კინოთეატრი, სადაც სავარძლის ნაცვლად ცხელ აბაზანაში ჩაწოლა მოგიწევთ

ლონდონში ორიგინალური გართობის მოყვარულთათვის კინოთეატრი გაიხსნა, სადაც სავარძლების ნაცვლად 12 აბაზანაა განლაგებული. იდეის ავტორი აშერ შერმანია. მისი თქმით, ეს აზრი თავში დაახლოებით ერთი წლის წინ მოუვიდა. "აქ ჩემი ხელით გაშენებული ბაღი მაქვს, რამდენიმე ცხელი აბაზანა და ვიფიქრე, კინოთეატრიც ხომ არ დამემატებინა-მეთქი. ასე დაიწყო ყველაფერი".

ბრიტანელებმა შერმანის წამოწყება დადებითად მიიღეს. მის კინოთეატრში ამჟამად 12 აბაზანაა და 12-ივე თითქმის ყოველთვის დაჯავშნულია. ბილეთის ფასი 22 ევროა, რომლის გადახდის შემდეგ, ფილმის ყურებასთან ერთად, ცხელ წყალში ჩაწოლისა და შამპანურის უფასოდ მირთმევის უფლებაც გენიჭებათ.