რატომ დატოვა ''ნანუკას შოუ'' მაია სტეფნაძემ
1 579 ნახვა
ახალი სეზონიდან ''ნანუკას შოუს'' პროდიუსერი მაია სტეფნაძე ''იმედზე'' გადავიდა. ინგა გრიგოლიას ყოფილმა პროდიუსერმა 5 წლის განმავლობაში იმუშავა ''ნანუკას შოუში''. ახლა ამბობს, რომ თავი ამოწურა და ახალი საქმის გაკეთება უნდა. რას გვიმზადებს გამოცდილი პროდიუსერი გია ჯაჯანიძესთან ერთად და რა მიზეზების გამო დატოვა მაიამ მეგობარი ჟურნალისტი, თავად გიამბობთ.
- მაია, ''ნანუკას შოუ'' საკუთარი სურვილით დატოვე, როგორც ნანუკამ თქვა - მეტი ანაზღაურების გამო, მხოლოდ ეს იყო მიზეზი?
- არამარტო. თამამად შემიძლია გითხრა, რომ ''ნანუკას შოუში'' ჩემი თავი ამოვწურე. მე ვარ ადამიანი, რომელიც საქმისგან სიამოვნებას იღებს. ხუთი წლის განმავლობაში ერთ-ერთი ბედნიერი ადამიანი ვიყავი. ''ნანუკას შოუ'' ჩემი მეოთხე შვილია. ჩემი უმცროსი ქალიშვილიც ხუთი წლისაა. ნანუკასთანაც ზუსტად ეს პერიოდი ვიმუშავე. ასე რომ, ეს შოუც და თვითონ ნანუკაც შვილივით მიყვარს. შვილით რომ ამაყობ და ტრაბახობ, ზუსტად ისე ვტრაბახობდი ამ შოუთიც და მისი წამყვანითაც.
- თუმცა იყო შოუები, რომელსაც კრიტიკა მოჰყვებოდა ხოლმე. ამ დროს ალბათ ნანუკასაც არ ჰქონდა კარგი განწყობა...
- დიდი ხანია, პროდიუსერი ვარ, მიმუშავია ინგა გრიგოლიასთან და მივხვდი, რომ თუ ადამიანი გარკვეული დოზით მომთხოვნი არ არის და პატარ-პატარა ვარსკვლავური თვისებებიც არ აქვს ხასიათში, წარმატებას ვერ მიაღწევს. უჩხუბია კიდეც ნანუკას, უჯაჯღანია კიდეც, ორივე ემოციური ადამიანი ვართ, ერთმანეთთანაც გვიჯაჯღანია, მაგრამ ეს ჩვეულებრივი საქმიანი პროცესია. ახლა, რაც დრო გადის, ის ცუდი მომენტები, გულისწყვეტა აღარც მახსოვს. მას მერე, რაც დავისვენე, რაღაცები გადავაფასე, არაფერიც აღარ მახსოვს. ბოლო სეზონზე თავს ვატყობდი, რომ ვეღარ ვიღებდი სიამოვნებას, ძალით ვაკეთებდი საქმეს. ეს დისკომფორტს მიქმნიდა. ძალიან გახსნილი ადამიანი ვარ, ვინც მიცნობს, დამეთანხმება, სულ კარგ ხასიათზე ვარ. როცა ცუდ ხასიათზე ვარ, არ მომწონს, არ მინდა, გული გამიბოროტდეს, ცუდი ემოციებით ვიყო დატვირთული. ამიტომ, რომ დავინახე, დადებითს ჩემში უარყოფითი მიფარავდა, წამოსვლა გადავწყვიტე. მერჩივნა, ნანუკა, როგორც მეგობარი, შემენარჩუნებინა და სხვა საქმე მეკეთებინა. ამ დედამიწაზე იმდენი საქმეა საკეთებელი...
- დაუწუწუნია ნანუკას შენთან, რომ გადაცემა აღარ იყო ისეთი, როგორიც ადრე და რომ შენი თავი ამოწურე?
- ჩემთვის ხელი არასდროს დაუდია, თუ გადაცემა არ გამოსულა ისეთი, როგორიც ყველას გვინდოდა. ტრაბახში არ მინდა ჩამეთვალოს, მარტო ხომ არ ვაკეთებდი გადაცემას, მთელი გუნდი ვიყავით და სულ ვცდილობდით, არ გავმეორებულიყავით. მეტ-ნაკლებად ვახერხებდით.
- მაია, ჯერ ნანუკასგან წამოსვლის გადაწყვეტილება მიიღე და მერე შემოგთავაზეს სამსახური ''იმედში''?
