ვის ცხოვრებას შეცვლის თიკა ფაცაცია
1 390 ნახვა
თიკა ფაცაცია ''მარაო რუსთავი 2''-ზე კვირაში ერთხელ, ნუკი კოშკელიშვილსა და ზალიკო ბერგერთან ერთად, ქალბატონების ბედის შეცვლას შეეცდება. ''შეიცვალე'' მხოლოდ გარეგნულ ცვლილებებს არ ეხება - წამყვანებს სურთ, ქალბატონების ცხოვრებაში, რომლებსაც პრობლემები აქვთ, არამხოლოდ ვიზუალური ცვლილებები შეიტანონ...
- თიკა, საქმიანი ქალი ხარ, სამი შვილის დედა. ახლა კი მაია ასათიანისგან ახალი გადაცემის წაყვანის შეთავაზება მიიღე... ხომ არ დაფიქრდი, მოვასწრებ თუ არაო?
- ერთ-ერთი პირველი ვიყავი, ვისაც მაიამ ამ ტელევიზიის ამბავი გაანდო და ძალიან გამიხარდა. ეს არის არხი ქალბატონებისთვის, რომელსაც დილიდან ჩაუსხდებიან და ძალიან ბევრ რამეს გაიგებენ. მიხარია, რომ ქალებს ასეთი ყურადღება მიექცევათ. თანაც, ეს ''რუსთავი 2''-ის წამოწყებაა, საერთო საქმეა, გრაფიკის კუთხით ''მარაომ'' ძალიან შემიწყო ხელი, ამიტომაც დროის დეფიციტის პრობლემა მოიხსნა.
- გაქვს თავისუფალი დღეები?
- მაქვს. ძალიან მიჭირს, შეველიო უქმეებს, მით უმეტეს კვირა დღეს, რომელიც წმინდაა და სულ ვამბობ, რომ მას არავინ უნდა შეეხოს, რადგან უპირველესად, მშობელი ვარ. გამონაკლისი თუ არ არის, კვირას არ ვეხები, დანარჩენი დღეები დატვირთულია. ეს მომწონს კიდევაც. როცა სახლიდან არ გავდივარ, ის დღე ფუჭად მიმაჩნია. თუნდაც ბავშვებს რომ გავიყვან სახლიდან, ამასაც ფიზიკურ აქტივობად მივიჩნევ.
- ზოგი ქალი ოცნებობს ისეთ მეუღლეზე, რომელიც მისცემს საშუალებას, მხოლოდ სახლში იყოს.
- არა, მე ასეთი ფსიქოტიპი არ ვარ. ჩემთვის აქტიურობა უმნიშვნელოვანესია, პასიური ცხოვრება ცუდი განწყობის საფუძველს მაძლევს. სადაც საჭირო ვარ და მოთხოვნაა ჩემზე, იქ აუცილებლად ვარ.
- მოდი, გადაცემაზე ვილაპარაკოთ.
- მას ნუკი კოშკელიშვილთან ერთად გავუძღვები. გადაცემას ჰქვია ''შეიცვალე''. საერთოდ, გადაცემები სწორედ იმ ნიშნით დაკომპლექტდა, რაც ხალხს აინტერესებს, ყვითელ ამბებს ვგულისხმობ, მაგრამ ჩვენი გადაცემა ამ ჩარჩოდან ცოტა გავიდა. ეს არის ქალების მორალური მხარდაჭერა და არ გულისხმობს ერთდღიან ცვლილებას. მხოლოდ წარბის კორექციით არ დავკმაყოფილდებით. ვესტუმრებით და დავეხმარე-ბით მათ, ვისაც გლობალური ცვლილებები სჭირდება უკეთესი მომავლისთვის. ეს ძალიან ემოციურია ჩემთვის. გავხდები მონაწილე უამრავი კეთილი საქმისა, რომელსაც ზემოხსენებული გადაცემა გააკეთებს.
- ვიცი, რომ რამდენიმე გადაცემა უკვე ჩაწერეთ. როგორი ქალები გაიცანით?
