თამრიკო ჭოხონელიძე: "ცოტა ადრე დავიბერე თავი"
2 105 ნახვა
მომღერალი თამრიკო ჭოხონელიძე სოლო კონცერტისთვის ემზადება, კომპოზიტორ არჩილ კერესელიძის შემოქმედებაზე მუშაობს, მაგრამ თავის დიდ ოჯახს წუთითაც არ აკლებს ყურადღებას, ყველას თავზე დაფოფინებს, სითბოს უზიარებს. ახლა მის შვილებს, მარიამ და კოკო როინიშვილებს, დედისგან განსაკუთრებული ხელშეწყობა სჭირდებათ. კოკოს ერთმანეთის მიყოლებით 7 პრემიერა ჰქონდა კინომსახიობთა თეატრში და მალე რეჟისურაშიც ცდის ბედს, მარიამი კი დიდი საოპერო სცენისკენ იკვალავს გზას. ქალბატონი თამრიკო შვილებს ნაბიჯ–ნაბიჯ მიჰყვება და მათი წარმატებით ტკბება. რამდენიმე ხნის წინ დაბრუნდა იტალიიდან, სადაც მარიამმა სერიოზულ კონკურსში გაიმარჯვა და მასტერკლასებიც გაიარა. ამ ყველაფერზე მომღერალმა "სარკესთან" ისაუბრა.
– ქალბატონო თამრიკო, როგორც ვიცი, თქვენს დიდ ოჯახთან ერთად საგურამოში, აგარაკზე ისვენებთ. ძნელი არ არის, ამდენი ადამიანის მოვლა, გამასპინძლება?
– ჩემი და ჩემი დების ოჯახები ყოველ წელს ერთად ვისვენებთ და, მიუხედავად იმისა, რომ ბევრნი ვართ, არ ვიღლები. ჩვენთან ხშირად მოდიან მეგობრები, ეს არის ჩემთვის ყველაზე დიდი ზეიმი და, როგორც უნდა გაგიკვირდეთ, საუკეთესო დასვენებაც.
– დასვენება დაგეხმარებათ იმაში, რომ ახალ პროექტზე, რომელიც კომპოზიტორ არჩილ კერესელიძის შემოქმედებას მიეძღვნება, მეტი შემართებით იმუშაოთ. როდისთვის გეგმავთ კონცერტს?
– არ ვჩქარობ, რადგან მინდა, ამ კომპოზიტორის შემოქმედების თითოეული დეტალი ღრმად შევისწავლო. სოლო კონცერტს მხოლოდ ამის შემდეგ ჩავატარებ. ახლა მთლიანად ჩართული ვარ ამ პროცესში და მიხარია, რომ ჩემი შვილების შემოქმედებითი ცხოვრებაც ასევე დატვირთულია. კოკომ 7 პრემიერა ითამაშა და ჩემი შვილი საინტერესო კუთხიდან დავინახე. ის, როგორც მსახიობი, ძიების პროცესშია. სექტემბრიდან კი რეჟისურაშიც ცდის ბედს. ძალიან საინტერესო ადამიანია და ბევრი გეგმა აქვს.
მარიამმაც მნიშვნელოვანი ნაბიჯები გადადგა კარიერაში. რომში, სანტა ჩეჩილიას აკადემიაში კასტინგი გაირა, რენატა სკოტომ ჩაუტარა მასტერკლასი. 42 კონკურსანტიდან 10 შეარჩიეს და მათ შორის მარიამიც მოხვდა. ბევრი საინტერესო შემოთავზება მიიღო.
– მარიამს თქვენც ახლდით იტალიაში?
– ჯანმრთელობა არ მიწყობდა ხელს, მაგრამ იტალიაში მაინც გავყევი და ელენეც წავიყოლეთ. იქ ერთი თვე დავრჩით. რომ შეიტყვეს, მუსიკოსი ვიყავი, მასტერკლასებზე დასწრების საშუალება მომცეს და ამით უდიდესი სიამოვნება მივიღე. პედაგოგებმა წამოსვლისას მარიამს ასეთი შეფასება მისცეს, მას ყველა მონაცემი აქვს იმისთვის, რომ მალე ძალიან ცნობილი სოპრანო იყოსო. იტალიაში მარიამთან ერთად იყვნენ მომღერლები ინგა ჯახუტაშვილი და სალომე ჯიქია, რომელთა წარმატებამაც სიამაყით ამავსო. იქიდან ძალიან კმაყოფილი დავბრუნდი.