- შემოთავაზება არ მიმიღია. მქონდა ერთი საინტერესო პროექტი, რომელიც გიორგი ბახტაძეს შევთავაზე. იმედი მაქვს, ეს პროექტი აუცილებლად განხორციელდება. გიორგიმ მითხრა, კარგი პროექტია, მაგრამ ეს მომავლისთვის შეინახე და ახლა გია ჯაჯანიძის შოუზე დაგვეხმარეო. გია ჯაჯანიძეს მთელი ცხოვრებაა ვიცნობ, უარს არაფრით ვიტყოდი. ამ დროს ნანუკასთვის უკვე ნათქვამი მქონდა, რომ პროექტიდან წავედი.
- როგორ შეხვდა ნანუკა შენს გადაწყვეტილებას?
- გული დასწყდა, ისევე, როგორც მე. ძალიან ბევრი ვინერვიულე, სანამ ამას ვეტყოდი. ნანუკა რომ ყოფილიყო ჩემი უფროსი, ჩვეულებრივი უფროსი, პრობლემა არ იქნებოდა, არ მინდოდა, ნანუკას, როგორც მეგობარს, რამე სწყენოდა ჩემგან. მას ჩემი ცხოვრების იმდენად ბევრი დადებითი ემოცია უკავშირდება, ჩემგან წყენას ნამდვილად არ იმსახურებდა. მიხარია, რომ ყველაფერი სწორად გაიგო.
- იმავე არხზე რატომ არ დარჩი?
- მორალურად არ ვიქნებდი მართალი. სად გადავსულიყავი, მაიასთან? მართალი უნდა ვიყო საკუთარ თავთან, ჩემს სინდისსა და იმ ადამიანებთან, რომლებიც ძალიან მიყვარს. ნანუკა ძალიან მიყვარს, ისიც, მისი მეუღლეც, შვილებიც, მშობლებიც, მთელი მისი ოჯახი მიყვარს. - ამბობენ, რომ ნანუკას არ აქვს მარტივი ხასიათი. როგორ ახერხებდით ასეთი კარგი ურთიერთობის შენარჩუნებას?
- შეიძლება, არ დაიჯეროთ, მაგრამ მე და ნანუკას ცუდი ურთიერთობა არ გვქონია, არასდროს დაუბრახუნებია მუშტი მაგიდაზე. ერთადერთი, რაც არ უყვარდა, იყო ყურში გადაცემის მსვლელობის დროს ლაპარაკი. მე ინგასთან ვიყავი მიჩვეული, სულ კონტაქტზე ვიყავით ეთერის დროს. პოლიტიკური გადაცემა ამას მოითხოვს. თავიდან გამიჭირდა გაჩუმება. ბოლოს მითხრა ნანუკამ, ყურში აღარასდროს აღარ ჩამძახოო (იცინის). კი, რთული ხასიათი აქვს, მაგრამ არის დირექტორი, ავტორი და წამყვანი გადაცემისა, შესაბამისად, ბოლო სიტყვა მას ეთქმის. საქმიდან გამომდინარე, შენიშვნა მოუცია. შენიშვნა არავის სიამოვნებს, მაგრამ სიტუაცია არასდროს დაძაბულა. წყენის შემჩნევა ორივემ ვიცოდით. თუ არ შემომხედავდა, ვხვდებოდი, ნაწყენი იყო, მეც იმავენაირად ვიქცეოდი, როცა რამე მწყინდა (იღიმება), მაგრამ არასდროს გავბუტულვართ. ამას ვერც მოვახერხებდით, 24 საათი ერთად ვიყავით. თან ნანუკამ მოფერებაც იცის. თუ გაწყენინებს, მერე აუცილებლად მოგეფერება...
ზღვაზე რომ ვისვენებდი და ფიქრის დრო მომეცა, რაღაცებზე დავფიქრდი, მივხვდი, რომ ბოლო პერიოდში, ჩემი პირადი ოჯახური პრობლემების გამო, თვითონ ვიყავი კამათის მაპროვოცირებელი, რომ ეს ჩემდა უნებური და არა მიზანმიმართული პროვოცირება ნანუკამ რამდენჯერმე გაატარა, მიხვდა, რომ ძალიან ცუდად ვიყავი.
- რატომ იყავი ცუდად?
- პატარა ოჯახური პრობლემა იყო, სერიოზული არაფერი.
- მას მერე, რაც ნანუკასგან წამოხვედი, შეხვდით ერთმანეთს?
