სულ მეცინება, რომ გამოდიან და იძახიან, სახელმწიფომ გააუქმოს კაზანტიპის ფესტივალიო. როგორ უნდა გააუქმოს, მუსიკა გამორთოს თუ რა გააკეთოს?! როგორ შეიძლება სახელმწიფომ ამას ხელი შეუშალოს?! ჩვენს ქვეყანაში არც მუსიკის დაკვრაა აკრძალული და არც ცეკვა. ეს ადამიანები მეტს არაფერს აკეთებენ და რა უნდა ავუკრძალოთ?
– კაზანტიპის ისტორიას თუ გადავხედავთ, თავისუფალი სექსის ზონების მოწყობით, ნუდისტური პლაჟებით, ნარკოტიკების მოხმარებით არის ცნობილი, რაც მოსახლეობის გარკვეული ნაწილის პროტესტს იწვევს.
– სად წერია, რომ ასეთ რამეებს გააკეთებენ? მათ პროგრამაში მსგავსი რამ არ არის. სულ არ მაინტერესებს კაზანტიპის ისტორია. მე ვიცი, რა გაკეთდება აქ. რომ გადავხედოთ ისტორიას, რა, შემეშინდეს, ვაიმე, დედა, პლაჟზე ვიღაცამ გაიხადა–მეთქი თუ რა ვქნა?! კაზანტიპის ოფიციალურ გვერდზე მსგავსი რამ, რაზეც აჟიოტაჟს ტეხენ, არაფერი დევს.
– თუმცა ინტერნეტი სავსეა კაზანტიპზე გადაღებული ფოტოებით, სადაც შიშველი ქალები და მამაკაცები არიან.
– ეს არ არის კაზანტიპზე გადაღებული ფოტოები. ეს გავრცელებულია კონკურენტი ფესტივალების პროვოკატორების მიერ. ოფიციალურ საიტზე ერთ ფოტოს და სარეკლამო რგოლს ვერ ნახავთ, სადაც სიშიშვლე და ნუდიზმის ელემენტებია. წელზემოთ შიშველი ქალები ყველა პლაჟზე დადიან. შეიძლება ვიღაც ქურქით გავიდეს და ვიღაც – წელზემოთ შიშველი. ეს ფოტოები არ არის ამ ფესტივალის ოფიციალური მასალა.
– აბა, არაოფიციალურადაა გადაღებული ამ ფესტივალზე?
– ვიღაცამ შეიძლება სადღაც გადაიღო. მეც გადავიღებ ვიდეოს ჩიკაგოში, ინტერნეტში დავდებ და დავწერ, რომ ეს ხდება თბილისში. შეიძლება კაზანტიპზეც გაიხადოს ვიღაცამ, გადაიღოს და ინტერნეტში ატვირთოს, მაგრამ ეს იმას ხომ არ ნიშნავს, რომ ამის წახალისებას ახდენს ორგანიზატორი?! ნახეთ კაზანტიპის წესები – ასეთი საჯარო უხამსობები მაშინვე ისჯება დეპორტაციით, მაგალითად, სრულიად გაშიშვლება საჯაროდ და ა.შ. სრული გაშიშვლება ქართული კანონმდებლობითაც ისჯება და ასეთი შემთხვევები არ იქნება ნებადართული.
ქვეყანაში ტურიზმის განვითარება თუ გვინდა, ბევრი ტურისტული პროდუქტი უნდა გვქონდეს. მხოლოდ ტურისტების მოზიდვა მარკეტინგი არ არის. ფესტივალები ზაფხულში შესანიშნავი საშუალებაა ქვეყანაში ტურისტების მოზიდვის და ასევე ქვეყნის წარმოსაჩენად. კაზანტიპი მსოფლიოში ტოპ ათი მოვლენის მეოთხე ადგილზეა. ლონდონის ფესტივალს უსწრებს. 100 ათასი კაცი ჩადიოდა ყირიმში. აქ ამდენი ფიზიკურად ვერ ჩამოვა, რადგან არც განთავსების საშუალებაა და არც – ტრანსპორტი. ვფიქრობთ, რომ პირველ წელს 30–35 ათასი ადამიანი ჩამოვა.
