რამდენად აქვთ დაზღვეული სხეულის ნაწილები მსოფლიო ვარსკვლავებს?
1 543 ნახვა
ზოგიერთი ვარსკვლავისთვის მისი სხეულის ესა თუ ის ნაწილი გაცილებით მნიშვნელოვანია, ვიდრე სხვები. ზოგს მკერდი აქვს „ამორჩეული“, ზოგს - ფეხები, სხვას სულაც ენამ გაუთქვა სახელი და სწორედ მის დაზღვევას ამჯობინებს.
ყველაზე ძვირად მერაია კერის დაზღვეული აქვს თავისი ფეხები - მთელი მილიარდი დოლარით. ეს მას მერე მოხდა, რაც ცნობილი ფირმის სამართებლის რეკლამისთვის მიიწვიეს. როგორც ჩანს, მაშინ დააფასა ყველაზე მეტად თავისი ფეხები.
ცნობილმა რეჟისორმა სტივენ სპილბერგმა საკუთარი თავი დააზღვია და თავისი სიცოცხლე 1 მლრდ 200 მლნ დოლარად შეაფასა.
ფეხბურთელ დევიდ ბექჰემს თავისი ფეხები 70 მლნ დოლარად აქვს შე-ფასებული. ასევე დაზღვეულია კრიშტიანუ რონალდოს ფეხები, ოღონდ ეს მის ნაცვლად მისმა გუნდმა „რეალმა“ გააკეთა და 100 მლნ ევროდაც შეაფასა ცნობილი ფეხბურთელის სხეულის ნაწილი.
ჯულია რობერტსის მშვენიერი ღიმილი 30 მლნ დოლარად არის დაზღვეული.
ჯენიფერ ლოპესის ცნობილი უკანალი - 27 მლნ დოლარად. სწორედ ამ ადგილმა მოუტანა ყველაზე დიდი პოპულარობა და ჯეი ლო მას დიდად აფასებს.
როდ სტიუარტმა თავისი ჩახრინწული ტემბრი 15 მლნ დოლარად დააზღვია.
ესპანელმა მრბოლელმა ფერნანდო ალონსომ თავისი მთავარი „იარაღი“ - ხელების ცერა თითები დააზღვია 10 მლნ ევროდ.
დენიელ კრეიგმა ჯეიმს ბონდის შესახებ მორიგი სერიის გადაღებისას დაიჟინა, რომ თავად შეასრულებდა რთულ ილეთებს. პროდიუსერებიც არ შეეწინააღმდეგნენ, ოღონდ მისი სხეული 9,5 მლნ დოლარად დააზღვიეს.
პროფესიონალმა მეღვინემ, 47 წლის ილია ჰორტმა თავისი საოცარი ყნოსვა 4 მლნ გირვანქა სტერლინგით დააზღვია.
ერთ-ერთი ყველაზე უცნაური სადაზღვევო გარიგება ბრიტანელ მომღერალ ტომ ჯონსს ეკუთვნის - მან 7 მლნ დოლარად დააზღვია... ბეწვები მკერდზე.
კაილი მინოუგს თავისი ცნობილი უკანალი 5 მლნ დოლარად აქვს დაზღვეული.
თინა ტერნერის ფეხები დღესაც საუკეთესოთა შორის მოიხსენიება. ამიტომაც არის, რომ მომღერალმა ისინი 3,2 მლნ დოლარად დააზღვია.
მადონას მკერდი აქვს დაზღვეული 2 მლნ დოლარად.
როკერ კიტ რიჩარდსს შუა თითი დაუზღვევია - ამ თითის ჩვენებას არასდროს ერიდება და მისი საფირმო ჟესტია.
კიდევ ერთმა როკერმა, ჯგუფ „კისის“ დამაარსებელმა ჯინ სიმონსმა თავისი ცნობილი გრძელი ენა მილიონ დოლარად დააზღვია.
კლაუდია შიფერმა სახე დაიზღვია, 2 მლნ დოლარად.
