რატი წითელაძე ბედს კინოში სინჯავს
1 575 ნახვა
კარგა ხანია, სპორტსმენ რატი წითელაძის შესახებ არაფერი გვსმენია, როგორც ამბობს, ''ცეკვავენ ვარსკვლავებში'' მონაწილეობის დროსაც დიდად არ ხიბლავდა ინტერვიუების მიცემა, პროექტის დასრულების შემდეგ კი საერთოდ გაწყვიტა ურთიერთობა პრესასთან. მისი ამჟამინდელი საქმიანობით დავინტერესდით და ინტერნეტით შევეხმიანეთ.
როგორც აღმოჩნდა, რატი ამერიკის შეერთებულ შტატებში ცხოვრობს და მუშაობს, რეჟისორი და მსახიობია, მისმა გადაღებულმა ფილმმა ამერიკაში ერთ-ერთ ფესტივალზეც კი გაიმარჯვა... ამჟამინდელი ცხოვრების შესახებ უფრო დაწვრილებით რატი თავად მოგიყვებათ.
- რატი, როგორ წარიმართა შენი ცხოვრება ''ცეკვავენ ვარსკვლავების'' შემდეგ?
- პროექტის დასრულების შემდეგ დუბაიში წავედი, სადაც უკეთ ვისწავლე ინგლისური და გადავიღე როგორც მოკლემეტრაჟიანი, ასევე სრულმეტრაჟიანი ფილმი. სხვათა შორის, მოკლემეტრაჟიანმა ფილმმა ამერიკაში ფესტივალზე გაიმარჯვა. გარდა იმისა, რომ რეჟისორი ვარ, ამავე ფილმებში ვთამაშობ კიდეც. ეს ფილმი ცოლ-ქმრის ურთიერთობაზეა, ნაჩვენებია, როგორ აღარ აფასებს წყვილი ერთმანეთს, აღარ აქცევს ყურადღებას წვრილმანებს, ეს პატარ-პატარა რაღაცები კი საბოლოო ჯამში დიდ პრობლემას ქმნის, რამაც შეიძლება, სავალალო შედეგი მოიტანოს.
- რაც შეეხება მსახიობებს, ვინ თამაშობს შენს ფილმში?
- მთავარი როლის შემსრულებელი ნინო ვარსიმაშვილია, რომელიც 10 წელია, დუბაიში ცხოვრობს, ბიჭი კი რუსია, ფილმი დუბაიშია გადაღებული.
- ფილმისთვის საჭირო დაფინანსება, აპარატურა საიდან მოიძიე?
- რომან სიმონიანი გახლავთ ჩემი მეგობარი, რომელთანაც ''ცეკვავენ ვარსკვლავების'' პერიოდში ვცხოვრობდი და ის მეხმარებოდა ყველაფერში. ესაა ადამიანი, რომელმაც ფილმის გადაღებისათვის საჭირო ტექნიკაზე იზრუნა. როდესაც ვუთხარი, რომ მქონდა იდეა, ჩამოვიდა დუბაიში, ფინანსური და ტექნიკური მხარე საკუთარ თავზე აიღო და ყველაფერი გააკეთა იმისათვის, რომ ეს იდეა განმეხორციელებინა.
რეალურად უმთავრესი აპარატურა იყო, თორემ დიდი ფინანსები ამას არ დასჭირვებია. მსახიობები მონაწილეობაზე იმიტომ დამთანხმდნენ, რომ ფილმს მე ვიღებდი, სახლი ახლობლებმა დაგვითმეს, ასე რომ, თითქმის ყველაფერი ნაცნობების დახმარებით მოვაგვარეთ.
- დაწვრილებით გვითხარი, რომელ ფესტივალზე გაიმარჯვა შენმა მოკლემეტრაჟიანმა ფილმმა?
- ეს გახლავთ ფესტივალი Aცცოლადე ჩომპეტიტიონ, სადაც 2013 წელს გაიმარჯვა იმ დოკუმენტურმა ფილმმა, რომელიც შემდეგ ''ოსკარზე'' იყო ნომინირებული. წელს კი ჩემმა ფილმმა მოიპოვა გამარჯვება. ფილმის იდეა და ზოგადად, ისტორია ნინო ვარსიმაშვილის დაწერილი იყო, იქიდან კი სცენარიც მე შევქმენი, პროდიუსერიც მე გახლავართ.
- ახლა სრულმეტრაჟიანი ფილმის შესახებაც მოგვიყევი.
- ამ ფილმზე, რომელსაც ''რეალობაში დაკარგული'' ჰქვია, ჯერ კიდევ მუშაობის პროცესში ვართ, ამიტომ ბევრს ვერ გაგიმხელთ, ბევრი სცენა საქართველოშია გადაღებული. ვერ ვიტყვი, რომ თავგადაკლული პატრიოტი ვარ, მაგრამ მინდა, რაც კარგი გვაქვს, უცხოელებს ვაჩვენო, ამიტომაც ამ ფილმში საქართველოს ბუნების სილამაზის ამსახველი ბევრი კადრი შევა.
