"შეყვარებულის დედის წინ თავი შევირცხვინე"
შეყვარებულის დედა რომ ამრეზით მიყურებს, ჩემი ბრალია. ემოციები ვერ შევიკავე და ექსკურსიაზე დედაჩემს ყველას თვალწინ ვეჩხუბე.
17 წლის ვარ. მე და ჩემს კლასელ ბიჭს ერთმანეთი გვიყვარს. მესამე კლასში ვიყავით, როცა წერილი მომწერა, სადაც სიყვარულს მიხსნიდა და იმ დღის შემდეგ სულ ერთად ვართ. არდადეგებზეც კი ვერ ვძლებდით უერთმანეთოდ და ხშირად ვნახულობდით. ჩვენი ურთიერთობის შესახებ მშობლებმაც იციან. მისი მშობლები სარძლოს მეძახიან, მათთან სახლშიც ხშირად მივდივარ. დედამისი ყოველთვის თბილად მხვდებოდა და მეფერებოდა, ყველა მეუბნებოდა, სულ შენს ქებაშიაო.
წელს ექსკურსიაზე წავედით, თან მშობლებიც გვახლდნენ. არ ვიცი, რატომ, მაგრამ დედამ თავიდანვე ყველაფერი ჩამაშხამა. ჯერ, სანამ წავიდოდით, მანამდე მეჩხუბა, შენი თავისთვის ბევრს ითხოვ და ოჯახის მატერიალურ მდგომარეობაზე არ ფიქრობო. ექსკურსიაზე წასვლის წინ, დილით, იმაზე მეჩხუბა, რომ შორტები ჩავიცვი. მიყვირა, გრძელი შარვალი უნდა ჩაიცვა, იქიდან საღამოს წამოვალთ და შეგცივდებაო. ჯერ ამის გამო ვიკამათეთ, გზაში კი ხან რა შენიშვნა მომცა, ხან – რა.
საღამოს, უკვე თბილისისკენ რომ მოვდიოდით, კიდევ ერთხელ ვიჩხუბეთ. მე და ჩემმა მეგობარმა გოგონამ მიკროავტობუსთან მისვლა დავაგვიანეთ, იქ რომ მივედით, დედა პირდაპირ თმაში მწვდა, ამდენი ხალხი შენ რატომ უნდა გელოდოთო. იმდენად შემრცხვა და თან ისე გავბრაზდი, რომ ვუყვირე. თავი ვერ შევიკავე და ცუდი სიტყვებიც წამომცდა. იმ წამსვე მივხვდი, რომ დიდი შეცდომა დავუშვი, მაგრამ წამოსროლილ სიტყვებს რაღას ვუზამდი?
მეორე დღესვე მომიტანეს ენა, შენი შეყვარებულის დედამ თქვა, ვაი, ჩემს თავს, თუ ასეთი რძალი უნდა შემომივიდესო. თურმე ჭორაობა დაიწყო, მისი ნამდვილი სახე ახლა დავინახე, დედამისს რომ ასე ელაპარაკება, ქმრის მშობლებს რაღას ეტყვისო. იმის შემდეგ რამდენჯერაც ავედი მათთან სახლში, იმდენჯერ ძალიან ცუდად შემხვდა. ცივად მომესალმა. ჩემმა შეყვარებულმა კი საყვედურივით მითხრა, რა იყო, თავი როგორ არ შეიკავე და დედაშენს ყველას თვალწინ როგორ ეჩხუბეო.
ახლა ამას მეც ძალიან ვნანობ, მაგრამ იმ დღეს მართლა ცუდად შემიჩნდა. არ ვიცი, დედა რას მერჩოდა, იმ ბედნიერ დღეს რატომ მამწარებდა. თუ შეყვარებული დავკარგე ან მის მშობლებთან ურთიერთობა გამიფუჭდა, ეს მხოლოდ ჩემი თავშეუკავებლობის ბრალი იქნება, არადა ასეთი ნამდვილად არ ვარ.
მირჩიეთ, როგორ აღვიდგინო რეპუტაცია, როგორ ვუთხრა შეყვარებულის დედას, რომ ჩემს საქციელს ძალიან ვნანობ და ისეთი არ ვარ, როგორიც მას ვგონივარ.