– ორივე შვილს წარმატებული კარიერა აქვს. ოჯახში რა თვისებებს ამჟღავნებენ, როგორი მშობლები არიან?
– არ მეგონა, კოკო ასეთი ყურადღებიანი მამა თუ იქნებოდა. თქვენ რომ ნახოთ, როგორ აძინებს თავის პატარა მარიამს, გაგიკვირდებათ. აღარაფერს ვამბობ იმაზე, თუ როგორი ქმარია. მარიამისა და ელენეს დედაშვილობაც გამორჩეულია. მათ რომ ვუყურებ, ვტკბები. ხანდახან ვამბობ, ასაკოვანი ქალის თვალით ვიხედები, ცოტა ადრე დავიბერე თავი და ასე არ შეიძლება–მეთქი.
– როცა მარიამს ოჯახი დაენგრა, ალბათ თქვენი თანადგომა, რჩევები ძალიან დაეხმარა რთული პერიოდის გადატანაში.
– მარიამისთვის ამ საკითხში რჩევა არასოდეს მიმიცია. თავის დროზე კატეგორიულად ვთხოვდი, რომ არ გათხოვილიყო, მაგრამ მან ერთი სიტყვით განმაიარაღა, მითხრა, მიყვარსო. ამის შემდეგ მაქსიმალურად გვერდში დავუდექი, მაგრამ... ალბათ ეს იყო ბედისწერა და ასეთი რამ იმიტომ უნდა მომხდარიყო, რომ ელენე დაბადებულიყო... ამ თემაზე საუბარი აღარ მინდა. აქამდე მე ღირსეულ ადამიანებზე გელაპარაკებოდით, თემებიც საინტერესო იყო და ღირსეულ თემებსა და ადამიანებზე გავაგრძელოთ საუბარი. დაკონკრეტებას ნუ მომთხოვთ.
– დები ჭოხონელიძეები ერთად დიდი ხანია არსად გამოჩენილხართ. თქვენი ტრიოს შემოქმედებითი ცხოვრება როგორ მიდის?
– 29 აგვისტოს ბათუმის თეატრში გამოვალთ კონცერტზე. ჩვენს ტრიოს აქტიურად ეპატიჟებიან სხვადასხვა საღამოებზე, მაგრამ მე არ მიყვარს ერთი და იმავე პროგრამით გამოსვლა. იმის გამო, რომ ჩვენი ოჯახური ცხოვრებითა და მუსიკალური სტუდიით ვართ დაკავებულები, ცოტა გაგვიჭირდა რეპერტუარის განახლება. 3 თვის წინ იტალიაში გრაფინია ფრანჩესკა პაპა ფავას მიწვევით ჩავატარეთ ძალიან საინტერესო კონცერტი. ვერ წარმოიდგენთ, უცხოელებს როგორ მოსწონთ, როცა მთელი ოჯახი მღერის. ამ კონცერტის შემდეგ მივიღეთ შემოთავაზება იტალიიდან, ესპანეთიდან და ისრაელიდან. მაყურებლის წინაშე უდიდეს პასუხისმგებლობას ვგრძნობ. არ ვარ თავზეხელაღებული ადამიანი, რომელსაც შეუძლია ყოველ წელიწადს სოლო კონცერტი ჩაატაროს. დიდი დრო მჭირდება მოსამზადებლად.
– სოლო კონცერტს მხოლოდ საკუთარი რესურსებით ვერ გაწვდებით. გაქვთ ხელშეწყობა, რომ თქვენი საქმე კარგად აკეთოთ?
– რა გითხრათ, ბოლო 2–3 წელიწადში გარემომ იმდენად იმოქმედა ჩემზე, იმდენი მლიქვნელობა, ფარისევლობა დავინახე, იმდენი ადამიანი დაპატარავდა ჩემს თვალში, რომ... აღარ მინდა, ასეთებს ვხედავდე.
– იმას გულისხმობთ, რომ მთავრობის შეცვლასთან ერთად ადამიანებმა სხვანაირი ხასიათი გამოავლინეს?
