თიკა ჯამბურია: "მეორედ გათხოვების არ მეშინია"
1 758 ნახვა
მომღერალი თიკა ჯამბურია ცოტა ხნის წინ მორჩა სადიპლომო ნამუშევრისთვის მზადებას და უცებ მეგობრის, მარიკა თხელიძის მეჯვარეობაც მოუწია. ახლა კი წყნეთში თავის პატარა გოგონასთან, ნინასთან ერთად ისვენებს.
თიკა ბოლო პერიოდში სოციალურ ქსელში დადებული ფოტოთი ორჯერ მოექცა ყურადღების ცენტრში. პირველად ყოფილ ქმართან, ბექა ხოფერიასთან და პრეზიდენტის ქალიშვილ ანა მარგველაშვილთან ერთად გადაღებულმა ფოტომ გამოიწვია ინტერესი, შემდეგ კი – ყოფილ დედამთილ ხათუნა ხოფერიასთან ერთად გადაღებულმა, რომელზეც თიკამ ასეთი წარწერა გააკეთა: "ვგიჟდები ამ ქალზე".
ამ და მის გარშემო განვითარებულ სხვა ამბებზე, რომლებიც მეტნაკლებად ხალხის ინტერესს იწვევს და ზოგი ჭორია, ზოგიც მართალი, მომღერალი "სარკეს" ესაუბრა.
– თიკა, თბილისში ამ ზაფხულის ერთ–ერთი ახალი ამბავი თქვენი მეგობრის, მომღერალ მარიკა თხელიძის გათხოვებაა. როგორც ვიცით, თქვენ მეჯვარე ხართ. რა შეგიძლიათ გვიამბოთ წყვილის შესახებ, როგორი ქორწილი ჰქონდათ?
– არ ვიცი, მარიკას რამდენად უნდა ეს, ამიტომ მოკლედ გეტყვით: მარიკას და გიგა ანდრიაძეს ერთმანეთი ძალიან დიდი ხანი, დაახლოებით 6 წელია უყვართ. ერთად ძალიან ბედნიერები არიან. გიგა არის ადამიანი, რომელიც მარიკას ყველა მეგობარს გვიყვარს. მართლა არაჩვეულებრივი ბიჭია. ყველა ვმეგობრობთ მასთან.
ჯვარი ვიწრო წრეში დაიწერეს, სექტემბრის ბოლოს კი გრანდიოზული ქორწილი ექნებათ. ამიტომ არც პატარძლის კაბის შერჩევაში მიგვიღია მონაწილეობა და არც მეჯვარეებს გვეცვა განსაკუთრებული კაბები.
– თქვენ როგორ ატარებთ ზაფხულს?
– თეატრალურში სადიპლომო სპექტაკლისთვის ვემზადები, მთელი ზაფხული გამოცდები და რეპეტიციები მქონდა. მუსკომედიის ფაკულტეტზე ვსწავლობ და მიუზიკლების მსახიობი ვიქნები. სადიპლომო სპექტაკლში მთავარი როლი მაქვს და ამისთვის ძალიან ვემზადები. ამ სპექტაკლში დაახლოებით ოთხ სიმღერას ვმღერი.
წყნეთში ორი კვირაა ჩემს შვილთან ერთად ვარ. დედა და ყოფილი დედამთილი, ხათუნა ხოფერია, ძალიან მეხმარებიან შვილის გაზრდაში, მაგრამ ნინა ჩემზეა დამოკიდებული, დედის გარდა არავინ უნდა. უკვე არ არის ისეთი პატარა, რომ მისი გაზრდა რთული იყოს. დილიდან საღამომდე ერთად ვართ, ბევრს ვსეირნობთ.
– ყოფილ დედამთილთან, ქალბატონ ხათუნასთან ძალიან მეგობრობთ. ბოლო პერიოდში სოციალურ ქსელში ერთად გადაღებული სურათიც დადეთ წარწერით: "ვგიჟდები ამ ქალზე". ასეთი ურთიერთობები იშვიათია.
