სალომე გოგიაშვილს კონჩიტას მსგავსი ქალები და კაცები აღიზიანებენ
1 684 ნახვა
სალომე გოგიაშვილი წლებია, ცნობილი სახეა. პოპულარობამ ბევრი ადამიანის სიყვარული მოუტანა, მაგრამ აგრესიასაც გრძნობს, რაც გულს სწყვეტს. პოპულარობის პირველი შეგრძნება მასთან მაშინ მოვიდა, როდესაც ''დუბლიორში'' მიიღო მონაწილეობა. დღეს ოჯახითაა დაკავებული, შოუბიზნესურ ორომტრიალშიც ნაკლებად არის ჩართული, მაგრამ მაინც ინარჩუნებს ცნობადობას.
- როდის შეიგრძენი პოპულარობის გემო?
- წელი ზუსტად არ მახსოვს, დაახლოებით 11-12 წლის წინ. იმ პერიოდში მივიღე მონაწილეობა ტელეპროექტ ''დუბლიორში'', მცნობდა ძირითადად ის ხალხი, ვინც ადრე იღვიძებდა, რადგან ეს პროექტი დილის ეთერში გადიოდა (იღიმის).
შემდეგ იყო ''პირველი სტერეო'', სადაც საკმაო პოპულარობა მოვიპოვე. საერთოდ, პოპულარობაზე საუბარი მერიდება. პოპულარული ადამიანი ჩემთვის ისაა, ვინც ნაკლებად ჩანს, ასე ვთქვათ, მიუწვდომელია, მისი ნახვა გახარებს და ა.შ. მაგალითად, მე მთელი ცხოვრება ვოცნებობდი უიტნი ჰიუსტონთან შეხვედრაზე. დარწმუნებული ვარ, რომ მენახა, ნამდვილად გავგიჟდებოდი, ეს იქნებოდა მოვლენა. რასაკვირველია, ჰიუსტონს თავს არ ვადარებ, მაგრამ საქართველოში ეს მომენტი არ არის. თანაც, როგორც კი პოპულარულ ადამიანს ხედავენ, ზევიდან უყურებენ და არა სიხარულით. ცნობილი სახეები აგრესიას იწვევენ, რადგან უფრო მეტად ჩანან ეკრანზე, ვიდრე დანარჩენები. ვფიქრობ, ეს გარკვეულწილად შურსაც უკავშირდება. ზოგი მიიჩნევს, რომ შენზე მაგარია და რატომ ჩანხარ შენ და არა ის? დარწმუნებულია, რომ თავადაც შეძლებს იმავეს გაკეთებას, რასაც შენ აკეთებ, არადა, შინ ზის უსაქმოდ. ამიტომაც გაბრაზებულია მთელ სამყაროზე და მათ შორის, შენზეც. პოპულარობამ ბევრი ადამიანის სიყვარული და სიმპათია მომიტანა, მაგრამ გარკვეული ოდენობის ხალხში მაინც ვიწვევ აგრესიას, რაზეც გული მწყდება.
- აგრესია ''პირველ სტერეოში'' მუშაობის დროსაც იყო?
- იქ მოდიოდა ესემესები და უკვე ნომრებს ვცნობდით. იყო ხუთი-ექვსი ადამიანი, რომელთაგანაც სექსუალური ხასიათის მესიჯები მოდიოდა. იმდროინდელ ჩანაწერებს რომ ვუყურებ, არ მესმის, რა აღაგზნებდათ (იცინის). აბსოლუტურად არ მესექსუალურება მაშინდელი ჩემი თავი. ზოგადად, ასეა. რაც წლები გადის, ფოტოებსაც რომ უყურებ, ვერ ხვდები, ის მაკიაჟი და ვარცხნილობა რატომ გქონდა ან ისეთი სამოსი რატომ გეცვა. თუმცა, 11 წლის წინ ბავშვური ვიყავი და ამას ვგულისხმობ. აგრესიული ესემესები მაინც არ ყოფილა, ძირითადად, ისეთი, როგორზეც ახლა გითხარი. აგრესია მას შემდეგ წამოვიდა, რაც ინტერნეტში დაიწყეს მასალების განთავსება და ასევე დიდი როლი ითამაშა სოციალურმა ქსელებმა. ხალხს მიეცა საშუალება, რომ მოგწერონ.
