რამდენ ფულს ხარჯავენ ვარსკვლავები შვილების ტანსაცმელზე

ჯენიფერ ლოპესი დიდი ხანი ოცნებობდა ქალიშვილის ყოლაზე და როდესაც მას ემა შეეძინა, ვარსკვლავმა არ დაინანა ფული, რომ ბავშვისთვის გრანდიოზული გარდერობი შეექმნა. მაგალითად, ერთ-ერთ ღონისძიებაზე ბავშვი შანელის 310 დოლარიანი ბროშით გამოჩნდა. ხელში ამავე ბრენდის თეთრი ჩანთა ეჭირა, რომელიც 2100 დოლარი ღირდა.
მსახიობმა შარლიზ ტერონმა 2012 წელს იშვილა პატარა ჯექსონი. ერთ-ერთ პაპარაცულ ფოტოზე ასახული პატარა ჟან პოლ გოტიეს 150 დოლარიან ჯემპრში და 100 დოლარის ღირებულების უგებშია გამოწყობილი.

რეალითი შოუს ვარსკვლავი კორტნი კარდაშიანი თავის პატარას, პენელოპა სკოტლენდ დისიკს პრინცესასავით აცმევს. სეირნობისას ბავშვს ბრენდ Mischka Aoki


Dream-ს 487 დოლარიანი თეთრი კაბა, 42 დოლარიანი პუანტები და 15 დოლარიანი თმის ლენტი ამშვენებდა.
როდესაც სტილის ხატს, ვიქტორია ბექჰემს მესამე ბიჭის შემდეგ, როგორც იქნა, გოგონა გაუჩნდა, არავის არ ეპარებოდა ეჭვი, რომ გოგონა ყველაზე მოდური ბავშვი იქნებოდა. ჰარპერ სევენის გარდერობი ზრდასრულ ადამიანსაც შეშურდება. ვიქტორიამ, რომელიც თავისი ბრენდის კრეატიული დირექტორია, ბავშვისთვის ექსკლუზიური ტანსაცმელი შექმნა. ამასთან, დევიდ ბექჰემის ქალიშვილს სეირნობისას გადაღებულ ფოტოში სტელა მაკარტნის 200 დოლარიანი ქურთუკი და მარკ ჯაკობსის 11 დოლარიანი სანდლები ეცვა.

ჯენიფერ გარნერის და ბენ აფლეკის შვილი სერაფინა დედისგან განსხვავებით, რომელიც უბრალო ტანსაცმელს ანიჭებს უპირატესობას, სეირნობისას ოსკარ დე ლა რენტას 275 დოლარიან ქვედაბოლოს იცვამს.

მსახიობ ორლანდო ბლუმის და მოდელ მირანდა კერის შვილი ფლინი მინი როდინის შავ ჟაკეტში გადაიღეს პაპარაცებმა, რომლის ღირებულებაც 96 დოლარია.

მომზადებულია lilsugar.com-ს მიხედვით.