– ვერ ვხვდები, ასე რატომ უკვირთ. ამას წინათ ერთ მაღაზიაში ქალმა ჩემზე საუბრისას ხაზი გაუსვა, ეს კარგი გოგოა, განსაკუთრებით იმიტომ, რომ ყოფილ დედამთილს ძალიან უყვარსო. ადამიანური ფაქტორია – გვყავს ნინა, მე დედა ვარ და ხათუნა – ბებია. ეს ბავშვი ყველას გვაერთიანებს. არანაირი კონფლიქტი არ ყოფილა ჩემსა და ხათუნას შორის. მე და ბექაც ვმეგობრობთ. არაფერია გასაკვირი იმაში, რომ ადამიანები ერთმანეთს უგებენ. არ გვინდა, ბავშვს უხერხული სიტუაცია შევუქმნათ, მიუხედავად იმისა, რომ მე და ბექა ცალ–ცალკე ვცხოვრობთ.
– რითი გამოიხატება თქვენი და ქალბატონი ხათუნას მეგობრობა, ერთად დიდ დროს ატარებთ?
– ხათუნა ძალიან ხშირად არის წყნეთში. ვსხედვართ, ვსაუბრობთ ყველანაირ თემაზე, ერთმანეთს რჩევებს ვაძლევთ. დედაჩემთანაც ძალიან ახლოსაა. ასაკიდან გამომდინარე, მე და ხათუნა დაქალები არ ვართ, მაგრამ ძალიან ვმეგობრობთ.
––თქვენს პირად ცხოვრებაზეც შეიძლება ესაუბროთ?
– ხათუნა არ არის უტაქტო ადამიანი, რომ ამ თემას შეეხოს. ალბათ როცა საჭირო იქნება, ანუ მივხვდები, რომ ჩემს ცხოვრებაში რაღაც სერიოზული ხდება, ამაზეც ვისაუბრებთ და დარწმუნებული ვარ, გამიგებს კიდეც. ძალიან შეგნებული ქალია. ამ ეტაპზე პირად ცხოვრებაზე მეტად კარიერით ვარ დაკავებული.
– რას გეუბნებათ დედა, ჰგავს ნინა თქვენს ბავშვობას?
– საერთოდ არ მგავს. როგორც დედა მეუბნება, მე ძალიან მშვიდი ვიყავი, ნინა თავისებურია. უკვე ეტყობა, რომ პრინციპული და მიმწოლი გოგო იქნება. მე ეს ძალიან მომწონს. მინდა, დამოუკიდებელი იყოს. რადგან ახალგაზრდა დედა ვარ, უფრო ბევრ რამეში გავუგებ. რა თქმა უნდა, საჭირო დროს მკაცრიც ვიქნები, ყველაფრის უფლებას არ მივცემ, მაგრამ მაინც თავისუფალი იქნება. მეც დამოუკიდებელი ვარ რაღაც მხრივ, მაგრამ კარგი იქნებოდა, უფრო დამოუკიდებელი ვყოფილიყავი.
– რას გულისხმობთ?
– ვფიქრობ, უკეთესი იქნება, ჩემს ცხოვრებაში ასე აქტიურად რომ არ ჩაერიოს მთელი თბილისი.
– ნინას ურჩევთ, შოუბიზნესისგან თავი შორს დაიჭიროს?
– არა, თუ ენდომება, რატომაც არა?! პოპულარობა ცხოვრებაში ძალიან მეხმარება, ბევრ რამეში მიწყობს ხელს.
– შესაბამისად, თქვენს ცხოვრებაში მთელი თბილისის აქტიურად ჩარევა გარკვეული მსხვერპლია, რომელიც პოპულარობისთვის უნდა გაიღოთ.