- პოპულარობამ საქმიანობის მხრივ რა მოგიტანა დადებითი?
- რასაკვირველია, ეს დადებითად აისახა ჩემს საქმეზე. თუკი ადამიანი გიცნობს, შენზე უკვე რაღაც წარმოდგენა აქვს, გარდა იმისა, რომ ვიზუალურად გიცნობს. იცის, რისი გაკეთება შეგიძლია.
- პირადში თუ შეგიშალა ხელი?
- არაფერში, გარდა იმისა, რომ თუკი ადრე კლუბში კონცერტების წაყვანაზე მქონდა შემოთავაზებები, ახლა მათ არ დავთანხმდებოდი, რადგან ოჯახი, შვილები, მეუღლე მყავს და საკუთარ თავს არ მივცემ უფლებას, გვიან კლუბში ვიმუშავო.
- როდისმე თუ გიგრძნია, რომ პოპულარობის გამო დაინტერესებულა შენით მამაკაცი?
- გულში მამაკაცს რა უდევს, ეს ნაკლებად იგრძნობა, თუკი ძალიან სუსტად არ თამაშობს, მაგრამ რაღაც მომენტში მიგრძნია, რომ გამპრანჭვიან ამის გამო. თაყვანისმცემლებზე ვერ ვილაპარაკებ, რადგან საკმაო პოპულარობა უკვე მაშინ მოვიხვეჭე, როცა ვახოსთან ერთად დავდიოდი. ვახოს კი ყოველთვის სიამოვნებდა და ახლაც ასეა, როცა მცნობენ. თუკი ისეთი შემთხვევაა, როცა ვახოს ცნობენ და არა მე, ძალიან ამაყობს (იღიმის). ახლახან კი მითხრა, ურიგოდ გამატარეს, მიცნეს, სალომე გოგიაშვილის მეუღლე ხართო. მეც მიხარია, რომ ჩემ გვერდით მყოფ ადამიანს მოსწონს ჩემი წარმატება და პოპულარობა.
- დამეგობრების მსურველებიც იქნებოდნენ ამ ნიშნით.
- მე უკვე იმ ასაკში ვარ, როცა ადამიანებს ძალიან ძნელად იმეგობრებენ. მყავს ბავშვობის მეგობრები ან შემდეგ შეძენილი, მაგრამ ბევრ სიტუაციაში გამოცდილი. წამო, ყავა დავლიოთ - ასე არავისთან ვმეგობრობ. მყავს ბევრი მეგობარი, რომელთანაც ყავის დალევა შემიძლია ყველანაირი პრანჭვის გარეშე. უხერხულია ამაზე ლაპარაკი, მაგრამ იყო შემთხვევა, როცა ორი ადამიანი ძალიან ცუდად ლაპარაკობდა ჩემზე, პარალელურად, დადებით მესიჯებს მწერდნენ. ერთ-ერთი ჩემს მეგობარს ეკითხებოდა, ტელევიზიაში როგორ მოვხვდეო. ეტყობა, ჩემი დახმარებით სურდა ტელევიზიაში მუშაობის დაწყება. ჩავთვალე, რომ ამ ხერხით ელოდა ჩემგან გამორჩენას. მიყვარს, როცა ვიღაცას ვეხმარები, მაგრამ როცა ვხვდები, არ გიყვარვარ და უბრალოდ, რაღაცას ელოდები, კატეგორიული და უხეში ვხდები.
