'ექიმები ალკოჰოლსაც ვიღებთ, ხანდახან თამბაქოსაც ვეწევით და კვების რაციონსაც ვარღვევთ''
1 384 ნახვა
ახალი სამედიცინო თოქშოუ ''ექიმები'' დიდი ხანი არაა, რაც ''რუსთავი 2''-ის ეთერში გავიდა, თუმცა მაყურებლის დიდი მოწონება დაიმსახურა. გადაცემის ერთ-ერთი წამყვანი პლასტიკური ქირურგი კოტე მათითაშვილია. კოტე დღის განმავლობაში უამრავ ოპერაციას აკეთებს. სამსახურიდან ტელევიზიაში მიდის ჩაწერებზე. ცხოვრების ასეთი ტემპი ცოტა დამღლელია, თუმცა ყველაფერს დიდი მონდომებით აკეთებს. პოპულარობა არ ხიბლავს, მხოლოდ ის უნდა, რომ გადაცემის მეშვეობით ხალხს დაეხმაროს.
- კოტე, როგორ აღმოჩნდით თოქშოუში ''ექიმები''?
- გადაცემის საპროდიუსერო ჯგუფმა საკმაოდ დიდი შერჩევა აწარმოა. კასტინგზე დაახლოებით სამასამდე ექიმი მიიწვიეს. დაგვიკავშირდნენ და გვკითხეს, გვქონდა თუ არა სურვილი, ამ ტიპის შოუში მიგვეღო მონაწილეობა. პირადად მე დავეთანხმე, მივედი ერთ-ერთ კასტინგზე, მოგვიანებით დამირეკეს და შემატყობინეს, რომ ჩემი კანდიდატურა დაამტკიცეს. შემდეგ დაიწყო ჩვენი ტრენინგი. კამერებთან მუშაობას დაახლოებით ორი თვე ვსწავლობდით. წამყვანთა გუნდმა ძალიან მოკლე დროში ერთმანეთისთვის გასაგებ ენაზე დავიწყეთ საუბარი.
- იყო მომენტი, როდესაც თქვით, ნეტავ რატომ დავთანხმდი, ტელევიზიაში მუშაობა ძალიან რთულიაო?
- გეთანხმებით, ტელეწამყვანობა ადვილი არაა, მაგრამ ჩვენი პროფესია კამერებთან მუშაობაზე უფრო ძნელია და ექიმებს სირთულეების იდეურ დონეზე არ გვეშინია. საინტერესო მომენტია, როდესაც ასეთ ამპლუაში საკუთარ თავს პოულობ. ჩაწერებზე სამსახურიდან ძალიან დაღლილები მივდივართ, მიუხედავად ამისა, ძალიან მომწონს, რომ ამ ახალ შოუში ვმონაწილეობ, რადგან გადაცემის ფორმატი ქართულ ტელესივრცეში ახალია.
- როგორც ვიცი, წამყვანები ერთმანეთს არ იცნობდით.
- მხოლოდ ნინო ჩიგოვაძეს ვიცნობდი შორიდან, საერთო მეგობრები გვყავს.
- ახლა დამეგობრდით, თუ თქვენ შორის კონკურენციის მომენტი გაჩნდა?
- ჩვენ შორის არანაირი კონკურენცია არაა. იმდენად ფართო გადაცემაა, რომ ყველას თავისი ადგილი და თავისი სასაუბრო აქვს.
- გადაცემის თემებს ერთად გეგმავთ?
- თემებს საპროდიუსერო გუნდი გეგმავს. შემდეგ რეპეტიციამდე კონსულტაციებს გადიან ჩვენთანაც და იმ დარგის სპეციალისტებთანაც, რა თემებზეც იქნება გადაცემა. შეიძლება, ყველა დეტალის ზუსტი გადამოწმება არ და ვერ ხერხდება ტექნიკურად, მაგრამ რაც ეთერში გადის, ყველაფერს სანდო წყაროზე დაყრდნობით ვამბობთ. დარწმუნებული ვარ, ჩვენი გადაცემა წარმატებული იქნება. მაყურებელსაც ვთხოვ, იაქტიუროს და ჩვენი დიდი სატელევიზიო და საექიმო გუნდიც მეტად საინტერესო გადაცემებს შემოგთავაზებთ.
- იყო ისეთი რამ, რაც თქვენც პირველად გაიგეთ ამ გადაცემის მზადებისას?
