ანგოლაში აფეთქების შედეგად დასახიჩრებული მანდილოსნებისთვის სილამაზის კონკურსი გაიმართა

• ტრადიციულ სილამაზის კონკურსზე უპირატესობას ბუნებრივ სილამაზეს ანიჭებენ და შესაძლოა, ლამაზმანი კონკურსიდან მოხსნა, თუ მას პლასტიკური ოპერაცია ექნება გაკეთებული. ბუდაპეშტში 2009 წლიდან ტარდება სილამაზის კონკურსი, სადაც პლასტიკური ოპერაციები ფასდება.

კონკურსანტები ორ ჯგუფად იყოფიან - 18-დან 30 წლამდე და 30 წლის ზემოთ. გამარჯვებულს საიუველირო ნაწარმითა და მანქანით აჯილდოებენ. მთავარი პრიზია ბინა ბუდაპეშტის ცენტრში. კონკურსანტები ასაჩუქრებენ იმ ქირურგებსაც, რომელთა პაციენტებმაც საპრიზო ადგილები დაიკავეს.

• "მისტერ ლამაზი მამაკაცი" ყოველწლიურად ვენესუელაში ტარდება. ჟიურის წევრები მონაწილეებს სპორტულ ტანსაცმელსა და საცურაო ტრუსებში აფასებენ. ვენესუელას სილამაზის კონკურსების სამშობლოსაც უწოდებენ.

იქვე ტარდება "მისის ბარბის" კონკურსი, სადაც თოჯინები მონაწილეობენ. პატრონები კონკურსანტებს ტანსაცმელს, აქსესუარებსა და სამკაულებს ურჩევენ. თოჯინებს აქვთ სახელები და პროფესიები.

• ტაილანდში სილამაზის კონკურსი სპილოების გადასარჩენად ტარდება და მასში ქვეყნის ყველაზე მსუქანი მანდილოსნები მონაწილეობენ (მონაწილის წონა 90 კგ-ზე ნაკლები არ უნდა იყოს).

• კოლუმბიის შტატში ყოველწლიურად ყველაზე ლამაზ ბებიას ირჩევენ. 60 წელს გადაცილებულმა მანდილოსნებმა ჟიურის წევრები გარეგნობით, დახვეწილი მანერებითა და ნიჭით უნდა მოხიბლონ.

• ბრაზილიაში პატიმრებს შორის ყველაზე მიმზიდველს არჩევენ. ორგანიზატორები მონაწილეებს კონკურსისთვის რამდენიმე თვის მანძილზე ამზადებენ, რითაც ცდილობენ, მსჯავრდებულებს ყოფა შეუმსუბუქონ.

• ატლანტიკ-სიტისა (აშშ) და ტაილანდში ყველაზე ლამაზი ტრანსვესტიტის გამოსავლენად კონკურსი ყოველწლიურად იმართება.

• ყოველწლიურად ბავშვთა დაცვის დღეს, 1-ელ ივნისს ჩინეთში ფეხმძიმეთა სილამაზის კონკურსი ტარდება.

• ისრაელში წელს მსუქნებისა და ნიჭიერების კონკურსი უკვე მეთხუთმეტედ ჩატარდა. კონკურსის პირობა ისეთია, რომ მონაწილეები 90 კილოზე ნაკლებს არ უნდა იწონიდნენ. ორგანიზატორების მიზანია, მსუქან ქალებს საკუთარი თავი შეაყვარონ და დაუმტკიცონ, რომ მსუქნებიც ნიჭიერები არიან და თავი დიეტებით არ დაიტანჯონ.

• ანგოლაში 2008 წლის აფეთქების შემდეგ გადარჩენილი, დასახიჩრებული მანდილოსნებისთვის სილამაზის კონკურსი გაიმართა. ორგანიზატორებს სურდათ, გადარჩენილი მანდილოსნები გაეხალისებინათ და მათ შესახებ მსოფლიოს შეეტყო.

• ბოშური სილამაზის კონკურსი რუმინეთში ტარდება. გაიმარჯვებს ყველაზე ლამაზი მონაწილე, რომელიც ბოშურ სიმღერებსა და ცეკვებს კარგად შეასრულებს.

ჟურნალი "გზა"