- პოპულარობა რაიმეში თუ გამოგიყენებია?
- თავად არ მისარგებლია. მაღაზიაში როცა შევდივარ, რაღაცის ყიდვის გდაწყვეტილებას რთულად ვიღებ. უნდა წამოვიდე, ვიფიქრო და მერე დავბრუნდე. თუკი გამყიდველს ვუცნივარ, შემოუთავაზებია, წაიღე და მოიფიქრეო. მერე აუცილებლად ვყიდულობ ხოლმე, უკან ხომ არ მივაბრუნებ (იცინის)? თუმცა არასდროს მითხოვია ფასდაკლება. რიგშიც ხშირად გავუტარებივარ. მქონდა ერთი შემთხვევა, როდესაც ერთ-ერთმა ესთეტიკის ცენტრმა ბარტერი შემომთავაზა, მე მათ რეკლამა გავუწიე და მათ - მომსახურება. ამ თანამშრომლობით ძალიან კმაყოფილი დავრჩი. ვიღაც თუ მთხოვს, თმას რომ და-გვარცხნი, მერე თქვიო, ამას აუცილებლად ვაკეთებ.
- მნიშვნელოვანია, როგორ გამოიყურება ყოველდღიურად პოპულარული ქალი.
- ამას იმიტომ არ ვაკეთებ, ვაიმე, ვიღაცამ რომ მიცნოს-მეთქი. კარს რომ გავაღებ, მაღაზიაა, იქამდე ორი ნაბიჯია, მაგრამ პურის საყიდლადაც არ მსიამოვნებს მოუწესრიგებლად გასვლა. შესაძლოა, ქუსლზე არ ვიდგე, მაგრამ სულ ვცდილობ, რომ ჭუჭყიანის შთაბეჭდილება არ დავტოვო (იცინის). პოპულარობა ამ სურვილს კიდევ მეტად აძლიერებს. როცა იცი, რომ ვიღაცა გცნობს, არ გინდა თქვას, დედა, რა მახინჯი ყოფილა და ეკრანზე უფრო კარგიაო (იღიმის).
- შენი აზრით, პოზიტიურად პოპულარული ხარ თუ უფრო ნეგატიურად?
- უარყოფითად განწყობილ ადამიანებს უფრო ხედავ და გრძნობ, რადგან ისინი უფრო ''გებრძვიან''. სულ ორ ადამიანს რომ არ მოსწონდე, ამას მეტად იგრძნობ, საკმაოდ ემოციური ვარ და ეს გავლენას ახდენს. ამ ბოლო დროს ვისწავლე ერთ ყურში შეშვების და მეორიდან გამოშვების მეთოდი. მაქსიმალურად ვცდილობ, არ მოვისმინო, არ წავიკითხო უცხოთა შეფასებები, საზოგადოებასაც ნაცნობს ვარჩევ, ნაკლებად ვერევი უსიამოვნო სიტუაციებში, ვურთიერთობ მეგობრებთან, დადებითად განწყობილ ადამიანებთან, ვიღებ კარგ ემოციებს. ისედაც, ზოგადად მძიმე სიტუაციაა და უარყოფითი ემოციები არ გვაკლია. საბოლოო ჯამში, ვფიქრობ, რომ უფრო პოზიტიური პოპულარობა მაქვს, ვიდრე ნეგატიური.
- ვინ არის საქართველოში პოზიტიურად ცნობილი და უარყოფითად?
