ნოსტალგია, რომელიც ზაზა იაქაშვილს ნინი ბადურაშვილთან აკავშირებს...
1 535 ნახვა
მსახიობ ზაზა იაქაშვილს შემოქმედებითი თვალსაზრისით რამდენიმე სიახლე აქვს. შეხვედრისას ორ ახალ ფილმზე ვისაუბრეთ, ერთის პრემიერა ზაფხულში შედგა, ხოლო მეორის ახლახან - სექტემბერში.
წელს ზაფხულში რეჟისორ ლევან წულაძის სპექტაკლით ''ტარტიუფი'' ისრაელში იმყოფებოდა გასტროლზე. დაახლოებით ათი დღის განმავლობაში სპექტაკლი სამჯერ წარმოადგინეს და დიდი მოწონება დაიმსახურა, როგორც ქართველ ებრაელთა, ისე ადგილობრივ მაყურელებელთა შორის. როგორც ზაზამ აღნიშნა, იერუსალიმში პირველად იყო. სხვებთან ერთად ფეხით მოიარა ძველი ქალაქი, მოინახულა ღვთისმშობლის, მაცხოვრის საფლავი და სხვა არაერთი სიწმინდე.
სექტემბრის ბოლოს ტელეკომპანია ''იმედის'' ეთერში სერიალ ''ფსიქოპატთა თამაშების'' ჩვენება დაიწყება, რომლის ერთ სერიაში თანამედროვე ქართული ოჯახის უფროსს განასახიერებს. სხვა დეტალებს კი ჩვენი საუბრიდან შეიტყობთ...
- ზაზა, საუბარი ორი ახალი ფილმით დავიწყოთ, ესენია ''ზღვარი'' და ''ვინ მოკლა ილია''...
- ''ზღვარის'' რეჟისორი გახლავთ უნიჭიერესი რეჟისორი მარიამ ქაცარავა, რომელთანაც მრავალწლიანი მეგობრობა და ურთიერთობა მაკავშირებს. მას ძალიან საინტერესო დოკუმენტური ფილმები აქვს გადაღებული, რომლებმაც არაერთი პრიზი დაიმსახურეს საერთაშორისო ფესტივალებზე. მოკლემე-ტრაჟიანი ფილმების შემდეგ ეს იყო მისი პირველი სრულმეტრაჟიანი მხატვრული ფილმი. შემიძლია თამამად ვთქვა, რომ ''ზღვარი'' საკმაოდ თბილი, რომანტიკული მელოდრამაა და მადლობა მარიამს, რომ მომცა საშუალება, ჩემი წვლილი შემეტანა ამ ფილმში. ''ზღვარში'' ორი უნიჭიერესი ახალგაზრდა მსახიობი მონაწილეობს - გიორგი მახარაძე და ნათია კვაშალი. იმედი მაქვს, მათთან მუშაობის შესაძლებლობა მომავალშიც მომეცემა.
რაც შეეხება მეორეს, ესაა მიხეილ ბერინაშვილის მხატვრულ-დოკუმენტური ფილმი ''ვინ მოკლა ილია''... ჩემდა საბედნიეროდ, პირდაპირ დამამტკიცეს მთხრობელის როლზე, რომელიც იმავდროულად ფილმის მსვლელობისას ''გადაიქცევა'' კრიმინალისტ ჟურნალისტად და რაღაც მომენტებში გამომძიებელიც არის.
- ფილმის პრემიერა ახლახან შედგა...
- საკმაოდ ემოციური იყო პრემიერა. მახარებს ის ფაქტი, რომ ნებისმიერი აქტივობა ამ კუთხით ძალიან მნიშვნელოვანია. ჩვენმა საზოგადოებამ უნდა გაიხსენოს და ახალგაზრდობამ იცოდეს, ვინ იყო ილია, რისთვის ცხოვრობდა, იბრძოდა, რას შესწირა თავი. უნდა შევეცადოთ გავაძლიეროთ ილიასეული ღირებულებები საზოგადოებაში. მომწონს ისიც, რომ ფილმის ყურებისას მაყურებელს ეძლევა საშუალება, დღემდე არსებული სამი ვერსიიდან თავად განსაჯოს და გამოიტანოს დასკვნა ილიას მკვლელობაზე.
- მონაწილეობდით ღონისძიებაში ''...დღე, როცა ვერ მოჰკლეს ილია''...