- ექიმობა ძალიან ფართო ცნებაა. შეუძლებელია, ექიმმა ყველაფერი იცოდეს. ყველა გადაცემაში თითოეული ჩვენგანი საინტერესო ნიუანსებს ვიგებთ. შევეხეთ ისეთ თემებს, რომლებსაც პლასტიკურ ქირურგიასთან საერთო არაფერი აქვს და მათზე ინფორმაციის მიღების სურვილი შეიძლება, საერთოდ არ გამჩენოდა, რომ არა თოქშოუ ''ექიმები''.
- ძალიან ბევრ რჩევას გვაძლევთ, რომლებიც ყველაზე ხშირად კვებას უკავშირდება. თავად ითვალისწინებთ მათ?
- ექიმი მოწოდებული უნდა იყოს იმისთვის, რომ ჯანმრთელად იცხოვროს. ეს ექიმის კონცეფციაში უნდა იდოს, რასაც ზოგი ახერხებს და ზოგიც - ვერა. ექიმები ვცდილობთ, ჯანსაღად ვიცხოვროთ. თუმცა, რა თქმა უნდა, ალკოჰოლსაც ვიღებთ, ხანდახან თამბაქოსაც ვეწევით და კვების რაციონსაც ვარღვევთ.
- რა შემთხვევაში დაგირღვევიათ კვების რაციონი?
- მაგალითად, ექიმები ხაშლამას ვაყრით მარილს, მიუხედავად იმისა, რომ კარგად ვიცით, რომ მარილი მავნებელია. ექიმებიც კი ძალიან ვიწრო ჩარჩოებში ვერ ვსხდებით.
- გამიკვირდა, როდესაც გავიგე, რომ თქვენი საყვარელი ოპერაცია არის ლიპოსაქცია. ეს ოპერაცია რატომ შეგიყვარდათ?
- კლინიკაში ვმუშაობ ბატონ ალექსანდრე კალანტაროვთან ერთად, რომელიც უდიდესი პროფესიონალიზმით გამოირჩევა. გამიმართლა, რომ მის გვერდით ვდგავარ და მასთან ერთად ვემსახურები მედიცინას ბოლო 10-12 წელიწადია, რითაც უდიდესი გამოცდილება მივიღე. პლასტიკური ქირურგია ისეთი დარგია, რომ ახალგაზრდა ასაკში მწვერვალების მიღწევა ალოგიკურია. შესაბამისად, საჭიროა, იმუშაო წყნარად და მუდმივად, რომ განავითარო შენი თავი და კარგი შედეგები მიიღო. ლიპოსაქციის ოპერაცია იმიტომ მიყვარს, რომ ძალიან კარგად გამომდის. სხეულის პროპორციებზე მუშაობა მიზიდავს. ლიპოსაქცია მსოფლიოში არის ყველაზე პოპულარული ოპერაცია პლასტიკურ ქირურგიაში,Y ყველაზე დიდი რაოდენობით სწორედ ეს ოპერაცია კეთდება.
- გამოდის, რომ მსოფლიოს მოსახლეობას ყველაზე მეტად ჭარბი წონა აწუხებს?
- ჭარბი წონა იმდენად არა, რამდენადაც ჭარბი წონით გამოწვეული სხეულის დისბალანსი. დაშვებული მუცელი, მსხვილი ბარძაყები და ა.შ.
- საქართველოში ყველაზე დიდი პრობლემა რა გვაქვს?
- საქართველოში რინოპლასტიკაა წინა პლანზე, გამომდინარე იქიდან, რომ კავკასიაა. შემდეგ მოდის მკერდის გადიდება, მუცლის პლასტიკა, ლიპოსაქცია, სახის სხვადასხვა პროცედურა და ა.შ. მაგალითად: ჩვენთან კლინიკაში ყოველთვიურად 50-70 რინოპლასტიკა კეთდება.
- შოუში მონაწილეობით თქვენი ცხოვრება როგორ შეიცვალა?
- უფრო მეტად დატვირთული ვარ. ძალიან სასიამოვნოა, როდესაც უცხო ადამიანი გაგიღიმებს და გეუბნება, შოუში გნახეთო. როდესაც გვეუბნებიან, ძალიან პოპულარული გახდებით, ქუჩაში რომ გახვალთ, ყველა გიცნობთო, ეს არც ჩემთვის და არც გადაცემის სხვა წამყვანებისთვის არ გახლავთ ის პრიორიტეტი, რისთვისაც შეიძლება, ტელევიზიაში იმუშაო. მუშაობა რაღაც თვალსაზრისით საინტერესოა იმით, რომ ტელევიზიაში სიახლეს ვამკვიდრებთ და ეს შეიძლება, სასიკეთოდ წაადგეს ჩვენს ხალხს.
