ჯეოსტარელი დათუნა მგელაძე რუსულ ვოისში მონაწილეობს
1 679 ნახვა
ჯეოსტარელი დათუნა მგელაძე რუსულ ვოისში მონაწილეობს. მან წარმატებით გაიარა ბრმა ქასთინგი და დიმა ბილანის რჩეულიც გახდა.
მისი მუსიკალური კარიერა ჯეოსტარიდან დაიწყო, რასაც ცნობილ მომღერლებთან ერთად გადაღებული კლიპები მოჰყვა. ქალთა გულთამპყრობელს გოგონები დღემდე ეტრფიან. მომღერლის შემოქმედებითი პაუზა მისმა ჯანმრთელობის მდგომარეობამ განაპირობა. დათუნა 22 წლის ასაკში ავარიაში მოყვა და თითქმის ორი წელი საწოლს მიეჯაჭვა. ფასეულობების გადაფასებამ მასში ცვლილებები გამოიწვია, თუმცა საყვარელ საქმიანობაზე უარი არ უთქვამს.
ამჯერად მომღერალმა გადაწყვიტა, რუსულ ვოისში ეცადა ბედი. მან ბრმა ქასთინგზე ჯორჯ ბენსონის სიმღერა შეასრულა. ქართველ მომღერალს პირველივე ნოტებზე დიმა ბილანი შემოუბრუნდა. მოგვიანებით გაირკვა, რომ დათუნას არ უნდოდა ამ სიმღერის შესრულება, მაგრამ რუსმა პროდიუსერებმა აურჩიეს და ისიც უძლური აღმოჩნდა. საუბარში გაირკვა, რომ ეს სიმღერა არც ჟიურის წევრებს მოეწონათ, თუმცა ქართველი მომღერლის ვოკალმა დიმა ბილანზე იმოქმედა და დათუნა მუსიკალური შოუს მორიგ ტურში გადაიყვანა.
დათუნა მგელაძე უკვე ორი წელია, რუსეთის დედაქალაქში მოღვაწეობს, სადაც სხვადასხვა კლუბებსა და კორპორატიულ საღამოებში იღებს მონაწილეობას. ამჯერად კი რუსულ ვოისშიც ჩაერთო.
ეს კონკურსი ქართველებისთვის საკმაოდ წარმატებულია. რუსეთში მოღვაწე აჩი ფურცელაძემ, გელა გურალიამ, ნოდარ რევიამ, ეთერ ბერიაშვილმა ჟიურის აღფრთოვანება შეძლეს. ამ ქართველი კონკურსანტებიდან ყველაზე დიდ წარმატებას გელა გურალიამ მიაღწია, ის ფინალში გავიდა, მაგრამ საბოლოო გამარჯვება მაინც ვერ შეძლო.
რუსული ვოისი, რომელშიც დათუნა მგელაძე მონაწილეობს, ეთერში უახლოეს ხანში გამოჩნდება და დათუნას რინგზე კონკურენტების დამარცხებაც მოუწევს.
ეკა ირემაშვილი, გაზეთი ”ახალი თაობა”
მისი მუსიკალური კარიერა ჯეოსტარიდან დაიწყო, რასაც ცნობილ მომღერლებთან ერთად გადაღებული კლიპები მოჰყვა. ქალთა გულთამპყრობელს გოგონები დღემდე ეტრფიან. მომღერლის შემოქმედებითი პაუზა მისმა ჯანმრთელობის მდგომარეობამ განაპირობა. დათუნა 22 წლის ასაკში ავარიაში მოყვა და თითქმის ორი წელი საწოლს მიეჯაჭვა. ფასეულობების გადაფასებამ მასში ცვლილებები გამოიწვია, თუმცა საყვარელ საქმიანობაზე უარი არ უთქვამს.
ამჯერად მომღერალმა გადაწყვიტა, რუსულ ვოისში ეცადა ბედი. მან ბრმა ქასთინგზე ჯორჯ ბენსონის სიმღერა შეასრულა. ქართველ მომღერალს პირველივე ნოტებზე დიმა ბილანი შემოუბრუნდა. მოგვიანებით გაირკვა, რომ დათუნას არ უნდოდა ამ სიმღერის შესრულება, მაგრამ რუსმა პროდიუსერებმა აურჩიეს და ისიც უძლური აღმოჩნდა. საუბარში გაირკვა, რომ ეს სიმღერა არც ჟიურის წევრებს მოეწონათ, თუმცა ქართველი მომღერლის ვოკალმა დიმა ბილანზე იმოქმედა და დათუნა მუსიკალური შოუს მორიგ ტურში გადაიყვანა.
დათუნა მგელაძე უკვე ორი წელია, რუსეთის დედაქალაქში მოღვაწეობს, სადაც სხვადასხვა კლუბებსა და კორპორატიულ საღამოებში იღებს მონაწილეობას. ამჯერად კი რუსულ ვოისშიც ჩაერთო.
ეს კონკურსი ქართველებისთვის საკმაოდ წარმატებულია. რუსეთში მოღვაწე აჩი ფურცელაძემ, გელა გურალიამ, ნოდარ რევიამ, ეთერ ბერიაშვილმა ჟიურის აღფრთოვანება შეძლეს. ამ ქართველი კონკურსანტებიდან ყველაზე დიდ წარმატებას გელა გურალიამ მიაღწია, ის ფინალში გავიდა, მაგრამ საბოლოო გამარჯვება მაინც ვერ შეძლო.
რუსული ვოისი, რომელშიც დათუნა მგელაძე მონაწილეობს, ეთერში უახლოეს ხანში გამოჩნდება და დათუნას რინგზე კონკურენტების დამარცხებაც მოუწევს.
ეკა ირემაშვილი, გაზეთი ”ახალი თაობა”