- ვინ დაგეხმარა კონტაქტების მოძიებაში, რომ ფილმი ფესტივალზე გაგეტანა?
- ჩემი ცხოვრებისეული ფილოსოფია შემდეგია – ყველაფერი შენზეა დამოკიდებული, მთავარია, მოინდომო. ვერ აგიხსნი, ეს როგორ ხდება, მაგრამ ჩემს ცხოვრებაში ყოველთვის ასეა, როცა რამეს მიზნად დავისახავ, თავდაუზოგავად ვშრომობ, მაგრამ ცუდი ისაა, რომ მიღწევის შემდეგ იმ საქმის მიმართ გული მიცრუვდება.
დღეს, აქაც კი, გარეთ არ გავდივარ, სულ ვშრომობ და ვმუშაობ. ეს სიბეჯითე სპორტულმა კარიერამ გამომიმუშავა, ბავშვობაში საათობით ვვარჯიშობდი. ''ცეკვავენ ვარსკვლავების'' დროსაც არ ვზოგავდი თავს. როდესაც მონაწილეები გასართობად მიდიოდნენ, მე არ მივდიოდი, ასეთი რაღაცები დროის კარგვად მიმაჩნია.
რაც შეეხება უშუალოდ შენს შეკითხვას, კონკრეტულად თქმა გამიჭირდება, რადგან ყველაფერი გავაკეთე იმისთვის, რომ აქ მოვხვედრილიყავი. ცოტა დიდი გზის გავლამ მომიწია, მაგრამ დღეს აქ ვარ.
- ცნობილ მსახიობებს თუ შეხვედრიხარ?
- ამ თემასთან ჩემი დამოკიდებულება მაქვს. მე მათ წრეში, როგორც სრულუფლებიანი წევრი, ისე მინდა შევიდე, არ მსურს, ვინმეს თქვენობით ველაპარაკო, ან პირიქით. თუ ვიქნები მათთან, ღირსეულად ვიქნები, მათ დონეზე უნდა ვიდგე, არავის შევხედავ ზევიდან და არც არავისგან მივიღებ მსგავს ქმედებას. თუ მათ წრეში შესასვლელად მზად არ ვარ, მირჩევნია, კიდევ რამდენიმე წელი მოვემზადო და შემდეგ ღირსეულად გადავდგა ეს ნაბიჯი.
- საქართველოში ჩამოსვლას არ აპირებ?
- ახლა ვმუშაობ პროექტზე, თუ მივიღეთ დაფინანსება სრულმეტრაჟიანი ფილმის გადაღებაზე, მაშინ ჩამოვალ, რადგან მინდა, ფილმის გარკვეული ნაწილი საქართველოში გადავიღო. ჯერ საბუთების საკითხს ვაგვარებ.
ციცი ომანიძე
ჟურნალი ''რეიტინგი''
როგორც აღმოჩნდა, რატი ამერიკის შეერთებულ შტატებში ცხოვრობს და მუშაობს, რეჟისორი და მსახიობია, მისმა გადაღებულმა ფილმმა ამერიკაში ერთ-ერთ ფესტივალზეც კი გაიმარჯვა... ამჟამინდელი ცხოვრების შესახებ უფრო დაწვრილებით რატი თავად მოგიყვებათ.
- რატი, როგორ წარიმართა შენი ცხოვრება ''ცეკვავენ ვარსკვლავების'' შემდეგ?
- პროექტის დასრულების შემდეგ დუბაიში წავედი, სადაც უკეთ ვისწავლე ინგლისური და გადავიღე როგორც მოკლემეტრაჟიანი, ასევე სრულმეტრაჟიანი ფილმი. სხვათა შორის, მოკლემეტრაჟიანმა ფილმმა ამერიკაში ფესტივალზე გაიმარჯვა. გარდა იმისა, რომ რეჟისორი ვარ, ამავე ფილმებში ვთამაშობ კიდეც. ეს ფილმი ცოლ-ქმრის ურთიერთობაზეა, ნაჩვენებია, როგორ აღარ აფასებს წყვილი ერთმანეთს, აღარ აქცევს ყურადღებას წვრილმანებს, ეს პატარ-პატარა რაღაცები კი საბოლოო ჯამში დიდ პრობლემას ქმნის, რამაც შეიძლება, სავალალო შედეგი მოიტანოს.
- რაც შეეხება მსახიობებს, ვინ თამაშობს შენს ფილმში?
- მთავარი როლის შემსრულებელი ნინო ვარსიმაშვილია, რომელიც 10 წელია, დუბაიში ცხოვრობს, ბიჭი კი რუსია, ფილმი დუბაიშია გადაღებული.
- ფილმისთვის საჭირო დაფინანსება, აპარატურა საიდან მოიძიე?