– კი, სწორედ ამას ვგულისხმობ. ჯერჯერობით მათ ვინაობას არ გავამხელ. ჩემთვის ამაზრზენია, ფულის გამო ყველაფერს რომ კადრულობენ. ასეთი ადამიანების დანახვა მართლა არ შემიძლია. ბევრჯერ დააპირა ცხოვრებამ ჩემი გატეხვა, მაგრამ პატარა ადამიანები ვერ მომერიენ. პირველად ვამბობ ამას, რომ ვაჟკაცი ქალი აღმოვჩნდი. ბრძოლა ძალაუნებურად გახდა ჩემი ცხოვრების თანმდევი, რომელსაც უკვე მივეჩვიე. უფლის წყალობაა, რომ ფეხზე ვდგავარ.
ლანა კიკნაძე, ჟურნალი სარკე
– ქალბატონო თამრიკო, როგორც ვიცი, თქვენს დიდ ოჯახთან ერთად საგურამოში, აგარაკზე ისვენებთ. ძნელი არ არის, ამდენი ადამიანის მოვლა, გამასპინძლება?
– ჩემი და ჩემი დების ოჯახები ყოველ წელს ერთად ვისვენებთ და, მიუხედავად იმისა, რომ ბევრნი ვართ, არ ვიღლები. ჩვენთან ხშირად მოდიან მეგობრები, ეს არის ჩემთვის ყველაზე დიდი ზეიმი და, როგორც უნდა გაგიკვირდეთ, საუკეთესო დასვენებაც.
– დასვენება დაგეხმარებათ იმაში, რომ ახალ პროექტზე, რომელიც კომპოზიტორ არჩილ კერესელიძის შემოქმედებას მიეძღვნება, მეტი შემართებით იმუშაოთ. როდისთვის გეგმავთ კონცერტს?
– არ ვჩქარობ, რადგან მინდა, ამ კომპოზიტორის შემოქმედების თითოეული დეტალი ღრმად შევისწავლო. სოლო კონცერტს მხოლოდ ამის შემდეგ ჩავატარებ. ახლა მთლიანად ჩართული ვარ ამ პროცესში და მიხარია, რომ ჩემი შვილების შემოქმედებითი ცხოვრებაც ასევე დატვირთულია. კოკომ 7 პრემიერა ითამაშა და ჩემი შვილი საინტერესო კუთხიდან დავინახე. ის, როგორც მსახიობი, ძიების პროცესშია. სექტემბრიდან კი რეჟისურაშიც ცდის ბედს. ძალიან საინტერესო ადამიანია და ბევრი გეგმა აქვს.
მარიამმაც მნიშვნელოვანი ნაბიჯები გადადგა კარიერაში. რომში, სანტა ჩეჩილიას აკადემიაში კასტინგი გაირა, რენატა სკოტომ ჩაუტარა მასტერკლასი. 42 კონკურსანტიდან 10 შეარჩიეს და მათ შორის მარიამიც მოხვდა. ბევრი საინტერესო შემოთავზება მიიღო.
– მარიამს თქვენც ახლდით იტალიაში?
– ჯანმრთელობა არ მიწყობდა ხელს, მაგრამ იტალიაში მაინც გავყევი და ელენეც წავიყოლეთ. იქ ერთი თვე დავრჩით. რომ შეიტყვეს, მუსიკოსი ვიყავი, მასტერკლასებზე დასწრების საშუალება მომცეს და ამით უდიდესი სიამოვნება მივიღე. პედაგოგებმა წამოსვლისას მარიამს ასეთი შეფასება მისცეს, მას ყველა მონაცემი აქვს იმისთვის, რომ მალე ძალიან ცნობილი სოპრანო იყოსო. იტალიაში მარიამთან ერთად იყვნენ მომღერლები ინგა ჯახუტაშვილი და სალომე ჯიქია, რომელთა წარმატებამაც სიამაყით ამავსო. იქიდან ძალიან კმაყოფილი დავბრუნდი.
– ორივე შვილს წარმატებული კარიერა აქვს. ოჯახში რა თვისებებს ამჟღავნებენ, როგორი მშობლები არიან?
– არ მეგონა, კოკო ასეთი ყურადღებიანი მამა თუ იქნებოდა. თქვენ რომ ნახოთ, როგორ აძინებს თავის პატარა მარიამს, გაგიკვირდებათ. აღარაფერს ვამბობ იმაზე, თუ როგორი ქმარია. მარიამისა და ელენეს დედაშვილობაც გამორჩეულია. მათ რომ ვუყურებ, ვტკბები. ხანდახან ვამბობ, ასაკოვანი ქალის თვალით ვიხედები, ცოტა ადრე დავიბერე თავი და ასე არ შეიძლება–მეთქი.