იცით, რა ფასად აქირავებენ ანაკლიაში და მიმდებარე სოფლებში ბინებს? 10 ლარად რომ ქირავდებოდა საწოლი, ახლა 60–70 და მეტი ლარი ღირს. ამდენ ხალხს ხომ უნდა საკვები და ბევრი სხვა რამ. ფული ხომ უნდა დახარჯონ რაღაცაში?! 3 ათასი დოლარია საშუალო ხარჯი თითოეული ადამიანისთვის ამ 10 დღის განმავლობაში. 30 ათასი ადამიანი რომ ჩამოვიდეს, უკვე 90 ათასი დოლარია. ეს ფული საქართველოში არ შემოვა?! ამას დაუმატეთ ის, რომ ორგანიზატორები მოგებას ნახავენ გაყიდული ბილეთებიდან და გადასახადებს ჩვენს ქვეყანაში გადაიხდიან. იქ 54 ბარი და რესტორანია. მოგების გადასახადს რომ გადაიხდიან, ჩვენს ბიუჯეტში არ შევა?!
– ამბობთ, პირველ წელს 35 ათას ტურისტს ველოდებითო, ანუ მომავალ წელსაც აპირებთ იმავეს გამეორებას?
– მეორე წელს კი არა, 10 და უფრო მეტი წელი უნდა ჩატარდეს და არა მხოლოდ ეს ფესტივალი. მომავალ წელს ეს გაცილებით გრძელვადიანი იქნება და არა – 10 დღიანი. როგორც კი გახდება ცნობილი, რომ ჩვენ შეგვიძლია ასეთი გრანდიოზული ფესტივალების ჩატარება, თუ სადმე რაიმე ფესტივალი და ღონისძიება არსებობს, ყველას მოვიწვევთ. აუცილებლად მივაღწევ იმას, რომ მაისიდან შემოდგომამდე საქართველოს შავი ზღვისპირეთში აქტიურობა იყოს და 90 ათასი დოლარი კი არა, მილიარდი დოლარი შემოვიდეს.
– კაზანტიპის ფესტივალზე თავად თუ ხართ ნამყოფი?
– დიახ და რთულია, სიტყვებით გადმოსცე იმ გრანდიოზულობის და მასშტაბურობის შეგრძნება, რაც იქ ხდება. ვგულისხმობ განათებას, ხმას, ლაზერულ შოუებს. საქართველოში საერთოდ არ გვაქვს ასეთი აპარატურა. 3–ჯერ უფრო მძლავრი და გრანდიოზული აპარატურა ჩამოაქვთ, ვიდრე ჩვენს ქვეყანაში არსებობს. 4 სცენაა, სადაც მიდის პერფორმანსები, ცეკვა და სიმღერა. 90–ზე მეტი ბარი და კვების ობიექტია და – 24 საათიანი მუსიკა. მე რომ ვიყავი ამ ფესტივალზე, ჩემთვის არც ნარკოტიკი შემოუთავაზებია ვინმეს და არც ორგიებში მონაწილეობა.
– ორგიები იყო?
– არა, არც ორგია მინახავს. მე იქ ვნახე ძალიან პოზიტიური ადამიანების ერთად ყოფნა, გრანდიოზული და მხიარული ატმოსფერო. 4 შვილის მამა ვარ, არავისზე ნაკლები ქრისტიანი და არავისზე ნაკლები ქართველი არ გახლავართ და იქ რომ ორგიები მენახა, არ ვიქნებოდი მისი მხარდამჭერი. ნარკოტიკების მოხმარება ყველგან ხდება, მაგრამ სახელმწიფოს აქვს იმის ძალა და უნარი, რომ ამ ყველაფერს ებრძოლოს. 1000 პოლიციელი იქნება იქ და ვინც ნარკოტიკს გაავრცელებს, დაიჭერენ. იმ დროს, როცა სახელმწიფო კანცელარიასთან 20 კაცი ძლივს შეიკრიბა, ანაკლიაში 300 ქალი მაინც გამოვიდა და იძახდა, არ გაბედონ კაზანტიპის ჩაშლის მცდელობაო.