პირველი ვარსკვლავი, რომელმაც მკერდი დააზღვია, სოფი ლორენი იყო. მაშინ სადაზღვევო თანხამ 120 ათასი დოლარი შეადგინა. მერე მის მაგალითს მიჰყვა ჯინა ლოლობრიჯიდა და თავისი მკერდი 600 ათას დოლარად შეაფასა.
ჟურნალი „რეიტინგი“
ყველაზე ძვირად მერაია კერის დაზღვეული აქვს თავისი ფეხები - მთელი მილიარდი დოლარით. ეს მას მერე მოხდა, რაც ცნობილი ფირმის სამართებლის რეკლამისთვის მიიწვიეს. როგორც ჩანს, მაშინ დააფასა ყველაზე მეტად თავისი ფეხები.
ცნობილმა რეჟისორმა სტივენ სპილბერგმა საკუთარი თავი დააზღვია და თავისი სიცოცხლე 1 მლრდ 200 მლნ დოლარად შეაფასა.
ფეხბურთელ დევიდ ბექჰემს თავისი ფეხები 70 მლნ დოლარად აქვს შე-ფასებული. ასევე დაზღვეულია კრიშტიანუ რონალდოს ფეხები, ოღონდ ეს მის ნაცვლად მისმა გუნდმა „რეალმა“ გააკეთა და 100 მლნ ევროდაც შეაფასა ცნობილი ფეხბურთელის სხეულის ნაწილი.
ჯულია რობერტსის მშვენიერი ღიმილი 30 მლნ დოლარად არის დაზღვეული.
ჯენიფერ ლოპესის ცნობილი უკანალი - 27 მლნ დოლარად. სწორედ ამ ადგილმა მოუტანა ყველაზე დიდი პოპულარობა და ჯეი ლო მას დიდად აფასებს.
როდ სტიუარტმა თავისი ჩახრინწული ტემბრი 15 მლნ დოლარად დააზღვია.
ესპანელმა მრბოლელმა ფერნანდო ალონსომ თავისი მთავარი „იარაღი“ - ხელების ცერა თითები დააზღვია 10 მლნ ევროდ.
დენიელ კრეიგმა ჯეიმს ბონდის შესახებ მორიგი სერიის გადაღებისას დაიჟინა, რომ თავად შეასრულებდა რთულ ილეთებს. პროდიუსერებიც არ შეეწინააღმდეგნენ, ოღონდ მისი სხეული 9,5 მლნ დოლარად დააზღვიეს.
პროფესიონალმა მეღვინემ, 47 წლის ილია ჰორტმა თავისი საოცარი ყნოსვა 4 მლნ გირვანქა სტერლინგით დააზღვია.
ერთ-ერთი ყველაზე უცნაური სადაზღვევო გარიგება ბრიტანელ მომღერალ ტომ ჯონსს ეკუთვნის - მან 7 მლნ დოლარად დააზღვია... ბეწვები მკერდზე.
კაილი მინოუგს თავისი ცნობილი უკანალი 5 მლნ დოლარად აქვს დაზღვეული.
თინა ტერნერის ფეხები დღესაც საუკეთესოთა შორის მოიხსენიება. ამიტომაც არის, რომ მომღერალმა ისინი 3,2 მლნ დოლარად დააზღვია.
მადონას მკერდი აქვს დაზღვეული 2 მლნ დოლარად.
როკერ კიტ რიჩარდსს შუა თითი დაუზღვევია - ამ თითის ჩვენებას არასდროს ერიდება და მისი საფირმო ჟესტია.
კიდევ ერთმა როკერმა, ჯგუფ „კისის“ დამაარსებელმა ჯინ სიმონსმა თავისი ცნობილი გრძელი ენა მილიონ დოლარად დააზღვია.
კლაუდია შიფერმა სახე დაიზღვია, 2 მლნ დოლარად.
პირველი ვარსკვლავი, რომელმაც მკერდი დააზღვია, სოფი ლორენი იყო. მაშინ სადაზღვევო თანხამ 120 ათასი დოლარი შეადგინა. მერე მის მაგალითს მიჰყვა ჯინა ლოლობრიჯიდა და თავისი მკერდი 600 ათას დოლარად შეაფასა.
ჟურნალი „რეიტინგი“