თქვენი მკითხველი
17 წლის ვარ. მე და ჩემს კლასელ ბიჭს ერთმანეთი გვიყვარს. მესამე კლასში ვიყავით, როცა წერილი მომწერა, სადაც სიყვარულს მიხსნიდა და იმ დღის შემდეგ სულ ერთად ვართ. არდადეგებზეც კი ვერ ვძლებდით უერთმანეთოდ და ხშირად ვნახულობდით. ჩვენი ურთიერთობის შესახებ მშობლებმაც იციან. მისი მშობლები სარძლოს მეძახიან, მათთან სახლშიც ხშირად მივდივარ. დედამისი ყოველთვის თბილად მხვდებოდა და მეფერებოდა, ყველა მეუბნებოდა, სულ შენს ქებაშიაო.
წელს ექსკურსიაზე წავედით, თან მშობლებიც გვახლდნენ. არ ვიცი, რატომ, მაგრამ დედამ თავიდანვე ყველაფერი ჩამაშხამა. ჯერ, სანამ წავიდოდით, მანამდე მეჩხუბა, შენი თავისთვის ბევრს ითხოვ და ოჯახის მატერიალურ მდგომარეობაზე არ ფიქრობო. ექსკურსიაზე წასვლის წინ, დილით, იმაზე მეჩხუბა, რომ შორტები ჩავიცვი. მიყვირა, გრძელი შარვალი უნდა ჩაიცვა, იქიდან საღამოს წამოვალთ და შეგცივდებაო. ჯერ ამის გამო ვიკამათეთ, გზაში კი ხან რა შენიშვნა მომცა, ხან – რა.
საღამოს, უკვე თბილისისკენ რომ მოვდიოდით, კიდევ ერთხელ ვიჩხუბეთ. მე და ჩემმა მეგობარმა გოგონამ მიკროავტობუსთან მისვლა დავაგვიანეთ, იქ რომ მივედით, დედა პირდაპირ თმაში მწვდა, ამდენი ხალხი შენ რატომ უნდა გელოდოთო. იმდენად შემრცხვა და თან ისე გავბრაზდი, რომ ვუყვირე. თავი ვერ შევიკავე და ცუდი სიტყვებიც წამომცდა. იმ წამსვე მივხვდი, რომ დიდი შეცდომა დავუშვი, მაგრამ წამოსროლილ სიტყვებს რაღას ვუზამდი?
მეორე დღესვე მომიტანეს ენა, შენი შეყვარებულის დედამ თქვა, ვაი, ჩემს თავს, თუ ასეთი რძალი უნდა შემომივიდესო. თურმე ჭორაობა დაიწყო, მისი ნამდვილი სახე ახლა დავინახე, დედამისს რომ ასე ელაპარაკება, ქმრის მშობლებს რაღას ეტყვისო. იმის შემდეგ რამდენჯერაც ავედი მათთან სახლში, იმდენჯერ ძალიან ცუდად შემხვდა. ცივად მომესალმა. ჩემმა შეყვარებულმა კი საყვედურივით მითხრა, რა იყო, თავი როგორ არ შეიკავე და დედაშენს ყველას თვალწინ როგორ ეჩხუბეო.
ახლა ამას მეც ძალიან ვნანობ, მაგრამ იმ დღეს მართლა ცუდად შემიჩნდა. არ ვიცი, დედა რას მერჩოდა, იმ ბედნიერ დღეს რატომ მამწარებდა. თუ შეყვარებული დავკარგე ან მის მშობლებთან ურთიერთობა გამიფუჭდა, ეს მხოლოდ ჩემი თავშეუკავებლობის ბრალი იქნება, არადა ასეთი ნამდვილად არ ვარ.
მირჩიეთ, როგორ აღვიდგინო რეპუტაცია, როგორ ვუთხრა შეყვარებულის დედას, რომ ჩემს საქციელს ძალიან ვნანობ და ისეთი არ ვარ, როგორიც მას ვგონივარ.
თქვენი მკითხველი
1 683 ნახვა
21-08-2014, 07:24