- მოდი ასე ვთქვათ – პრობლემური ქალები. ქართულ ყოფას რომ გადავხედოთ, ყოველ მეორე ნაბიჯზე შევხვდებით ადამიანებს ამა თუ იმ პრობლემით. ბევრ ქალს ფსიქოლოგიური მხარდაჭერა სჭირდება, არ არის თავდაჯერებული, აქვს კომპლექსები და ბარიერები, რომლებსაც თავად უქმნის საკუთარ თავს. არიან ასევე ქალები ჯანმრთელობის პრობლემით ან უბრალოდ, სხვა რამ აწუხებთ. მოტივაცია ძალიან მნიშვნელოვანია. ჩვენ გარეგნობის შეცვლაზე ვიმუშავებთ, მაგრამ ვფიქრობთ, რომ სახეზე მაკიაჟის გარდა, ბევრს სჭირდება ე.წ. სულიერი მაკიაჟიც (იღიმის). გარეგნული ცვლილებები იქნება, მაგრამ პრიორიტეტს ფსიქოლოგიურ დახმარებას ვანიჭებ.
- შეგიძლია ადამიანების მოსმენა, მათი დახმარება ამ კუთხით?
- ფსიქოლოგი არ ვიქნები, არამედ ადამიანი, რომელთანაც მოვა ქალბატონი კონკრეტული პრობლემით. მე და ნუკი შევეცდებით, რომ მისთვის ის ერთი დღე მნიშვნელოვანი გახდეს. რა სიურპრიზებს გავუკეთებთ, ამას უკვე გადაცემაში ნახავთ. რასაკვირველია, შესაძლოა, იყოს რადიკალური ცვლილებები, შესაძლოა, პლასტიკური ქირურგიც ჩავრიოთ, დიზაინერი - თავისთავად. ზალიკო ბერგერი გვეხმარება.
- ვინ გადაწყვეტს, ქალს ვარცხნილობის შეცვლა სჭირდება თუ სხვანაირი სამოსის მორგება?
- მე და ნუკი, ჩვენ-ჩვენ ხედვას შევთავაზებთ დიზაინერთან ერთად და მერე თავად გადაცემის გმირი გადაწყვეტს, რა გზით წავა. რა თქმა უნდა, ნუკი და მე განსხვავებული ადამიანები ვართ და ალბათ, სხვადასხვანაირი შეხედულებები გვაქვს, მაგრამ ეს არ იქნება კონკურენცია. ნუკი ფერადია, ხალისიანი, მე ცოტა უფრო მოკრძალებული, თავდაჭერილი ადამიანი ვარ. რასაკვირველია, განსხვავებული მიდგომა გვექნება და ყველაფერს ეკრანზე ნახავთ.
- შენს ცხოვრებაში თუ შეიტანს ცვლილებას გადაცემის გმირებთან ურთიერთობა?
- ყველაფერი გამოცდილებაა და შენს ცხოვრებაზე გარკვეულ კვალს ტოვებს. ბევრი რამ სილის გაწვნასავით არის, როცა რეალობას შეეჩეხები. თუნდაც, რომელიმე სამედიცინო დაწესებულებაში სტუმრობი-სას იმდენ რამეს იგებ, რომ საკუთარ თავს ეუბნები - გონს მოდი!. თურმე, რამდენი პრობლემა არსებობს. ვიცი, რომ ეს ყველაფერი ჩემზე აუცილებლად მოახდენს გავლენას და ამისი ცოტა მეშინია, რადგან ძალიან ემოციური ადამიანი ვარ.
- ალბათ მოვისმენთ საკმაოდ რთულ ამბებს.
- ვერ გეტყვი, რომ ზუსტად მაქვს გასიგრძეგანებული, რა მელოდება ამ გადაცემის გადაღებებისას. ვნახოთ, საითკენ წავალთ. მეორე მხრივ, დადებითი კუთხით ვუყურებ, ვიქნები ერთ-ერთი პერსონაჟი, რომელიც გმირის ცხოვრებაში კარგ როლს ითამაშებს. ამ გადაცემის მსვლელობისას, ალბათ, იტირებთ კიდეც და გაიცინებთ, ფინალი ყოველთვის კარგი იქნება.
- სხვის იმიჯზე რომ ზრუნავთ, თქვენსაზე იზრუნებს ვინმე?
- ძალიან გვინდა, ვიყოთ სხვანაირები, მაგრამ არ ვიცით, რამდენად იგრძნობს ამას მაყურებელი. რადიკალურად, ალბათ, ვერ შევიცვლები, მაგრამ შესაძლოა, სტილისტურად უფრო საინტერესო იყოს. უმნიშვნელოვანესია ის, რომ ჩვენ ვიყოთ, პირველ რიგში, საინტერესოები ვიზუალურად, რომ სხვასაც გაუჩნდეს ინტერესი და ნდობა ჩვენდამი.