- რომან სიმონიანი გახლავთ ჩემი მეგობარი, რომელთანაც ''ცეკვავენ ვარსკვლავების'' პერიოდში ვცხოვრობდი და ის მეხმარებოდა ყველაფერში. ესაა ადამიანი, რომელმაც ფილმის გადაღებისათვის საჭირო ტექნიკაზე იზრუნა. როდესაც ვუთხარი, რომ მქონდა იდეა, ჩამოვიდა დუბაიში, ფინანსური და ტექნიკური მხარე საკუთარ თავზე აიღო და ყველაფერი გააკეთა იმისათვის, რომ ეს იდეა განმეხორციელებინა.
რეალურად უმთავრესი აპარატურა იყო, თორემ დიდი ფინანსები ამას არ დასჭირვებია. მსახიობები მონაწილეობაზე იმიტომ დამთანხმდნენ, რომ ფილმს მე ვიღებდი, სახლი ახლობლებმა დაგვითმეს, ასე რომ, თითქმის ყველაფერი ნაცნობების დახმარებით მოვაგვარეთ.
- დაწვრილებით გვითხარი, რომელ ფესტივალზე გაიმარჯვა შენმა მოკლემეტრაჟიანმა ფილმმა?
- ეს გახლავთ ფესტივალი Aცცოლადე ჩომპეტიტიონ, სადაც 2013 წელს გაიმარჯვა იმ დოკუმენტურმა ფილმმა, რომელიც შემდეგ ''ოსკარზე'' იყო ნომინირებული. წელს კი ჩემმა ფილმმა მოიპოვა გამარჯვება. ფილმის იდეა და ზოგადად, ისტორია ნინო ვარსიმაშვილის დაწერილი იყო, იქიდან კი სცენარიც მე შევქმენი, პროდიუსერიც მე გახლავართ.
- ახლა სრულმეტრაჟიანი ფილმის შესახებაც მოგვიყევი.
- ამ ფილმზე, რომელსაც ''რეალობაში დაკარგული'' ჰქვია, ჯერ კიდევ მუშაობის პროცესში ვართ, ამიტომ ბევრს ვერ გაგიმხელთ, ბევრი სცენა საქართველოშია გადაღებული. ვერ ვიტყვი, რომ თავგადაკლული პატრიოტი ვარ, მაგრამ მინდა, რაც კარგი გვაქვს, უცხოელებს ვაჩვენო, ამიტომაც ამ ფილმში საქართველოს ბუნების სილამაზის ამსახველი ბევრი კადრი შევა.
- ვინ დაგეხმარა კონტაქტების მოძიებაში, რომ ფილმი ფესტივალზე გაგეტანა?
- ჩემი ცხოვრებისეული ფილოსოფია შემდეგია – ყველაფერი შენზეა დამოკიდებული, მთავარია, მოინდომო. ვერ აგიხსნი, ეს როგორ ხდება, მაგრამ ჩემს ცხოვრებაში ყოველთვის ასეა, როცა რამეს მიზნად დავისახავ, თავდაუზოგავად ვშრომობ, მაგრამ ცუდი ისაა, რომ მიღწევის შემდეგ იმ საქმის მიმართ გული მიცრუვდება.
დღეს, აქაც კი, გარეთ არ გავდივარ, სულ ვშრომობ და ვმუშაობ. ეს სიბეჯითე სპორტულმა კარიერამ გამომიმუშავა, ბავშვობაში საათობით ვვარჯიშობდი. ''ცეკვავენ ვარსკვლავების'' დროსაც არ ვზოგავდი თავს. როდესაც მონაწილეები გასართობად მიდიოდნენ, მე არ მივდიოდი, ასეთი რაღაცები დროის კარგვად მიმაჩნია.
რაც შეეხება უშუალოდ შენს შეკითხვას, კონკრეტულად თქმა გამიჭირდება, რადგან ყველაფერი გავაკეთე იმისთვის, რომ აქ მოვხვედრილიყავი. ცოტა დიდი გზის გავლამ მომიწია, მაგრამ დღეს აქ ვარ.
- ცნობილ მსახიობებს თუ შეხვედრიხარ?
- ამ თემასთან ჩემი დამოკიდებულება მაქვს. მე მათ წრეში, როგორც სრულუფლებიანი წევრი, ისე მინდა შევიდე, არ მსურს, ვინმეს თქვენობით ველაპარაკო, ან პირიქით. თუ ვიქნები მათთან, ღირსეულად ვიქნები, მათ დონეზე უნდა ვიდგე, არავის შევხედავ ზევიდან და არც არავისგან მივიღებ მსგავს ქმედებას. თუ მათ წრეში შესასვლელად მზად არ ვარ, მირჩევნია, კიდევ რამდენიმე წელი მოვემზადო და შემდეგ ღირსეულად გადავდგა ეს ნაბიჯი.
- საქართველოში ჩამოსვლას არ აპირებ?
- ახლა ვმუშაობ პროექტზე, თუ მივიღეთ დაფინანსება სრულმეტრაჟიანი ფილმის გადაღებაზე, მაშინ ჩამოვალ, რადგან მინდა, ფილმის გარკვეული ნაწილი საქართველოში გადავიღო. ჯერ საბუთების საკითხს ვაგვარებ.
ციცი ომანიძე
ჟურნალი ''რეიტინგი''