- როგორ არა, ვურეკავთ ერთმანეთს, ''ფეისბუქით'' ვკონტაქტობთ. ნანუკამ ზუსტად იცოდა ჩემი პილოტის ამბები და მეც ზუსტად ვიცი, როგორი იქნება მისი პირველი გადაცემა. ამ დღეებში ვაპირებ ძველ სამსახურში მისვლას, თანამშრომლების მონახულებას.
- ვინ არის ნანუკას ახალი პროდიუსერი?
- ჯობს, მას ჰკითხო, იქნებ, არ უნდა თქმა. ორი პროდიუსერი ჰყავს, კარგი არჩევანი გააკეთა, ერთი განსაკუთრებით მომწონს.
- ნანუკას მერე გია ჯაჯანიძესთან მუშაობა როგორია?
- გიას მილიონი წელია ვიცნობ, მგონი, ერთადერთია ქართულ ჟურნალისტიკაში, ჩემზე უფროსი ვინც დარჩა (იცინის). ამიტომ დიდი კომფორტია ჩემთვის მასთან მუშაობა. დღეს მითხრა, ძალიან მკაცრი და მომთხოვნი ხარო და ცოტა გულზე მომხვდა, გამიკვირდა კიდეც, ნანუკა საპირისპიროს მიმტკიცებდა (ეტყობა, ვინაიდან ზედმეტად სერიოზულად ვუდგები ამ პროექტს, რადგან ეს პროექტი მართლაც არის ამის ღირსი, ბევრჯერ მიწევს რაღაცების გამეორება. ყველაფრის მიუხედავად, გიასთან მუშაობა ზედმეტად კომფორტულია, ვარსკვ-ლავური ამბიციებისგან თავისუფალია.
- რას გვიმზადებთ?
- საინტერესო გადაცემა იქნება. რამდენიმე პროფესიონალი ადამიანი ავიყვანე, ჟურნალისტები და პროდიუსერი, მთელი ჯგუფი ვმუშაობთ გადაცემაზე. პილოტი მოიწონეს.
- კვლავ შოუბიზნესური იქნება?
- არა. იმავე გადაცემას თუ გავაკეთებდი, მაშინ რატომ წამოვიდოდი ნანუკასგან? ეს იქნება აბსოლუტურად განსხვავებული გადაცემა, ერთი საათის ქრონომეტრაჟით, სამი ბლოკით და ერთი ტელეწამყვანით. დანარჩენს მაყურებელი ოქტომბერში ნახავს. ამბიცია მაქვს, რომ კარგი გადაცემა გავაკეთოთ.
ნინო მჭედლიშვილი
ჟურნალი ''რეიტინგი''
- მაია, ''ნანუკას შოუ'' საკუთარი სურვილით დატოვე, როგორც ნანუკამ თქვა - მეტი ანაზღაურების გამო, მხოლოდ ეს იყო მიზეზი?
- არამარტო. თამამად შემიძლია გითხრა, რომ ''ნანუკას შოუში'' ჩემი თავი ამოვწურე. მე ვარ ადამიანი, რომელიც საქმისგან სიამოვნებას იღებს. ხუთი წლის განმავლობაში ერთ-ერთი ბედნიერი ადამიანი ვიყავი. ''ნანუკას შოუ'' ჩემი მეოთხე შვილია. ჩემი უმცროსი ქალიშვილიც ხუთი წლისაა. ნანუკასთანაც ზუსტად ეს პერიოდი ვიმუშავე. ასე რომ, ეს შოუც და თვითონ ნანუკაც შვილივით მიყვარს. შვილით რომ ამაყობ და ტრაბახობ, ზუსტად ისე ვტრაბახობდი ამ შოუთიც და მისი წამყვანითაც.
- თუმცა იყო შოუები, რომელსაც კრიტიკა მოჰყვებოდა ხოლმე. ამ დროს ალბათ ნანუკასაც არ ჰქონდა კარგი განწყობა...