- მახსოვს, ასაკის მატებაზე წუწუნებდი ერთ-ერთ ინტერვიუში.
- ამაზე ნერვიულობას რა აზრი აქვს (იღიმის)? ჩემი შვილი რომ გვერდზე დამიდგება, ვხვდები, რომ დიდი ვარ. ანდრო უკვე 14 წლისაა.
- ფორმაში ყოფნისთვის რას აკეთებ?
- ჯერ რადიკალური ცვლილებებისთვის არ მიმიმართავს, მაგალითად, ბოტოქსისთვის. მოლოდინში ვარ, როდის გავიკეთებ ბოტოქსის ინიექციას. დრო უნდა გავიდეს და მერე გავიკეთებ პროცედურებს (იღიმის).
- არ ვარჯიშობ?
- არა. ყოველდღე ვაპირებ დაწყებას. სულ ვვარჯიშობდი, მაგრამ ორსულობისა და ბავშვის გაჩენის შემდეგ ვერ მოვახერხე სავარჯიშო დარბაზამდე მიღწევა. ფორმაში კი ბავშვის დაბადების შემდეგ მალევე ჩავდექი, ალბათ, ჩემი გრაფიკის გამო. ვარჯიში ძალიან მნიშვნელოვანია.
- ''ნიჭიერში'' რომ აღარ ხარ, ამას როგორ შეელიე?
- როგორ შეველიე? ძალიან რთულად (იღიმის). მეტს ვერაფერს გეტყვით.
- დღეს, როცა ძალიან ბევრი გადაცემის წამყვანი ხარ და ხალხს შენზე ტელევიზია ახსენდება და არა სიმღერა, ამას როგორ აღიქვამ?
- ამას წინათ მანქანაში ვუსმენდი ჩემს სიმღერას და უცბად მივხვდი, რომ ტექსტი აღარ მახსოვს კარგად. სოციალურ ქსელში დავდე ჩემი კლიპი და ერთმა ადამიანმა მომწერა, თქვენი სიმღერების ტექსტები ზეპირად ვიცოდიო. გავბრაზდი, მაგრამ არ ვიცი, ეს გაბრაზება ახალ გადაცემაში გადაიზრდება თუ ახალ ალბომში (იცინის). მინდა, ახალი სიმღერა ''მივცხო'', მაგრამ უახლოეს მომავალში არანაირი გეგმა არ მაქვს ამ მხრივ.
ნინო მურღულია
ჟურნალი ''რეიტინგი''
- თიკა, საქმიანი ქალი ხარ, სამი შვილის დედა. ახლა კი მაია ასათიანისგან ახალი გადაცემის წაყვანის შეთავაზება მიიღე... ხომ არ დაფიქრდი, მოვასწრებ თუ არაო?
- ერთ-ერთი პირველი ვიყავი, ვისაც მაიამ ამ ტელევიზიის ამბავი გაანდო და ძალიან გამიხარდა. ეს არის არხი ქალბატონებისთვის, რომელსაც დილიდან ჩაუსხდებიან და ძალიან ბევრ რამეს გაიგებენ. მიხარია, რომ ქალებს ასეთი ყურადღება მიექცევათ. თანაც, ეს ''რუსთავი 2''-ის წამოწყებაა, საერთო საქმეა, გრაფიკის კუთხით ''მარაომ'' ძალიან შემიწყო ხელი, ამიტომაც დროის დეფიციტის პრობლემა მოიხსნა.
- გაქვს თავისუფალი დღეები?
- მაქვს. ძალიან მიჭირს, შეველიო უქმეებს, მით უმეტეს კვირა დღეს, რომელიც წმინდაა და სულ ვამბობ, რომ მას არავინ უნდა შეეხოს, რადგან უპირველესად, მშობელი ვარ. გამონაკლისი თუ არ არის, კვირას არ ვეხები, დანარჩენი დღეები დატვირთულია. ეს მომწონს კიდევაც. როცა სახლიდან არ გავდივარ, ის დღე ფუჭად მიმაჩნია. თუნდაც ბავშვებს რომ გავიყვან სახლიდან, ამასაც ფიზიკურ აქტივობად მივიჩნევ.
- ზოგი ქალი ოცნებობს ისეთ მეუღლეზე, რომელიც მისცემს საშუალებას, მხოლოდ სახლში იყოს.
