დენიზ ჩაკირი: "ერთადერთი, რისი დაკარგვისაც მეშინია, სიყვარულია!"
3 119 ნახვა
მსახიობ დენიზ ჩაკირს თურქეთში პოპულარობა ფერჰუნდეს და იფეტის როლებმა მოუტანა, მსოფლიო აღიარება კი შაჰ სულთნის როლმა სერიალიდან "დიდებული საუკუნე".
დენიზ ჩაკირი 1982 წლის 31 დეკემბერს თურქეთის დედაქალაქ ანკარაში დაიბადა. მსახიობური ნიჭი ჯერ კიდევ სკოლის ასაკში გამოავლინა და აქტიურად მონაწილეობდა სასკოლო დადგმებში. სკოლის დამთავრების შემდეგ კი ყოველგვარი ფიქრის გარეშე სწავლა უნივერსიტეტში თეატრალურ ფაკულტეტზე გააგრძელა. უნივერსიტეტის დამთავრების შემდეგ თეატრში თამაშობდა, იღებდნენ სხვადასხვა რეკლამაში, ხმის სასიამოვნო ტემბრის გამო კი რადიოში წამყვანადაც მუშაობდა. დენიზის ოცნება კინოში თამაში იყო და საცხოვრებლად სტამბულში გადავიდა, რათა კინოინდუსტრიაში დამკვიდრებულიყო.
ჩაკირის კინოდებიუტი 2004 წელს შედგა ერთ–ერთ სერიალში. 2005–2006 წლებში ზედიზედ გამოჩნდა კიდევ ორ სერიალში და დამწყებმა მსახიობმა საუკეთესოდ წარმოაჩინა თავისი შესაძლებლობები როგორც დრამატულ, ისე კომედიურ ჟანრში.
დენიზი აქტიურად აგრძელებდა ახალი, საინტერესო როლების ძიებას, პარალელურად კი მოდელად მუშაობდა. 2006 წელი მის კარიერაში გარდმატეხი აღმოჩნდა, როცა როლი მიიღო სერიალ "სტამბულის ცაში" და ფერჰუნდეს როლმა ის ვარსკვლავად აქცია.
მალე თურქი ლამაზმანი მიიწვიეს სერიალში "იფეტი", რომელიც საკმაოდ წარმატებული აღმოჩნდა. შეიძლება ითქვას, რომ ამ პროექტის შემდეგ დენიზმა სუპერვარსკვლავის ტიტული მოირგო. ამ სერიალმა მსახიობის პირადი ცხოვრებაც შეცვალა. მან რომანი გააბა სერიალში თავის პარტნიორ იბრაჰიმ ჩელიკოლთან, თუმცა ისინი სამწლიანი ურთიერთობის შემდეგ ერთმანეთს დაშორდნენ. მიზეზი ღალატი იყო – ინტერნეტში იბრაჰიმისა და უცნობი გოგონას კოცნის კადრები გავრცელდა.
ბოლო დროს დენიზი მსოფლიოში ყველაზე პოპულარული თურქული სერიალის, "დიდებული საუკუნის" მეოთხე სეზონში გამოჩნდა სულეიმანის უფროსი დის, შაჰ სულთნის როლში. მისი მომხიბლავი ხმით კი პროდიუსერები დაინტერესდნენ და დენიზმაც გადაწყვიტა, ძალები სიმღერაშიც მოსინჯოს.
გთავაზობთ ინტერვიუს, რომელიც მსახიობმა ჟურნალ თურქულ "ვოგს" მისცა.
– როგორი ქალია დენიზ ჩაკირი? რამდენიმე სიტყვით დაახასიათეთ საკუთარი თავი.
– დენიზ ჩაკირი არის პრაქტიკული, მხიარული და სანდო ქალი. ეს თვისებები ჩემს სხვა თვისებებს გადაწონის.
– როდის გააცნობიერეთ, რომ მსახიობობა გინდოდათ?
– ჯერ კიდევ დაწყებით კლასებში მივხვდი, რომ მსახიობობა ჩემი მოწოდება იყო. ირგვლივ მყოფმა ადამიანებმა კი ეს რწმენა გამიღრმავეს. პირველ კლასში ვიყავი, როცა მსახიობ ემილ საინის პაროდია გავაკეთე. ვფიქრობ, სწორედ აქედან დაიწყო ჩემი, როგორც მსახიობის, ცხოვრება.