- დიახ. ღონისძიება ''...დღე, როცა ვერ მოჰკლეს ილია'' 12 სექტემბერს გაიმართა, პატრიარქის ლოცვა-კურთხევით. პროექტის მიზანი ილიას ღვაწლის დაფასება და საზოგადოებაში მისი ღირებულებების განმტკიცება და უკვდავყოფა გახლდათ. არ ველოდით, თუ მსვლელობას ამდენი ხალხი დაესწრებოდა. ამ ღონისძიებაზე წიწამურში საქართველოს პატრიარქი ილია II მობრძანდა. დიდ მსახიობთა თანა-ვარსკვლავედთან ერთად, მე წავიკითხე ილიას ორი ლექსი და მოხარული ვარ, რომ ჩემი პატარა წვლილი შევიტანე ამ პროექტში.
- ზაზა, სერიალ ''დეტექტივებში'' მთავარი დეტექტივის როლი გქონდათ, ილიას შესახებ გადაღებულ ფილმშიც დეტექტივის პროფესიას ირგებთ. როგორ ფიქრობთ, რატომ ხდება, რომ რეჟისორები ასეთ როლზე გაკავებენ?
- (იცინის) არ ვიცი, ეტყობა, ''დეტექტივების'' დროს მომავალი გადამღები ჯგუფის ნდობა მოვიპოვე და კასტინგიც არ გამატარეს, ისე დამამტკიცეს ჩემთვის ძალიან ძვირფას ფილმში. ეს ჩემთვის უდიდესი პასუხისმგებლობა იყო. ''დეტექტივების'' გადაღებებისას დავდიოდით პოლიციის აკადემიაში, გვქონდა საუბარი ლექტორებთან, გვასწავლიდნენ იარაღის გამოყენებას, ხელბორკილის დადებას, დამნაშავის დაკითხვას. გადაღებებზე შინაგან სა
ქმეთა სამინისტროს კონსულტანტები გვესწრებოდნენ, რომ ყველაფერი ისე ყოფილიყო, როგორც საჭიროა. ჩემთვის ''დეტექტივებში'' მთავარი დეტექტივის როლი ყველაზე რთული იყო იმდენად, რამდენადაც ჩემი გმირი უნდა ყოფილიყო თავშეკავებული, არ შეიძლებოდა, მკვეთრი ემოციური ამოფრქვევები გქონოდა. ამ მხრივ ჩარჩოებში ვიყავი მოქცეული, მაგრამ იცით, ეს უფრო საინტერესო იყო.
- ხომ არ ფიქრობთ, თქვენი მეორე პროფესია იურისტობა გახდეს?
- არა, არა, შესანიშნავი პროფესია მაქვს. იურისტობას სხვა მონაცემები და აზროვნების სხვა ნიჭი სჭირდება, სულ სხვა ფსიქოტიპი უნდა იყო. გამომძიებლის პროფესია ძალიან საინტერესოა, მაგრამ მიმაჩნია, რომ უკეთესი იქნება, ყველამ თავისი საქმე აკეთოს. იმედი მაქვს, მე ჩემს ადგილზე ვარ (იღიმის).
- რაც შეეხება მარჯანიშვილის თეატრს, რა სიახლეები გაქვთ ამ კუთხით?
- ამ ეტაპზე ყველა თეატრალურ ფესტივალზეა გადართული, რამდენიმე პროექტი იგეგმება, მაგრამ რეპეტიციები ჯერ არ დაწყებულა. ყველაფერი ფესტივალის დასრულების შემდეგ გაირკვევა. რაც შეეხება არსებულ რეპერტუარს, ათამდე სპექტაკლში ვმონაწილეობ.
- ვიცი მღერით, სხვადასხვა არხზე მუსიკალური პროექტებიდან თუ გქონიათ მონაწილეობის შეთავაზება?
- ვერ ვიტყვი, რომ ვმღერი. მიყვარს, მაგრამ მე ვმღერი ისევე, როგორც ნებისმიერი ქართველი და მაქვს ის მინიმუმი უნარი, რაც ნებისმიერ მსახიობს უნდა ჰქონდეს. თავის დროზე ნინი ბადურაშვილთან ერთად ვმონაწილეობდი ''იმედის ტალღაში''. ძალიან კარგად მახსენდება ის დრო და საოცარი ნოსტალგია მაქვს. ამას წინათ ერთ-ერთ გადაღებაზე ვნახე ნინი, რომელიც ასევე მონაწილეობდა პრომოში და ძალიან თბილად გავიხსენეთ ''იმედის ტალღა''.