- ჩემი აზრით, დადებითად ცნობილი კათალიკოს-პატრიარქი ილია მეორეა, რომლის მისამართით ცუდი არავისგან გამიგია. ბედნიერებას და დადებით ემოციებს ვგრძნობ, როცა მას ვხედავ. შოუბიზნესზე არაფერს ვიტყვი, ბევრი მეგობარი მყავს, ისინი ძირითადად ჩემში დადებით ემოციებს იწვევენ. ყველას, როგორც შეუძლია, ისე შრომობს, მაგრამ მომწონს, რომ რაღაცას მაინც აკეთებენ. უარყოფითს, ჩემი მოსაზრებით, იწვევს კონჩიტა და კონჩიტას მსგავსი ქალები და კაცები. არ არის აუცილებელი, წვერი გქონდეს. კონჩიტას აღვიქვამ, როგორც ადამიანის ორმაგ სახეს. ასეთი ადამიანი ბევრია საქართველოში, პოპულარულიც და არაპოპულარულიც.
- განვითარებულ ქვეყნებში პოპულარობა და ფული განუყოფელია. შენი შემოსავლებით გიცხოვრია ოდესმე?
- რაც უფრო პოპულარული ხარ, მით მეტი შანსი გაქვს, რომ სამსახური იშოვო, შესაბამისად, ანაზღაურებაც გქონდეს. არასდროს შემინახავს ჩემი ოჯახი, მაგრამ როცა მიმუშავია, მქონია ხუთი სამსახური. არ ვიღლები, შესაძლოა, ვიწუწუნო, მაგრამ ესეც მსიამოვნებს, როცა ვიცი, რომ ამ სამსახურებს მოაქვს ჩემთვის კარგი შემოსავალი. თვეში ამ მუშაობით შემიგროვებია მაქსიმალური - 3500 ლარი, რომელსაც ჩემი შვილების სურვილების ასასრულებლად, დასასვენებლად ვიყენებდი. ერთი სამსახურით დღეს თბილისში ვერ იცხოვრებ, ალბათ, ყველა დამერწმუნება. თუმცა, როცა ეს თანხა მქონდა, ერთდროულად არ ვიღებდი, სხვადასხვა დროს მაძლევდნენ, თვის ბოლოს კი ფული არასდროს მქონდა და ვერ ვხვდებოდი, სად დამეხარჯა.
პოპულარულ ადამიანებს რაც შეეხება, თავის თავს ვერ ინახავენ და ბევრი ვიცი, ვისაც სხვა ეხმარება. მსახიობებზე არ მაქვს ლაპარაკი, არ ვიცი, საერთოდ როგორ ცხოვრობენ. განსაკუთრებით მამაკაც მსახიობებს უჭირთ. ისეთი ხელფასი აქვთ, შეიძლება, სახლში რაიმე გაიყოლონ, არ არის საუბარი იმაზე, რომ გოგონას საჩუქარი უყიდონ, ბენზინი ჩაასხან ან ტელეფონი ჩართონ. იმედია, ეს სიტუაცია ოდესმე გამოსწორდება.
დედაჩემი მეუბნებოდა, ჩემ დროს სამედიცინო და ისტორიის ფაკულტეტები იყო მოდურიო. დღეს კი ვფიქრობ, ისეთი პროფესია უნდა აირჩიო, რომელიც ორ კაპიკს გაშოვნინებს. მე რომ ჟურნალისტიკა დავამთავრე, რა? თუნდაც მუშაობა რომ დავიწყო, ოჯახს ვერ ვარჩენ. ერთეულებია ჟურნალისტებს შორის, რომელთაც მაღალი ხელფასი აქვთ. უკვე ის დროა, როცა ჩვენი შვილები საზღვარგარეთ უნდა გავუშვათ. იმედი მაინც მაქვს, როცა გაიზრდებიან, საკუთარი სამსახურებით შეძლებენ ცხოვრებას. დღეს კი ძალიან მეშინია, რადგან გაქანების საშუალება არ არის.
- ურჩევ პოპულარობას ადამიანებს საქართველოში?