– მეგრელ ქალს კითხვაზე, პლაჟზე სექსი თუ იქნებაო, უპასუხეთ, თქვენ, რა, სასწაული გგონიათ სექსი პლაჟზეო. ამ სიტყვებით ფაქტობრივად დაადასტურეთ, რომ ამ ფესტივალის ფარგლებში ასეთი ქმედება დაშვებულია.
– რომ მეუბნებოდნენ, გარყვნილება, გარყვნილებაო, ვიკითხე, კონკრეტულად რას ეძახით გარყვნილებას–მეთქი. მითხრეს, გარყვნილებაა სექსი პლაჟზეო. სულ ეს იყო. როგორი ირონიით და იუმორითაც დამისვა ეს კითხვა, იმავე იუმორით გავეცი პასუხი. მერე, როგორც აღმოჩნდა, მთლად ლამაზად არ გამომსვლია და ამის გამო იმ ქალს ბოდიში მოვუხადე.
– უთხარით, მე მქონია სექსი პლაჟზეო. ეს ამბავი კაზანტიპის ფესტივალზე მოხდა?
– კაზანტიპის ფესტივალზე – არა, სხვა დროს მოხდა.
– კაზანტიპის ჩატარებას სასტიკად ეწინააღმდეგება ქართული მართლმადიდებელი ეკლესია. სასულიერო პირები ალბათ ანათემასაც გადაგცემენ, დაგწყევლიან... ამ ფესტივალის ჩატარება ამად გიღირთ?
– მე ტურიზმის განვითარების ხელმძღვანელი ვარ და ფესტივალების და მასობრივი ახალგაზრდული ტურიზმის წინააღმდეგი რომ ვიყო, მაშინ ამ თანამდებობიდან გასაგდები ვიქნებოდი. დანარჩენზე ფესტივალის შემდეგ, პირველ სექტემბერს ვილაპარაკოთ.
გიორგი სიგუასთან ინტერვიუ თანამდებობიდან მის გადაყენებამდეა ჩაწერილი.
რუსუდან ადვაძე, ჟურნალი სარკე
კაზანტიპის ფესტივალი უკრაინაში, ყირიმის ტერიტორიაზე 1992 წლიდან ტარდებოდა. წელს ეს ტერიტორია სეპარატისტების ხელშია, რის გამოც ფესტივალის ორგანიზატორებმა საქართველოში გადმოინაცვლეს. წესების მიხედვით, ტერიტორიას, სადაც კაზანტიპის ფესტივალი ტარდება, აქვს მხოლოდ ერთი გასასვლელი და შესასვლელი. ფესტივალს საკუთარი მთავრობა ჰყავს – პრეზიდენტი და მინისტრები – ბედნიერების, ცეკვის, მუსიკის. მათი მთავარი კანონია – "იყავი ბედნიერი და ისიამოვნე".
კაზანტიპის საქართველოში ჩატარების გადაწყვეტილებამ ქვეყნის სასულიერო პირები და საზოგადოების გარკვეული ნაწილი აღაშფოთა. საპატრიარქომ სპეციალური განცხადებაც გაავრცელა, სადაც აღნიშნული ფესტივალი გარყვნილ ღონისძიებად არის მოხსენიებული.
"კაზანტიპი 20–30 აგვისტოს ჩატარდება საქართველოში, მაცხოვრის კვართისა და ღვთისმშობლის სამოსლის მცველ ჩვენს კურთხეულ ქვეყანაში და თანაც, მარიამობის მარხვაში. კაზანტიპის მომწვევის, ტურიზმის დეპარტამენტის ხელმძღვანელის, გიორგი სიგუასა და უკრაინაში ამ ფესტივალის დამაარსებლის, ნიკიტა მარშუნოკის თქმით, "წელს ანაკლიაში არ იქნება ნარკოტიკები და თავისუფალი სექსი, მაგრამ იქნება ხმა, განათება, კარგი განწყობა და სიყვარული". ღონისძიებას სახელიც შეუცვალეს ("რეალობის ანტირეალობა" დაარქვეს) და ალბათ კიდევ სხვა საშუალებებითაც შეალამაზებენ, მაგრამ, ანტიდისკრიმინაციული კანონის მსგავსად, არსით იგი მაინც უცვლელი დარჩება.