- არა, მე ასეთი ფსიქოტიპი არ ვარ. ჩემთვის აქტიურობა უმნიშვნელოვანესია, პასიური ცხოვრება ცუდი განწყობის საფუძველს მაძლევს. სადაც საჭირო ვარ და მოთხოვნაა ჩემზე, იქ აუცილებლად ვარ.
- მოდი, გადაცემაზე ვილაპარაკოთ.
- მას ნუკი კოშკელიშვილთან ერთად გავუძღვები. გადაცემას ჰქვია ''შეიცვალე''. საერთოდ, გადაცემები სწორედ იმ ნიშნით დაკომპლექტდა, რაც ხალხს აინტერესებს, ყვითელ ამბებს ვგულისხმობ, მაგრამ ჩვენი გადაცემა ამ ჩარჩოდან ცოტა გავიდა. ეს არის ქალების მორალური მხარდაჭერა და არ გულისხმობს ერთდღიან ცვლილებას. მხოლოდ წარბის კორექციით არ დავკმაყოფილდებით. ვესტუმრებით და დავეხმარე-ბით მათ, ვისაც გლობალური ცვლილებები სჭირდება უკეთესი მომავლისთვის. ეს ძალიან ემოციურია ჩემთვის. გავხდები მონაწილე უამრავი კეთილი საქმისა, რომელსაც ზემოხსენებული გადაცემა გააკეთებს.
- ვიცი, რომ რამდენიმე გადაცემა უკვე ჩაწერეთ. როგორი ქალები გაიცანით?
- მოდი ასე ვთქვათ – პრობლემური ქალები. ქართულ ყოფას რომ გადავხედოთ, ყოველ მეორე ნაბიჯზე შევხვდებით ადამიანებს ამა თუ იმ პრობლემით. ბევრ ქალს ფსიქოლოგიური მხარდაჭერა სჭირდება, არ არის თავდაჯერებული, აქვს კომპლექსები და ბარიერები, რომლებსაც თავად უქმნის საკუთარ თავს. არიან ასევე ქალები ჯანმრთელობის პრობლემით ან უბრალოდ, სხვა რამ აწუხებთ. მოტივაცია ძალიან მნიშვნელოვანია. ჩვენ გარეგნობის შეცვლაზე ვიმუშავებთ, მაგრამ ვფიქრობთ, რომ სახეზე მაკიაჟის გარდა, ბევრს სჭირდება ე.წ. სულიერი მაკიაჟიც (იღიმის). გარეგნული ცვლილებები იქნება, მაგრამ პრიორიტეტს ფსიქოლოგიურ დახმარებას ვანიჭებ.
- შეგიძლია ადამიანების მოსმენა, მათი დახმარება ამ კუთხით?
- ფსიქოლოგი არ ვიქნები, არამედ ადამიანი, რომელთანაც მოვა ქალბატონი კონკრეტული პრობლემით. მე და ნუკი შევეცდებით, რომ მისთვის ის ერთი დღე მნიშვნელოვანი გახდეს. რა სიურპრიზებს გავუკეთებთ, ამას უკვე გადაცემაში ნახავთ. რასაკვირველია, შესაძლოა, იყოს რადიკალური ცვლილებები, შესაძლოა, პლასტიკური ქირურგიც ჩავრიოთ, დიზაინერი - თავისთავად. ზალიკო ბერგერი გვეხმარება.
- ვინ გადაწყვეტს, ქალს ვარცხნილობის შეცვლა სჭირდება თუ სხვანაირი სამოსის მორგება?
- მე და ნუკი, ჩვენ-ჩვენ ხედვას შევთავაზებთ დიზაინერთან ერთად და მერე თავად გადაცემის გმირი გადაწყვეტს, რა გზით წავა. რა თქმა უნდა, ნუკი და მე განსხვავებული ადამიანები ვართ და ალბათ, სხვადასხვანაირი შეხედულებები გვაქვს, მაგრამ ეს არ იქნება კონკურენცია. ნუკი ფერადია, ხალისიანი, მე ცოტა უფრო მოკრძალებული, თავდაჭერილი ადამიანი ვარ. რასაკვირველია, განსხვავებული მიდგომა გვექნება და ყველაფერს ეკრანზე ნახავთ.
- შენს ცხოვრებაში თუ შეიტანს ცვლილებას გადაცემის გმირებთან ურთიერთობა?