- ოჯახის წევრები როგორ შეხვდნენ თქვენს ეთერში გამოჩენას?
- ძალიან მგულშემატკივრობენ. ჩემი ბიჭები უკვე 10 და 12 წლისები არიან და კარგად ესმით, რას ემსახურება ეს ყველაფერი. ბავშვები ხედავენ, რეპეტიციაზე ან ჩაწერაზე რომ მივდივარ, ვნერვიულობ და ყოველთვის მამხნევებენ, მეუბნებიან, რომ ყველაფერი კარგად იქნება.
- მეუღლე კრიტიკულია?
- არანაირად არაა კრიტიკული, პირიქით. გადაცემა ჯერ ახალი დაწყებულია და იმედი მაქვს, ჩემს კოლეგებთან ერთად ბევრი სასიკეთო რამის გაკეთებას მოვახერხებთ ჩვენი მაყურებლისთვის.
- მეუღლეც ექიმია?
- მეუღლეს მედიცინასთან არანაირი შეხება არ აქვს. დიპლომატიური საქმიანობითაა დაკავებული.
- ბავშვებს გადაწყვეტილი აქვთ, რომ მამის კვალს გაჰყვნენ?
- ექიმობა არ სურთ და მეც არ ვურჩევ. მედიცინა არის ერთ-ერთი რთული დარგი ცხოვრების ასაწყობად.
- შეგიძლიათ, გულახდილად გვიპასუხოთ, საკუთარ გარეგნობაში შეცვლიდით რამეს?
- ამის სურვილი რომ მქონოდა, აქამდე შევიცვლიდი გარეგნობას. თუმცა მგონი, ეს არც მჭირდება.
- ზოგადად პლასტიკურ ქირურგებს არ უყვართ თავად გარეგნობის შეცვლა და ფიქრობენ, რომ ბუნებრიობაა ყველაზე კარგი.
- ასე ნამდვილად არაა. მთავარია ადამიანის თვითკმაყოფილება. ადამიანმა, რომელიც კმაყოფილია თავისი აწეული ცხვირით, ან გადმოშვერილი ყურებით, ისე უნდა იცხოვროს. თუ არაა კმაყოფილი პატარა ძუძუთი ან დაშვებული ცხვირით და გაიკეთებს ოპერაციას, დედამიწის ზურგზე არავისი საქმე არაა, არც პლასტიკური ქირურგის და არც მეგობრების, მოუხდა თუ არ მოუხდა პლასტიკური ოპერაცია.
მერი კობიაშვილი
ჟურნალი ''რეიტინგი''
- კოტე, როგორ აღმოჩნდით თოქშოუში ''ექიმები''?
- გადაცემის საპროდიუსერო ჯგუფმა საკმაოდ დიდი შერჩევა აწარმოა. კასტინგზე დაახლოებით სამასამდე ექიმი მიიწვიეს. დაგვიკავშირდნენ და გვკითხეს, გვქონდა თუ არა სურვილი, ამ ტიპის შოუში მიგვეღო მონაწილეობა. პირადად მე დავეთანხმე, მივედი ერთ-ერთ კასტინგზე, მოგვიანებით დამირეკეს და შემატყობინეს, რომ ჩემი კანდიდატურა დაამტკიცეს. შემდეგ დაიწყო ჩვენი ტრენინგი. კამერებთან მუშაობას დაახლოებით ორი თვე ვსწავლობდით. წამყვანთა გუნდმა ძალიან მოკლე დროში ერთმანეთისთვის გასაგებ ენაზე დავიწყეთ საუბარი.
- იყო მომენტი, როდესაც თქვით, ნეტავ რატომ დავთანხმდი, ტელევიზიაში მუშაობა ძალიან რთულიაო?
- გეთანხმებით, ტელეწამყვანობა ადვილი არაა, მაგრამ ჩვენი პროფესია კამერებთან მუშაობაზე უფრო ძნელია და ექიმებს სირთულეების იდეურ დონეზე არ გვეშინია. საინტერესო მომენტია, როდესაც ასეთ ამპლუაში საკუთარ თავს პოულობ. ჩაწერებზე სამსახურიდან ძალიან დაღლილები მივდივართ, მიუხედავად ამისა, ძალიან მომწონს, რომ ამ ახალ შოუში ვმონაწილეობ, რადგან გადაცემის ფორმატი ქართულ ტელესივრცეში ახალია.