კაზანტიპს სწორედ აღვირახსნილობის გამო სტუმრობს ამდენი "ტურისტი". მათ სწორედ მასობრივი ორგიები და თავაშვებულობა იზიდავთ და არა – მუსიკა ან რაიმე კულტურული ღონისძიება, მით უმეტეს, ჩვენი ქვეყნის აღორძინების სურვილი... ჩვენი აზრით, საზოგადოებას ხმა არ მიუცია საქართველოს სახელმწიფოს ამ მიმართულებით განვითარებისთვის. საქართველო უძველესი კულტურის ქვეყანაა და იგი არ შეიძლება გახდეს აღვირახსნილობის ხელშემწყობი... ყველამ უნდა იცოდეს, რომ ამ ფესტივალში ნებისმიერი სახით მონაწილეობა და მისი მხარდაჭერა უმძიმესი შედეგების მომტანი იქნება ქვეყნისთვისაც და ცალკეული პიროვნებებისთვისაც. ეკლესია ვალდებულია, ამის შესახებ გააფრთხილოს მოსახლეობა" – ნათქვამია საპატრიარქოს განცხადებაში.
...
თბილისში 26 ივლისს სახელმწიფო კანცელარიასთან კაზანტიპის საწინააღმდეგო აქცია დაიგეგმა. ორგანიზატორები ბევრ ხალხს ელოდნენ, მაგრამ ასიოდე ადამიანი ძლივს მოგროვდა. აქციის ერთ–ერთი ორგანიზატორი, "ეროვნული ფრონტის" წარმომადგენელი, ევგენი მიქელაძე ამბობს, რომ მომავალში უფრო ფართომასშტაბიან აქციებს მოაწყობენ და კაზანტიპის ფესტივალს აუცილებლად ჩაშლიან.
ევგენი მიქელაძე: ეს ღონისძიება არის სამეძავო ზოლი ღია ცის ქვეშ, რისი დაშვებაც კატეგორიულად დაუშვებელია. რამდენიც უნდა ამტკიცონ, რომ იქ გარყვნილება არ იქნება, ყველამ ვიცით, რომ ამ ფესტივალის დროს ნუდისტური პლაჟები ეწყობა და ნარკოტიკულ ნივთიერებებს მოიხმარენ. იმ კაცს რა ვუთხარი, ვინც ქვეყნის ღირსებას ქალის კაბაზე გაცვლის!
თბილისის საკრებულოს დეპუტატი, სოსო მანჯავიძე ამბობს, რომ თბილისში ნარკობარიგების განსაკუთრუბელი მოძრაობა შეინიშნება, რაც კაზანტიპის ფესტივალთანაა დაკავშირებული და ეს ამბავი სამართალდამცავმა ორგანოებმაც კარგად იციან.
სოსო მანჯავიძე: თბილისში ნარკოტიკებთან დაკავშირებული პირების განსაკუთრებული მოძრაობა შეინიშნება. უნდათ, ექსტაზი და სხვა ნივთიერებები შეიტანონ ანაკლიაში. სადაც არის მოთხოვნილება, იქ არის მიწოდებაც. არ უნდა გააჩინო ეს მოთხოვნილება, ეს ხომ მარტივია! თბილისი წალეკილია ნარკოტიკებით, აქ ვერ აკონტროლებენ და იქ გააკონტროლებენ?! ახალგაზრდები იქით გარბიან, სადაც რაღაც ბრჭყვიალებს. სახელმწიფომ არ უნდა დააყენოს ახალგაზრდობა ასეთი ცდუნების წინაშე. უკრაინაში შიდს–ით დაავადებულთა ყველაზე დიდი რაოდენობა ფიქსირდება. ჩვენ კი თავისუფალი სექსის სამკილომეტრიან ზონას ვაკეთებთ. ნახევარი საქართველო ცდილობს, მოიპოვოს 250 დოლარი, რომ იქ წავიდეს.
