ენგინ აკიურეკი: "ქალებს ჩემი გმირები მოსწონთ და არა – მე"
4 625 ნახვა
თურქმა მსახიობმა ენგინ აკიურეკმა სახელი სერიალ "უდანაშაულოში" შესრულებული ქერიმ ილგაზის როლით გაითქვა. დღეს 33 წლის ვარსკვლავს, თურქული სერიალების წყალობით, მთელ მსოფლიოში იცნობენ.
ენგინი თურქეთის დედაქალაქ ანკარაშია დაბადებულ–გაზრდილი, კლერკი მამისა და დიასახლისი დედის ოჯახში. მას პროფესიული სამსახიობო განათლება არ მიუღია. ანკარის უნივერსიტეტის ლინგვისტიკისა და ისტორიის ფაკულტეტი აქვს დამთავრებული, თუმცა მსახიობური ნიჭი სტუდენტობის პერიოდში გამოვლინდა, როცა თეატრმა გაიტაცა, მონაწილეობდა და თავადაც დგამდა სხვადასხვა ჟანრის წარმოდგენებს. ამის გამო გადაწყვიტა, საკუთარი ძალები სატელევიზო შოუ "თურქეთის ვარსკვლავებში" მოესინჯა. 2004 წლის ბოლოს კი ის უკვე საუკეთესო დამწყები მსახიობის ტიტულს ფლობდა.
შემდეგ ენგინი ეკრანზე გამოჩნდა სერიალით "უცხოელი სიძე", 2006 წელს კი მიიწვიეს მოკლემეტრაჟიან ფილმში "ბედი", რომელში შესრულებული როლისთვისაც ყველაზე იმედისმომცემი მსახიობის ჯილდო დაიმსახურა.
ენგინ აკიურეკს ყველაზე დიდი პოპულარობა სერიალმა "უდანაშაულომ" მოუტანა, რომლის გადაღებები 2010–2102 წლებში მიმდინარეობდა. ქერიმის როლისათვის მსახიობი უამრავი თურქული ჯილდოს მფლობელი გახდა. ამ სერიალში მისი მეწყვილე ულამაზესი თურქი მსახიობი ბერენ საატი გახლდათ. გავრცელდა ჭორები მათი რეალური რომანის შესახებაც, მაგრამ არც ერთ მათგანს დაუდასტურებია ეს ინფორმაცია.
სასიამოვნო გარეგნობის ენგინი თავისუფალი მამაკაცია და უამრავი ქალი ეტრფის. ამჟამად თურქ ლამაზმანს, ტუვანა ტურკაის ხვდება, რომელიც ცნობილი გახდა ბადეს როლით სერიალიდან "სიყვარული, ცა და მიწა". როგორ განვითარდება მათი ურთიერთობა, ამას მომავალი გვიჩვენებს, მანამდე კი გთავაზობთ ინტერვიუს, რომელიც ენგინ აკიურეკმა ჟურნალ "კოსმოპოლიტანს" მისცა.
– როგორ დაიწყო თქვენი სამსახიობო კარიერა?
– ჩემი სამსახიობო კარიერის დაწყებას ორ ეტაპად დავყოფდი, პირველი – როდესაც მე უნივერსიტეტის დამთავრების შემდეგ ანკარის თეატრში ვთამაშობდი და მეორე – როდესაც სტამბულში ჩავედი და მონაწილეობა მივიღე სატელევიზიო შოუში "თურქეთის ვარსკვლავები". ჩემი კარიერა სწორედ ამ პროექტში გამარჯვებით დაიწყო.
– მსახიობობის გარდა, რა პროფესიას აირჩევდით?
– მე პროფესია მაქვს, ისტორიკოსი ვარ.
– სერიალებშიც თამაშობთ და მოკლემეტრაჟიან ფილმებშიც. რითი განსხვავდება, სამსახიობო თვალსაზრისით, ეს ორი ჟანრი ერთმანეთისგან?
– სერიალის გადაღებები საკმაოდ დიდხანს, ხშირად 3 წელიწადსაც გრძელდება. გარდა ამისა, შესაძლოა ერთი და იგივე ეპიზოდი რამდენჯერმე გადაიღონ. სერიალში არასოდეს იცი, რა შეიძლება მოხდეს, მაგალითად, 50–ე ეპიზოდში, ფილმების სცენარები კი წინასწარ ვიცით. გარდა ამისა, ფილმის გადაღებები ძირითადად 20–30 დღეში სრულდება.
– როგორ ემზადებით თქვენი თითოეული როლისათვის?
– მსახიობობა ემოციური პროფესიაა. თითოეული შენი გმირი თავიდან ბოლომდე უნდა გაითავისო, სხვანაირად არ გამოვა. თითოეულ როლს უდიდეს ყურადღებას ვუთმობ, კარგად ვსწავლობ ჩემი გმირის პიროვნებას.
– პოპულარობის გამო ოდესმე უსიამოვნებაში თუ გახვეულხართ?