– საკუთარ ბავშვობაზე რას გვეტყვით?
– ბავშვობა თითქმის არ მახსოვს. ბებიასთან ვიზრდებოდი, რადგან მშობლები მუშაობდნენ და ჩემთვის არასოდეს ეცალათ. ამას ისე განვიცდიდი, ფსიქოლოგის დახმარებაც კი დამჭირდა. ძალიან მტკივა ხოლმე გული, როცა ჩემ გარშემო ადამიანები ტკბილად გატარებულ ბავშვობას იხსენებენ. მე ამის ბედნიერება არ მქონდა.
– რა არის თქვენი მიზანი კარიერაში?
– დახვეწა. როდესაც ეკრანზე საკუთარ თავს ვუყურებ, ვფიქრობ, რომ უფრო მეტი შემეძლო.
– სერიალ "იფეტსა" და "სტამბულის ცაში" მთავარ როლებს თამაშობთ. თვლით, რომ მთავარი როლის შესრულება უფრო მეტი პასუხისმგებლობაა?
– რა თქმა უნდა. მთავარი როლის შესრულება მეტ პასუხისმგებლობასთან ერთად, მეტ ვალდებულებასთანაცაა დაკავშირებული. ვერასოდეს ვიტყვი, რომ მე ვაკეთებ ჩემს საქმეს, მე ვიღებ ფულს, დანარჩენი კი მე არ მეხება. თუ თავად არ მჯერა იმ პერსონაჟის, რომელსაც ვთამაშობ, როგორ უნდა ვაიძულო მაყურებელი, მისი სჯეროდეს?!
– "სტამბულის ცაში" ფერჰუნდეს როლით მაყურებლის თვალში უარყოფითი ქალის იმიჯი დაიმკვიდრეთ...
– ეს აბსოლუტურად არ მაღელვებს, რადგან ვთვლი, რომ "სტამბულის ცა" საკმაოდ წარმატებული პროექტი იყო.
– არ გაგიჭირდათ თეატრის სცენიდან სერიალის გადასაღებ მოედანზე გადასვლა?
– სერიალი ჩემთვის სრულიად განსხვავებული სამყარო იყო. მაშინ ნებისმიერი წინადადებისა და როლისათვის მზად ვიყავი. როდესაც პირველი როლი მივიღე სერიალში, რეჟისორმა მითხრა: "თუ სერიალები აირჩიეთ, დასვენებაზე არც იფიქროთ". ამგვარად, შეგუებული ვიყავი, რომ თავდაუზოგავად უნდა მემუშავა.
– რა არის თქვენი ყველაზე დიდი ოცნება?
– პირველ რიგში, ვიყო ცნობილი მსახიობი მსოფლიო მასშტაბით და ცხოვრებაში შევხვდე ისეთ ადამიანს, რომელიც გამიგებს, რომლისთვისაც არაფრის ახსნა და დამტკიცება არ დამჭირდება. ასეთ კაცთან ოჯახს შევქმნიდი და შვილებს გავაჩენდი. ერთი სიტყვით, მინდა, ბედნიერი ვიყო! მინდა, ისეთივე წარმატებას მივაღწიო პირად ცხოვრებაში, როგორსაც უკვე მივაღწიე კარიერაში.
– საკუთარი თავის მიმართ კრიტიკული ხართ?
– დიახ, საკმაოდ კრიტიკული ვარ. გარდა ამისა, მუდმივად მიწევს საკუთარ თავთან ბრძოლა.
– რას ნიშნავს თქვენთვის სიყვარული?
– სიყვარული უდიდესი საგანძურია. ერთადერთი, რისი დაკარგვისაც მეშინია, სიყვარულია, რადგან ცხოვრებაში უკვე ორჯერ დავკარგე ნამდვილი სიყვარული.
– "დიდებულ საუკუნეში" შესრულებული შაჰ სულთნის როლი რამდენად მნიშვნელოვანი იყო თქვენთვის?
– ბედნიერი ვარ, ასეთ შესანიშნავ სერიალში თამაშის შესაძლებლობა რომ მომეცა. ვფიქრობ, გამიმართლა, რომ ისეთ მსახიობებთან ერთად ვიმუშავე, როგორებიც არიან ჰალიტ ერგენჩი და ოკან იალაბაკი. ამ ისტორიულ სერიალში თამაში ჩემი ოცნება იყო.
