გარდაცვლილი მამა თავში ირტყამდა ხელებს და ტიროდა, ამას რას აკეთებო - ცნობილი ქართველების სიზმრები
1 815 ნახვა
ძველად ადამიანები სიზმრებს განსაკუთრებულ ყურადღებას აქცევდნენ და მათში მომავლის ნიშნებს ხედავდნენ. როცა ალექსანდრე მაკედონელი სალაშქროდ მიდიოდა, მის ამალაში ყოველთვის იყვნენ სიზმრების ამხსნელები. სიზმრებს ყველა ვხედავთ, უბრალოდ, ზოგი იმახსოვრებს, ზოგი - ვერა. Ambebi.ge დაინტერესდა, როგორ სიზმრებს ხედავენ ცნობილი ქართველები.
ანუკი ქორქია
ტელეწამყვანი ანუკა ქორქია სიზმრებს ვერ იმახსოვრებს. "სიზმრებს არც ისე ხშირად ვხედავ, ძირითადად, დილით, არ მახსოვს, რა დამესიზმრა. ბავშვობის რამდენიმე კოშმარი დღემდე მახსოვს, ალბათ, იმ ასაკისთვის ძალიან შთამბეჭდავი და საშიში იყო ის სიზმრები. ასევე, რელიგიურ სიზმრებს ვხედავდი ხშირად, დიდი და აზრიანი სიზმრები იყო, მაგრამ მათი გახსენება არ მინდა", - აცხადებს ანუკა.
მანიკა ასათიანი
მოდელს და ტელეწამყვანს მანიკა ასათიანს სიზმრების არ სჯერა და შესაბამისად არც იმახსოვრებს მათ. "არ მჯერა სიზმრების, ხშირად არც ვხედავ სიზმრებს. ძირითადად იმას ვხედავ სიზმრად, ბოლოს რაც ჩამყვება გულში", - აცხადებს მანიკა ასათიანი.
თამუნა მუსერიძე
თამუნა მუსერიძე სიზმრებს ხშირად არ ხედავს, არის შემთხვევები, როცა ძილში ნანახი სიზმარი უხდება. "მამა 9 წლის წინ დამეღუპა და ამ პერიოდის მანძილზე მხოლოდ ერთხელ დამესიზმრა. ერთხელ ერთი ბიჭი გავიცანი, მესამე დღეს დამესიზმრა მამა, რომელიც ჩემს სახლთან იჯდა, თავში ირტყამდა ხელებს და ტიროდა, მეუბნებოდა ამას რას აკეთებო. რა თქმა უნდა, მივხვდი რასაც მეუბნებოდა, არ იყო კარგი ადამიანი ის ბიჭი, ამიტომ ამ სიზმრის შემდეგ ის ბიჭი აღარ მინახავს", - იხსენებს მუსერიძე.
გიორგი გურგულია
მსახიობი გიორგი გურგულია სიზმრებს ხშირად ხედავს და მათი სჯერა. თვლის, რომ სიზმარი გაფრთხილებაა. ორჯერ კლინიკური სიკვდილიც ჰქონდა და გადარჩა. "ცხოვრებაში ორჯერ მქონდა კლინიკური სიკვდილი. სულ იმას იძახიან, კლინიკური სიკვდილის დროს გვირაბში გადიხარო, მაგრამ გვირაბში არ გავსულვარ, იმდენად დიდი სურვილი მქონდა იმ სინათლეს არ მოვწყვეტოდი, რასაც ცხოვრება ჰქვია, რომ გვირაბში შუქი რომ გაქრა, სიბნელეში მოხვედრილი ერთ ადგილზე გავჩერდი. რატომღაც სამ კითხვაზე უნდა გამეცა პასუხი, თითქოს კითხვა იყო ასეთი, თუ რატომ გინდა სინათლისკენო. მივხვდი, რომ სამი პასუხი უნდა გამეცა და სამივე პასუხში სიყვარული იყო: შვილის, ჩემი საქმისა და იმ ადამიანის, რომელიც მაშინ მიყვარდა. სიყვარულმა გამომიყვანა და ცხოვრებას დამაბრუნა. სიზმრების განმეორებაც ხშირად მაქვს. შეიძლება დიდი ხნის ნანახი სიზმარი ამომიტივტივდეს", - იხსენებს გიორგი გურგულია.