- მაინც ვურჩევ, რადგან ბევრი დადებითი ემოციაა. თუკი ვინმეს პოპულარობის სურვილი აქვს, არ უნდა დაიშუროს ენერგია, მაგრამ ყველაფერზე ხელი არ უნდა მოაწერონ. დღეს ძალიან ადვილია პოპულარობის მოპოვება, ტელევიზიაც არ გჭირდება, ინტერნეტი არსებობს, შეგიძლია, გაიხადო ან ჩაიხადო. ეს არასასურველი და მოკლევადიანი პოპულარობაა.
ნინო მურღულია
ჟურნალი ''რეიტინგი''
- როდის შეიგრძენი პოპულარობის გემო?
- წელი ზუსტად არ მახსოვს, დაახლოებით 11-12 წლის წინ. იმ პერიოდში მივიღე მონაწილეობა ტელეპროექტ ''დუბლიორში'', მცნობდა ძირითადად ის ხალხი, ვინც ადრე იღვიძებდა, რადგან ეს პროექტი დილის ეთერში გადიოდა (იღიმის).
შემდეგ იყო ''პირველი სტერეო'', სადაც საკმაო პოპულარობა მოვიპოვე. საერთოდ, პოპულარობაზე საუბარი მერიდება. პოპულარული ადამიანი ჩემთვის ისაა, ვინც ნაკლებად ჩანს, ასე ვთქვათ, მიუწვდომელია, მისი ნახვა გახარებს და ა.შ. მაგალითად, მე მთელი ცხოვრება ვოცნებობდი უიტნი ჰიუსტონთან შეხვედრაზე. დარწმუნებული ვარ, რომ მენახა, ნამდვილად გავგიჟდებოდი, ეს იქნებოდა მოვლენა. რასაკვირველია, ჰიუსტონს თავს არ ვადარებ, მაგრამ საქართველოში ეს მომენტი არ არის. თანაც, როგორც კი პოპულარულ ადამიანს ხედავენ, ზევიდან უყურებენ და არა სიხარულით. ცნობილი სახეები აგრესიას იწვევენ, რადგან უფრო მეტად ჩანან ეკრანზე, ვიდრე დანარჩენები. ვფიქრობ, ეს გარკვეულწილად შურსაც უკავშირდება. ზოგი მიიჩნევს, რომ შენზე მაგარია და რატომ ჩანხარ შენ და არა ის? დარწმუნებულია, რომ თავადაც შეძლებს იმავეს გაკეთებას, რასაც შენ აკეთებ, არადა, შინ ზის უსაქმოდ. ამიტომაც გაბრაზებულია მთელ სამყაროზე და მათ შორის, შენზეც. პოპულარობამ ბევრი ადამიანის სიყვარული და სიმპათია მომიტანა, მაგრამ გარკვეული ოდენობის ხალხში მაინც ვიწვევ აგრესიას, რაზეც გული მწყდება.
- აგრესია ''პირველ სტერეოში'' მუშაობის დროსაც იყო?
- იქ მოდიოდა ესემესები და უკვე ნომრებს ვცნობდით. იყო ხუთი-ექვსი ადამიანი, რომელთაგანაც სექსუალური ხასიათის მესიჯები მოდიოდა. იმდროინდელ ჩანაწერებს რომ ვუყურებ, არ მესმის, რა აღაგზნებდათ (იცინის). აბსოლუტურად არ მესექსუალურება მაშინდელი ჩემი თავი. ზოგადად, ასეა. რაც წლები გადის, ფოტოებსაც რომ უყურებ, ვერ ხვდები, ის მაკიაჟი და ვარცხნილობა რატომ გქონდა ან ისეთი სამოსი რატომ გეცვა. თუმცა, 11 წლის წინ ბავშვური ვიყავი და ამას ვგულისხმობ. აგრესიული ესემესები მაინც არ ყოფილა, ძირითადად, ისეთი, როგორზეც ახლა გითხარი. აგრესია მას შემდეგ წამოვიდა, რაც ინტერნეტში დაიწყეს მასალების განთავსება და ასევე დიდი როლი ითამაშა სოციალურმა ქსელებმა. ხალხს მიეცა საშუალება, რომ მოგწერონ.
