''ცეკვავენ ვარსკვლავები'' - შეცდომები და სიახლეები
1 765 ნახვა
''ცეკვავენ ვარსკვლავების'' ახალი სეზონი გასულ კვირას გაიხსნა. საგულისხმოა, რომ გარკვეულწილად გამართლდა პროგნოზი, ყოველ შემთხვევაში, ტიტრები ასე აჩვენებს, რომ გადაცემის გენერალური პროდიუსერი აღარ არის ნოე სულაბერიძე, თუმცა ის და მისი გუნდი კვლავ რჩებიან მეგაშოუს ავტორებად. როგორც ამბობენ, ნოემ კულისებში გადაინაცვლა.
''იმედს'' კი ახალი გენერალური დირექტორი ჰყავს, რომელიც ასევე კურირებს ზემოხსენებულ გადაცემას. გარდა ამისა, ''დღის შოუში'', პროექტის წარსადგენად, არხის მუსიკალური ხელმძღვანელი რუსა მორჩილაძე მივიდა და არა თავად ნოე, რომელიც აქამდე სიამოვნებით ერთვებოდა ''იმედის'' სხვადასხვა გადაცემაში ''ცეკვების'' დასაპიარებლად და ინტერვიუებითაც ანებივრებდა პრესას ჯერ პროექტის დაწყებამდე და შემდეგ მისი მიმდინარეობისას.
რაც შეეხება თავად პროექტს - თვალში საცემია ცვლილებები, რომლებიც ''ცეკვებთან'' დაკავშირებით განხორციელდა. პირველ რიგში, ლოკაცია, საიდანაც მიმდინარეობდა შოუს წინა სეზონის პირდაპირი ტრანსლირება და შესაძლოა ითქვას, სრულიად შეუფერებელი იყო სამეჯლისო და სხვა ყველანაირი ცეკვისთვის - ცირკი, პავილიონით შეიცვალა. ''იმედმა'' თავისი შენობა გამოიყენა და ერთ-ერთ სივრცეში ''ცეკვებისთვის'' შესაბამისი, ლამაზი დეკორაციებით გაწყობილი და სატელევიზიოდ გამოსადეგი პავილიონი ააშენა.
გადაცემის ეთერში გასვლის შემდეგ აშკარა გახდა, რა აკლდა წინა ოთხი სეზონის განმავლობაში შოუს და ის ვიზუალურად ბევრად გამართულია. ასევე ტექნიკური პრობლემაც ნაკლებია, თუნდაც ხმის და სხვა მხრივ. კიდევ ერთი ნიუანსიც არის გასათვალისწინებელი, დამსწრე საზოგადოება ბევრად კარგად ხედავს ცეკვებს და შეფასებაც უფრო ადვილია. ცირკის არენაზე ეს, ფაქტობრივად, შეუძლებელი იყო...
ეს არის, ალბათ, ერთ-ერთი გამონაკლისი შემთხვევა, როდესაც ზოგადად, რომელიმე ქართულმა არხმა, ამ შემთხვევაში ''იმედმა'', თავს დამტყდარი კრიტიკა გაითვალისწინა და მონაწილეთა შერჩევასაც და ზოგადად, პროექტის მომზადებასაც მეტი პასუხისმგებლობით მიუდგა.
როდესაც ვამბობთ სიტყვას კრიტიკა, არ შეიძლება, არ გაგვახსენდეს ''ცეკვების'' მეოთხე სეზონი, რომელმაც ამ პროექტის მოყვარულთ იმედი გაუცრუა, ხოლო მოძულეებს უფრო მეტი საქილიკო მიზეზი მისცა. პირველ რიგში, მონაწილეების გამო, რომლებსაც ჟურნალისტებიც კი ვერ ვცნობდით ან ვცნობდით, მაგრამ დიდი ხნის დაკვირვების შედეგად ვიხსენებდით. იყვნენ ისეთი მონაწილეებიც, რომლებიც ვარსკვლავებად გამოაცხადეს თავიანთ სფეროში, თუმცა მათ შესახებ მანამდე არავის არაფერი სმენოდა.
მეტიც, მონაწილეებს ვერ ცნობდნენ ვერც თავად წამყვანები და ზოგჯერ მათი გამოცხადებისას ''ყურში'' შეხსენება სჭირდებოდათ, კონკურსანტების სახელები არასწორად რომ არ ეთქვათ. ამბობდნენ იმასაც, რომ წყვილებს შორის მოცეკვავეები უფრო ცნობილი სახეები იყვნენ. აშკარა იყო, რომ პროექტი საკმაოდ მოუმზადებლად შევიდა ეთერში და ვინც პირველივე შეთავაზებაზე დათანხმდა, იმან მიიღო მონაწილეობა.