...
პროფესიით ფინანსისტი ირმა დევაძე 12 წელი ცხოვრობდა უკრაინაში. ერთხელ კაზანტიპის ფესტივალსაც ეწვია და მაშინდელი შთაბეჭდილებები ახლა გაგვიზიარა.
ირმა დევაძე: კაზანტიპზე ოთხნი ვიყავით – ორი გოგო და ორი ბიჭი. სტუდენტები გახლდით. იქ რომ სექსი დამენახა, ერთი წუთით აღარ გავჩერდებოდი. ერთადერთი, რაც მაშინ თვალში მომხვდა, ის იყო, რომ თითქმის ყველას "ტანგა" ეცვა. დღეს საქართველოს პლაჟებზეც სულ "ტანგები" აცვიათ. შეიძლება ვიღაც ნარკოტიკსაც იღებდა, მაგრამ ჩვენ იქ არც "შპრიცები" დაგვინახავს და არც არავის შემოუთავაზებია მისი გასინჯვა. თუ არ გინდა, ვერავინ ვერაფერს გაგაკეთებინებს და არც გაკადრებს. ქართველი ბიჭები რომ ბევრს ლაპარაკობენ, იქ უფასოდ სექსს ვერავინ მიართმევთ და არც არავინ მიახტებათ. ისეთი ბიჭები ჩამოვლენ, თვალები შუბლზე აგივათ. გაშტერებული ვიყურებოდი, ისეთი ლამაზი ბიჭები იყვნენ.
გარეთ სექსი არ დამინახავს და კარავში ვინ ვისთან იწვა, ჩემი საქმე არ იყო! 2 000 დოლარამდე გვქონდა, მაგრამ 5 დღეზე მეტი არ გვეყო. წარმოიდგინეთ, რა თანხაზეა საუბარი!
– ინტერნეტში გავრცელებული ფოტოებით თუ ვიმსჯელებთ, ფესტივალის მონაწილეთა ნაწილი მაინც მთლიანად გაშიშვლდება.
– იქ ნუდისტური პლაჟი ცალკე იყო მოწყობილი. მეორე ნაწილში კი ჩვეულებრივად, საცურაო კოსტიუმებში იყვნენ. ჩვენი ბიჭები იქით გაიქცნენ, სადაც ქალები მკერდმოშიშვლებულები იყვნენ. თავიდან აინტერესებდათ, მაგრამ მერე იქით აღარც გაუხედავთ. დღეს რუსები და უკრაინელები აღარ გიჟდებიან ქართველ კაცებზე, პრაგმატულად აზროვნებენ – აღარ აინტერესებთ სექსი, თუ მას სხვა რამე არ მოჰყვება.
...
ადგილობრივი მოსახლეობის უმრავლესობას არ სჯერა, რომ კაზანტიპი გარყვნილების ფესტივალია. ამ უკანასკნელებს გამდიდრების იმედი აქვთ. თბილისში მოწყობილი აქციის პარალელურად, ისინიც გამოვიდნენ ქუჩაში და შეაჩვენეს ის ადამიანები, ვისაც ფესტივალის ჩაშლის მცდელობა აქვთ.