მოამზადა თათია ბოჭორიძემ, ჟურნალი სარკე
დენიზ ჩაკირი 1982 წლის 31 დეკემბერს თურქეთის დედაქალაქ ანკარაში დაიბადა. მსახიობური ნიჭი ჯერ კიდევ სკოლის ასაკში გამოავლინა და აქტიურად მონაწილეობდა სასკოლო დადგმებში. სკოლის დამთავრების შემდეგ კი ყოველგვარი ფიქრის გარეშე სწავლა უნივერსიტეტში თეატრალურ ფაკულტეტზე გააგრძელა. უნივერსიტეტის დამთავრების შემდეგ თეატრში თამაშობდა, იღებდნენ სხვადასხვა რეკლამაში, ხმის სასიამოვნო ტემბრის გამო კი რადიოში წამყვანადაც მუშაობდა. დენიზის ოცნება კინოში თამაში იყო და საცხოვრებლად სტამბულში გადავიდა, რათა კინოინდუსტრიაში დამკვიდრებულიყო.
ჩაკირის კინოდებიუტი 2004 წელს შედგა ერთ–ერთ სერიალში. 2005–2006 წლებში ზედიზედ გამოჩნდა კიდევ ორ სერიალში და დამწყებმა მსახიობმა საუკეთესოდ წარმოაჩინა თავისი შესაძლებლობები როგორც დრამატულ, ისე კომედიურ ჟანრში.
დენიზი აქტიურად აგრძელებდა ახალი, საინტერესო როლების ძიებას, პარალელურად კი მოდელად მუშაობდა. 2006 წელი მის კარიერაში გარდმატეხი აღმოჩნდა, როცა როლი მიიღო სერიალ "სტამბულის ცაში" და ფერჰუნდეს როლმა ის ვარსკვლავად აქცია.
მალე თურქი ლამაზმანი მიიწვიეს სერიალში "იფეტი", რომელიც საკმაოდ წარმატებული აღმოჩნდა. შეიძლება ითქვას, რომ ამ პროექტის შემდეგ დენიზმა სუპერვარსკვლავის ტიტული მოირგო. ამ სერიალმა მსახიობის პირადი ცხოვრებაც შეცვალა. მან რომანი გააბა სერიალში თავის პარტნიორ იბრაჰიმ ჩელიკოლთან, თუმცა ისინი სამწლიანი ურთიერთობის შემდეგ ერთმანეთს დაშორდნენ. მიზეზი ღალატი იყო – ინტერნეტში იბრაჰიმისა და უცნობი გოგონას კოცნის კადრები გავრცელდა.
ბოლო დროს დენიზი მსოფლიოში ყველაზე პოპულარული თურქული სერიალის, "დიდებული საუკუნის" მეოთხე სეზონში გამოჩნდა სულეიმანის უფროსი დის, შაჰ სულთნის როლში. მისი მომხიბლავი ხმით კი პროდიუსერები დაინტერესდნენ და დენიზმაც გადაწყვიტა, ძალები სიმღერაშიც მოსინჯოს.
გთავაზობთ ინტერვიუს, რომელიც მსახიობმა ჟურნალ თურქულ "ვოგს" მისცა.
– როგორი ქალია დენიზ ჩაკირი? რამდენიმე სიტყვით დაახასიათეთ საკუთარი თავი.
– დენიზ ჩაკირი არის პრაქტიკული, მხიარული და სანდო ქალი. ეს თვისებები ჩემს სხვა თვისებებს გადაწონის.
– როდის გააცნობიერეთ, რომ მსახიობობა გინდოდათ?
– ჯერ კიდევ დაწყებით კლასებში მივხვდი, რომ მსახიობობა ჩემი მოწოდება იყო. ირგვლივ მყოფმა ადამიანებმა კი ეს რწმენა გამიღრმავეს. პირველ კლასში ვიყავი, როცა მსახიობ ემილ საინის პაროდია გავაკეთე. ვფიქრობ, სწორედ აქედან დაიწყო ჩემი, როგორც მსახიობის, ცხოვრება.
– საკუთარ ბავშვობაზე რას გვეტყვით?