- დიდი ხანია, პროდიუსერი ვარ, მიმუშავია ინგა გრიგოლიასთან და მივხვდი, რომ თუ ადამიანი გარკვეული დოზით მომთხოვნი არ არის და პატარ-პატარა ვარსკვლავური თვისებებიც არ აქვს ხასიათში, წარმატებას ვერ მიაღწევს. უჩხუბია კიდეც ნანუკას, უჯაჯღანია კიდეც, ორივე ემოციური ადამიანი ვართ, ერთმანეთთანაც გვიჯაჯღანია, მაგრამ ეს ჩვეულებრივი საქმიანი პროცესია. ახლა, რაც დრო გადის, ის ცუდი მომენტები, გულისწყვეტა აღარც მახსოვს. მას მერე, რაც დავისვენე, რაღაცები გადავაფასე, არაფერიც აღარ მახსოვს. ბოლო სეზონზე თავს ვატყობდი, რომ ვეღარ ვიღებდი სიამოვნებას, ძალით ვაკეთებდი საქმეს. ეს დისკომფორტს მიქმნიდა. ძალიან გახსნილი ადამიანი ვარ, ვინც მიცნობს, დამეთანხმება, სულ კარგ ხასიათზე ვარ. როცა ცუდ ხასიათზე ვარ, არ მომწონს, არ მინდა, გული გამიბოროტდეს, ცუდი ემოციებით ვიყო დატვირთული. ამიტომ, რომ დავინახე, დადებითს ჩემში უარყოფითი მიფარავდა, წამოსვლა გადავწყვიტე. მერჩივნა, ნანუკა, როგორც მეგობარი, შემენარჩუნებინა და სხვა საქმე მეკეთებინა. ამ დედამიწაზე იმდენი საქმეა საკეთებელი...
- დაუწუწუნია ნანუკას შენთან, რომ გადაცემა აღარ იყო ისეთი, როგორიც ადრე და რომ შენი თავი ამოწურე?
- ჩემთვის ხელი არასდროს დაუდია, თუ გადაცემა არ გამოსულა ისეთი, როგორიც ყველას გვინდოდა. ტრაბახში არ მინდა ჩამეთვალოს, მარტო ხომ არ ვაკეთებდი გადაცემას, მთელი გუნდი ვიყავით და სულ ვცდილობდით, არ გავმეორებულიყავით. მეტ-ნაკლებად ვახერხებდით.
- მაია, ჯერ ნანუკასგან წამოსვლის გადაწყვეტილება მიიღე და მერე შემოგთავაზეს სამსახური ''იმედში''?
- შემოთავაზება არ მიმიღია. მქონდა ერთი საინტერესო პროექტი, რომელიც გიორგი ბახტაძეს შევთავაზე. იმედი მაქვს, ეს პროექტი აუცილებლად განხორციელდება. გიორგიმ მითხრა, კარგი პროექტია, მაგრამ ეს მომავლისთვის შეინახე და ახლა გია ჯაჯანიძის შოუზე დაგვეხმარეო. გია ჯაჯანიძეს მთელი ცხოვრებაა ვიცნობ, უარს არაფრით ვიტყოდი. ამ დროს ნანუკასთვის უკვე ნათქვამი მქონდა, რომ პროექტიდან წავედი.
- როგორ შეხვდა ნანუკა შენს გადაწყვეტილებას?
- გული დასწყდა, ისევე, როგორც მე. ძალიან ბევრი ვინერვიულე, სანამ ამას ვეტყოდი. ნანუკა რომ ყოფილიყო ჩემი უფროსი, ჩვეულებრივი უფროსი, პრობლემა არ იქნებოდა, არ მინდოდა, ნანუკას, როგორც მეგობარს, რამე სწყენოდა ჩემგან. მას ჩემი ცხოვრების იმდენად ბევრი დადებითი ემოცია უკავშირდება, ჩემგან წყენას ნამდვილად არ იმსახურებდა. მიხარია, რომ ყველაფერი სწორად გაიგო.
- იმავე არხზე რატომ არ დარჩი?
- მორალურად არ ვიქნებდი მართალი. სად გადავსულიყავი, მაიასთან? მართალი უნდა ვიყო საკუთარ თავთან, ჩემს სინდისსა და იმ ადამიანებთან, რომლებიც ძალიან მიყვარს. ნანუკა ძალიან მიყვარს, ისიც, მისი მეუღლეც, შვილებიც, მშობლებიც, მთელი მისი ოჯახი მიყვარს. - ამბობენ, რომ ნანუკას არ აქვს მარტივი ხასიათი. როგორ ახერხებდით ასეთი კარგი ურთიერთობის შენარჩუნებას?