როგორც ჩანს, ''ცეკვავენ ვარსკვლავების'' ქართულმა ჯგუფმა გაითვალისწინა გოჩა ჩერტკოევის კრიტიკა მონაწილეთა ჩაცმულობასთან დაკავშირებით, რაც მისასალმებელია. როგორც ცნობილია, არ გაითვალისწინეს ჩერტკოევის, ამ საქმის აშკარა პროფესიონალის, რჩევა ქორეოგრაფებთან მიმართებით. მთელი წინა ოთხი სეზონის განმავლობაში ჟიურის ყველაზე კაშკაშა წევრი აქტიურად უსვამდა ხაზს ქორეოგრაფიის ნაკლოვანებებს. პროექტის ქორეოგრაფები იგივენი დარჩნენ, თუმცა გახსნის სეზონზე ჩერტკოევი ცეკვების მონახაზით ამჯერად კმაყოფილი დარჩა...
ვნახოთ, როგორ განვითარდება მოვლენები პარკეტზე, როგორც ამას ჟიურის ერთ-ერთი ყოფილი წევრი იტყოდა, თუმცა აღსანიშნავია, რომ მაგალითად, ამერიკის შეერთებულ შტატებში ამ პროექტში ცეკვებს თავად მონაწილე მოცეკვავეები დგამენ და ძალიან საინტერესო და მრავალფეროვანი გამოდის. ჩანს, რომ შესაძლოა, ამ პრაქტიკას მიჰყვნენ ''ცეკვების'' ახალ სეზონზეც, ვინაიდან ვარჯიშის კადრების ჩვენებისას თავად ქორეოგრაფები უკვე აღარ ჩანდნენ და მეწყვილეების მომზადებაც, შესაძლოა, გარკვეულწილად, თავად მონაწილე მოცეკვავეებმა აიღეს საკუთარ თავზე.
რაც შეეხება მეხუთე სეზონის კონკურსანტებს, ნამდვილად არაფერი დაეწუნებათ. თანაც, წინა სეზონისგან განსხვავებით, მართლაც ცნობილი სახეები არიან და მხოლოდ რამდენიმეა ისეთი, ვის შესახებაც მანამდე არაფერი გვსმენია.
გახსნა შთამბეჭდავი გამოდგა, ვინაიდან დავინახეთ ნუცა ბუზალაძის, მარიამ როინიშვილის, ნოდიკო ტატიშვილის, ზურა მანჯავიძისა და სხვა მონაწილეების საკმაოდ კარგი საცეკვაო მონაცემები და რაც მთავარია, საკუთარ თავზე მუშაობის სურვილიც, რაც ასე მნიშვნელოვანია შოუბიზნესში და რაც ასე აკლიათ ქართული შოუბიზნესის წევრებს. ყოველთვის სურთ აპლოდისმენტების მოსმენა, მაგრამ არ უნდათ ვარჯიში და უფრო მეტი ენერგიის დახარჯვა. ალბათ, ამიტომაც გვაქვს შოუბიზნესი ''შესანიშნავ მდგომარეობაში'', მაგრამ ეს სულ სხვა სტატიის თემაა.
მარიამ ლაღიძე
ჟურნალი ''რეიტინგი''
''იმედს'' კი ახალი გენერალური დირექტორი ჰყავს, რომელიც ასევე კურირებს ზემოხსენებულ გადაცემას. გარდა ამისა, ''დღის შოუში'', პროექტის წარსადგენად, არხის მუსიკალური ხელმძღვანელი რუსა მორჩილაძე მივიდა და არა თავად ნოე, რომელიც აქამდე სიამოვნებით ერთვებოდა ''იმედის'' სხვადასხვა გადაცემაში ''ცეკვების'' დასაპიარებლად და ინტერვიუებითაც ანებივრებდა პრესას ჯერ პროექტის დაწყებამდე და შემდეგ მისი მიმდინარეობისას.
რაც შეეხება თავად პროექტს - თვალში საცემია ცვლილებები, რომლებიც ''ცეკვებთან'' დაკავშირებით განხორციელდა. პირველ რიგში, ლოკაცია, საიდანაც მიმდინარეობდა შოუს წინა სეზონის პირდაპირი ტრანსლირება და შესაძლოა ითქვას, სრულიად შეუფერებელი იყო სამეჯლისო და სხვა ყველანაირი ცეკვისთვის - ცირკი, პავილიონით შეიცვალა. ''იმედმა'' თავისი შენობა გამოიყენა და ერთ-ერთ სივრცეში ''ცეკვებისთვის'' შესაბამისი, ლამაზი დეკორაციებით გაწყობილი და სატელევიზიოდ გამოსადეგი პავილიონი ააშენა.
გადაცემის ეთერში გასვლის შემდეგ აშკარა გახდა, რა აკლდა წინა ოთხი სეზონის განმავლობაში შოუს და ის ვიზუალურად ბევრად გამართულია. ასევე ტექნიკური პრობლემაც ნაკლებია, თუნდაც ხმის და სხვა მხრივ. კიდევ ერთი ნიუანსიც არის გასათვალისწინებელი, დამსწრე საზოგადოება ბევრად კარგად ხედავს ცეკვებს და შეფასებაც უფრო ადვილია. ცირკის არენაზე ეს, ფაქტობრივად, შეუძლებელი იყო...