– არა, არიან შოუბიზნესის წევრები თუ ცნობილი სახეები, რომლებსაც ასე არ უქექავენ ცხოვრებას. მიუხედავად იმისა, რომ არასდროს ვყოფილვარ სკანდალური, ჩემი ნებისმიერი ნაბიჯი ჟურნალისტების განხილვის თემაა. ყველაფერს ვაკონტროლებ, სოციალურ ქსელში რა სტატუსს დავდებ, იმასაც, რადგან ინტერნეტსაიტები ჩემ დაუკითხავად იღებენ ფოტოებს თუ სტატუსებს და თავიანთი ფანტაზიებით პატარა სტატიებს წერენ: "რატომ დაწერა თიკამ, მშიაო? ბექა ხომ არ მოენატრა?" და ა.შ. აბსოლუტურად ყველაფერს ბექას უკავშირებენ, არადა ჩემს ცხოვრებაში ბექას აღარ უჭირავს იმხელა ადგილი, რომ ამაზე აქცენტი გაკეთდეს.
– პირველმა წარუმატებელმა ქორწინებამ გარკვეული შიში ხომ არ გაგიჩინათ?
– არანაირი შიში! არ ვაპირებ, მთელი ცხოვრება მარტოობით დავტკბე. ძალიან მინდა, ისეთი ადამიანი გავიცნო, რომელთან ერთადაც მთელ სიცოცხლეს გავატარებ. ჯერ კი კარიერის აწყობა მინდა და როცა წარმატებული კარიერა მექნება, მერე უკვე შეიძლება პირადზეც ვიფიქრო. ერთხელ უკვე ვიყავი გათხოვილი, შვილი მყავს, ასე რომ, არ მეჩქარება.
– სოციალურ ქსელში ინტერესი გამოიწვია პრეზიდენტის ქალიშვილ ანა მარგველაშვილის მიერ ატვირთულმა ფოტომ, სადაც თქვენ, ანა და ბექა ერთად ხართ. ხუმრობით ამ ფოტოს "წლის სკანდალი" უწოდეთ.
– ესეც ძალიან სასაცილოა ჩემთვის. ვერ ვხვდები, რატომ უკვირთ, რასაც ჩვენ ვაკეთებთ. როგორც უკვე აღვნიშნე, ბექასთან კარგი ურთიერთობა მაქვს. ჩვენ ბევრი საერთო მეგობარი გვყავს. შემთხვევით ერთ–ერთ მუსიკალურ ფესტივალზე შევხვდით ერთმანეთს. ანა მარგველაშვილი ჩემი მეგობარია და ასევე ჩვენი საერთო მეგობარია. ანამ დადო ეს ფოტო სოციალურ ქსელში. ვუთხარი, რომ ამ ფოტოს დადება მეორე დღეს ჟურნალისტების დიდ ინტერესს გამოიწვევდა და ასეც მოხდა.
– რა გამოხმაურებები მიიღეთ?
– ყველამ თავისი ინტერპრეტაცია გაუკეთა. ზოგი წერდა, ანა და ბექა ერთად არიანო. ზოგიც წერდა, თიკა და ანა არიან ერთადო...
– ზოგი იმას ამტკიცებდა, თიკა და ბექა შერიგდნენო...
– ჰო. მსგავსი არაფერი ყოფილა. უბრალოდ სურათი გადავიღეთ ერთად. მე და ანა სკოლელები ვიყავით, პირველ სკოლაში ვსწავლობდით ორივე და ბავშვობაში ვმეგობრობდით. მერე ანა მოსკოვში წავიდა და რომ დაბრუნდა, მეგობრობა განვაახლეთ.
– პრეზიდენტის შვილი რომაა, ეს რამე შეზღუდვებს გულისხმობს?
– არა, რადგან ანა ძალიან თავისუფალი და დამოუკიდებელი ადამიანია. მასთან ურთიერთობისას არ იგრძნობა, რომ პრეზიდენტის შვილია. ჩემი ტოლია და ზუსტად ისეთი აზროვნება აქვს, როგორიც მე. თვითონ არ არის ისეთი ადამიანი, რომელიც დისკომფორტს შეგიქმნის. მეც ვიკავებ ბევრი რამისგან თავს, რადგან მერე მთელი თბილისი ამაზე ჭორაობს.
– პრეზიდენტთან როგორი ურთიერთობა გაქვთ?
