"მეგობარი ქორწილის ჩაშლით მემუქრება"

უცნობი: "მართალია, უკვე 25 წლის ვარ და საკუთარი თავის კონტროლი, გადაწყვეტილებების დამოუკიდებლად მიღება უნდა შემეძლოს, მაგრამ ერთი კვირის წინ ისეთი საშინელება გადამხდა, რომ თავგზა ამებნა და ახლა არც კი ვიცი, როგორ მოვიქცე.

მოკლედ, თქვენი დახმარება მჭირდება. 3 წელზე მეტია, მე და სანდროს ერთმანეთი გვიყვარს. 2 კვირის წინ დავინიშნეთ კიდეც და სულ მალე ქორწილიც გვექნება. სანდრო არაჩვეულებრივი ადამიანია. ყველაფერს აკეთებს, რომ ბედნიერი ვიყო...

რამდენიმე კვირის წინ აღმოვაჩინე, რომ თურმე, ჩემს მეგობარ თორნიკეს შევყვარებივარ. ის გამუდმებით კუდში დამდევს და ჩემს თითოეულ ნაბიჯს აკონტროლებს. ჩემს ტელეფონში "ეს-ემ-ეს"-ებსაც კითხულობს. ბევრჯერ ვთხოვე, ასეთ რაღაცებს ნუ აკეთებ-მეთქი, მაგრამ არაფრის გაგონება არ სურს.

სანდრომ ეს ამბავი ჯერ არ იცის, მაგრამ დარწმუნებული ვარ, მალე გაიგებს. თორნიკე მემუქრება, რომ ჩვენს ქორწილს ჩაშლის. მოკლედ, ძალიან ცუდ სიტუაციაში ვარ. თოკო მეცოდება, რადგან მართლაც გულით ვუყვარვარ.

ის ჩემ გამო თავსაც გაწირავს, მაგრამ რა ვქნა, თუ ერთადერთი ბიჭი, ვისთანაც ბედნიერი ვიქნები, სანდროა?! გევედრებით, მირჩიეთ რამე. არ მინდა, სიმწრით მონაპოვარი სიყვარული დავკარგო".

ჟურნალი "გზა"