დირკ კიუტიმა ნარინჯისფრებში თამაში დაასრულა

”ფენერბაჰჩეს” ჰოლანდიელმა თავდამსხმელმა დირკ კიუიტმა სანაკრებო კარიერის დასრულება გადაწყვიტა.

”მძიმეა ნაკრებთან გამოთხოვება. რაღაც მომენტში ნაკრების მოთამაშეზე მეტად მხოლოდ მისი გულშემატკივარი ვარ. ყველაზე მეტად რაც დამაკლდება ეს ამაღელვებელი გრძნობაა, რომელსაც ჰოლანდიის ჰიმნის შესრულებისას განვიცდიდი.

ეროვნულ ნაკრებში თამაში უდიდესი პატივი იყო. ამისთვის დიდად მადლიერი ვარ”, - განაცხადა კიუიტმა.

34 წლის კიუიტმა ჰოლანდიის ნაკრების ღირსება 105 შეხვედრაში დაიცვა, რაც ზოგადად სანაკრებო ისტორიაში მეექვსე საუკეთესო მაჩვენებელია. ამ ხნის განმავლობაში ჰოლანდიელმა 24 გოლი გაიტანა. მის საჩემპიონო ყულაბაშია 2010 და 2014 წლების მსოფლიო ჩემპიონატების ვერცხლისა და ბრინჯაოს მედლები.

news.ge