- პოპულარობამ საქმიანობის მხრივ რა მოგიტანა დადებითი?
- რასაკვირველია, ეს დადებითად აისახა ჩემს საქმეზე. თუკი ადამიანი გიცნობს, შენზე უკვე რაღაც წარმოდგენა აქვს, გარდა იმისა, რომ ვიზუალურად გიცნობს. იცის, რისი გაკეთება შეგიძლია.
- პირადში თუ შეგიშალა ხელი?
- არაფერში, გარდა იმისა, რომ თუკი ადრე კლუბში კონცერტების წაყვანაზე მქონდა შემოთავაზებები, ახლა მათ არ დავთანხმდებოდი, რადგან ოჯახი, შვილები, მეუღლე მყავს და საკუთარ თავს არ მივცემ უფლებას, გვიან კლუბში ვიმუშავო.
- როდისმე თუ გიგრძნია, რომ პოპულარობის გამო დაინტერესებულა შენით მამაკაცი?
- გულში მამაკაცს რა უდევს, ეს ნაკლებად იგრძნობა, თუკი ძალიან სუსტად არ თამაშობს, მაგრამ რაღაც მომენტში მიგრძნია, რომ გამპრანჭვიან ამის გამო. თაყვანისმცემლებზე ვერ ვილაპარაკებ, რადგან საკმაო პოპულარობა უკვე მაშინ მოვიხვეჭე, როცა ვახოსთან ერთად დავდიოდი. ვახოს კი ყოველთვის სიამოვნებდა და ახლაც ასეა, როცა მცნობენ. თუკი ისეთი შემთხვევაა, როცა ვახოს ცნობენ და არა მე, ძალიან ამაყობს (იღიმის). ახლახან კი მითხრა, ურიგოდ გამატარეს, მიცნეს, სალომე გოგიაშვილის მეუღლე ხართო. მეც მიხარია, რომ ჩემ გვერდით მყოფ ადამიანს მოსწონს ჩემი წარმატება და პოპულარობა.
- დამეგობრების მსურველებიც იქნებოდნენ ამ ნიშნით.
- მე უკვე იმ ასაკში ვარ, როცა ადამიანებს ძალიან ძნელად იმეგობრებენ. მყავს ბავშვობის მეგობრები ან შემდეგ შეძენილი, მაგრამ ბევრ სიტუაციაში გამოცდილი. წამო, ყავა დავლიოთ - ასე არავისთან ვმეგობრობ. მყავს ბევრი მეგობარი, რომელთანაც ყავის დალევა შემიძლია ყველანაირი პრანჭვის გარეშე. უხერხულია ამაზე ლაპარაკი, მაგრამ იყო შემთხვევა, როცა ორი ადამიანი ძალიან ცუდად ლაპარაკობდა ჩემზე, პარალელურად, დადებით მესიჯებს მწერდნენ. ერთ-ერთი ჩემს მეგობარს ეკითხებოდა, ტელევიზიაში როგორ მოვხვდეო. ეტყობა, ჩემი დახმარებით სურდა ტელევიზიაში მუშაობის დაწყება. ჩავთვალე, რომ ამ ხერხით ელოდა ჩემგან გამორჩენას. მიყვარს, როცა ვიღაცას ვეხმარები, მაგრამ როცა ვხვდები, არ გიყვარვარ და უბრალოდ, რაღაცას ელოდები, კატეგორიული და უხეში ვხდები.
- პოპულარობა რაიმეში თუ გამოგიყენებია?
