აქვს თუ არა რეალურად რომანი ბურჯუ ოზბერკის თავის ეკრანულ ქმართან
3 248 ნახვა
ბურჯუ ოზბერკი თურქეთში ერთ–ერთი ყველაზე პოპულარული, ლამაზი და მაღალანაზღაურებადი მსახიობი ქალია. ქართველი მაყურებელი მას იცნობს სერიალიდან "დიდებული საუკუნე", რომელშიც იბრაჰიმ ფაშას ქალიშვილ ჰურიჯიხანის როლს ასრულებს.
ბურჯუ 1990 წლის 12 დეკემბერს თურქეთის ქალაქ ესქიშერში დაიბადა. მისი სამსახიობო დებიუტი 2002 წელს შედგა სერიალით "ჩვენები", რის შემდეგაც გადაწყვიტა, სამსახიობო განათლება მიეღო და სტამბულის უნივერსიტეტის თეატრალურ განყოფილებაზე ჩაირიცხა. როგორც ბევრ თანამედროვე მსახიობს, პოპულარობა მასაც თურქულმა სერიალებმა მოუტანა.
როცა ბურჯუ "დიდებულ საუკუნეში" მიიწვიეს, გადასაღებ მოედანზე მსახიობ არას ბულუთ ინემლისთან ერთად მოუხდა მუშაობა, რომელიც სერიალში შეჰზადე ბაიაზიდის როლს ასრულებს. ეკრანული წყვილის ურთიერთობას ჟურნალისტები გულმოდგინედ ადევნებდნენ თვალს. ისინი რამდენჯერმე სტამბულის ცენტრში ერთადაც დააფიქსირეს, ახლახან კი გავრცელდა ჭორი მათი დაშორების შესახებ. ეს ფაქტი თავად ბურჯუმაც დაადასტურა. არას ბულუთ ინემლი კი დღესაც სასტიკად უარყოფს მასთან სასიყვარულო ურთიერთობას.
2014 წლის 20 მაისს ისტორიული ჟანრის ფილმის, "მარკიზ დე სადის კალმის" პრემიერა შედგა, რომელშიც ბურჯუ ოზბერკმა მთავარი გმირის, მადლენის როლი მოირგო.
მსახიობი ჟურნალისტებისთვის სასურველი რესპონდენტია. ახლახან ბურჯუმ ერთ–ერთ თურქულ ჟურნალს ინტერვიუ მისცა, რომელსაც ქვემოთ გთავაზობთ.
– მსახიობობა თქვენი ბავშვობის ოცნება იყო?
– დიახ. ბევრ რომანს ვკითხულობდი, შემდეგ კი სკოლაში თანაკლასელებთან ერთად სპექტაკლებს ვდგამდი. თეატრი ჩემი ცხოვრების ნაწილია. უნივერსიტეტში სწავლის პერიოდში ბევრ სპექტაკლში ვითამაშე. ვერც კი წარმოვიდგენდი, რომ საკუთარ თავს ოდესმე კინოში ან სერიალში ვიხილავდი.
– მსახიობი რომ არ გამხდარიყავით, რა პროფესიას აირჩევდით?
– მე სხვა პროფესიაც მაქვს, უნივერსიტეტში თეატრალურის პარალელურად ბიზნესის ფაკულტეტზეც ვსწავლობდი, ამიტომ აუცილებლად რომელიმე კომპანიაში ვიმუშავებდი ან ჩემი საკუთარი კომპანია მექნებოდა.
– ფილმს, რომელშიც ჰურიჯიხანის როლი მოირგეთ, "დიდებული საუკუნე" ჰქვია. თქვენ თუ ისურვებდით სულთან სულეიმანის პერიოდში ცხოვრებას?
– არანაირად! თანამედროვე ცხოვრებიდან გამომდინარე, იმ ეპოქის წარმოდგენაც კი მიჭირს.
