"ყოფილი შეყვარებულის ძმაკაცთან რომანი არ უნდა გამეჩაღებინა"
1 811 ნახვა
გამარჯობა! 18 წლის გოგო ვარ. შეიძლება ვინმემ თქვას, ამ ასაკის ადამიანი რჩევებს არ უნდა იძლეოდესო, მაგრამ ჩემს თანატოლებს მაინც მოვუწოდებ, რომ ყოფილი შეყვარებულის ძმაკაცთან რომანი არასოდეს წამოიწყონ. მე ვერ გავითვალისწინე, ამ ურთიერთობას რა მოჰყვებოდა და ამიტომაც ცუდ დღეში ჩავვარდი.
2 წელი მიყვარდა ბიჭი, რომელიც მუდმივად მეჩხუბებოდა. თავიდან ყველა დაქალი იმას მეუბნებოდა, ასეთი ადამიანის გვერდით როგორ ხარო. ჩემი პასუხი კი ასეთი იყო – მიყვარს და მას ვერასოდეს დავშორდები–მეთქი. მერე ჩვენი ურთიერთობა ისე წარიმართა, რომ მასთან გაჩერება შეუძლებელი იყო. ეჭვიანობის გამო შუა ქუჩაში, ხალხის თანდასწრებით მეჩხუბებოდა. ბოლოს ხელი წამიჭირა ყელზე, უნდა დაგახრჩოო. მაშინ მივხვდი, რომ პათოლოგთან მქონდა საქმე. თავს შემოვუძახე, რომ მისი სიყვარული დამევიწყებინა. მეგონა, მის გარეშე ძალიან გამიჭრდებოდა, მაგრამ პირიქით მოხდა – უფრო დავმშვიდდი. მივხვდი, რომ არც ისე ძალიან მიყვარდა, როგორც თავს ვაჯერებდი.
რამდენიმე თვის შემდეგ ყოფილი შეყვარებულის ძმაკაცის მიმართ გრძნობა გამიჩნდა და ჩვენ შორის რომანი გაჩაღდა. ჩვენს სიყვარულს ვმალავდით, რომ არავის გაეგო, მაგრამ მალე ყველაფერი გამჟღავნდა. ჩემმა შეყვარებულმა კი ბიჭებთან თავი იმით იმართლა, მოსვენება არ მომცა, დეპრესიაში ჩავარდა, თავის მოკვლა უნდოდა, ამიტომ მასთან მეგობრობა დავიწყე, მერე სიყვარულში რომ გამომიტყდა, ზურგი ვერ ვაქციე, შემეშინდა, ისევ თვითმკვლელობა არ ეცადაო...
წარმოიდგინეთ, რა მდგომარეობაში ჩავვარდებოდი! მასთან კავშირი მაშინვე შევწყვიტე და ვინანე, რომ ასეთ პიროვნებასთან მქონდა ურთიერთობა.
გოგონებო, ჩემნაირ მდგომარეობაში ნუ ჩაიგდებთ თავს და უღირს ადამიანს ნუ შეიყვარებთ.
სარკის ერთგული მკითხველი
2 წელი მიყვარდა ბიჭი, რომელიც მუდმივად მეჩხუბებოდა. თავიდან ყველა დაქალი იმას მეუბნებოდა, ასეთი ადამიანის გვერდით როგორ ხარო. ჩემი პასუხი კი ასეთი იყო – მიყვარს და მას ვერასოდეს დავშორდები–მეთქი. მერე ჩვენი ურთიერთობა ისე წარიმართა, რომ მასთან გაჩერება შეუძლებელი იყო. ეჭვიანობის გამო შუა ქუჩაში, ხალხის თანდასწრებით მეჩხუბებოდა. ბოლოს ხელი წამიჭირა ყელზე, უნდა დაგახრჩოო. მაშინ მივხვდი, რომ პათოლოგთან მქონდა საქმე. თავს შემოვუძახე, რომ მისი სიყვარული დამევიწყებინა. მეგონა, მის გარეშე ძალიან გამიჭრდებოდა, მაგრამ პირიქით მოხდა – უფრო დავმშვიდდი. მივხვდი, რომ არც ისე ძალიან მიყვარდა, როგორც თავს ვაჯერებდი.
რამდენიმე თვის შემდეგ ყოფილი შეყვარებულის ძმაკაცის მიმართ გრძნობა გამიჩნდა და ჩვენ შორის რომანი გაჩაღდა. ჩვენს სიყვარულს ვმალავდით, რომ არავის გაეგო, მაგრამ მალე ყველაფერი გამჟღავნდა. ჩემმა შეყვარებულმა კი ბიჭებთან თავი იმით იმართლა, მოსვენება არ მომცა, დეპრესიაში ჩავარდა, თავის მოკვლა უნდოდა, ამიტომ მასთან მეგობრობა დავიწყე, მერე სიყვარულში რომ გამომიტყდა, ზურგი ვერ ვაქციე, შემეშინდა, ისევ თვითმკვლელობა არ ეცადაო...
წარმოიდგინეთ, რა მდგომარეობაში ჩავვარდებოდი! მასთან კავშირი მაშინვე შევწყვიტე და ვინანე, რომ ასეთ პიროვნებასთან მქონდა ურთიერთობა.
გოგონებო, ჩემნაირ მდგომარეობაში ნუ ჩაიგდებთ თავს და უღირს ადამიანს ნუ შეიყვარებთ.
სარკის ერთგული მკითხველი