- ყველაფერი გამოცდილებაა და შენს ცხოვრებაზე გარკვეულ კვალს ტოვებს. ბევრი რამ სილის გაწვნასავით არის, როცა რეალობას შეეჩეხები. თუნდაც, რომელიმე სამედიცინო დაწესებულებაში სტუმრობი-სას იმდენ რამეს იგებ, რომ საკუთარ თავს ეუბნები - გონს მოდი!. თურმე, რამდენი პრობლემა არსებობს. ვიცი, რომ ეს ყველაფერი ჩემზე აუცილებლად მოახდენს გავლენას და ამისი ცოტა მეშინია, რადგან ძალიან ემოციური ადამიანი ვარ.
- ალბათ მოვისმენთ საკმაოდ რთულ ამბებს.
- ვერ გეტყვი, რომ ზუსტად მაქვს გასიგრძეგანებული, რა მელოდება ამ გადაცემის გადაღებებისას. ვნახოთ, საითკენ წავალთ. მეორე მხრივ, დადებითი კუთხით ვუყურებ, ვიქნები ერთ-ერთი პერსონაჟი, რომელიც გმირის ცხოვრებაში კარგ როლს ითამაშებს. ამ გადაცემის მსვლელობისას, ალბათ, იტირებთ კიდეც და გაიცინებთ, ფინალი ყოველთვის კარგი იქნება.
- სხვის იმიჯზე რომ ზრუნავთ, თქვენსაზე იზრუნებს ვინმე?
- ძალიან გვინდა, ვიყოთ სხვანაირები, მაგრამ არ ვიცით, რამდენად იგრძნობს ამას მაყურებელი. რადიკალურად, ალბათ, ვერ შევიცვლები, მაგრამ შესაძლოა, სტილისტურად უფრო საინტერესო იყოს. უმნიშვნელოვანესია ის, რომ ჩვენ ვიყოთ, პირველ რიგში, საინტერესოები ვიზუალურად, რომ სხვასაც გაუჩნდეს ინტერესი და ნდობა ჩვენდამი.
- მახსოვს, ასაკის მატებაზე წუწუნებდი ერთ-ერთ ინტერვიუში.
- ამაზე ნერვიულობას რა აზრი აქვს (იღიმის)? ჩემი შვილი რომ გვერდზე დამიდგება, ვხვდები, რომ დიდი ვარ. ანდრო უკვე 14 წლისაა.
- ფორმაში ყოფნისთვის რას აკეთებ?
- ჯერ რადიკალური ცვლილებებისთვის არ მიმიმართავს, მაგალითად, ბოტოქსისთვის. მოლოდინში ვარ, როდის გავიკეთებ ბოტოქსის ინიექციას. დრო უნდა გავიდეს და მერე გავიკეთებ პროცედურებს (იღიმის).
- არ ვარჯიშობ?
- არა. ყოველდღე ვაპირებ დაწყებას. სულ ვვარჯიშობდი, მაგრამ ორსულობისა და ბავშვის გაჩენის შემდეგ ვერ მოვახერხე სავარჯიშო დარბაზამდე მიღწევა. ფორმაში კი ბავშვის დაბადების შემდეგ მალევე ჩავდექი, ალბათ, ჩემი გრაფიკის გამო. ვარჯიში ძალიან მნიშვნელოვანია.
- ''ნიჭიერში'' რომ აღარ ხარ, ამას როგორ შეელიე?
- როგორ შეველიე? ძალიან რთულად (იღიმის). მეტს ვერაფერს გეტყვით.
- დღეს, როცა ძალიან ბევრი გადაცემის წამყვანი ხარ და ხალხს შენზე ტელევიზია ახსენდება და არა სიმღერა, ამას როგორ აღიქვამ?
- ამას წინათ მანქანაში ვუსმენდი ჩემს სიმღერას და უცბად მივხვდი, რომ ტექსტი აღარ მახსოვს კარგად. სოციალურ ქსელში დავდე ჩემი კლიპი და ერთმა ადამიანმა მომწერა, თქვენი სიმღერების ტექსტები ზეპირად ვიცოდიო. გავბრაზდი, მაგრამ არ ვიცი, ეს გაბრაზება ახალ გადაცემაში გადაიზრდება თუ ახალ ალბომში (იცინის). მინდა, ახალი სიმღერა ''მივცხო'', მაგრამ უახლოეს მომავალში არანაირი გეგმა არ მაქვს ამ მხრივ.
ნინო მურღულია
ჟურნალი ''რეიტინგი''