- თავად არ მისარგებლია. მაღაზიაში როცა შევდივარ, რაღაცის ყიდვის გდაწყვეტილებას რთულად ვიღებ. უნდა წამოვიდე, ვიფიქრო და მერე დავბრუნდე. თუკი გამყიდველს ვუცნივარ, შემოუთავაზებია, წაიღე და მოიფიქრეო. მერე აუცილებლად ვყიდულობ ხოლმე, უკან ხომ არ მივაბრუნებ (იცინის)? თუმცა არასდროს მითხოვია ფასდაკლება. რიგშიც ხშირად გავუტარებივარ. მქონდა ერთი შემთხვევა, როდესაც ერთ-ერთმა ესთეტიკის ცენტრმა ბარტერი შემომთავაზა, მე მათ რეკლამა გავუწიე და მათ - მომსახურება. ამ თანამშრომლობით ძალიან კმაყოფილი დავრჩი. ვიღაც თუ მთხოვს, თმას რომ და-გვარცხნი, მერე თქვიო, ამას აუცილებლად ვაკეთებ.
- მნიშვნელოვანია, როგორ გამოიყურება ყოველდღიურად პოპულარული ქალი.
- ამას იმიტომ არ ვაკეთებ, ვაიმე, ვიღაცამ რომ მიცნოს-მეთქი. კარს რომ გავაღებ, მაღაზიაა, იქამდე ორი ნაბიჯია, მაგრამ პურის საყიდლადაც არ მსიამოვნებს მოუწესრიგებლად გასვლა. შესაძლოა, ქუსლზე არ ვიდგე, მაგრამ სულ ვცდილობ, რომ ჭუჭყიანის შთაბეჭდილება არ დავტოვო (იცინის). პოპულარობა ამ სურვილს კიდევ მეტად აძლიერებს. როცა იცი, რომ ვიღაცა გცნობს, არ გინდა თქვას, დედა, რა მახინჯი ყოფილა და ეკრანზე უფრო კარგიაო (იღიმის).
- შენი აზრით, პოზიტიურად პოპულარული ხარ თუ უფრო ნეგატიურად?
- უარყოფითად განწყობილ ადამიანებს უფრო ხედავ და გრძნობ, რადგან ისინი უფრო ''გებრძვიან''. სულ ორ ადამიანს რომ არ მოსწონდე, ამას მეტად იგრძნობ, საკმაოდ ემოციური ვარ და ეს გავლენას ახდენს. ამ ბოლო დროს ვისწავლე ერთ ყურში შეშვების და მეორიდან გამოშვების მეთოდი. მაქსიმალურად ვცდილობ, არ მოვისმინო, არ წავიკითხო უცხოთა შეფასებები, საზოგადოებასაც ნაცნობს ვარჩევ, ნაკლებად ვერევი უსიამოვნო სიტუაციებში, ვურთიერთობ მეგობრებთან, დადებითად განწყობილ ადამიანებთან, ვიღებ კარგ ემოციებს. ისედაც, ზოგადად მძიმე სიტუაციაა და უარყოფითი ემოციები არ გვაკლია. საბოლოო ჯამში, ვფიქრობ, რომ უფრო პოზიტიური პოპულარობა მაქვს, ვიდრე ნეგატიური.
- ვინ არის საქართველოში პოზიტიურად ცნობილი და უარყოფითად?
- ჩემი აზრით, დადებითად ცნობილი კათალიკოს-პატრიარქი ილია მეორეა, რომლის მისამართით ცუდი არავისგან გამიგია. ბედნიერებას და დადებით ემოციებს ვგრძნობ, როცა მას ვხედავ. შოუბიზნესზე არაფერს ვიტყვი, ბევრი მეგობარი მყავს, ისინი ძირითადად ჩემში დადებით ემოციებს იწვევენ. ყველას, როგორც შეუძლია, ისე შრომობს, მაგრამ მომწონს, რომ რაღაცას მაინც აკეთებენ. უარყოფითს, ჩემი მოსაზრებით, იწვევს კონჩიტა და კონჩიტას მსგავსი ქალები და კაცები. არ არის აუცილებელი, წვერი გქონდეს. კონჩიტას აღვიქვამ, როგორც ადამიანის ორმაგ სახეს. ასეთი ადამიანი ბევრია საქართველოში, პოპულარულიც და არაპოპულარულიც.