საერთოდ, მსახიობისთვის ძალიან მნიშვნელოვანი და საინტერესოა ამა თუ იმ ახალ პროექტში, სპექტაკლსა თუ ფილმში მონაწილეობა. მსახიობისთვის ფუფუნებაა სხვადასხვა ამპლუაში ძალების მოსინჯვა. ჯერჯერობით ვერ ვიტყვი, მაგრამ მაქვს შემოთავაზება ერთი პროექტიდან, რომელშიც შეიძლება, განსხვავებულ ამპლუაში გამოვჩნდე და ისეთ საქმეს შევეჭიდო, რაც აქამდე არ გამიკეთებია.
აქვე მინდა გითხრათ, რომ ძალიან საინტერესო პროექტში მივიღე მონაწილეობა, ბატონმა ოთარ შამათავამ დაიწყო რვასერიიანი სერიალის გადაღება, რომელიც ''იმედზე'' სექტემბრის ბოლოდან გავა. ბატონი ოთარი სუპერპროფესიონალია, მასთან მუშაობა ყოველთვის ძალიან საინტერესო, კომფორტულია. გადაღებები მუდამ ლაღად მიმდინარეობს.
სერიალს საკმაოდ დამაინტრიგებელი სათაური აქვს - ''ფსიქოპატთა თამაშები'', სცენარი მაია ბურჭულაძეს ეკუთვნის. ყოველ სერიაში ცალკე, დამოუკიდებელი ამბავია მოთხრობილი. ჩემი მონაწილეობით გადაღებულია მეორე სერია, რომელშიც ერთ-ერთ მთავარ როლს ვასრულებ. სერიალში ცნობილ მსახიობებთან ერთად, სრულიად ახალი სახეები, ახალგაზრდა თაობის წარმომადგენლებიც მონაწილეობენ.
- ისევ დეტექტივი ხომ არ ხართ?
- არა, არა, აბსოლუტურად განსხვავებული გმირია. სერიალში სადაზღვევო სააგენტოს მფლობელი ვარ, ჩემი მეუღლის როლს ნატო ებანოიძე ასრულებს, რომელიც მოსამართლეა, ხოლო იურიდიულის სტუდენტი შვილის როლს - გიორგი ელიზბარაშვილი... სერიალში აქცენტი კეთდება ადამიანურ ურთიერთობებზე, არ მინდა, ყველაფერს მოვყვე, მაგრამ მერწმუნეთ, ძალიან საინტერესო იქნება (იღიმის).
ანა კალანდაძე
ჟურნალი ''რეიტინგი''
წელს ზაფხულში რეჟისორ ლევან წულაძის სპექტაკლით ''ტარტიუფი'' ისრაელში იმყოფებოდა გასტროლზე. დაახლოებით ათი დღის განმავლობაში სპექტაკლი სამჯერ წარმოადგინეს და დიდი მოწონება დაიმსახურა, როგორც ქართველ ებრაელთა, ისე ადგილობრივ მაყურელებელთა შორის. როგორც ზაზამ აღნიშნა, იერუსალიმში პირველად იყო. სხვებთან ერთად ფეხით მოიარა ძველი ქალაქი, მოინახულა ღვთისმშობლის, მაცხოვრის საფლავი და სხვა არაერთი სიწმინდე.
სექტემბრის ბოლოს ტელეკომპანია ''იმედის'' ეთერში სერიალ ''ფსიქოპატთა თამაშების'' ჩვენება დაიწყება, რომლის ერთ სერიაში თანამედროვე ქართული ოჯახის უფროსს განასახიერებს. სხვა დეტალებს კი ჩვენი საუბრიდან შეიტყობთ...
- ზაზა, საუბარი ორი ახალი ფილმით დავიწყოთ, ესენია ''ზღვარი'' და ''ვინ მოკლა ილია''...
- ''ზღვარის'' რეჟისორი გახლავთ უნიჭიერესი რეჟისორი მარიამ ქაცარავა, რომელთანაც მრავალწლიანი მეგობრობა და ურთიერთობა მაკავშირებს. მას ძალიან საინტერესო დოკუმენტური ფილმები აქვს გადაღებული, რომლებმაც არაერთი პრიზი დაიმსახურეს საერთაშორისო ფესტივალებზე. მოკლემე-ტრაჟიანი ფილმების შემდეგ ეს იყო მისი პირველი სრულმეტრაჟიანი მხატვრული ფილმი. შემიძლია თამამად ვთქვა, რომ ''ზღვარი'' საკმაოდ თბილი, რომანტიკული მელოდრამაა და მადლობა მარიამს, რომ მომცა საშუალება, ჩემი წვლილი შემეტანა ამ ფილმში. ''ზღვარში'' ორი უნიჭიერესი ახალგაზრდა მსახიობი მონაწილეობს - გიორგი მახარაძე და ნათია კვაშალი. იმედი მაქვს, მათთან მუშაობის შესაძლებლობა მომავალშიც მომეცემა.