– მასთან შეხება არ მქონია. ბატონი გიორგის არჩევნების პერიოდში ვმუშაობდი "ქართული ოცნების" ახალგაზრდულ ფრთაში პიარის განხრით და მხოლოდ ეს იყო ჩემი კონტაქტი მასთან.
მანანა ნოდია, ჟურნალი სარკე
თიკა ბოლო პერიოდში სოციალურ ქსელში დადებული ფოტოთი ორჯერ მოექცა ყურადღების ცენტრში. პირველად ყოფილ ქმართან, ბექა ხოფერიასთან და პრეზიდენტის ქალიშვილ ანა მარგველაშვილთან ერთად გადაღებულმა ფოტომ გამოიწვია ინტერესი, შემდეგ კი – ყოფილ დედამთილ ხათუნა ხოფერიასთან ერთად გადაღებულმა, რომელზეც თიკამ ასეთი წარწერა გააკეთა: "ვგიჟდები ამ ქალზე".
ამ და მის გარშემო განვითარებულ სხვა ამბებზე, რომლებიც მეტნაკლებად ხალხის ინტერესს იწვევს და ზოგი ჭორია, ზოგიც მართალი, მომღერალი "სარკეს" ესაუბრა.
– თიკა, თბილისში ამ ზაფხულის ერთ–ერთი ახალი ამბავი თქვენი მეგობრის, მომღერალ მარიკა თხელიძის გათხოვებაა. როგორც ვიცით, თქვენ მეჯვარე ხართ. რა შეგიძლიათ გვიამბოთ წყვილის შესახებ, როგორი ქორწილი ჰქონდათ?
– არ ვიცი, მარიკას რამდენად უნდა ეს, ამიტომ მოკლედ გეტყვით: მარიკას და გიგა ანდრიაძეს ერთმანეთი ძალიან დიდი ხანი, დაახლოებით 6 წელია უყვართ. ერთად ძალიან ბედნიერები არიან. გიგა არის ადამიანი, რომელიც მარიკას ყველა მეგობარს გვიყვარს. მართლა არაჩვეულებრივი ბიჭია. ყველა ვმეგობრობთ მასთან.
ჯვარი ვიწრო წრეში დაიწერეს, სექტემბრის ბოლოს კი გრანდიოზული ქორწილი ექნებათ. ამიტომ არც პატარძლის კაბის შერჩევაში მიგვიღია მონაწილეობა და არც მეჯვარეებს გვეცვა განსაკუთრებული კაბები.
– თქვენ როგორ ატარებთ ზაფხულს?
– თეატრალურში სადიპლომო სპექტაკლისთვის ვემზადები, მთელი ზაფხული გამოცდები და რეპეტიციები მქონდა. მუსკომედიის ფაკულტეტზე ვსწავლობ და მიუზიკლების მსახიობი ვიქნები. სადიპლომო სპექტაკლში მთავარი როლი მაქვს და ამისთვის ძალიან ვემზადები. ამ სპექტაკლში დაახლოებით ოთხ სიმღერას ვმღერი.
წყნეთში ორი კვირაა ჩემს შვილთან ერთად ვარ. დედა და ყოფილი დედამთილი, ხათუნა ხოფერია, ძალიან მეხმარებიან შვილის გაზრდაში, მაგრამ ნინა ჩემზეა დამოკიდებული, დედის გარდა არავინ უნდა. უკვე არ არის ისეთი პატარა, რომ მისი გაზრდა რთული იყოს. დილიდან საღამომდე ერთად ვართ, ბევრს ვსეირნობთ.
– ყოფილ დედამთილთან, ქალბატონ ხათუნასთან ძალიან მეგობრობთ. ბოლო პერიოდში სოციალურ ქსელში ერთად გადაღებული სურათიც დადეთ წარწერით: "ვგიჟდები ამ ქალზე". ასეთი ურთიერთობები იშვიათია.
