ანრი ჯოხაძის და ნინი ბადურაშვილის "სექსი სიზმარში"

მომღერალმა ანრი ჯოხაძემ კიდევ ერთხელ გადაწყვიტა ქართველი საზოგადოების ყურადღების მიპყრობა და მაია ასათიანთან ”პროფილში” სტუმრობისას კითხვაზე, ”სიზმარი, რომელიც გახსოვთ”, აღიარა, რომ ნინი ბადურაშვილთან სექსი ჰქონდა, ოღონდ სიზმარში.

მომღერალმა ისიც აღიარა, რომ სიზმარში სექსი არაერთხელ ჰქონია და თანაც არაერთ ცნობილ ქალთან. ყველაზე საყურადღებო ის არის, რომ ყველა ქალი მომღერალი და საესტრადო ხელოვნების თვალსაჩინო წარმომადგენელია. ანრის თქმით, მას სექსი ჰქონდა ნინი ბადურაშვილთან, ალა პუგაჩოვასთან და მადონასთან:

_ ყველას ჰქონია ალბათ სექსუალური სიზმრები. ე.წ ”სიზმრად დაცემა” და ყველა ეს სიზმარი მახსოვს, იმიტომ, რომ ისეთ ადამიანებთან მქონია სექსი, წარმოუდგენელია ამის დავიწყება. სამს გეტყვი, რაც ძალიან კარგად მახსოვს, ეს იყო ალა პუგაჩოვა, მადონა და ბოლოს ნინი ბადურაშვილი. ნინი, მაპატიე, ასე იყო, _ განაცხადა ანრი ჯოხაძემ მაია ასათიანთან სტუმრობისას.

მის ამ აღიარებას ქართველ საზოგადოებაში არაერთგვაროვანი გამოხმაურება მოყვა. ეჰ, რა ბედი აქვს ანრის, ოცნებებში წავიდა ბიჭი, რა პარანოია ხალხია, ანრი ნინისთვის არ მემეტება...

თავად ნინი ბადურაშვილმა კი, რომელიც ამჟამად მოსკოვში იმყოფება, ფეისბუქში ანრი ჯოხაძე გაზიარებულ ბმულზე მონიშნა და ჰკითხა: ”და კარგი იყო მაინც?!”, რაზეც ანრიმ უპასუხა: ”კი, ნინი, ჯადოსნური!”

ეკა ირემაშვილი, გაზეთი ”ახალი თაობა”