– როცა მარიამს ოჯახი დაენგრა, ალბათ თქვენი თანადგომა, რჩევები ძალიან დაეხმარა რთული პერიოდის გადატანაში.
– მარიამისთვის ამ საკითხში რჩევა არასოდეს მიმიცია. თავის დროზე კატეგორიულად ვთხოვდი, რომ არ გათხოვილიყო, მაგრამ მან ერთი სიტყვით განმაიარაღა, მითხრა, მიყვარსო. ამის შემდეგ მაქსიმალურად გვერდში დავუდექი, მაგრამ... ალბათ ეს იყო ბედისწერა და ასეთი რამ იმიტომ უნდა მომხდარიყო, რომ ელენე დაბადებულიყო... ამ თემაზე საუბარი აღარ მინდა. აქამდე მე ღირსეულ ადამიანებზე გელაპარაკებოდით, თემებიც საინტერესო იყო და ღირსეულ თემებსა და ადამიანებზე გავაგრძელოთ საუბარი. დაკონკრეტებას ნუ მომთხოვთ.
– დები ჭოხონელიძეები ერთად დიდი ხანია არსად გამოჩენილხართ. თქვენი ტრიოს შემოქმედებითი ცხოვრება როგორ მიდის?
– 29 აგვისტოს ბათუმის თეატრში გამოვალთ კონცერტზე. ჩვენს ტრიოს აქტიურად ეპატიჟებიან სხვადასხვა საღამოებზე, მაგრამ მე არ მიყვარს ერთი და იმავე პროგრამით გამოსვლა. იმის გამო, რომ ჩვენი ოჯახური ცხოვრებითა და მუსიკალური სტუდიით ვართ დაკავებულები, ცოტა გაგვიჭირდა რეპერტუარის განახლება. 3 თვის წინ იტალიაში გრაფინია ფრანჩესკა პაპა ფავას მიწვევით ჩავატარეთ ძალიან საინტერესო კონცერტი. ვერ წარმოიდგენთ, უცხოელებს როგორ მოსწონთ, როცა მთელი ოჯახი მღერის. ამ კონცერტის შემდეგ მივიღეთ შემოთავაზება იტალიიდან, ესპანეთიდან და ისრაელიდან. მაყურებლის წინაშე უდიდეს პასუხისმგებლობას ვგრძნობ. არ ვარ თავზეხელაღებული ადამიანი, რომელსაც შეუძლია ყოველ წელიწადს სოლო კონცერტი ჩაატაროს. დიდი დრო მჭირდება მოსამზადებლად.
– სოლო კონცერტს მხოლოდ საკუთარი რესურსებით ვერ გაწვდებით. გაქვთ ხელშეწყობა, რომ თქვენი საქმე კარგად აკეთოთ?
– რა გითხრათ, ბოლო 2–3 წელიწადში გარემომ იმდენად იმოქმედა ჩემზე, იმდენი მლიქვნელობა, ფარისევლობა დავინახე, იმდენი ადამიანი დაპატარავდა ჩემს თვალში, რომ... აღარ მინდა, ასეთებს ვხედავდე.
– იმას გულისხმობთ, რომ მთავრობის შეცვლასთან ერთად ადამიანებმა სხვანაირი ხასიათი გამოავლინეს?
– კი, სწორედ ამას ვგულისხმობ. ჯერჯერობით მათ ვინაობას არ გავამხელ. ჩემთვის ამაზრზენია, ფულის გამო ყველაფერს რომ კადრულობენ. ასეთი ადამიანების დანახვა მართლა არ შემიძლია. ბევრჯერ დააპირა ცხოვრებამ ჩემი გატეხვა, მაგრამ პატარა ადამიანები ვერ მომერიენ. პირველად ვამბობ ამას, რომ ვაჟკაცი ქალი აღმოვჩნდი. ბრძოლა ძალაუნებურად გახდა ჩემი ცხოვრების თანმდევი, რომელსაც უკვე მივეჩვიე. უფლის წყალობაა, რომ ფეხზე ვდგავარ.
ლანა კიკნაძე, ჟურნალი სარკე