"მინდა, საზოგადოებას ბოდიში მოვუხადო ჩვენი ტურიზმის სააგენტოს ხელმძღვანელის ძალიან არაეთიკური საქციელის გამო, როდესაც მან მოქალაქეს აბსოლუტურად უმსგავსოდ მიმართა და ეს არის ჩემი გულწრფელი ბოდიში", – განაცხადა ეკონომიკის მინისტრმა, გიორგი კვირიკაშვილმა, რომელიც გულისხმობდა ტურიზმის ეროვნული ადმინისტრაციის ხელმძღვანელის, გიორგი სიგუას მიერ ზუგდიდის მოქალაქის მისამართით დასმულ კითხვას – თქვენ გქონიათ სექსი პლაჟზე? გიორგი სიგუა კაზანტიპის ფესტივალზე ნამყოფია. ამბობს, რომ სექსი პლაჟზე თავადაც ჰქონია, მაგრამ არა – კაზანტიპზე.
– გიორგი, როგორ გადაწყდა კაზანტიპის საქართველოში ჩატარება, ვინ მისცა თანხმობა ამ ფესტივალის ორგანიზატორებს?
– შპს "კაზანტიპმა" ითხოვა, რომ უნდოდა ამ ტერიტორიაზე რაღაცის გაკეთება. აშენებს რაღაცეებს, ჩამოაქვს აპარატურა, ჩამოჰყავს დიჯეები, მომღერლები, მუსიკოსები... მე რა შუაში ვარ?! ჩვენ, რა თქმა უნდა, ყველა ფესტივალს და ყველა საინტერესო ღონისძიებას მხარს ვუჭერთ. რაში სჭირდებოდათ თანხმობა, მუსიკის დაკვრაზე თუ ცეკვაზე?
– ანუ ვისაც მოუნდება, შეუძლია ჩამოვიდეს და ნებისმიერი ღონისძიება გამართოს?
– ეს ადამიანები ისეთს არაფერს ითხოვენ, რასაც ნებართვა სჭირდება. თქვენ ფიქრობთ, რომ მუსიკის ჩართვას სახელმწიფოს ნებართვა სჭირდება?! სულ მეცინება, რომ გამოდიან და იძახიან, სახელმწიფომ გააუქმოს კაზანტიპის ფესტივალიო. როგორ უნდა გააუქმოს, მუსიკა გამორთოს თუ რა გააკეთოს?! როგორ შეიძლება სახელმწიფომ ამას ხელი შეუშალოს?! ჩვენს ქვეყანაში არც მუსიკის დაკვრაა აკრძალული და არც ცეკვა. ეს ადამიანები მეტს არაფერს აკეთებენ და რა უნდა ავუკრძალოთ?
– კაზანტიპის ისტორიას თუ გადავხედავთ, თავისუფალი სექსის ზონების მოწყობით, ნუდისტური პლაჟებით, ნარკოტიკების მოხმარებით არის ცნობილი, რაც მოსახლეობის გარკვეული ნაწილის პროტესტს იწვევს.
– სად წერია, რომ ასეთ რამეებს გააკეთებენ? მათ პროგრამაში მსგავსი რამ არ არის. სულ არ მაინტერესებს კაზანტიპის ისტორია. მე ვიცი, რა გაკეთდება აქ. რომ გადავხედოთ ისტორიას, რა, შემეშინდეს, ვაიმე, დედა, პლაჟზე ვიღაცამ გაიხადა–მეთქი თუ რა ვქნა?! კაზანტიპის ოფიციალურ გვერდზე მსგავსი რამ, რაზეც აჟიოტაჟს ტეხენ, არაფერი დევს.
– თუმცა ინტერნეტი სავსეა კაზანტიპზე გადაღებული ფოტოებით, სადაც შიშველი ქალები და მამაკაცები არიან.
– ეს არ არის კაზანტიპზე გადაღებული ფოტოები. ეს გავრცელებულია კონკურენტი ფესტივალების პროვოკატორების მიერ. ოფიციალურ საიტზე ერთ ფოტოს და სარეკლამო რგოლს ვერ ნახავთ, სადაც სიშიშვლე და ნუდიზმის ელემენტებია. წელზემოთ შიშველი ქალები ყველა პლაჟზე დადიან. შეიძლება ვიღაც ქურქით გავიდეს და ვიღაც – წელზემოთ შიშველი. ეს ფოტოები არ არის ამ ფესტივალის ოფიციალური მასალა.
