სოფო ნიჟარაძე სააკაშვილის მიერ შეძენილ ბინაზე პირველ კომენტარს აკეთებს

დღეს გავრცელდა ინფორმაცია, რომ მიხეილ სააკაშვილმა მომღერალ სოფო ნიჟარაძეს რამდენიმე კვირის წინ სიურპრიზი გაუკეთა და ამერიკაში სახლი უყიდა.

ბინა, რომელიც სააკაშვილმა ნიჟარაძეს აჩუქა მანჰეტენზე 42-7 ქუჩების კვეთაზე მდებარეობს - განუცხადა ამბები.გე - ს კონფიდენციალურმა წყარომ. ნიჟარაძის ახლობლის განცხადებით, სააკაშვილმა საცხოვრებელ ბინაში 2 მილიონი დოლარი გადაიხადა.

ამ სტატიის საპასუხოდ რამდენიმე წუთის წინ სოფო ნიჟარაძემ თავისი საცხოვრებელი ბინის ფოტო გამოაქვეყნა "ფეისბუქზე" და შემდეგი შინაარსის სტატუსი დაწერა:

"ეს არის ის "ორ მილიონიანი" 15 კვადრატული მეტრის სიდიდის ოთახი, რომელშიც ამჯერად ვიმყოფები ამერიკაში, ერთი პატარა სტუდიოა, ერთ ჩვეულებრივ სახლში, რომელსაც ვქირაობ!

თუმცა ალბათ ის თანხა, რომელიც ამ აბსურდული სტატიის შეკვეთაში გადაიხადეს ნამდვილად მაცხოვრებდა ერთი წელი უდარდელად მსოფლიოს ნებისმიერ კუთხეში, ბინაც მომივიდოდა", - წერს მომღერალი.

სალომე დადიანი