– პოპულარობა ჩემთვის არაკომფორტული არასოდეს ყოფილა. პირიქით, ჩემი ცხოვრებით კმაყოფილი და ბედნიერი ვარ.
– ქუჩაში ქალები თქვენ მიმართ განსაკუთრებულ ყურადღებას გამოხატავენ, ამაზე რა აზრის ხართ?
– ეს ბუნებრივია, რადგან თითქმის ყველა სერიალსა თუ ფილმში შეყვარებულ მამაკაცს ვთამაშობ. ქალებს ჩემი გმირები მოსწონთ და არა – მე.
– კინოსამყაროში 21 წლის ასაკიდან გამოჩნდით, რა შეიცვალა მას შემდეგ ენგინ აკიურეკის ცხოვრებაში?
– ყველა წელი განსხვავებული იყო, მაგრამ ახლა თავს ყველაზე კარგად და სრულყოფილად ვგრძნობ. ვფიქრობ, რაც ასაკში შედიხარ, უფრო კარგია, განსაკუთრებით – მამაკაცისთვის.
– როდესაც გადაწყვეტილების მიღების დრო დგება, გულისთქმას მიჰყვებით თუ გონების კარნახს?
– ორივეს, რადგან, როდესაც მარტო გონებას ვენდე, ყოველთვის ვინანე, რატომ გულისთქმას არ ვენდე–მეთქი და პირიქით.
– ძალიან დაკავებული ხართ, თავისუფალ დროს საკუთარ თავს რითი ანებივრებთ?
– ბოლო 3 წელია დაივინგით ვარ გატაცებული, წყალქვეშ ყოფნის დროს სულიერად ვისვენებ. 2013 წელს კარგად დავისვენე, 2014 წელი კი ჯერჯერობით ძალიან დაკავებული მაქვს.
– სოციალური ქსელის აქტიური მომხმარებელი ხართ?
– არა, საერთოდ არ მაქვს "ფეისბუქი" და "ტვიტერი". ჩემი აგენტი კი აქტიურად ადევნებს თვალს, რას წერენ ჩემზე სოციალურ ქსელებში.
– ქალთან ურთიერთობაში ყოველთვის თქვენ დგამთ პირველ ნაბიჯს თუ მისგან ელოდებით ქმედებას?
– ვფიქრობ, კარგია, თუ მამაკაცი გადადგამს პირველ ნაბიჯს. ჩემი მხრიდან პირველი ნაბიჯის გადადგმა დამარწმუნებს, რომ ქალს პოპულარობის გამო არ მოვწონებივარ.
– სიყვარულში რომანტიკული ხართ?
– ხან ვარ, ხან – არა.
ენგინი თურქეთის დედაქალაქ ანკარაშია დაბადებულ–გაზრდილი, კლერკი მამისა და დიასახლისი დედის ოჯახში. მას პროფესიული სამსახიობო განათლება არ მიუღია. ანკარის უნივერსიტეტის ლინგვისტიკისა და ისტორიის ფაკულტეტი აქვს დამთავრებული, თუმცა მსახიობური ნიჭი სტუდენტობის პერიოდში გამოვლინდა, როცა თეატრმა გაიტაცა, მონაწილეობდა და თავადაც დგამდა სხვადასხვა ჟანრის წარმოდგენებს. ამის გამო გადაწყვიტა, საკუთარი ძალები სატელევიზო შოუ "თურქეთის ვარსკვლავებში" მოესინჯა. 2004 წლის ბოლოს კი ის უკვე საუკეთესო დამწყები მსახიობის ტიტულს ფლობდა.
შემდეგ ენგინი ეკრანზე გამოჩნდა სერიალით "უცხოელი სიძე", 2006 წელს კი მიიწვიეს მოკლემეტრაჟიან ფილმში "ბედი", რომელში შესრულებული როლისთვისაც ყველაზე იმედისმომცემი მსახიობის ჯილდო დაიმსახურა.
ენგინ აკიურეკს ყველაზე დიდი პოპულარობა სერიალმა "უდანაშაულომ" მოუტანა, რომლის გადაღებები 2010–2102 წლებში მიმდინარეობდა. ქერიმის როლისათვის მსახიობი უამრავი თურქული ჯილდოს მფლობელი გახდა. ამ სერიალში მისი მეწყვილე ულამაზესი თურქი მსახიობი ბერენ საატი გახლდათ. გავრცელდა ჭორები მათი რეალური რომანის შესახებაც, მაგრამ არც ერთ მათგანს დაუდასტურებია ეს ინფორმაცია.
სასიამოვნო გარეგნობის ენგინი თავისუფალი მამაკაცია და უამრავი ქალი ეტრფის. ამჟამად თურქ ლამაზმანს, ტუვანა ტურკაის ხვდება, რომელიც ცნობილი გახდა ბადეს როლით სერიალიდან "სიყვარული, ცა და მიწა". როგორ განვითარდება მათი ურთიერთობა, ამას მომავალი გვიჩვენებს, მანამდე კი გთავაზობთ ინტერვიუს, რომელიც ენგინ აკიურეკმა ჟურნალ "კოსმოპოლიტანს" მისცა.