სალომე გოგიაშვილი
ტელეწამყვან სალომე გოგიაშვილის წინასწარმეტყველური სიზმრების ამბავი მთელმა თბილისმა იცის. ორსულობის ამბავი ნინი ბადურაშვილს პირველად სწორედ სალომემ უთხრა. მისი სიზმრების განსაკუთრებით სჯერა ნინი ბადურაშვილს, რომელიც ერთ-ერთ ინტერვიუში ხუმრობით აღნიშნავს, რომ სალომემ საკუთარი გაზეთი უნდა გამოუშვას, სადაც მისი წინასწარმეტყველებები დაიბეჭდება. "საოცარი სიზმრები მესიზმრება და რაც მთავარია, მისრულდება. არც ვიცოდი, ნინი ორსულად იყო თუ არა, "ფეისბუქით" მივწერე, ნინი, სიზმარში ვნახე, შენს პატარა გოგოს ლამაზი კაბა ვუყიდე-მეთქი. ცოტა ხნის შემდეგ ნინის პასუხი მომივიდა, სალომე, იცი, მართლა ორსულად ვარო. მეც დანამდვილებით მივწერე, უეჭველად გოგო გეყოლება-მეთქი და ჩემი სიზმარიც გამართლდა!", -ამბობს ტელეწამყვანი.
თაკო გაჩეჩილაძე
მომღერალ თაკო გაჩეჩილაძის სიზმარი წმინდა ნიკოლოზის შესახებ ყველასთვის კარგად არის ცნობილი. როგორც
თაკომ ერთ-ერთ ინტერვიუში გაიხსენა, მას წმინდა ნიკოლოზი გამოეცხადა და სთხოვა, ყოფილ ქმარს ყველაფერი აპატიეო. თაკომ აპატია, მაგრამ არ შეურიგდა. თაკო რელიგიურ სიზმრებს ხშირად ხედავს. ერთხელ სამოთხეც კი დაესიზმრა. "მრგვალ სახლში ვიყავი, რომელსაც ძალიან ბევრი ოთახი ჰქონდა. ოთახებში დავდიოდი და ყველა ოთახი შემზარავი იყო. შეიძლება ეს ოთახები ჯოჯოხეთი იყო, არ ვიცი. მახსოვს, ერთ ოთახში რომ შევიხედე, ძაღლები ჰაერში ეკიდა. მოკლედ, ყველა ოთახი რაღაც საზარელი იყო. მერე მოვედი ჭიშკართან. ჭიშკრის აქეთ-იქით ორი ანგელოზი იდგა, რომლებმაც ჭიშკარი გააღეს. მათ მითხრეს, რომ შიგნით შემეხედა. რომ გავიხედე, დავინახე განათებული ცა, მაგრამ მზე არ იყო. ძალიან სითეთრე იყო, ზღვა ძალიან წყნარი იყო და ყველაფერი თეთრად იყო განათებული. მაგრამ მზე არსად იყო. მერე დავინახე ბავშვები თამაშობდნენ, უეცრად მომინდა იქ შესვლა, ნაბიჯი რომ უნდა გადამედგა, ფეხი გამიშეშდა. ანგელოზებმა, რომლებიც ჭიშკართან იდგნენ, მითხრეს, რომ შენ ჯერ იქ ვერ შეხვალო. როგორც გითხარით, ძალიან ხშირად ვნახულობ რელიგიურ სიზმრებს. სულ ბოლოს ჩვენი უწმინდესი და უნეტარესი ილია მეორე დამესიზმრა. ჩვენი პატრიარქი ჩემთან მოვიდა, ხელი ყელსა და ფილტვებზე დამადო და მითხრა: ეს შენი საქმეა, რითიც შენ უნდა იცხოვროო",-იხსენებს მომღერალი. თაკო გაჩეჩილაძე ერთხელ ნინი ბადურაშვილსაც დასიზმრებია, მისი სიზმრის მიხედვით, თაკო დედაო იყო და მონასტერში მსახურობდა.
გიორგი მერებაშვილი
ფეხბურთელი გიორგი მერებაშვილი სიზმრებს ხშირად ხედავს. საფეხბურთო ანგარიშიც დასიზმრებია. "როცა აზრიან სიზმარს ვხედავ, აუცილებლად მისრულდება. ერთხელ დამესიზმრა თითქოს თამაში მოვიგეთ 1:0 და მეორე დღეს მართლაც ამ ანგარიშით დავასრულე. 7 წლის წინ დამესიზმრა კოშმარი, თითქოს სამი კაცი მომდევდა და მე გავრბოდი. ეს კოშმარი დღემდე მახსოვს, სხვათა შორის ამიხდა. ეზოს წინ ვსეირნობდი ველოსიპედით, რომ დაბნელდა სამი მამაკაცი მომიახლოვდა, უცნაური გარეგნობა ჰქონდათ, აშკარად გამომეკიდნენ, შემეშინდა და გამახსენდა ჩემი სიზმარი, კიდევ კარგი ეზოსთან ახლოს ვიყავი და სახლში შესვლა მოვასწარი. არ ვიცი რატომ, მაგრამ სანამ ეს შემთხვევა მოხდებოდა, ჩემი სიზმარი 2-3 კვირა მქონდა ამოჩემებული და ამიხდა კიდეც."
