ვის ჰგავს გეგა ფალავანდიშვილის შვილი

გეგა ფალავანდიშვილის და რუსკა გამყრელიძის შვილი - მიქაელა იანვარში დაიბადა. გოგონა ჯერ ერთი წლისაც არაა, თუმცა ისეთი მაღალი და პუტკუნაა ყველას ასაკით გაცილებით დიდი ჰგონია.

მიქაელას პონჩიკას და ნაკეცას ეძახიან რუსკას და გეგას მეგობრები. რამდენიმემ კომენტარებში ისიც დაწერა, რომ ბავშვი საერთოდ არ ჰგავს მამას. თუმცა აღმოჩნდნენ ისეთებიც, რომლებსაც გეგას ბავშვობის ფოტო ჰქონდათ ნანახი და ამტკიცებენ, რომ გეგა ამ ასაკში ზუსტად ასე გამოიყურებოდა.


მიქაელას ორი წლის ბავშვის სამოსი აცვია. ვინც გეგას და რუსკას ოჯახის წევრებს კარგად იცნობს, იმასაც ამბობს, რომ ბავშვი სიმაღლით ბაბუას, მამუკა გამყრელიძეს შეიძლება დაემსგავსოს.

მამუკა გამყრელიძემ, რომელმაც წლების წინ ''ჯი ემ ჯი'' ჩამოაყალიბა და მოგვიანებით ჩინეთის ელჩად დანიშნეს, მართლაც ძალიან მაღალია. წლების წინ კალათბურთსაც თამაშობდა და მას წარმატებულ კალათბურთელობას უწინასწარმეტყველებდნენ. თუმცა მამუკამ ბიზნესი აირჩია სამოღვაწეოდ.

შესაძლოა, მიქაელამ სწორედ ბაბუას გზა აირჩიოს და კალათბურთელი გახდეს. თუმცა ამაზე საუბარი ალბათ ძალიან ადრეა.

სალომე დადიანი