– აბა, არაოფიციალურადაა გადაღებული ამ ფესტივალზე?
– ვიღაცამ შეიძლება სადღაც გადაიღო. მეც გადავიღებ ვიდეოს ჩიკაგოში, ინტერნეტში დავდებ და დავწერ, რომ ეს ხდება თბილისში. შეიძლება კაზანტიპზეც გაიხადოს ვიღაცამ, გადაიღოს და ინტერნეტში ატვირთოს, მაგრამ ეს იმას ხომ არ ნიშნავს, რომ ამის წახალისებას ახდენს ორგანიზატორი?! ნახეთ კაზანტიპის წესები – ასეთი საჯარო უხამსობები მაშინვე ისჯება დეპორტაციით, მაგალითად, სრულიად გაშიშვლება საჯაროდ და ა.შ. სრული გაშიშვლება ქართული კანონმდებლობითაც ისჯება და ასეთი შემთხვევები არ იქნება ნებადართული.
ქვეყანაში ტურიზმის განვითარება თუ გვინდა, ბევრი ტურისტული პროდუქტი უნდა გვქონდეს. მხოლოდ ტურისტების მოზიდვა მარკეტინგი არ არის. ფესტივალები ზაფხულში შესანიშნავი საშუალებაა ქვეყანაში ტურისტების მოზიდვის და ასევე ქვეყნის წარმოსაჩენად. კაზანტიპი მსოფლიოში ტოპ ათი მოვლენის მეოთხე ადგილზეა. ლონდონის ფესტივალს უსწრებს. 100 ათასი კაცი ჩადიოდა ყირიმში. აქ ამდენი ფიზიკურად ვერ ჩამოვა, რადგან არც განთავსების საშუალებაა და არც – ტრანსპორტი. ვფიქრობთ, რომ პირველ წელს 30–35 ათასი ადამიანი ჩამოვა.
იცით, რა ფასად აქირავებენ ანაკლიაში და მიმდებარე სოფლებში ბინებს? 10 ლარად რომ ქირავდებოდა საწოლი, ახლა 60–70 და მეტი ლარი ღირს. ამდენ ხალხს ხომ უნდა საკვები და ბევრი სხვა რამ. ფული ხომ უნდა დახარჯონ რაღაცაში?! 3 ათასი დოლარია საშუალო ხარჯი თითოეული ადამიანისთვის ამ 10 დღის განმავლობაში. 30 ათასი ადამიანი რომ ჩამოვიდეს, უკვე 90 ათასი დოლარია. ეს ფული საქართველოში არ შემოვა?! ამას დაუმატეთ ის, რომ ორგანიზატორები მოგებას ნახავენ გაყიდული ბილეთებიდან და გადასახადებს ჩვენს ქვეყანაში გადაიხდიან. იქ 54 ბარი და რესტორანია. მოგების გადასახადს რომ გადაიხდიან, ჩვენს ბიუჯეტში არ შევა?!
– ამბობთ, პირველ წელს 35 ათას ტურისტს ველოდებითო, ანუ მომავალ წელსაც აპირებთ იმავეს გამეორებას?
– მეორე წელს კი არა, 10 და უფრო მეტი წელი უნდა ჩატარდეს და არა მხოლოდ ეს ფესტივალი. მომავალ წელს ეს გაცილებით გრძელვადიანი იქნება და არა – 10 დღიანი. როგორც კი გახდება ცნობილი, რომ ჩვენ შეგვიძლია ასეთი გრანდიოზული ფესტივალების ჩატარება, თუ სადმე რაიმე ფესტივალი და ღონისძიება არსებობს, ყველას მოვიწვევთ. აუცილებლად მივაღწევ იმას, რომ მაისიდან შემოდგომამდე საქართველოს შავი ზღვისპირეთში აქტიურობა იყოს და 90 ათასი დოლარი კი არა, მილიარდი დოლარი შემოვიდეს.
– კაზანტიპის ფესტივალზე თავად თუ ხართ ნამყოფი?