თამარ ბოჭორიშვილი, Ambebi.ge
ანუკი ქორქია
ტელეწამყვანი ანუკა ქორქია სიზმრებს ვერ იმახსოვრებს. "სიზმრებს არც ისე ხშირად ვხედავ, ძირითადად, დილით, არ მახსოვს, რა დამესიზმრა. ბავშვობის რამდენიმე კოშმარი დღემდე მახსოვს, ალბათ, იმ ასაკისთვის ძალიან შთამბეჭდავი და საშიში იყო ის სიზმრები. ასევე, რელიგიურ სიზმრებს ვხედავდი ხშირად, დიდი და აზრიანი სიზმრები იყო, მაგრამ მათი გახსენება არ მინდა", - აცხადებს ანუკა.
მანიკა ასათიანი
მოდელს და ტელეწამყვანს მანიკა ასათიანს სიზმრების არ სჯერა და შესაბამისად არც იმახსოვრებს მათ. "არ მჯერა სიზმრების, ხშირად არც ვხედავ სიზმრებს. ძირითადად იმას ვხედავ სიზმრად, ბოლოს რაც ჩამყვება გულში", - აცხადებს მანიკა ასათიანი.
თამუნა მუსერიძე
თამუნა მუსერიძე სიზმრებს ხშირად არ ხედავს, არის შემთხვევები, როცა ძილში ნანახი სიზმარი უხდება. "მამა 9 წლის წინ დამეღუპა და ამ პერიოდის მანძილზე მხოლოდ ერთხელ დამესიზმრა. ერთხელ ერთი ბიჭი გავიცანი, მესამე დღეს დამესიზმრა მამა, რომელიც ჩემს სახლთან იჯდა, თავში ირტყამდა ხელებს და ტიროდა, მეუბნებოდა ამას რას აკეთებო. რა თქმა უნდა, მივხვდი რასაც მეუბნებოდა, არ იყო კარგი ადამიანი ის ბიჭი, ამიტომ ამ სიზმრის შემდეგ ის ბიჭი აღარ მინახავს", - იხსენებს მუსერიძე.
გიორგი გურგულია
მსახიობი გიორგი გურგულია სიზმრებს ხშირად ხედავს და მათი სჯერა. თვლის, რომ სიზმარი გაფრთხილებაა. ორჯერ კლინიკური სიკვდილიც ჰქონდა და გადარჩა. "ცხოვრებაში ორჯერ მქონდა კლინიკური სიკვდილი. სულ იმას იძახიან, კლინიკური სიკვდილის დროს გვირაბში გადიხარო, მაგრამ გვირაბში არ გავსულვარ, იმდენად დიდი სურვილი მქონდა იმ სინათლეს არ მოვწყვეტოდი, რასაც ცხოვრება ჰქვია, რომ გვირაბში შუქი რომ გაქრა, სიბნელეში მოხვედრილი ერთ ადგილზე გავჩერდი. რატომღაც სამ კითხვაზე უნდა გამეცა პასუხი, თითქოს კითხვა იყო ასეთი, თუ რატომ გინდა სინათლისკენო. მივხვდი, რომ სამი პასუხი უნდა გამეცა და სამივე პასუხში სიყვარული იყო: შვილის, ჩემი საქმისა და იმ ადამიანის, რომელიც მაშინ მიყვარდა. სიყვარულმა გამომიყვანა და ცხოვრებას დამაბრუნა. სიზმრების განმეორებაც ხშირად მაქვს. შეიძლება დიდი ხნის ნანახი სიზმარი ამომიტივტივდეს", - იხსენებს გიორგი გურგულია.
სალომე გოგიაშვილი
ტელეწამყვან სალომე გოგიაშვილის წინასწარმეტყველური სიზმრების ამბავი მთელმა თბილისმა იცის. ორსულობის ამბავი ნინი ბადურაშვილს პირველად სწორედ სალომემ უთხრა. მისი სიზმრების განსაკუთრებით სჯერა ნინი ბადურაშვილს, რომელიც ერთ-ერთ ინტერვიუში ხუმრობით აღნიშნავს, რომ სალომემ საკუთარი გაზეთი უნდა გამოუშვას, სადაც მისი წინასწარმეტყველებები დაიბეჭდება. "საოცარი სიზმრები მესიზმრება და რაც მთავარია, მისრულდება. არც ვიცოდი, ნინი ორსულად იყო თუ არა, "ფეისბუქით" მივწერე, ნინი, სიზმარში ვნახე, შენს პატარა გოგოს ლამაზი კაბა ვუყიდე-მეთქი. ცოტა ხნის შემდეგ ნინის პასუხი მომივიდა, სალომე, იცი, მართლა ორსულად ვარო. მეც დანამდვილებით მივწერე, უეჭველად გოგო გეყოლება-მეთქი და ჩემი სიზმარიც გამართლდა!", -ამბობს ტელეწამყვანი.