ეს არის, ალბათ, ერთ-ერთი გამონაკლისი შემთხვევა, როდესაც ზოგადად, რომელიმე ქართულმა არხმა, ამ შემთხვევაში ''იმედმა'', თავს დამტყდარი კრიტიკა გაითვალისწინა და მონაწილეთა შერჩევასაც და ზოგადად, პროექტის მომზადებასაც მეტი პასუხისმგებლობით მიუდგა.
როდესაც ვამბობთ სიტყვას კრიტიკა, არ შეიძლება, არ გაგვახსენდეს ''ცეკვების'' მეოთხე სეზონი, რომელმაც ამ პროექტის მოყვარულთ იმედი გაუცრუა, ხოლო მოძულეებს უფრო მეტი საქილიკო მიზეზი მისცა. პირველ რიგში, მონაწილეების გამო, რომლებსაც ჟურნალისტებიც კი ვერ ვცნობდით ან ვცნობდით, მაგრამ დიდი ხნის დაკვირვების შედეგად ვიხსენებდით. იყვნენ ისეთი მონაწილეებიც, რომლებიც ვარსკვლავებად გამოაცხადეს თავიანთ სფეროში, თუმცა მათ შესახებ მანამდე არავის არაფერი სმენოდა.
მეტიც, მონაწილეებს ვერ ცნობდნენ ვერც თავად წამყვანები და ზოგჯერ მათი გამოცხადებისას ''ყურში'' შეხსენება სჭირდებოდათ, კონკურსანტების სახელები არასწორად რომ არ ეთქვათ. ამბობდნენ იმასაც, რომ წყვილებს შორის მოცეკვავეები უფრო ცნობილი სახეები იყვნენ. აშკარა იყო, რომ პროექტი საკმაოდ მოუმზადებლად შევიდა ეთერში და ვინც პირველივე შეთავაზებაზე დათანხმდა, იმან მიიღო მონაწილეობა.
როგორც ჩანს, ''ცეკვავენ ვარსკვლავების'' ქართულმა ჯგუფმა გაითვალისწინა გოჩა ჩერტკოევის კრიტიკა მონაწილეთა ჩაცმულობასთან დაკავშირებით, რაც მისასალმებელია. როგორც ცნობილია, არ გაითვალისწინეს ჩერტკოევის, ამ საქმის აშკარა პროფესიონალის, რჩევა ქორეოგრაფებთან მიმართებით. მთელი წინა ოთხი სეზონის განმავლობაში ჟიურის ყველაზე კაშკაშა წევრი აქტიურად უსვამდა ხაზს ქორეოგრაფიის ნაკლოვანებებს. პროექტის ქორეოგრაფები იგივენი დარჩნენ, თუმცა გახსნის სეზონზე ჩერტკოევი ცეკვების მონახაზით ამჯერად კმაყოფილი დარჩა...
ვნახოთ, როგორ განვითარდება მოვლენები პარკეტზე, როგორც ამას ჟიურის ერთ-ერთი ყოფილი წევრი იტყოდა, თუმცა აღსანიშნავია, რომ მაგალითად, ამერიკის შეერთებულ შტატებში ამ პროექტში ცეკვებს თავად მონაწილე მოცეკვავეები დგამენ და ძალიან საინტერესო და მრავალფეროვანი გამოდის. ჩანს, რომ შესაძლოა, ამ პრაქტიკას მიჰყვნენ ''ცეკვების'' ახალ სეზონზეც, ვინაიდან ვარჯიშის კადრების ჩვენებისას თავად ქორეოგრაფები უკვე აღარ ჩანდნენ და მეწყვილეების მომზადებაც, შესაძლოა, გარკვეულწილად, თავად მონაწილე მოცეკვავეებმა აიღეს საკუთარ თავზე.
რაც შეეხება მეხუთე სეზონის კონკურსანტებს, ნამდვილად არაფერი დაეწუნებათ. თანაც, წინა სეზონისგან განსხვავებით, მართლაც ცნობილი სახეები არიან და მხოლოდ რამდენიმეა ისეთი, ვის შესახებაც მანამდე არაფერი გვსმენია.
გახსნა შთამბეჭდავი გამოდგა, ვინაიდან დავინახეთ ნუცა ბუზალაძის, მარიამ როინიშვილის, ნოდიკო ტატიშვილის, ზურა მანჯავიძისა და სხვა მონაწილეების საკმაოდ კარგი საცეკვაო მონაცემები და რაც მთავარია, საკუთარ თავზე მუშაობის სურვილიც, რაც ასე მნიშვნელოვანია შოუბიზნესში და რაც ასე აკლიათ ქართული შოუბიზნესის წევრებს. ყოველთვის სურთ აპლოდისმენტების მოსმენა, მაგრამ არ უნდათ ვარჯიში და უფრო მეტი ენერგიის დახარჯვა. ალბათ, ამიტომაც გვაქვს შოუბიზნესი ''შესანიშნავ მდგომარეობაში'', მაგრამ ეს სულ სხვა სტატიის თემაა.
მარიამ ლაღიძე
ჟურნალი ''რეიტინგი''
