ებოლას შიშით რეპერი ეიკონი მსმენელებთან პლასტიკურ ბურთში ჩამჯდარი გავიდა

ამერიკელმა ჰიპ-ჰოპის ვარსკვლავმა, რომელიც აფრიკაში ხშირად ჩადის და შავ კონტინენტს „ჩემ სახლს“ უწოდებს, კონცერტი კონგოს დემოკრატიული რესპუბლიკის ქალაქ გომაში გამართა. Breitbart-ის ცნობით, ებოლას შიშით რეპერი მსმენელებთან პლასტიკურ ბურთში ჩამჯდარი გამოვიდა.

გომა მსოფლიოს ერთ-ერთი ყველაზე საშიშ ქალაქად ითვლება. გრემის პრემიის 5-გზის ნომინანტის კონცერტი გაეროს მხარდაჭერით განხორციელდა და ის მშვიდობის საერთაშორისო დღეს მიეძღვნა.

წარმოდგენის შემდეგ, რომელსაც 60 ათასი მაყურებელი დაესწრო, ეიკენი პლასტიკურ ბურთში მოთავსდა და მაყურებლებში გადახტა. ეიკენის თქმით, პრასტიკური ბურთი მას ებოლას ვირუსისაგან დაიცავდა. მსმენელები რეპერთან კონტაქტის ამ უჩვეულო ფორმას ენთუზიაზმით შეხვდნენ.

კონგოს დემოკრატიულ რესპუბლიკაში ებოლას კერა აგვისტოში დაფიქსირდა. თუმცა კონგოს დემოკრატიული რესპუბლიკის ხელისუფლებამ 23 სექტემბერს განაცხადა, რომ ებოლას ეპიდემიური აფეთქება პრაქტიკულად დაძლეულია. ქვეყნის პრემიერმინისტრის ოგუსტენ მატატა პანიო მალპონის განცხადებით, უკანასკნელი 10 დღის განმავლობაში, დაავადების ერთი შემთხვევაც არ დაფიქსირებულა. კონგოში დაფიქსირებული ეპიდემია არ უკავშირდება დასავლეთ აფრიკაში ებოლას გავრცელებას.

აღსანისნავია, რომ ვირუსის პირველი იდენტიფიცირება 1976 წელს მოხდა კონგოს დემოკრატიული რესპუბლიკაში, მდინარე ებოლას ხეობაში, საიდანაც გაჩნდა ვირუსის სახელწოდება.

news.ge