გიორგი მახარაშვილს სასწრაფო ოპერაცია დასჭირდა

ცოტა ხნის წინ „ფეისბუქზე“ გიორგი მახარაშვილმა ფოტო დადო, სადაც ჩანს, რომ მომღერალს ვენაში კათეტერი უდგას და გადასხმას უკეთებენ. ფოტოზე კომენტარებიც გაჩნდა, გიორგის ფეისბუქმეგობრები მისი ჯანმრთელობის მდგომარეობას კითხულობდნენ. მათ შორის იყო ირინა ონაშვილიც. ჩვენც დავუკავშირდით მომღერალს.

- გიორგი, ეს რამე ხუმრობაა თუ მართლა ავად ხარ?
- არა, რა ხუმრობა, ბრმანაწლავი გამისკდა.
- ახლა საავადმყოფოში ხარ თუ სახლში?
- ოპერაცია გავიკეთე, ჯერ ისევ საავადმყოფოში ვარ.
- გამოჯანმრთელებას გისურვებ.

მალე მომღერალმა ახალი ფოტო გამოაქვეყნა წარწერით „სელფი ნარკოზში“. ფოტო სახალისოა, როგორც ჩანს, გიორგი თავს უკვე კარგად გრძნობს.

ნინო მჭედლიშვილი