– თქვენ "დიდებულ საუკუნეს" 106–ე სერიიდან შეუერთდით. ხომ არ გაგიჭირდათ სერიალის სხვა მსახიობებთან შეგუება?
– ნამდვილად არ გამჭირვებია, რადგან ამ სერიალზე მსახიობების, რეჟისორებისა და პროდიუსერების ყველაზე კარგი გუნდი მუშაობდა. მათთან მეგობრული ურთიერთობა მაქვს. გადაღებების შემდეგაც ხშირად ვიკრიბებოდით ერთად.
– ჰურიჯიხანი ის პერსონაჟია, რომელმაც თქვენზე დიდი გავლენა იქონია?
– დიახ, ნამდვილად ასეა. ჰურიჯიხანის პერსონაჟმა ბევრი რამ მასწავლა, პირველ რიგში, მოთმინება.
– მართალია, რომ თქვენს ეკრანულ მეწყვილესთან, არას ბულუთ ინემლისთან სასიყვარულო ურთიერთობა გქონდათ?
– ჩვენი ურთიერთობა დასაწყისშივე დასრულდა და ამაზე საუბარი არ მსურს! ამჟამად ჩემს პირად ცხოვრებაში არაფერი ხდება საინტერესო.
– რას ნიშნავს თქვენთვის მსახიობობა?
– თეატრი ჩემი ცხოვრების ნაწილია და მსახიობობა ჩემთვის მხოლოდ სამსახური არ არის. თუმცა ვერ ვიტყვი, რომ, როდესაც ოჯახი მეყოლება, სამსახურს მასზე წინ დავაყენებ, ან ჩემი პროფესიის გამო ოჯახზე უარს ვიტყვი. ასე არ იქნება!
– პოპულარობამ თქვენი ცხოვრება შეცვალა?
– გარკვეულწილად. მთლიანად სამსახურზე ვარ გადართული, რადგან პოპულარობის გამო უფრო მეტ პასუხისმგებლობას ვგრძნობ საკუთარი საქმისა და თაყვანისმცემლების მიმართ.
– როგორი ხასიათი გაქვთ?
– ცვალებადი, რაც არ მომწონს, მაგრამ ასეთი ვარ!
მოამზადა თათია ბოჭორიძემ, ჟურნალი სარკე
ბურჯუ 1990 წლის 12 დეკემბერს თურქეთის ქალაქ ესქიშერში დაიბადა. მისი სამსახიობო დებიუტი 2002 წელს შედგა სერიალით "ჩვენები", რის შემდეგაც გადაწყვიტა, სამსახიობო განათლება მიეღო და სტამბულის უნივერსიტეტის თეატრალურ განყოფილებაზე ჩაირიცხა. როგორც ბევრ თანამედროვე მსახიობს, პოპულარობა მასაც თურქულმა სერიალებმა მოუტანა.
როცა ბურჯუ "დიდებულ საუკუნეში" მიიწვიეს, გადასაღებ მოედანზე მსახიობ არას ბულუთ ინემლისთან ერთად მოუხდა მუშაობა, რომელიც სერიალში შეჰზადე ბაიაზიდის როლს ასრულებს. ეკრანული წყვილის ურთიერთობას ჟურნალისტები გულმოდგინედ ადევნებდნენ თვალს. ისინი რამდენჯერმე სტამბულის ცენტრში ერთადაც დააფიქსირეს, ახლახან კი გავრცელდა ჭორი მათი დაშორების შესახებ. ეს ფაქტი თავად ბურჯუმაც დაადასტურა. არას ბულუთ ინემლი კი დღესაც სასტიკად უარყოფს მასთან სასიყვარულო ურთიერთობას.
2014 წლის 20 მაისს ისტორიული ჟანრის ფილმის, "მარკიზ დე სადის კალმის" პრემიერა შედგა, რომელშიც ბურჯუ ოზბერკმა მთავარი გმირის, მადლენის როლი მოირგო.
