"დედამთილის დედას იმის გამო ვძულვარ, რომ წარსულში პაპაჩემმა ზურგი აქცია"
1 569 ნახვა
როგორც ჩანს, გრძნობები არც სიბერეში ნელდება, ქალის გულს კი სიკვდილამდე არაფერი ავიწყდება. თუ რატომ ვფიქრობ ასე, მოგიყვებით.
4 წლის წინ გავთხოვდი. ქმრის ოჯახში ყველა სიყვარულით შემხვდა, ერთის გარდა და ის დედამთილის დედა იყო. პირველივე დღეს ზურგი მაქცია, შებრუნდა და თავის ოთახში ჩაიკეტა. კი, მითხრეს, ყურადღება არ მიაქციო, ბუზღუნა მოხუციაო, მაგრამ მის პრეტენზიებს საშველი არ დაადგა. ჩემი არც გარეგნობა მოსწონს, არც პროფესია, არც საქმე, არც ის, შვილს როგორ ვზრდი. მოკლედ, ჩემი დანახვა არ უნდა. თავის შვილთან, ანუ ჩემს დედამთილთან, ამის გამო ხშირად მოსდის კონფლიქტი, მაგრამ თავისას მაინც არ იშლის. მეუბნებიან, ხომ იცი, ასე რატომაც აგითვალწუნა და ცოტა იუმორით შეხედეო, მაგრამ მის საქციელზე ვერაფრით გავიცინებ!
ჩემი ათვალწუნების მიზეზი კი ასეთია: ახალგაზრდობაში თურმე პაპაჩემს და მას ერთმანეთი უყვარდათ. მათი რომანის შესახებ ყველამ იცოდა. ერთ დღეს კი პაპამ ბებიაჩემი გაიცნო. მან ყველა ქალი დაავიწყა და ზუსტად ერთ კვირაში ცოლად შეირთო. კარგად მესმის ქმრის ბებიის, ეს მისთვის საშინელი ტკივილი იქნებოდა. წარმოიდგინეთ, საყვარელი კაცი გეფიცება, ცოლად უნდა მოგიყვანოო და უცებ ერთი კვირის გაცნობილ სხვა ქალს ირთავს ცოლად.
რამდენიმე ხნის შემდეგ ჩემი ქმრის ბებიის ცხოვრებაშიც გამოჩნდა სხვა კაცი და ცოლად გაჰყვა, მაგრამ წყენა და ის ტკივილი ვერ დაივიწყა. ზუსტად ვიცი, რა დაემართებოდა, როცა გაიგებდა, რომ შვილიშვილს მისი მოღალატე შეყვარებულის შვილიშვილი მოჰყავდა ცოლად. მართლა ვუგებ ამ ქალს, მაგრამ ყოფილი შეყვარებულის ჯავრი ჩემზე რატომ უნდა იყაროს?!
პაპა ცოცხალი აღარ არის. ის სიგიჟემდე მიყვარდა, რადგან საოცარი ადამიანი იყო. ყოველთვის სიყვარულით ვიხსენებ, მაგრამ ქმრის ბებიასთან მასზე არ ვლაპარაკობ. ამას წინათ პაპა ვახსენე, ვერ გავთვალე, რომ ქმრის ბებიაც იქვე იჯდა, მან კი უცებ წამოიყვირა, ძაღლი მიაკვდაო.
წონასწორობიდან გამოვედი. ვაღიარებ, მინდოდა, მივვარდნოდი და რაღაც დამეშავებინა მისთვის. ბოლოს და ბოლოს სხვა კაცს გაჰყვა ცოლად, სამი შვილი გაუჩინა და ის სიყვარული რით ვერ დაივიწყა?!
ძალიან მიჭირს ამ ქალის გვერდით ცხოვრება. მეუბნებიან, მოუთმინე, მოუთმინეო, მაგრამ მოთმინებას მაკარგვინებს და როგორ მოვიქცე? გვერდით ისე არ ჩამივლის, ცუდი სიტყვა არ მომაძახოს. ზოგჯერ იმ ზომამდე მივდივარ, რომ ქმრის ოჯახიდან წამოსვლის სურვილი მიჩნდება.
