ეკა ჯამაგიძემ ერთ დღეში თმა ოთხჯერ შეიღება

გემომეტრის სტუმრები მსახიობი ეკა ჯამაგიძე და დიზაინერი ზალიკო ბერგერი ფავორიტი სამოსის მაღაზიებისა და საყვარელი სილამაზის სალონების შესახებ ისაუბრებენ.

ეკა ჯამაგიძე:

- შოპინგი ძალიან მიყვარს. თბილისში არის რამდენიმე მაღაზია, რომლითაც კმაყოფილი ვარ, დანარჩენი ნაგავია.
- რომელი მაღაზიებით ხართ კმაყოფილი?
- New trend, No Name ''პოდიუმი''. ესენი საკმაოდ ძვირიანი მაღაზიებია, მაგრამ მაგარ რაღაცებს გვთავაზობენ. ამათ გარდა, კიდევ არის ერთი -Fashion Gallery, სადაც ასევე არაჩვეულებრივი სამოსი აქვთ, მაგრამ იქ არ დავდივარ, ერთი კაბა რომ 5000 ლარი ღირს, იმას ნამდვილად ვერ ვიყიდი, თუმცა, არიან გამონაკლისებიც.
- სილამაზის სალონებიდან რომელია შენთვის გამორჩეული?
- გამორჩეულია ის, სადაც დავდივარ, ესაა ''პოდიუმი'', რომლის მუდმივი და კმაყოფილი კლიენტი ვარ. ასევე ვსტუმრობ გაგარინზე მდებარე სალონ ''ვიკასაც'', ''ნატალის'' კი - სოლარიუმისთვის.
- ექსპერიმენტების ჩატარება საკუთარ თავზე რამდენად გიყვარს?
- მიყვარს და ესაა მიზეზი იმისა, რომ ვერა და ვერ გავიზარდე თმა, სულ ვიჭრი და ვიჭრი. ყველაზე ცუდი ექსპერიმენტი გახლდათ ის, რომ დღეში ოთხჯერ გადავიღებე თმა, ბოლოს კი მოკლედ შე-ვიჭერი, რაც ძალიან ცუდად დამამახსოვრდა.

ზალიკო ბერგერი:

- სამოსს საზღვარგარეთ ვყიდულობ, ჩვენთან ყველაფერი ძალიან ძვირია. მაღაზიები სხვა ქვეყნებთან შედარებით ბრენდებს ხუთმაგად, შვიდმაგად, ათმაგად ძვირად გვთავაზობენ. შეიძლება, რაღაცას ფასი ორ-სამჯერ მოუმატო, მაგრამ ათჯერ და თხუთმეტჯერ მეტს რომ აფასებ, ეს უკვე საშინელებაა. ბრენდული მაისური, ან ბლუზი 10 დოლარი რომ ღირს და 100 დოლარს აფასებ, მეტისმეტია.
- ალბათ, ესაა მიზეზი, რომ თბილისურ მაღაზიებში არ დადიხარ?
- კი, სისულელეა, მით უმეტეს მაშინ, როცა საზღვარგარეთ გიწევს წასვლა, რატომ უნდა გადაყარო აქ ფული, ხან ვიკერავ და როცა ვხვდები საზღვარგარეთ, ვიძენ. თუმცა ქართველი დიზაინერების - თიკო ნებიერიძისა და ''ზენკა და მარის'' ფეხსაცმელი მცმია.
- მაშინ ისეთი მაღაზიები დაგვისახელე, სადაც ნამყოფი ხარ და შედარებით ნორმალური სამოსია წარმოდგენილი?
- ბევრ მათგანში არ ვყოფილვარ, თუმცა რუსთაველზე რომაა მაღაზიათა ქსელი, ''რუსთაველის 42'', იქ ვარ ნამყოფი, ''თბილისი მოლში'' კი ტექნიკის შესაძენად ვიყავი, ტანსაცმელსაც შევავლე თვალი და მგონი, რაღაც აირჩევა.
- რაც შეეხება სილამაზის სალონებს, ამ მხრივ რომელს გამოარჩევდი?
- დიდი ხანია, ''ნატალიში'' დავდივარ. სტილისტი ეთერი არაჩვეულებრივად მჭირს თმას, ვეუბნები ხოლმე, ისეთ კარგ ხელზე მჭრი, მოსვლიდან მოსვლამდე ერთ-ორ მოგზაურობაში ვახერხებ წასვლას-მეთქი (იცინის). კარგი სალონია, სოლარიუმშიც იქ დავდივარ, საერთოდ, ყველა პროცედურას იქ ვიკეთებ, თვეში ერთხელ მაინც ვსტუმრობ. ამის გარდა, ვიცი, რომ ''კეუნეა'' კარგი სალონი, თმის მოვლის ხარისხიანი საშუალებებია, მათი შამპუნი მქონდა და კმაყოფილი დავრჩი.

თეკლა ჟვანია
ჟურნალი ''რეიტინგი''