რითი ჩავანაცვლოთ პროდუქტები რეცეპტში?

ხშირად, რეცეპტის კითხვისას, ისეთ ინგრედიენტს წავაწყდებით, რომელიც შესაძლოა არ აღმოგვაჩნდეს და ყიდვაც ვერ მოვახერხოთ. ხშირად, მათი ჩანაცვლება თავისუფლად შეიძლება მსგავსი, მაგრამ უფრო ხელმისაწვდომი პროდუქტით.


• ყავისფერი შაქარი - ჩვეულებრივი შაქრით ჩანაცვლდება.

• გამაფხვიერებელი - სოდით. მაგრამ დოზა ყოველთვის გაანახევრეთ.

• ვანილის ექსტრაქტი - ვანილინით ჩაანაცვლეთ.

• რომი -კონიაკით ან რამდენიმე წვეთი რომის ესენციით.

• ლაიმი - ლიმონით.

• სიმინდის სახამებელი - კარტოფილის სახამებელით. ზოგ შემთხვევაში ფქვილითაც ჩანაცვლდება.

• დიჟონის მდოგვი - თითქმის ჩვეულებრივი მდოგვია, მოტკბო არომატით, ამიტომ ცოტაოდენი შაქარი დაამატეთ

• ნეკერჩხლის სიროპი- ჩაანაცვლეთ თაფლით.

• ძმარი ბალზამიკო - ღვინის ძმრით (მაგრამ არის გამონაკლისებიც)

• ქოქოსის რძე - სოუსებში ჩაანაცვლეთ დაბალპროცენტიანი ნაღებით, დესერტებში ჩვეულებრივი რძით. რა თქმა უნდა გემოში განსხვავება იგრძნობა.

• ყველი პარმეზანი - შეიძლება შეიცვალოს ნებისმიერი მაგარი სახეობის ყველით.

• სუშის ბრინჯი - ნებისმიერი მრგვალი ბრინჯით