რაც შეეხება მეორეს, ესაა მიხეილ ბერინაშვილის მხატვრულ-დოკუმენტური ფილმი ''ვინ მოკლა ილია''... ჩემდა საბედნიეროდ, პირდაპირ დამამტკიცეს მთხრობელის როლზე, რომელიც იმავდროულად ფილმის მსვლელობისას ''გადაიქცევა'' კრიმინალისტ ჟურნალისტად და რაღაც მომენტებში გამომძიებელიც არის.
- ფილმის პრემიერა ახლახან შედგა...
- საკმაოდ ემოციური იყო პრემიერა. მახარებს ის ფაქტი, რომ ნებისმიერი აქტივობა ამ კუთხით ძალიან მნიშვნელოვანია. ჩვენმა საზოგადოებამ უნდა გაიხსენოს და ახალგაზრდობამ იცოდეს, ვინ იყო ილია, რისთვის ცხოვრობდა, იბრძოდა, რას შესწირა თავი. უნდა შევეცადოთ გავაძლიეროთ ილიასეული ღირებულებები საზოგადოებაში. მომწონს ისიც, რომ ფილმის ყურებისას მაყურებელს ეძლევა საშუალება, დღემდე არსებული სამი ვერსიიდან თავად განსაჯოს და გამოიტანოს დასკვნა ილიას მკვლელობაზე.
- მონაწილეობდით ღონისძიებაში ''...დღე, როცა ვერ მოჰკლეს ილია''...
- დიახ. ღონისძიება ''...დღე, როცა ვერ მოჰკლეს ილია'' 12 სექტემბერს გაიმართა, პატრიარქის ლოცვა-კურთხევით. პროექტის მიზანი ილიას ღვაწლის დაფასება და საზოგადოებაში მისი ღირებულებების განმტკიცება და უკვდავყოფა გახლდათ. არ ველოდით, თუ მსვლელობას ამდენი ხალხი დაესწრებოდა. ამ ღონისძიებაზე წიწამურში საქართველოს პატრიარქი ილია II მობრძანდა. დიდ მსახიობთა თანა-ვარსკვლავედთან ერთად, მე წავიკითხე ილიას ორი ლექსი და მოხარული ვარ, რომ ჩემი პატარა წვლილი შევიტანე ამ პროექტში.
- ზაზა, სერიალ ''დეტექტივებში'' მთავარი დეტექტივის როლი გქონდათ, ილიას შესახებ გადაღებულ ფილმშიც დეტექტივის პროფესიას ირგებთ. როგორ ფიქრობთ, რატომ ხდება, რომ რეჟისორები ასეთ როლზე გაკავებენ?
- (იცინის) არ ვიცი, ეტყობა, ''დეტექტივების'' დროს მომავალი გადამღები ჯგუფის ნდობა მოვიპოვე და კასტინგიც არ გამატარეს, ისე დამამტკიცეს ჩემთვის ძალიან ძვირფას ფილმში. ეს ჩემთვის უდიდესი პასუხისმგებლობა იყო. ''დეტექტივების'' გადაღებებისას დავდიოდით პოლიციის აკადემიაში, გვქონდა საუბარი ლექტორებთან, გვასწავლიდნენ იარაღის გამოყენებას, ხელბორკილის დადებას, დამნაშავის დაკითხვას. გადაღებებზე შინაგან სა
ქმეთა სამინისტროს კონსულტანტები გვესწრებოდნენ, რომ ყველაფერი ისე ყოფილიყო, როგორც საჭიროა. ჩემთვის ''დეტექტივებში'' მთავარი დეტექტივის როლი ყველაზე რთული იყო იმდენად, რამდენადაც ჩემი გმირი უნდა ყოფილიყო თავშეკავებული, არ შეიძლებოდა, მკვეთრი ემოციური ამოფრქვევები გქონოდა. ამ მხრივ ჩარჩოებში ვიყავი მოქცეული, მაგრამ იცით, ეს უფრო საინტერესო იყო.
- ხომ არ ფიქრობთ, თქვენი მეორე პროფესია იურისტობა გახდეს?
