წყლის გადასხმის შემდეგ ახალი გამოწვევა: ვასახელებთ წიგნებს, რომელიც წაგვიკითხავს

წყლის გადასხმის შემდეგ სოციალური ქსელი ახალმა გამოწვევამ მოიცვა. ცნობილი და პოპულარული ადამიანები ერთმანეთს იმ ათი წიგნის დასახელებაში იწვევენ, რომელიც მათ ძალიან მოსწონთ. აღსანიშნავია, რომ წიგნების ჩამონათვალში ასტრიდ ლინდგრენის „კარლსონი“ ლოდერობს.

გამოწვევაში ჩაერთო სერიალ „ჩემი ცოლის დაქალების“ რეჟისორი ქეთი დევდარიანი, რომელსაც ხშირად ადანაშაულებენ საზოგადოებრივი აზრის არასწორად ჩამოყალიბის მცდელობაში.

ქეთი სოციალურქსელში წერს:

„ვიღებ მაგდა გურულის გამოწვევას და ვასახელებ წიგნებს, რომლებმაც დიდი როლი ითამაშეს ჩემს აღზრდაში ბებიასთან, მშობლებთან, სკოლასთან, გარემოსთან, გენებთან და საკვებთან ერთად.

განსაკუთრებული ქიმია ამ წიგნებთან მქონდა.

1. ასტრიდ ლინდგრენის "კარლსონი" და "პეპი"

2. მარკ ტვენის "ტომ სოიერი"

3. მარკესის "მარტოობის ასი წელი"

4. თომას მანის " ჯადოსნური მთა"

5. კაფკას "მეტამორფოზა"

6. ჰერმან ჰესეს "ტრამალის მგელი"

7. კორტასარის "სამხრეთის გზატკეცილი" ; "კლასობანა"

8. მიგელ დე უნამუნოს "ბურუსი"

9. ფოლკნერის "ხმაური და მძვინვარება"

10. მიხეილ ჯავახიშვილის "კვაჭი კვაჭანტირაძე"

11. ორჰან ფამუკის "უმანკოების მუზეუმი"

12. კობო აბეს "ქალი ქვიშაში"

13. კნუტ ჰამსუნის "მისტერიები"

14. კამიუს "უცხო"

უი, ათიო

ვიწვევ ყველას !“

სალომე დადიანი