– ვერ ვხვდები, ასე რატომ უკვირთ. ამას წინათ ერთ მაღაზიაში ქალმა ჩემზე საუბრისას ხაზი გაუსვა, ეს კარგი გოგოა, განსაკუთრებით იმიტომ, რომ ყოფილ დედამთილს ძალიან უყვარსო. ადამიანური ფაქტორია – გვყავს ნინა, მე დედა ვარ და ხათუნა – ბებია. ეს ბავშვი ყველას გვაერთიანებს. არანაირი კონფლიქტი არ ყოფილა ჩემსა და ხათუნას შორის. მე და ბექაც ვმეგობრობთ. არაფერია გასაკვირი იმაში, რომ ადამიანები ერთმანეთს უგებენ. არ გვინდა, ბავშვს უხერხული სიტუაცია შევუქმნათ, მიუხედავად იმისა, რომ მე და ბექა ცალ–ცალკე ვცხოვრობთ.
– რითი გამოიხატება თქვენი და ქალბატონი ხათუნას მეგობრობა, ერთად დიდ დროს ატარებთ?
– ხათუნა ძალიან ხშირად არის წყნეთში. ვსხედვართ, ვსაუბრობთ ყველანაირ თემაზე, ერთმანეთს რჩევებს ვაძლევთ. დედაჩემთანაც ძალიან ახლოსაა. ასაკიდან გამომდინარე, მე და ხათუნა დაქალები არ ვართ, მაგრამ ძალიან ვმეგობრობთ.
––თქვენს პირად ცხოვრებაზეც შეიძლება ესაუბროთ?
– ხათუნა არ არის უტაქტო ადამიანი, რომ ამ თემას შეეხოს. ალბათ როცა საჭირო იქნება, ანუ მივხვდები, რომ ჩემს ცხოვრებაში რაღაც სერიოზული ხდება, ამაზეც ვისაუბრებთ და დარწმუნებული ვარ, გამიგებს კიდეც. ძალიან შეგნებული ქალია. ამ ეტაპზე პირად ცხოვრებაზე მეტად კარიერით ვარ დაკავებული.
– რას გეუბნებათ დედა, ჰგავს ნინა თქვენს ბავშვობას?
– საერთოდ არ მგავს. როგორც დედა მეუბნება, მე ძალიან მშვიდი ვიყავი, ნინა თავისებურია. უკვე ეტყობა, რომ პრინციპული და მიმწოლი გოგო იქნება. მე ეს ძალიან მომწონს. მინდა, დამოუკიდებელი იყოს. რადგან ახალგაზრდა დედა ვარ, უფრო ბევრ რამეში გავუგებ. რა თქმა უნდა, საჭირო დროს მკაცრიც ვიქნები, ყველაფრის უფლებას არ მივცემ, მაგრამ მაინც თავისუფალი იქნება. მეც დამოუკიდებელი ვარ რაღაც მხრივ, მაგრამ კარგი იქნებოდა, უფრო დამოუკიდებელი ვყოფილიყავი.
– რას გულისხმობთ?
– ვფიქრობ, უკეთესი იქნება, ჩემს ცხოვრებაში ასე აქტიურად რომ არ ჩაერიოს მთელი თბილისი.
– ნინას ურჩევთ, შოუბიზნესისგან თავი შორს დაიჭიროს?
– არა, თუ ენდომება, რატომაც არა?! პოპულარობა ცხოვრებაში ძალიან მეხმარება, ბევრ რამეში მიწყობს ხელს.
– შესაბამისად, თქვენს ცხოვრებაში მთელი თბილისის აქტიურად ჩარევა გარკვეული მსხვერპლია, რომელიც პოპულარობისთვის უნდა გაიღოთ.
– არა, არიან შოუბიზნესის წევრები თუ ცნობილი სახეები, რომლებსაც ასე არ უქექავენ ცხოვრებას. მიუხედავად იმისა, რომ არასდროს ვყოფილვარ სკანდალური, ჩემი ნებისმიერი ნაბიჯი ჟურნალისტების განხილვის თემაა. ყველაფერს ვაკონტროლებ, სოციალურ ქსელში რა სტატუსს დავდებ, იმასაც, რადგან ინტერნეტსაიტები ჩემ დაუკითხავად იღებენ ფოტოებს თუ სტატუსებს და თავიანთი ფანტაზიებით პატარა სტატიებს წერენ: "რატომ დაწერა თიკამ, მშიაო? ბექა ხომ არ მოენატრა?" და ა.შ. აბსოლუტურად ყველაფერს ბექას უკავშირებენ, არადა ჩემს ცხოვრებაში ბექას აღარ უჭირავს იმხელა ადგილი, რომ ამაზე აქცენტი გაკეთდეს.