- როგორც ვიცი, წამყვანები ერთმანეთს არ იცნობდით.
- მხოლოდ ნინო ჩიგოვაძეს ვიცნობდი შორიდან, საერთო მეგობრები გვყავს.
- ახლა დამეგობრდით, თუ თქვენ შორის კონკურენციის მომენტი გაჩნდა?
- ჩვენ შორის არანაირი კონკურენცია არაა. იმდენად ფართო გადაცემაა, რომ ყველას თავისი ადგილი და თავისი სასაუბრო აქვს.
- გადაცემის თემებს ერთად გეგმავთ?
- თემებს საპროდიუსერო გუნდი გეგმავს. შემდეგ რეპეტიციამდე კონსულტაციებს გადიან ჩვენთანაც და იმ დარგის სპეციალისტებთანაც, რა თემებზეც იქნება გადაცემა. შეიძლება, ყველა დეტალის ზუსტი გადამოწმება არ და ვერ ხერხდება ტექნიკურად, მაგრამ რაც ეთერში გადის, ყველაფერს სანდო წყაროზე დაყრდნობით ვამბობთ. დარწმუნებული ვარ, ჩვენი გადაცემა წარმატებული იქნება. მაყურებელსაც ვთხოვ, იაქტიუროს და ჩვენი დიდი სატელევიზიო და საექიმო გუნდიც მეტად საინტერესო გადაცემებს შემოგთავაზებთ.
- იყო ისეთი რამ, რაც თქვენც პირველად გაიგეთ ამ გადაცემის მზადებისას?
- ექიმობა ძალიან ფართო ცნებაა. შეუძლებელია, ექიმმა ყველაფერი იცოდეს. ყველა გადაცემაში თითოეული ჩვენგანი საინტერესო ნიუანსებს ვიგებთ. შევეხეთ ისეთ თემებს, რომლებსაც პლასტიკურ ქირურგიასთან საერთო არაფერი აქვს და მათზე ინფორმაციის მიღების სურვილი შეიძლება, საერთოდ არ გამჩენოდა, რომ არა თოქშოუ ''ექიმები''.
- ძალიან ბევრ რჩევას გვაძლევთ, რომლებიც ყველაზე ხშირად კვებას უკავშირდება. თავად ითვალისწინებთ მათ?
- ექიმი მოწოდებული უნდა იყოს იმისთვის, რომ ჯანმრთელად იცხოვროს. ეს ექიმის კონცეფციაში უნდა იდოს, რასაც ზოგი ახერხებს და ზოგიც - ვერა. ექიმები ვცდილობთ, ჯანსაღად ვიცხოვროთ. თუმცა, რა თქმა უნდა, ალკოჰოლსაც ვიღებთ, ხანდახან თამბაქოსაც ვეწევით და კვების რაციონსაც ვარღვევთ.
- რა შემთხვევაში დაგირღვევიათ კვების რაციონი?
- მაგალითად, ექიმები ხაშლამას ვაყრით მარილს, მიუხედავად იმისა, რომ კარგად ვიცით, რომ მარილი მავნებელია. ექიმებიც კი ძალიან ვიწრო ჩარჩოებში ვერ ვსხდებით.
- გამიკვირდა, როდესაც გავიგე, რომ თქვენი საყვარელი ოპერაცია არის ლიპოსაქცია. ეს ოპერაცია რატომ შეგიყვარდათ?
- კლინიკაში ვმუშაობ ბატონ ალექსანდრე კალანტაროვთან ერთად, რომელიც უდიდესი პროფესიონალიზმით გამოირჩევა. გამიმართლა, რომ მის გვერდით ვდგავარ და მასთან ერთად ვემსახურები მედიცინას ბოლო 10-12 წელიწადია, რითაც უდიდესი გამოცდილება მივიღე. პლასტიკური ქირურგია ისეთი დარგია, რომ ახალგაზრდა ასაკში მწვერვალების მიღწევა ალოგიკურია. შესაბამისად, საჭიროა, იმუშაო წყნარად და მუდმივად, რომ განავითარო შენი თავი და კარგი შედეგები მიიღო. ლიპოსაქციის ოპერაცია იმიტომ მიყვარს, რომ ძალიან კარგად გამომდის. სხეულის პროპორციებზე მუშაობა მიზიდავს. ლიპოსაქცია მსოფლიოში არის ყველაზე პოპულარული ოპერაცია პლასტიკურ ქირურგიაში,Y ყველაზე დიდი რაოდენობით სწორედ ეს ოპერაცია კეთდება.
