"გთხოვთ, ჩემს შვილს დაეხმარეთ, თუნდაც ლოცვით!"

მინდა, მამის ტკივილზე მოგიყვეთ, რომელიც 10 წლის შვილს, მედეას, ვერაფერს შველის. ჩემი გოგონა წლის და 3 თვის იყო, როცა ტრავმა მიიღო. მეზობლის ბავშვმა ხელი ჰკრა, სმენის ორივე ნერვი დაუზიანდა და სმენა დაკარგა. წელს, 27 აგვისტოს, სხვა უბედურება დაგვატყდა თავს. მედეა, როგორც ნეიროსენსორული სმენაჩლუნგობის პაციენტი, ბორჯომში და–ძმასთან და დედასთან ერთად დასასვენებლად წავიდა და იქ წაიქცა. თურმე ხალხს ეგონა, ფეხი ნამიან ბალახზე დაუცურდა. მერე უთქვამს, ხელს ვერ ვამოძრავებო, მაგრამ ეს მის არტისტულ ხასიათს მიაწერეს. მეორე დღესაც რომ ვერ აამოძრავა ხელი, უკვე თბილისში წამოვიდნენ.
თავიდან მეც დაჟეჟილობის ბრალი მეგონა, მაგრამ ჩავთვალე, რომ ექიმისთვის მაინც უნდა გვეჩვენებინა. საშინელი ფაქტის წინაშე აღმოვჩნდი – ჩემს შვილს გაფანტული სკლეროზი აღმოაჩნდა! პროფესიით ექიმი გახლავართ, მოსკოვის სამედიცინო აკადემია მაქვს დამთავრებული და კარგად ვიცი, ეს დაავადება რასაც ნიშნავს... სანამ დიაგნოზს დაუსვამდნენ, საშინელი დღეები გავიარე. ექიმების გულგრილობამ და უპასუხისმგებლობამ შემძრა. ვერც ერთი საავადმყოფო მეუბნებოდა, ჩემი შვილი ვისი პაციენტი იყო. მხოლოდ ფულის გადახდაზე მესაუბრებოდნენ, ამ დაავადების გამოკვლევასა და მკურნალობას სახელმწიფო არ ანაზღაურებსო. კალკულაცია მივიტანე ჯანდაცვის სამინისტროში და ახლა მოლოდინის რეჟიმში ვარ. ამ დრომდე ისევ მე ვიხდი ყველა გადასახადს. მინდა, მადლობა გადავუხადო ჟვანიას კლინიკის სამ ექიმს – ნანა ხაჭაპურიძეს, სოფო ბახტაძეს და ნინო სანოძეს. ჩემი ტკივილი მხოლოდ მათ მიიტანეს გულთან ახლოს. ჩემს პაციენტებს ფინანსურად არაერთხელ დავხმარებივარ. დღეს სწორედ ის ადამიანები მიდგანან გვერდში...
ჩემი 6 შვილიდან მედეა ყველანაირად გამორჩეული ბავშვია. მიჭირს იმის დაჯერება, რომ გაფანტული სკლეროზი აქვს, რადგან ეს ის დაავადებაა, რომელიც 10 წლის ბავშვს თითქმის არ ემართება. მედეას ძლიერი ჰორმონები გადაუსხეს და რამდენიმე დღეა, საავადმყოფოდან გამოწერეს. არ ვიცი, როდის რა დაემართება ან როდის რა გაურთულდება. მინდა, გერმანიაში წავიყვანო და ნორმალურად გამოვიკვლიო. ვეჭვობ, რომ შეიძლება გაფანტული სკლეროზიც არ აქვს ან, თუ აქვს, მჯერა, რომ შეჩერდება მაინც. რატომღაც იმის იმედიც მაქვს, რომ სმენაც დაუბრუნდება.
ბავშვს თავის ტკივილი და თავბრუსხვევა აწუხებს, მარცხენა ხელ–ფეხში გრძნობა არ აქვს და წევს. კარგად ხვდება, რაც სჭირს, მაგრამ ყველას გვაიმედებს, კარგად ვიქნებიო.
ჩემი ოჯახი სოციალურად დაუცველია, სახლიც არ გვაქვს, რომ გავყიდოთ. ცოლი პედაგოგია, მაგრამ ამჟამად ბავშვს უვლის. არ ვიცი, რა გვეშველება. თქვენს მკითხველებს ვთხოვ, რომ ჩემი ტკივილი გულთან ახლოს მიიტანონ და ჩემს პატარა მედეას დაეხმარონ, თუნდაც ლოცვით! მისთვის ამერიკაში მეუფე დანიელიც ლოცულობს.
მალხაზ დავითური, ჟურნალი სარკე
მედეა დავითურის სახელზე "საქართველოს ბანკში" ანგარიშია გახსნილი:
GE73BG00000008518857009; პირადი ნომერი: 016111018819; უცხოეთიდან გამოსაგზავნი კოდი: SWIFT:BAGAGE229; ზარი "ბილაინიდან" და "მაგთიდან": 0901700189; (ღირებულება 1 ლარი).