ყველაზე მაგარი მამა – კაცი, რომელიც ხელებისა და ფეხების გარეშეც ბედნიერია
1 652 ნახვა
ამ ადამიანის შესახებ მსოფლიომ რა ხანია იცის. ტეტრა-ამელიას სინდრომით დაბადებულ ნიკ (ნიკოლას) ვუიჩიჩს არასოდეს ჰქონია არც ერთი კიდური, მაგრამ ყოველთვის ჰქონდა ძალიან დიდი ოპტიმიზმი და სიცოცხლის სიყვარული.
როგორც ჰყვება ხოლმე, ბავშვობაში ძალიან განიცდიდა თავის უნარშეზღუდულობას, მაგრამ მერე ისწავლა ამით ცხოვრება. დღეს ის ცნობილი ორატორი და მქადაგებელია, ლექციებს კითხულობს მსოფლიო მასშტაბით და გარშემო მყოფებს უზიარებს თავის გამოცდილებას, ასწავლის ადამიანებს, როგორ უნდა იცხოვრონ ისე, რომ არაფერმა შეუშალოთ ხელი ბედნიერებაში. ძირითადად ახალგაზრდებსა და ბავშვებს მიმართავს, განსაკუთრებით, შეზღუდული შესაძლებლობების მქონეთ, რომელთაც მოუწოდებს, ცხოვრების აზრი იპოვონ და საკუთარი შესაძლებლობები მაქსიმალურად განავითარონ. ვუიჩიჩი მორწმუნე ქრისტიანია და თავისი რწმენის შესახებაც ხშირად საუბრობს.
მიუხედავად იმისა, რომ სრულფასოვანი კიდურები არ აქვს, მოახერხა, რომ ესწავლა თავისი არასრულყოფილი კიდურებით გადაადგილება, ცურვა, სკეიტზე სრიალი, კომპიუტერზე თამაში და წერა. ფიზიკური ნაკლის მიუხედავად ის ჯანმრთელი დაიბადა და მისმა მშობლებმა მიაღწიეს იმას, რომ ბიჭს ჩვეულებრივ სკოლაში ევლო.
"10 წლისას სერიოზული სტრესი მქონდა – თანაკლასელების ზეწოლას ვერ გავუძელი და თავის მოკვლა გადავწვიტე. აბაზანაში ვაპირებდი დახრჩობას. მხოლოდ იმაზე ფიქრმა შემაჩერა, რამხელა ტკივილს მივაყენებდი ჩემს ახლობლებს", - იგონებდა ერთხელ ნიკი, რომელიც აქტიური მოღვაწეობისთვის არაერთხელ დააჯილდოვეს, მათ შორის, "საპატიო ავსტრალიელის" წოდებიტაც.
ნიკს უკვე 45 ქვეყანა აქვს მოვლილი, გამოდის სკოლებში, უნივერსიტეტებსა და სხვა ორგანიზაციებში, მონაწილეობს შოუებში და წერს წიგნებს. აქვს ორი უმაღლესი განათლება, საუკეთესო ორატორია. დღეს 30 წლისაა და გაცილებით მეტს მიაღწია, ვიდრე მასზე ორჯერ მეტი ასაკის თუ შესაძლებლობების ადამიანებს მიუღწევიათ.
გარდა იმისა, რომ შემოქმედებითად აქტიურია და ნამდვილი საზოგადო მოღვაწეა, ნიკს პირადი ცხოვრებაც აეწყო. მისი პოზიტიური ბუნება, მებგრძოლი ხასიათი და სიცოცხლის ხალისი საკმარისი აღმოჩნდა იმისთვის, რომ მშვენიერი კანაე მიაჰარა მოეხიბლა. ამ ქალბატონზე ნიკოლასმა 2012 წელს იქორწინა.
ერთ წელიწადში წყვილს ვაჟი გაუჩნდა – კიეში ჯეიმს ვუიჩიჩი.
"ყველას დიდი მადლობა სიყვარულისა და ლოცვისთვის. ჩემი შვილი და მისი დედა თავს კარგად გრძნობენ", - წერდა გახარებული ნიკი, რომელსაც ასი ათასობით ადამიანი ულოცავდა მამობას. შვილის დაბადებამდე კი ნიკმა სოციალურ ქსელში თავის უამრავ მეგობარს ექოსკოპიის შემდეგ პირველი შთაბეჭდილებები ასე გაუზიარა: "ყველაფერი კარგად არის. ბავშვს ათივე თითი აქვს ხელებსა და ფეხებზე!"