- გამოდის, რომ მსოფლიოს მოსახლეობას ყველაზე მეტად ჭარბი წონა აწუხებს?
- ჭარბი წონა იმდენად არა, რამდენადაც ჭარბი წონით გამოწვეული სხეულის დისბალანსი. დაშვებული მუცელი, მსხვილი ბარძაყები და ა.შ.
- საქართველოში ყველაზე დიდი პრობლემა რა გვაქვს?
- საქართველოში რინოპლასტიკაა წინა პლანზე, გამომდინარე იქიდან, რომ კავკასიაა. შემდეგ მოდის მკერდის გადიდება, მუცლის პლასტიკა, ლიპოსაქცია, სახის სხვადასხვა პროცედურა და ა.შ. მაგალითად: ჩვენთან კლინიკაში ყოველთვიურად 50-70 რინოპლასტიკა კეთდება.
- შოუში მონაწილეობით თქვენი ცხოვრება როგორ შეიცვალა?
- უფრო მეტად დატვირთული ვარ. ძალიან სასიამოვნოა, როდესაც უცხო ადამიანი გაგიღიმებს და გეუბნება, შოუში გნახეთო. როდესაც გვეუბნებიან, ძალიან პოპულარული გახდებით, ქუჩაში რომ გახვალთ, ყველა გიცნობთო, ეს არც ჩემთვის და არც გადაცემის სხვა წამყვანებისთვის არ გახლავთ ის პრიორიტეტი, რისთვისაც შეიძლება, ტელევიზიაში იმუშაო. მუშაობა რაღაც თვალსაზრისით საინტერესოა იმით, რომ ტელევიზიაში სიახლეს ვამკვიდრებთ და ეს შეიძლება, სასიკეთოდ წაადგეს ჩვენს ხალხს.
- ოჯახის წევრები როგორ შეხვდნენ თქვენს ეთერში გამოჩენას?
- ძალიან მგულშემატკივრობენ. ჩემი ბიჭები უკვე 10 და 12 წლისები არიან და კარგად ესმით, რას ემსახურება ეს ყველაფერი. ბავშვები ხედავენ, რეპეტიციაზე ან ჩაწერაზე რომ მივდივარ, ვნერვიულობ და ყოველთვის მამხნევებენ, მეუბნებიან, რომ ყველაფერი კარგად იქნება.
- მეუღლე კრიტიკულია?
- არანაირად არაა კრიტიკული, პირიქით. გადაცემა ჯერ ახალი დაწყებულია და იმედი მაქვს, ჩემს კოლეგებთან ერთად ბევრი სასიკეთო რამის გაკეთებას მოვახერხებთ ჩვენი მაყურებლისთვის.
- მეუღლეც ექიმია?
- მეუღლეს მედიცინასთან არანაირი შეხება არ აქვს. დიპლომატიური საქმიანობითაა დაკავებული.
- ბავშვებს გადაწყვეტილი აქვთ, რომ მამის კვალს გაჰყვნენ?
- ექიმობა არ სურთ და მეც არ ვურჩევ. მედიცინა არის ერთ-ერთი რთული დარგი ცხოვრების ასაწყობად.
- შეგიძლიათ, გულახდილად გვიპასუხოთ, საკუთარ გარეგნობაში შეცვლიდით რამეს?
- ამის სურვილი რომ მქონოდა, აქამდე შევიცვლიდი გარეგნობას. თუმცა მგონი, ეს არც მჭირდება.
- ზოგადად პლასტიკურ ქირურგებს არ უყვართ თავად გარეგნობის შეცვლა და ფიქრობენ, რომ ბუნებრიობაა ყველაზე კარგი.
- ასე ნამდვილად არაა. მთავარია ადამიანის თვითკმაყოფილება. ადამიანმა, რომელიც კმაყოფილია თავისი აწეული ცხვირით, ან გადმოშვერილი ყურებით, ისე უნდა იცხოვროს. თუ არაა კმაყოფილი პატარა ძუძუთი ან დაშვებული ცხვირით და გაიკეთებს ოპერაციას, დედამიწის ზურგზე არავისი საქმე არაა, არც პლასტიკური ქირურგის და არც მეგობრების, მოუხდა თუ არ მოუხდა პლასტიკური ოპერაცია.
მერი კობიაშვილი
ჟურნალი ''რეიტინგი''
