მსახიობები, რომლებიც თავიანთ ფილმებს ვერ იტანენ
1 581 ნახვა
შეიძლება, ბევრს ჰგონია, რომ მსახიობებს ძალიან უყვართ თავიანთი როლების ხილვა, თუმცა ასე არ ყოფილა. მიუხედავად იმისა, მილიონები გადაუხადეს თუ ათასები, ზოგიერთ მსახიობს თურმე ეზიზღება კიდეც თავისი განსახიერებული პერსონაჟები.
''რკინის კაცის'' ვარსკვლავი რობერტ დაუნი-უმცროსია, ფილმში მის ''პარტნიორს'', ხელოვნურ ინტელექტს სახელად ჯარვისს, პოლ ბეტანი ახმოვანებს. ბეტანი ამბობს, რომ ეს სამუშაო მისთვის სრულიად უმნიშვნელოა და არც უყვარს გახსენება, ტექსტი რამდენიმე წუთში წაიკითხა, ბლომად ფული მიიღო და სულ ეს იყო. მას მერე არც ერთხელ არ უნახავს ამ ფილმის არც ერთი ნაწილი.
ცნობილი მსახიობი ალეკ გინესი, რომელმაც ''ვარსკვლავურ ომებში'' ობი-ვან კენობის გმირი განასახიერა, ამბობდა, რომ ამ სურათის თითოეული წამიც კი სძულდა. როლზე მხოლოდ იმიტომ დათანხმდა, რომ დიდ თანხას შეჰპირდნენ, მერე კი, მისივე სურვილით, მისი გმირი მოკლეს, რადგან ამ პერსონაჟის თამაში აღარ შეეძლო. ეგ კი არა, ''ვარსკვლავური ომების'' თაყვანისმცემლებსაც ვერ იტანდა და მტრულადაც ხვდებოდა.
ჯონი დეპს არც ერთი თავისი ფილმის ყურება არ უყვარს. ამბობენ, რომ რამდენჯერმე გაანადგურა სარეკლამო პლაკატი, რომელზეც თავად იყო გამოსახული. თურმე მას არ მოსწონს თავისი სახის ყურება და სარკეზეც არ გიჟდება.
ჯეკი ჩანი თავის ფანებს მოუწოდებს, არ უყურონ ამერიკულ ფილმებს, რომლებშიც ის თამაშობს.
ჯოზეფ გორდონ-ლევიტს მიაჩნია, რომ მისი პერსონაჟი რომანტიკულ ფილმში ''ზაფხულის 500 დღე'' სახედარია. მართალია, ამ ფილმის მოყვარულებს მისი გმირი ტომი კარგ ადამიანად მიაჩნიათ, თვითონ ფიქრობს, რომ ტომი ეგოისტი და უსამართლოა. არ მოსწონს, როდესაც მის გმირს სამაგალითოდ მიიჩნევენ და სწორედ ამის გამო არ უყვარს ეს როლი.
პიტერ დინკლეიჯს განსაკუთრებულად გაუთქვა სახელი ტირიონ ლანისტერის როლმა ''სამეფო კარის თამაშებში'', ასევე განასახიერა ბოროტმოქმედი ''ადამიანები იქსში''. თავად აღიარებს, რომ არ უყურებს თავის თავს ეკრანზე და განსაკუთრებით, ''სამეფო კარის თამაშებს''. აღმოჩნდა, რომ არც თავისი როლი მოსწონს და არც ის არხი ჰქონია, რომელიც ამ სერიალს უჩვენებს. დამატებით ფულის გადახდას ამ არხის ჩასართველად არც კი ფიქრობს.
ჟურნალი ''რეიტინგი''
''რკინის კაცის'' ვარსკვლავი რობერტ დაუნი-უმცროსია, ფილმში მის ''პარტნიორს'', ხელოვნურ ინტელექტს სახელად ჯარვისს, პოლ ბეტანი ახმოვანებს. ბეტანი ამბობს, რომ ეს სამუშაო მისთვის სრულიად უმნიშვნელოა და არც უყვარს გახსენება, ტექსტი რამდენიმე წუთში წაიკითხა, ბლომად ფული მიიღო და სულ ეს იყო. მას მერე არც ერთხელ არ უნახავს ამ ფილმის არც ერთი ნაწილი.
ცნობილი მსახიობი ალეკ გინესი, რომელმაც ''ვარსკვლავურ ომებში'' ობი-ვან კენობის გმირი განასახიერა, ამბობდა, რომ ამ სურათის თითოეული წამიც კი სძულდა. როლზე მხოლოდ იმიტომ დათანხმდა, რომ დიდ თანხას შეჰპირდნენ, მერე კი, მისივე სურვილით, მისი გმირი მოკლეს, რადგან ამ პერსონაჟის თამაში აღარ შეეძლო. ეგ კი არა, ''ვარსკვლავური ომების'' თაყვანისმცემლებსაც ვერ იტანდა და მტრულადაც ხვდებოდა.
ჯონი დეპს არც ერთი თავისი ფილმის ყურება არ უყვარს. ამბობენ, რომ რამდენჯერმე გაანადგურა სარეკლამო პლაკატი, რომელზეც თავად იყო გამოსახული. თურმე მას არ მოსწონს თავისი სახის ყურება და სარკეზეც არ გიჟდება.
ჯეკი ჩანი თავის ფანებს მოუწოდებს, არ უყურონ ამერიკულ ფილმებს, რომლებშიც ის თამაშობს.
ჯოზეფ გორდონ-ლევიტს მიაჩნია, რომ მისი პერსონაჟი რომანტიკულ ფილმში ''ზაფხულის 500 დღე'' სახედარია. მართალია, ამ ფილმის მოყვარულებს მისი გმირი ტომი კარგ ადამიანად მიაჩნიათ, თვითონ ფიქრობს, რომ ტომი ეგოისტი და უსამართლოა. არ მოსწონს, როდესაც მის გმირს სამაგალითოდ მიიჩნევენ და სწორედ ამის გამო არ უყვარს ეს როლი.
პიტერ დინკლეიჯს განსაკუთრებულად გაუთქვა სახელი ტირიონ ლანისტერის როლმა ''სამეფო კარის თამაშებში'', ასევე განასახიერა ბოროტმოქმედი ''ადამიანები იქსში''. თავად აღიარებს, რომ არ უყურებს თავის თავს ეკრანზე და განსაკუთრებით, ''სამეფო კარის თამაშებს''. აღმოჩნდა, რომ არც თავისი როლი მოსწონს და არც ის არხი ჰქონია, რომელიც ამ სერიალს უჩვენებს. დამატებით ფულის გადახდას ამ არხის ჩასართველად არც კი ფიქრობს.
ჟურნალი ''რეიტინგი''