- შეიძლება, არ დაიჯეროთ, მაგრამ მე და ნანუკას ცუდი ურთიერთობა არ გვქონია, არასდროს დაუბრახუნებია მუშტი მაგიდაზე. ერთადერთი, რაც არ უყვარდა, იყო ყურში გადაცემის მსვლელობის დროს ლაპარაკი. მე ინგასთან ვიყავი მიჩვეული, სულ კონტაქტზე ვიყავით ეთერის დროს. პოლიტიკური გადაცემა ამას მოითხოვს. თავიდან გამიჭირდა გაჩუმება. ბოლოს მითხრა ნანუკამ, ყურში აღარასდროს აღარ ჩამძახოო (იცინის). კი, რთული ხასიათი აქვს, მაგრამ არის დირექტორი, ავტორი და წამყვანი გადაცემისა, შესაბამისად, ბოლო სიტყვა მას ეთქმის. საქმიდან გამომდინარე, შენიშვნა მოუცია. შენიშვნა არავის სიამოვნებს, მაგრამ სიტუაცია არასდროს დაძაბულა. წყენის შემჩნევა ორივემ ვიცოდით. თუ არ შემომხედავდა, ვხვდებოდი, ნაწყენი იყო, მეც იმავენაირად ვიქცეოდი, როცა რამე მწყინდა (იღიმება), მაგრამ არასდროს გავბუტულვართ. ამას ვერც მოვახერხებდით, 24 საათი ერთად ვიყავით. თან ნანუკამ მოფერებაც იცის. თუ გაწყენინებს, მერე აუცილებლად მოგეფერება...
ზღვაზე რომ ვისვენებდი და ფიქრის დრო მომეცა, რაღაცებზე დავფიქრდი, მივხვდი, რომ ბოლო პერიოდში, ჩემი პირადი ოჯახური პრობლემების გამო, თვითონ ვიყავი კამათის მაპროვოცირებელი, რომ ეს ჩემდა უნებური და არა მიზანმიმართული პროვოცირება ნანუკამ რამდენჯერმე გაატარა, მიხვდა, რომ ძალიან ცუდად ვიყავი.
- რატომ იყავი ცუდად?
- პატარა ოჯახური პრობლემა იყო, სერიოზული არაფერი.
- მას მერე, რაც ნანუკასგან წამოხვედი, შეხვდით ერთმანეთს?
- როგორ არა, ვურეკავთ ერთმანეთს, ''ფეისბუქით'' ვკონტაქტობთ. ნანუკამ ზუსტად იცოდა ჩემი პილოტის ამბები და მეც ზუსტად ვიცი, როგორი იქნება მისი პირველი გადაცემა. ამ დღეებში ვაპირებ ძველ სამსახურში მისვლას, თანამშრომლების მონახულებას.
- ვინ არის ნანუკას ახალი პროდიუსერი?
- ჯობს, მას ჰკითხო, იქნებ, არ უნდა თქმა. ორი პროდიუსერი ჰყავს, კარგი არჩევანი გააკეთა, ერთი განსაკუთრებით მომწონს.
- ნანუკას მერე გია ჯაჯანიძესთან მუშაობა როგორია?
- გიას მილიონი წელია ვიცნობ, მგონი, ერთადერთია ქართულ ჟურნალისტიკაში, ჩემზე უფროსი ვინც დარჩა (იცინის). ამიტომ დიდი კომფორტია ჩემთვის მასთან მუშაობა. დღეს მითხრა, ძალიან მკაცრი და მომთხოვნი ხარო და ცოტა გულზე მომხვდა, გამიკვირდა კიდეც, ნანუკა საპირისპიროს მიმტკიცებდა (ეტყობა, ვინაიდან ზედმეტად სერიოზულად ვუდგები ამ პროექტს, რადგან ეს პროექტი მართლაც არის ამის ღირსი, ბევრჯერ მიწევს რაღაცების გამეორება. ყველაფრის მიუხედავად, გიასთან მუშაობა ზედმეტად კომფორტულია, ვარსკვ-ლავური ამბიციებისგან თავისუფალია.
- რას გვიმზადებთ?
- საინტერესო გადაცემა იქნება. რამდენიმე პროფესიონალი ადამიანი ავიყვანე, ჟურნალისტები და პროდიუსერი, მთელი ჯგუფი ვმუშაობთ გადაცემაზე. პილოტი მოიწონეს.
- კვლავ შოუბიზნესური იქნება?
- არა. იმავე გადაცემას თუ გავაკეთებდი, მაშინ რატომ წამოვიდოდი ნანუკასგან? ეს იქნება აბსოლუტურად განსხვავებული გადაცემა, ერთი საათის ქრონომეტრაჟით, სამი ბლოკით და ერთი ტელეწამყვანით. დანარჩენს მაყურებელი ოქტომბერში ნახავს. ამბიცია მაქვს, რომ კარგი გადაცემა გავაკეთოთ.
ნინო მჭედლიშვილი
ჟურნალი ''რეიტინგი''