დღეს ნიკი ერთ-ერთი საუკეთესო მამაა, რომელიც არც ერთ ბედნიერ წუთს არ ტოვებს შვილის ცხოვრებაში, ბევრ დროს ატარებს მასთან და ცდილობს, ისიც მასავით ბედნიერი და ხალისიანი გაიზარდოს, რომ ცხოვრებაში ვერანაირმა წინააღმდეგობამ ვერ შეაჩეროს.
როგორც ჰყვება ხოლმე, ბავშვობაში ძალიან განიცდიდა თავის უნარშეზღუდულობას, მაგრამ მერე ისწავლა ამით ცხოვრება. დღეს ის ცნობილი ორატორი და მქადაგებელია, ლექციებს კითხულობს მსოფლიო მასშტაბით და გარშემო მყოფებს უზიარებს თავის გამოცდილებას, ასწავლის ადამიანებს, როგორ უნდა იცხოვრონ ისე, რომ არაფერმა შეუშალოთ ხელი ბედნიერებაში. ძირითადად ახალგაზრდებსა და ბავშვებს მიმართავს, განსაკუთრებით, შეზღუდული შესაძლებლობების მქონეთ, რომელთაც მოუწოდებს, ცხოვრების აზრი იპოვონ და საკუთარი შესაძლებლობები მაქსიმალურად განავითარონ. ვუიჩიჩი მორწმუნე ქრისტიანია და თავისი რწმენის შესახებაც ხშირად საუბრობს.
მიუხედავად იმისა, რომ სრულფასოვანი კიდურები არ აქვს, მოახერხა, რომ ესწავლა თავისი არასრულყოფილი კიდურებით გადაადგილება, ცურვა, სკეიტზე სრიალი, კომპიუტერზე თამაში და წერა. ფიზიკური ნაკლის მიუხედავად ის ჯანმრთელი დაიბადა და მისმა მშობლებმა მიაღწიეს იმას, რომ ბიჭს ჩვეულებრივ სკოლაში ევლო.
"10 წლისას სერიოზული სტრესი მქონდა – თანაკლასელების ზეწოლას ვერ გავუძელი და თავის მოკვლა გადავწვიტე. აბაზანაში ვაპირებდი დახრჩობას. მხოლოდ იმაზე ფიქრმა შემაჩერა, რამხელა ტკივილს მივაყენებდი ჩემს ახლობლებს", - იგონებდა ერთხელ ნიკი, რომელიც აქტიური მოღვაწეობისთვის არაერთხელ დააჯილდოვეს, მათ შორის, "საპატიო ავსტრალიელის" წოდებიტაც.
ნიკს უკვე 45 ქვეყანა აქვს მოვლილი, გამოდის სკოლებში, უნივერსიტეტებსა და სხვა ორგანიზაციებში, მონაწილეობს შოუებში და წერს წიგნებს. აქვს ორი უმაღლესი განათლება, საუკეთესო ორატორია. დღეს 30 წლისაა და გაცილებით მეტს მიაღწია, ვიდრე მასზე ორჯერ მეტი ასაკის თუ შესაძლებლობების ადამიანებს მიუღწევიათ.
გარდა იმისა, რომ შემოქმედებითად აქტიურია და ნამდვილი საზოგადო მოღვაწეა, ნიკს პირადი ცხოვრებაც აეწყო. მისი პოზიტიური ბუნება, მებგრძოლი ხასიათი და სიცოცხლის ხალისი საკმარისი აღმოჩნდა იმისთვის, რომ მშვენიერი კანაე მიაჰარა მოეხიბლა. ამ ქალბატონზე ნიკოლასმა 2012 წელს იქორწინა.
ერთ წელიწადში წყვილს ვაჟი გაუჩნდა – კიეში ჯეიმს ვუიჩიჩი.
"ყველას დიდი მადლობა სიყვარულისა და ლოცვისთვის. ჩემი შვილი და მისი დედა თავს კარგად გრძნობენ", - წერდა გახარებული ნიკი, რომელსაც ასი ათასობით ადამიანი ულოცავდა მამობას. შვილის დაბადებამდე კი ნიკმა სოციალურ ქსელში თავის უამრავ მეგობარს ექოსკოპიის შემდეგ პირველი შთაბეჭდილებები ასე გაუზიარა: "ყველაფერი კარგად არის. ბავშვს ათივე თითი აქვს ხელებსა და ფეხებზე!"
დღეს ნიკი ერთ-ერთი საუკეთესო მამაა, რომელიც არც ერთ ბედნიერ წუთს არ ტოვებს შვილის ცხოვრებაში, ბევრ დროს ატარებს მასთან და ცდილობს, ისიც მასავით ბედნიერი და ხალისიანი გაიზარდოს, რომ ცხოვრებაში ვერანაირმა წინააღმდეგობამ ვერ შეაჩეროს.
