თვითმკვლელი ვარსკვლავები

ყველას სურვილია გახდეს ვარსკვლავი. ვინ იტყვის უარს ბევრ მოგზაურობაზე, თავყვანისმცემლებზე, კარგ ანაზღაურებაზე. ისინი ცხოვრობენ საუკეთესო სახლებში. ხვდებიან სხვადასხვა გავლენიანი გამოცემის გარეკანზე. ისინი მუდმივად არიან ყურადღების ცენტრში და ერთი შეხედვით მათი ცხოვრება იდეალურია. თუმცა ასე სულაც არ არის...

ხალხს ჰგონია, რომ მათზე ბევრი რამ იციან. ისინი კითხულობენ უამრავ ინფორმაციას მათ შესახებ. განიხილავენ ყოველ დეტალს, თვალს ადევნებენ ბლოგებს. თუმცა ამის მიუხედავად ვარსკვლავები მაინც ახერხებენ ჩვენს გაოცებას.

სამწუხაროდ ახლა უკვე მრავალი ვარსკვლავია ჩვენთვის ცნობილი, რომელთაც სიცოცხლე სუიციდით დაამთავრეს. მათ როგორც სხვა ვარსკვლავების ცხოვრება იდეალური გვეჩვენებოდა.

რობინ უილიამსი - ოსკარის მფლობელმა მსახიობმა, რომელმაც თავი დაგვამახსოვრა კომედიით "მისის დაუთფაიერი'', 2014 წლის 11 აგვისტოს სუიციდით დაასრულა სიცოცხლე.

მერილინ მონრო - ყველა დროის ერთ-ერთი ყველაზე ლამაზი ქალი 1962 წლის 5 აგვისტოს, 36 წლის ასაკში გარდაიცვალა. იმის მიუხედავად, რომ მისი სიკვდილი ერთ-ერთ ყველაზე საიდუმლოებით მოცული საქმეა, ექსპერტიზამ დაადგინა, რომ ის გარდაიცვალა ფსიქოტროპული, დამაშვიდებელი წამლების ჭარბი რაოდენობის მიღებით.

ასევე არიან ისეთი ვარსკვლავები, რომელთა თვითმკვლელობის მცდელობა ასე ფატალურად არ დასრულებულა. მათ შორის არიან: ჰოლი ბერი, დრიუ ბერიმორი, ემინემი, ელიზაბეტ ტეილორი, ნინა სიმონე, ტინა ტერნერი, დემი ლოვატო, ელტონ ჯონი, ოზი ოზბორნი, ბრდიჯიტ ბარდო.

ასეთი კიდევ ბევრია. ეს ფაქტი ამტკიცებს იმას, რომ უზრუნველყოფილი ცხოვრება არ ნიშნავს ბედნიერებას. შეიძლება არაფერი გაკლდეს, გქონდეს ყველაფერი რაც შეიძლება ინატრო. თუმცა ამავდროულად შენი ცხოვრება არ იყოს ისეთი კარგი და ნათელი, როგორიც ეს უცხოებს ეჩვენებათ

დღესდღეობით ყოველ 16.2 წუთში, ერთი ადამიანი ამთავრებს სიცოცხლეს სუიციდით. მათ შორის არიან ვარსკვლავები, რომლებიც ჩვენ ძალიან გვიყვარს და გვეჩვენება, რომ მათი ცხოვრება იდეალურადაა მოწყობილი.

ზუკა ფირცხალაიშვილი