– როგორ დაიწყო თქვენი სამსახიობო კარიერა?
– ჩემი სამსახიობო კარიერის დაწყებას ორ ეტაპად დავყოფდი, პირველი – როდესაც მე უნივერსიტეტის დამთავრების შემდეგ ანკარის თეატრში ვთამაშობდი და მეორე – როდესაც სტამბულში ჩავედი და მონაწილეობა მივიღე სატელევიზიო შოუში "თურქეთის ვარსკვლავები". ჩემი კარიერა სწორედ ამ პროექტში გამარჯვებით დაიწყო.
– მსახიობობის გარდა, რა პროფესიას აირჩევდით?
– მე პროფესია მაქვს, ისტორიკოსი ვარ.
– სერიალებშიც თამაშობთ და მოკლემეტრაჟიან ფილმებშიც. რითი განსხვავდება, სამსახიობო თვალსაზრისით, ეს ორი ჟანრი ერთმანეთისგან?
– სერიალის გადაღებები საკმაოდ დიდხანს, ხშირად 3 წელიწადსაც გრძელდება. გარდა ამისა, შესაძლოა ერთი და იგივე ეპიზოდი რამდენჯერმე გადაიღონ. სერიალში არასოდეს იცი, რა შეიძლება მოხდეს, მაგალითად, 50–ე ეპიზოდში, ფილმების სცენარები კი წინასწარ ვიცით. გარდა ამისა, ფილმის გადაღებები ძირითადად 20–30 დღეში სრულდება.
– როგორ ემზადებით თქვენი თითოეული როლისათვის?
– მსახიობობა ემოციური პროფესიაა. თითოეული შენი გმირი თავიდან ბოლომდე უნდა გაითავისო, სხვანაირად არ გამოვა. თითოეულ როლს უდიდეს ყურადღებას ვუთმობ, კარგად ვსწავლობ ჩემი გმირის პიროვნებას.
– პოპულარობის გამო ოდესმე უსიამოვნებაში თუ გახვეულხართ?
– პოპულარობა ჩემთვის არაკომფორტული არასოდეს ყოფილა. პირიქით, ჩემი ცხოვრებით კმაყოფილი და ბედნიერი ვარ.
– ქუჩაში ქალები თქვენ მიმართ განსაკუთრებულ ყურადღებას გამოხატავენ, ამაზე რა აზრის ხართ?
– ეს ბუნებრივია, რადგან თითქმის ყველა სერიალსა თუ ფილმში შეყვარებულ მამაკაცს ვთამაშობ. ქალებს ჩემი გმირები მოსწონთ და არა – მე.
– კინოსამყაროში 21 წლის ასაკიდან გამოჩნდით, რა შეიცვალა მას შემდეგ ენგინ აკიურეკის ცხოვრებაში?
– ყველა წელი განსხვავებული იყო, მაგრამ ახლა თავს ყველაზე კარგად და სრულყოფილად ვგრძნობ. ვფიქრობ, რაც ასაკში შედიხარ, უფრო კარგია, განსაკუთრებით – მამაკაცისთვის.
– როდესაც გადაწყვეტილების მიღების დრო დგება, გულისთქმას მიჰყვებით თუ გონების კარნახს?
– ორივეს, რადგან, როდესაც მარტო გონებას ვენდე, ყოველთვის ვინანე, რატომ გულისთქმას არ ვენდე–მეთქი და პირიქით.
– ძალიან დაკავებული ხართ, თავისუფალ დროს საკუთარ თავს რითი ანებივრებთ?
– ბოლო 3 წელია დაივინგით ვარ გატაცებული, წყალქვეშ ყოფნის დროს სულიერად ვისვენებ. 2013 წელს კარგად დავისვენე, 2014 წელი კი ჯერჯერობით ძალიან დაკავებული მაქვს.
– სოციალური ქსელის აქტიური მომხმარებელი ხართ?
– არა, საერთოდ არ მაქვს "ფეისბუქი" და "ტვიტერი". ჩემი აგენტი კი აქტიურად ადევნებს თვალს, რას წერენ ჩემზე სოციალურ ქსელებში.
– ქალთან ურთიერთობაში ყოველთვის თქვენ დგამთ პირველ ნაბიჯს თუ მისგან ელოდებით ქმედებას?
– ვფიქრობ, კარგია, თუ მამაკაცი გადადგამს პირველ ნაბიჯს. ჩემი მხრიდან პირველი ნაბიჯის გადადგმა დამარწმუნებს, რომ ქალს პოპულარობის გამო არ მოვწონებივარ.
– სიყვარულში რომანტიკული ხართ?
– ხან ვარ, ხან – არა.