სარკის მკითხველი
4 წლის წინ გავთხოვდი. ქმრის ოჯახში ყველა სიყვარულით შემხვდა, ერთის გარდა და ის დედამთილის დედა იყო. პირველივე დღეს ზურგი მაქცია, შებრუნდა და თავის ოთახში ჩაიკეტა. კი, მითხრეს, ყურადღება არ მიაქციო, ბუზღუნა მოხუციაო, მაგრამ მის პრეტენზიებს საშველი არ დაადგა. ჩემი არც გარეგნობა მოსწონს, არც პროფესია, არც საქმე, არც ის, შვილს როგორ ვზრდი. მოკლედ, ჩემი დანახვა არ უნდა. თავის შვილთან, ანუ ჩემს დედამთილთან, ამის გამო ხშირად მოსდის კონფლიქტი, მაგრამ თავისას მაინც არ იშლის. მეუბნებიან, ხომ იცი, ასე რატომაც აგითვალწუნა და ცოტა იუმორით შეხედეო, მაგრამ მის საქციელზე ვერაფრით გავიცინებ!
ჩემი ათვალწუნების მიზეზი კი ასეთია: ახალგაზრდობაში თურმე პაპაჩემს და მას ერთმანეთი უყვარდათ. მათი რომანის შესახებ ყველამ იცოდა. ერთ დღეს კი პაპამ ბებიაჩემი გაიცნო. მან ყველა ქალი დაავიწყა და ზუსტად ერთ კვირაში ცოლად შეირთო. კარგად მესმის ქმრის ბებიის, ეს მისთვის საშინელი ტკივილი იქნებოდა. წარმოიდგინეთ, საყვარელი კაცი გეფიცება, ცოლად უნდა მოგიყვანოო და უცებ ერთი კვირის გაცნობილ სხვა ქალს ირთავს ცოლად.
რამდენიმე ხნის შემდეგ ჩემი ქმრის ბებიის ცხოვრებაშიც გამოჩნდა სხვა კაცი და ცოლად გაჰყვა, მაგრამ წყენა და ის ტკივილი ვერ დაივიწყა. ზუსტად ვიცი, რა დაემართებოდა, როცა გაიგებდა, რომ შვილიშვილს მისი მოღალატე შეყვარებულის შვილიშვილი მოჰყავდა ცოლად. მართლა ვუგებ ამ ქალს, მაგრამ ყოფილი შეყვარებულის ჯავრი ჩემზე რატომ უნდა იყაროს?!
პაპა ცოცხალი აღარ არის. ის სიგიჟემდე მიყვარდა, რადგან საოცარი ადამიანი იყო. ყოველთვის სიყვარულით ვიხსენებ, მაგრამ ქმრის ბებიასთან მასზე არ ვლაპარაკობ. ამას წინათ პაპა ვახსენე, ვერ გავთვალე, რომ ქმრის ბებიაც იქვე იჯდა, მან კი უცებ წამოიყვირა, ძაღლი მიაკვდაო.
წონასწორობიდან გამოვედი. ვაღიარებ, მინდოდა, მივვარდნოდი და რაღაც დამეშავებინა მისთვის. ბოლოს და ბოლოს სხვა კაცს გაჰყვა ცოლად, სამი შვილი გაუჩინა და ის სიყვარული რით ვერ დაივიწყა?!
ძალიან მიჭირს ამ ქალის გვერდით ცხოვრება. მეუბნებიან, მოუთმინე, მოუთმინეო, მაგრამ მოთმინებას მაკარგვინებს და როგორ მოვიქცე? გვერდით ისე არ ჩამივლის, ცუდი სიტყვა არ მომაძახოს. ზოგჯერ იმ ზომამდე მივდივარ, რომ ქმრის ოჯახიდან წამოსვლის სურვილი მიჩნდება.
სარკის მკითხველი