– ბავშვობა თითქმის არ მახსოვს. ბებიასთან ვიზრდებოდი, რადგან მშობლები მუშაობდნენ და ჩემთვის არასოდეს ეცალათ. ამას ისე განვიცდიდი, ფსიქოლოგის დახმარებაც კი დამჭირდა. ძალიან მტკივა ხოლმე გული, როცა ჩემ გარშემო ადამიანები ტკბილად გატარებულ ბავშვობას იხსენებენ. მე ამის ბედნიერება არ მქონდა.
– რა არის თქვენი მიზანი კარიერაში?
– დახვეწა. როდესაც ეკრანზე საკუთარ თავს ვუყურებ, ვფიქრობ, რომ უფრო მეტი შემეძლო.
– სერიალ "იფეტსა" და "სტამბულის ცაში" მთავარ როლებს თამაშობთ. თვლით, რომ მთავარი როლის შესრულება უფრო მეტი პასუხისმგებლობაა?
– რა თქმა უნდა. მთავარი როლის შესრულება მეტ პასუხისმგებლობასთან ერთად, მეტ ვალდებულებასთანაცაა დაკავშირებული. ვერასოდეს ვიტყვი, რომ მე ვაკეთებ ჩემს საქმეს, მე ვიღებ ფულს, დანარჩენი კი მე არ მეხება. თუ თავად არ მჯერა იმ პერსონაჟის, რომელსაც ვთამაშობ, როგორ უნდა ვაიძულო მაყურებელი, მისი სჯეროდეს?!
– "სტამბულის ცაში" ფერჰუნდეს როლით მაყურებლის თვალში უარყოფითი ქალის იმიჯი დაიმკვიდრეთ...
– ეს აბსოლუტურად არ მაღელვებს, რადგან ვთვლი, რომ "სტამბულის ცა" საკმაოდ წარმატებული პროექტი იყო.
– არ გაგიჭირდათ თეატრის სცენიდან სერიალის გადასაღებ მოედანზე გადასვლა?
– სერიალი ჩემთვის სრულიად განსხვავებული სამყარო იყო. მაშინ ნებისმიერი წინადადებისა და როლისათვის მზად ვიყავი. როდესაც პირველი როლი მივიღე სერიალში, რეჟისორმა მითხრა: "თუ სერიალები აირჩიეთ, დასვენებაზე არც იფიქროთ". ამგვარად, შეგუებული ვიყავი, რომ თავდაუზოგავად უნდა მემუშავა.
– რა არის თქვენი ყველაზე დიდი ოცნება?
– პირველ რიგში, ვიყო ცნობილი მსახიობი მსოფლიო მასშტაბით და ცხოვრებაში შევხვდე ისეთ ადამიანს, რომელიც გამიგებს, რომლისთვისაც არაფრის ახსნა და დამტკიცება არ დამჭირდება. ასეთ კაცთან ოჯახს შევქმნიდი და შვილებს გავაჩენდი. ერთი სიტყვით, მინდა, ბედნიერი ვიყო! მინდა, ისეთივე წარმატებას მივაღწიო პირად ცხოვრებაში, როგორსაც უკვე მივაღწიე კარიერაში.
– საკუთარი თავის მიმართ კრიტიკული ხართ?
– დიახ, საკმაოდ კრიტიკული ვარ. გარდა ამისა, მუდმივად მიწევს საკუთარ თავთან ბრძოლა.
– რას ნიშნავს თქვენთვის სიყვარული?
– სიყვარული უდიდესი საგანძურია. ერთადერთი, რისი დაკარგვისაც მეშინია, სიყვარულია, რადგან ცხოვრებაში უკვე ორჯერ დავკარგე ნამდვილი სიყვარული.
– "დიდებულ საუკუნეში" შესრულებული შაჰ სულთნის როლი რამდენად მნიშვნელოვანი იყო თქვენთვის?
– ბედნიერი ვარ, ასეთ შესანიშნავ სერიალში თამაშის შესაძლებლობა რომ მომეცა. ვფიქრობ, გამიმართლა, რომ ისეთ მსახიობებთან ერთად ვიმუშავე, როგორებიც არიან ჰალიტ ერგენჩი და ოკან იალაბაკი. ამ ისტორიულ სერიალში თამაში ჩემი ოცნება იყო.
მოამზადა თათია ბოჭორიძემ, ჟურნალი სარკე