- არა, არა, შესანიშნავი პროფესია მაქვს. იურისტობას სხვა მონაცემები და აზროვნების სხვა ნიჭი სჭირდება, სულ სხვა ფსიქოტიპი უნდა იყო. გამომძიებლის პროფესია ძალიან საინტერესოა, მაგრამ მიმაჩნია, რომ უკეთესი იქნება, ყველამ თავისი საქმე აკეთოს. იმედი მაქვს, მე ჩემს ადგილზე ვარ (იღიმის).
- რაც შეეხება მარჯანიშვილის თეატრს, რა სიახლეები გაქვთ ამ კუთხით?
- ამ ეტაპზე ყველა თეატრალურ ფესტივალზეა გადართული, რამდენიმე პროექტი იგეგმება, მაგრამ რეპეტიციები ჯერ არ დაწყებულა. ყველაფერი ფესტივალის დასრულების შემდეგ გაირკვევა. რაც შეეხება არსებულ რეპერტუარს, ათამდე სპექტაკლში ვმონაწილეობ.
- ვიცი მღერით, სხვადასხვა არხზე მუსიკალური პროექტებიდან თუ გქონიათ მონაწილეობის შეთავაზება?
- ვერ ვიტყვი, რომ ვმღერი. მიყვარს, მაგრამ მე ვმღერი ისევე, როგორც ნებისმიერი ქართველი და მაქვს ის მინიმუმი უნარი, რაც ნებისმიერ მსახიობს უნდა ჰქონდეს. თავის დროზე ნინი ბადურაშვილთან ერთად ვმონაწილეობდი ''იმედის ტალღაში''. ძალიან კარგად მახსენდება ის დრო და საოცარი ნოსტალგია მაქვს. ამას წინათ ერთ-ერთ გადაღებაზე ვნახე ნინი, რომელიც ასევე მონაწილეობდა პრომოში და ძალიან თბილად გავიხსენეთ ''იმედის ტალღა''.
საერთოდ, მსახიობისთვის ძალიან მნიშვნელოვანი და საინტერესოა ამა თუ იმ ახალ პროექტში, სპექტაკლსა თუ ფილმში მონაწილეობა. მსახიობისთვის ფუფუნებაა სხვადასხვა ამპლუაში ძალების მოსინჯვა. ჯერჯერობით ვერ ვიტყვი, მაგრამ მაქვს შემოთავაზება ერთი პროექტიდან, რომელშიც შეიძლება, განსხვავებულ ამპლუაში გამოვჩნდე და ისეთ საქმეს შევეჭიდო, რაც აქამდე არ გამიკეთებია.
აქვე მინდა გითხრათ, რომ ძალიან საინტერესო პროექტში მივიღე მონაწილეობა, ბატონმა ოთარ შამათავამ დაიწყო რვასერიიანი სერიალის გადაღება, რომელიც ''იმედზე'' სექტემბრის ბოლოდან გავა. ბატონი ოთარი სუპერპროფესიონალია, მასთან მუშაობა ყოველთვის ძალიან საინტერესო, კომფორტულია. გადაღებები მუდამ ლაღად მიმდინარეობს.
სერიალს საკმაოდ დამაინტრიგებელი სათაური აქვს - ''ფსიქოპატთა თამაშები'', სცენარი მაია ბურჭულაძეს ეკუთვნის. ყოველ სერიაში ცალკე, დამოუკიდებელი ამბავია მოთხრობილი. ჩემი მონაწილეობით გადაღებულია მეორე სერია, რომელშიც ერთ-ერთ მთავარ როლს ვასრულებ. სერიალში ცნობილ მსახიობებთან ერთად, სრულიად ახალი სახეები, ახალგაზრდა თაობის წარმომადგენლებიც მონაწილეობენ.
- ისევ დეტექტივი ხომ არ ხართ?
- არა, არა, აბსოლუტურად განსხვავებული გმირია. სერიალში სადაზღვევო სააგენტოს მფლობელი ვარ, ჩემი მეუღლის როლს ნატო ებანოიძე ასრულებს, რომელიც მოსამართლეა, ხოლო იურიდიულის სტუდენტი შვილის როლს - გიორგი ელიზბარაშვილი... სერიალში აქცენტი კეთდება ადამიანურ ურთიერთობებზე, არ მინდა, ყველაფერს მოვყვე, მაგრამ მერწმუნეთ, ძალიან საინტერესო იქნება (იღიმის).
ანა კალანდაძე
ჟურნალი ''რეიტინგი''