– პირველმა წარუმატებელმა ქორწინებამ გარკვეული შიში ხომ არ გაგიჩინათ?
– არანაირი შიში! არ ვაპირებ, მთელი ცხოვრება მარტოობით დავტკბე. ძალიან მინდა, ისეთი ადამიანი გავიცნო, რომელთან ერთადაც მთელ სიცოცხლეს გავატარებ. ჯერ კი კარიერის აწყობა მინდა და როცა წარმატებული კარიერა მექნება, მერე უკვე შეიძლება პირადზეც ვიფიქრო. ერთხელ უკვე ვიყავი გათხოვილი, შვილი მყავს, ასე რომ, არ მეჩქარება.
– სოციალურ ქსელში ინტერესი გამოიწვია პრეზიდენტის ქალიშვილ ანა მარგველაშვილის მიერ ატვირთულმა ფოტომ, სადაც თქვენ, ანა და ბექა ერთად ხართ. ხუმრობით ამ ფოტოს "წლის სკანდალი" უწოდეთ.
– ესეც ძალიან სასაცილოა ჩემთვის. ვერ ვხვდები, რატომ უკვირთ, რასაც ჩვენ ვაკეთებთ. როგორც უკვე აღვნიშნე, ბექასთან კარგი ურთიერთობა მაქვს. ჩვენ ბევრი საერთო მეგობარი გვყავს. შემთხვევით ერთ–ერთ მუსიკალურ ფესტივალზე შევხვდით ერთმანეთს. ანა მარგველაშვილი ჩემი მეგობარია და ასევე ჩვენი საერთო მეგობარია. ანამ დადო ეს ფოტო სოციალურ ქსელში. ვუთხარი, რომ ამ ფოტოს დადება მეორე დღეს ჟურნალისტების დიდ ინტერესს გამოიწვევდა და ასეც მოხდა.
– რა გამოხმაურებები მიიღეთ?
– ყველამ თავისი ინტერპრეტაცია გაუკეთა. ზოგი წერდა, ანა და ბექა ერთად არიანო. ზოგიც წერდა, თიკა და ანა არიან ერთადო...
– ზოგი იმას ამტკიცებდა, თიკა და ბექა შერიგდნენო...
– ჰო. მსგავსი არაფერი ყოფილა. უბრალოდ სურათი გადავიღეთ ერთად. მე და ანა სკოლელები ვიყავით, პირველ სკოლაში ვსწავლობდით ორივე და ბავშვობაში ვმეგობრობდით. მერე ანა მოსკოვში წავიდა და რომ დაბრუნდა, მეგობრობა განვაახლეთ.
– პრეზიდენტის შვილი რომაა, ეს რამე შეზღუდვებს გულისხმობს?
– არა, რადგან ანა ძალიან თავისუფალი და დამოუკიდებელი ადამიანია. მასთან ურთიერთობისას არ იგრძნობა, რომ პრეზიდენტის შვილია. ჩემი ტოლია და ზუსტად ისეთი აზროვნება აქვს, როგორიც მე. თვითონ არ არის ისეთი ადამიანი, რომელიც დისკომფორტს შეგიქმნის. მეც ვიკავებ ბევრი რამისგან თავს, რადგან მერე მთელი თბილისი ამაზე ჭორაობს.
– პრეზიდენტთან როგორი ურთიერთობა გაქვთ?
– მასთან შეხება არ მქონია. ბატონი გიორგის არჩევნების პერიოდში ვმუშაობდი "ქართული ოცნების" ახალგაზრდულ ფრთაში პიარის განხრით და მხოლოდ ეს იყო ჩემი კონტაქტი მასთან.
მანანა ნოდია, ჟურნალი სარკე