– დიახ და რთულია, სიტყვებით გადმოსცე იმ გრანდიოზულობის და მასშტაბურობის შეგრძნება, რაც იქ ხდება. ვგულისხმობ განათებას, ხმას, ლაზერულ შოუებს. საქართველოში საერთოდ არ გვაქვს ასეთი აპარატურა. 3–ჯერ უფრო მძლავრი და გრანდიოზული აპარატურა ჩამოაქვთ, ვიდრე ჩვენს ქვეყანაში არსებობს. 4 სცენაა, სადაც მიდის პერფორმანსები, ცეკვა და სიმღერა. 90–ზე მეტი ბარი და კვების ობიექტია და – 24 საათიანი მუსიკა. მე რომ ვიყავი ამ ფესტივალზე, ჩემთვის არც ნარკოტიკი შემოუთავაზებია ვინმეს და არც ორგიებში მონაწილეობა.
– ორგიები იყო?
– არა, არც ორგია მინახავს. მე იქ ვნახე ძალიან პოზიტიური ადამიანების ერთად ყოფნა, გრანდიოზული და მხიარული ატმოსფერო. 4 შვილის მამა ვარ, არავისზე ნაკლები ქრისტიანი და არავისზე ნაკლები ქართველი არ გახლავართ და იქ რომ ორგიები მენახა, არ ვიქნებოდი მისი მხარდამჭერი. ნარკოტიკების მოხმარება ყველგან ხდება, მაგრამ სახელმწიფოს აქვს იმის ძალა და უნარი, რომ ამ ყველაფერს ებრძოლოს. 1000 პოლიციელი იქნება იქ და ვინც ნარკოტიკს გაავრცელებს, დაიჭერენ. იმ დროს, როცა სახელმწიფო კანცელარიასთან 20 კაცი ძლივს შეიკრიბა, ანაკლიაში 300 ქალი მაინც გამოვიდა და იძახდა, არ გაბედონ კაზანტიპის ჩაშლის მცდელობაო.
– მეგრელ ქალს კითხვაზე, პლაჟზე სექსი თუ იქნებაო, უპასუხეთ, თქვენ, რა, სასწაული გგონიათ სექსი პლაჟზეო. ამ სიტყვებით ფაქტობრივად დაადასტურეთ, რომ ამ ფესტივალის ფარგლებში ასეთი ქმედება დაშვებულია.
– რომ მეუბნებოდნენ, გარყვნილება, გარყვნილებაო, ვიკითხე, კონკრეტულად რას ეძახით გარყვნილებას–მეთქი. მითხრეს, გარყვნილებაა სექსი პლაჟზეო. სულ ეს იყო. როგორი ირონიით და იუმორითაც დამისვა ეს კითხვა, იმავე იუმორით გავეცი პასუხი. მერე, როგორც აღმოჩნდა, მთლად ლამაზად არ გამომსვლია და ამის გამო იმ ქალს ბოდიში მოვუხადე.
– უთხარით, მე მქონია სექსი პლაჟზეო. ეს ამბავი კაზანტიპის ფესტივალზე მოხდა?
– კაზანტიპის ფესტივალზე – არა, სხვა დროს მოხდა.
– კაზანტიპის ჩატარებას სასტიკად ეწინააღმდეგება ქართული მართლმადიდებელი ეკლესია. სასულიერო პირები ალბათ ანათემასაც გადაგცემენ, დაგწყევლიან... ამ ფესტივალის ჩატარება ამად გიღირთ?
– მე ტურიზმის განვითარების ხელმძღვანელი ვარ და ფესტივალების და მასობრივი ახალგაზრდული ტურიზმის წინააღმდეგი რომ ვიყო, მაშინ ამ თანამდებობიდან გასაგდები ვიქნებოდი. დანარჩენზე ფესტივალის შემდეგ, პირველ სექტემბერს ვილაპარაკოთ.
გიორგი სიგუასთან ინტერვიუ თანამდებობიდან მის გადაყენებამდეა ჩაწერილი.
რუსუდან ადვაძე, ჟურნალი სარკე