მსახიობი ჟურნალისტებისთვის სასურველი რესპონდენტია. ახლახან ბურჯუმ ერთ–ერთ თურქულ ჟურნალს ინტერვიუ მისცა, რომელსაც ქვემოთ გთავაზობთ.
– მსახიობობა თქვენი ბავშვობის ოცნება იყო?
– დიახ. ბევრ რომანს ვკითხულობდი, შემდეგ კი სკოლაში თანაკლასელებთან ერთად სპექტაკლებს ვდგამდი. თეატრი ჩემი ცხოვრების ნაწილია. უნივერსიტეტში სწავლის პერიოდში ბევრ სპექტაკლში ვითამაშე. ვერც კი წარმოვიდგენდი, რომ საკუთარ თავს ოდესმე კინოში ან სერიალში ვიხილავდი.
– მსახიობი რომ არ გამხდარიყავით, რა პროფესიას აირჩევდით?
– მე სხვა პროფესიაც მაქვს, უნივერსიტეტში თეატრალურის პარალელურად ბიზნესის ფაკულტეტზეც ვსწავლობდი, ამიტომ აუცილებლად რომელიმე კომპანიაში ვიმუშავებდი ან ჩემი საკუთარი კომპანია მექნებოდა.
– ფილმს, რომელშიც ჰურიჯიხანის როლი მოირგეთ, "დიდებული საუკუნე" ჰქვია. თქვენ თუ ისურვებდით სულთან სულეიმანის პერიოდში ცხოვრებას?
– არანაირად! თანამედროვე ცხოვრებიდან გამომდინარე, იმ ეპოქის წარმოდგენაც კი მიჭირს.
– თქვენ "დიდებულ საუკუნეს" 106–ე სერიიდან შეუერთდით. ხომ არ გაგიჭირდათ სერიალის სხვა მსახიობებთან შეგუება?
– ნამდვილად არ გამჭირვებია, რადგან ამ სერიალზე მსახიობების, რეჟისორებისა და პროდიუსერების ყველაზე კარგი გუნდი მუშაობდა. მათთან მეგობრული ურთიერთობა მაქვს. გადაღებების შემდეგაც ხშირად ვიკრიბებოდით ერთად.
– ჰურიჯიხანი ის პერსონაჟია, რომელმაც თქვენზე დიდი გავლენა იქონია?
– დიახ, ნამდვილად ასეა. ჰურიჯიხანის პერსონაჟმა ბევრი რამ მასწავლა, პირველ რიგში, მოთმინება.
– მართალია, რომ თქვენს ეკრანულ მეწყვილესთან, არას ბულუთ ინემლისთან სასიყვარულო ურთიერთობა გქონდათ?
– ჩვენი ურთიერთობა დასაწყისშივე დასრულდა და ამაზე საუბარი არ მსურს! ამჟამად ჩემს პირად ცხოვრებაში არაფერი ხდება საინტერესო.
– რას ნიშნავს თქვენთვის მსახიობობა?
– თეატრი ჩემი ცხოვრების ნაწილია და მსახიობობა ჩემთვის მხოლოდ სამსახური არ არის. თუმცა ვერ ვიტყვი, რომ, როდესაც ოჯახი მეყოლება, სამსახურს მასზე წინ დავაყენებ, ან ჩემი პროფესიის გამო ოჯახზე უარს ვიტყვი. ასე არ იქნება!
– პოპულარობამ თქვენი ცხოვრება შეცვალა?
– გარკვეულწილად. მთლიანად სამსახურზე ვარ გადართული, რადგან პოპულარობის გამო უფრო მეტ პასუხისმგებლობას ვგრძნობ საკუთარი საქმისა და თაყვანისმცემლების მიმართ.
– როგორი ხასიათი გაქვთ?
– ცვალებადი, რაც არ მომწონს, მაგრამ ასეთი ვარ!
მოამზადა თათია ბოჭორიძემ, ჟურნალი სარკე