- განვითარებულ ქვეყნებში პოპულარობა და ფული განუყოფელია. შენი შემოსავლებით გიცხოვრია ოდესმე?
- რაც უფრო პოპულარული ხარ, მით მეტი შანსი გაქვს, რომ სამსახური იშოვო, შესაბამისად, ანაზღაურებაც გქონდეს. არასდროს შემინახავს ჩემი ოჯახი, მაგრამ როცა მიმუშავია, მქონია ხუთი სამსახური. არ ვიღლები, შესაძლოა, ვიწუწუნო, მაგრამ ესეც მსიამოვნებს, როცა ვიცი, რომ ამ სამსახურებს მოაქვს ჩემთვის კარგი შემოსავალი. თვეში ამ მუშაობით შემიგროვებია მაქსიმალური - 3500 ლარი, რომელსაც ჩემი შვილების სურვილების ასასრულებლად, დასასვენებლად ვიყენებდი. ერთი სამსახურით დღეს თბილისში ვერ იცხოვრებ, ალბათ, ყველა დამერწმუნება. თუმცა, როცა ეს თანხა მქონდა, ერთდროულად არ ვიღებდი, სხვადასხვა დროს მაძლევდნენ, თვის ბოლოს კი ფული არასდროს მქონდა და ვერ ვხვდებოდი, სად დამეხარჯა.
პოპულარულ ადამიანებს რაც შეეხება, თავის თავს ვერ ინახავენ და ბევრი ვიცი, ვისაც სხვა ეხმარება. მსახიობებზე არ მაქვს ლაპარაკი, არ ვიცი, საერთოდ როგორ ცხოვრობენ. განსაკუთრებით მამაკაც მსახიობებს უჭირთ. ისეთი ხელფასი აქვთ, შეიძლება, სახლში რაიმე გაიყოლონ, არ არის საუბარი იმაზე, რომ გოგონას საჩუქარი უყიდონ, ბენზინი ჩაასხან ან ტელეფონი ჩართონ. იმედია, ეს სიტუაცია ოდესმე გამოსწორდება.
დედაჩემი მეუბნებოდა, ჩემ დროს სამედიცინო და ისტორიის ფაკულტეტები იყო მოდურიო. დღეს კი ვფიქრობ, ისეთი პროფესია უნდა აირჩიო, რომელიც ორ კაპიკს გაშოვნინებს. მე რომ ჟურნალისტიკა დავამთავრე, რა? თუნდაც მუშაობა რომ დავიწყო, ოჯახს ვერ ვარჩენ. ერთეულებია ჟურნალისტებს შორის, რომელთაც მაღალი ხელფასი აქვთ. უკვე ის დროა, როცა ჩვენი შვილები საზღვარგარეთ უნდა გავუშვათ. იმედი მაინც მაქვს, როცა გაიზრდებიან, საკუთარი სამსახურებით შეძლებენ ცხოვრებას. დღეს კი ძალიან მეშინია, რადგან გაქანების საშუალება არ არის.
- ურჩევ პოპულარობას ადამიანებს საქართველოში?
- მაინც ვურჩევ, რადგან ბევრი დადებითი ემოციაა. თუკი ვინმეს პოპულარობის სურვილი აქვს, არ უნდა დაიშუროს ენერგია, მაგრამ ყველაფერზე ხელი არ უნდა მოაწერონ. დღეს ძალიან ადვილია პოპულარობის მოპოვება, ტელევიზიაც არ გჭირდება, ინტერნეტი არსებობს, შეგიძლია, გაიხადო ან ჩაიხადო. ეს არასასურველი და მოკლევადიანი პოპულარობაა.
ნინო მურღულია
ჟურნალი ''რეიტინგი''