თაკო გაჩეჩილაძე
მომღერალ თაკო გაჩეჩილაძის სიზმარი წმინდა ნიკოლოზის შესახებ ყველასთვის კარგად არის ცნობილი. როგორც
თაკომ ერთ-ერთ ინტერვიუში გაიხსენა, მას წმინდა ნიკოლოზი გამოეცხადა და სთხოვა, ყოფილ ქმარს ყველაფერი აპატიეო. თაკომ აპატია, მაგრამ არ შეურიგდა. თაკო რელიგიურ სიზმრებს ხშირად ხედავს. ერთხელ სამოთხეც კი დაესიზმრა. "მრგვალ სახლში ვიყავი, რომელსაც ძალიან ბევრი ოთახი ჰქონდა. ოთახებში დავდიოდი და ყველა ოთახი შემზარავი იყო. შეიძლება ეს ოთახები ჯოჯოხეთი იყო, არ ვიცი. მახსოვს, ერთ ოთახში რომ შევიხედე, ძაღლები ჰაერში ეკიდა. მოკლედ, ყველა ოთახი რაღაც საზარელი იყო. მერე მოვედი ჭიშკართან. ჭიშკრის აქეთ-იქით ორი ანგელოზი იდგა, რომლებმაც ჭიშკარი გააღეს. მათ მითხრეს, რომ შიგნით შემეხედა. რომ გავიხედე, დავინახე განათებული ცა, მაგრამ მზე არ იყო. ძალიან სითეთრე იყო, ზღვა ძალიან წყნარი იყო და ყველაფერი თეთრად იყო განათებული. მაგრამ მზე არსად იყო. მერე დავინახე ბავშვები თამაშობდნენ, უეცრად მომინდა იქ შესვლა, ნაბიჯი რომ უნდა გადამედგა, ფეხი გამიშეშდა. ანგელოზებმა, რომლებიც ჭიშკართან იდგნენ, მითხრეს, რომ შენ ჯერ იქ ვერ შეხვალო. როგორც გითხარით, ძალიან ხშირად ვნახულობ რელიგიურ სიზმრებს. სულ ბოლოს ჩვენი უწმინდესი და უნეტარესი ილია მეორე დამესიზმრა. ჩვენი პატრიარქი ჩემთან მოვიდა, ხელი ყელსა და ფილტვებზე დამადო და მითხრა: ეს შენი საქმეა, რითიც შენ უნდა იცხოვროო",-იხსენებს მომღერალი. თაკო გაჩეჩილაძე ერთხელ ნინი ბადურაშვილსაც დასიზმრებია, მისი სიზმრის მიხედვით, თაკო დედაო იყო და მონასტერში მსახურობდა.
გიორგი მერებაშვილი
ფეხბურთელი გიორგი მერებაშვილი სიზმრებს ხშირად ხედავს. საფეხბურთო ანგარიშიც დასიზმრებია. "როცა აზრიან სიზმარს ვხედავ, აუცილებლად მისრულდება. ერთხელ დამესიზმრა თითქოს თამაში მოვიგეთ 1:0 და მეორე დღეს მართლაც ამ ანგარიშით დავასრულე. 7 წლის წინ დამესიზმრა კოშმარი, თითქოს სამი კაცი მომდევდა და მე გავრბოდი. ეს კოშმარი დღემდე მახსოვს, სხვათა შორის ამიხდა. ეზოს წინ ვსეირნობდი ველოსიპედით, რომ დაბნელდა სამი მამაკაცი მომიახლოვდა, უცნაური გარეგნობა ჰქონდათ, აშკარად გამომეკიდნენ, შემეშინდა და გამახსენდა ჩემი სიზმარი, კიდევ კარგი ეზოსთან ახლოს ვიყავი და სახლში შესვლა მოვასწარი. არ ვიცი რატომ, მაგრამ სანამ ეს შემთხვევა მოხდებოდა, ჩემი სიზმარი 2-3 კვირა მქონდა ამოჩემებული და ამიხდა კიდეც."
თამარ ბოჭორიშვილი, Ambebi.ge
