ყველაზე აბსურდული რამეები, რაც ერთ დროს სასარგებლოდ მიაჩნდათ
1 585 ნახვა
კაცობრიობის ისტორიის ეტაპებზე სასწაულმოქმედებად მიიჩნეოდა საკმაოდ აბსურდული რამეები, რაც კიდევ ერთხელ ადასტურებს, რომ არ ღირს, საკუთარ თავზე გამოსცადოთ საეჭვო საშუალებები, თუნდაც ის ბევრს პანაცეად მიაჩნდეს.
ვერცხლისწყლის, როგორც წამლის პოპულარობა მას მერე დაიწყო, როდესაც XVI საუკუნეში ექიმმა ჯონ ჰანტერმა გამოაცხადა, რომ სწორედ ამ ნივთიერებით განიკურნა სიფილისისგან. როგორც წესი, სიფილისს სამი სტადია აქვს, ორ-სამწლიანი რემისიის - დროებითი ჩაწყნარების პერიოდებით. როგორც ჩანს, სწორედ ასეთი რემისია მიიჩნია ჰანტერმა განკურნებად. თავისი ჯადოსნური წამლის სარგებლობის შესახებ მორიგი დისკუსიის დროს ექიმი გულის შეტევით გარდაიცვალა.
თამბაქოს პირველი მოქმედება XV საუკუნეში ინდიელებმა გამოსცადეს. იქ თამბაქოს ეწეოდნენ სიამოვნებისთვის, დეზინფექციისთვის, თავის ტკივილისა და გაციებისგან სა-მკურნალოდ, დაღლილობის მოსახსნელადაც კი.
როცა ევროპაში შეიტანეს, იქაც პანაცეად მიიჩნიეს და ლამის წმინდა ბალახად აღიარეს. XVII საუკუნიდან XIX-ის დასაწყისამდე ძალიან პოპულარული იყო თამბაქოს ოყნები. ინდოეთში კი თამბაქო კბილების სამკურნალოდ მიაჩნდათ და მისი კბილის პასტაც კი მოიგონეს.
ლობოტომია - პირველად ადამიანის თავის ტვინის ნაწილის გაკვეთის ოპერაცია 1890 წელს ჩაატარეს. მიიჩნეოდა, რომ ასე ფსიქიკურად დაავადებულთა განკურნება იყო შესაძლებელი. ლობოტომიის პოპულარობის პიკზე (1940-50-იან წლებში) მხოლოდ ბრიტანეთში ასეთი 40 ათასამდე ოპერაცია ჩატარდა.
ლსდ-თერაპია - 1950-60-იან წლებში მეცნიერები, რომლებიც ლსდ-ს იკვლევდნენ, იმ დასკვნამდე მივიდნენ, რომ ეს პრეპარატი ალკოჰოლიზმის, შიზოფრენიის დროს შეიძლებოდა გამოეყენებინათ. დღეს ის ჩვეულებრივ ნარკოტიკულ ნივთიერებებს გაუტოლდა, თუმცა ნორვეგიელი მეცნიერები მას ახლაც შეისწავლიან, რათა ზემოხსენებული ორი სენის მკურნალობისას გამოიყენონ.
ერთ დროს კოკაინსაც სამკურნალოდ იყენებდნენ - კოკა-კოლის გარდა, კოკაინი ბევრი სხვადასხვა მედიკამენტის შემადგენლობაში შედიოდა. მისი ეიფორიული, აღმგზნები და ტკივილ-გამაყუჩებელი ეფექტი გახდა მიზეზი, რომ ბევრმა ადამიანმა ის ცხოვრების ჯანსაღი წესის იდეალურ დანამატად მიიჩნია. თუმცა მალე გაირკვა მისი სხვა `დამსახურებები~ და მასზე დამოკიდებულების საშიშროებაც, რამაც აკრძალულ ნივთიერებათა სიაში შეიყვანა.
ნარკოტიკულ ნივთიერებებს შორის პოპულარული იყო ჰეროინიც, რომელსაც ხველების დროს, სპაზმების მოსახსნელად მიმართავდნენ. მხოლოდ 1910 წლისთვის დაადგინეს, რამდენად მავნე ზემოქმედებას ახდენდა ის ადამიანზე და როგორ დამოკიდებულებას იწვევდა.
ბრტყელი ჭიები, სოლიტერები, 1950-იან წლებში წონის დასაკლებად გამოიყენებოდა - მას ყლაპავდნენ და შემდეგ სოლიტერები `მიირთმევდნენ~ პატრონის მთელ საკვებს. თუმცაღა შედეგები გაცილებით მწვავე იყო, ვიდრე სიმსუქნეს შეიძლებოდა მოეტანა - მუცლისა და თავის ტკივილებიდან დაწყებული, გარდაცვალებით დამთავრებული.
რადიოაქტიური სასმელები - 1900-იანი წლების დასაწყისში რადიოაქტიურობა სასარგებლოდ მიიჩნეოდა და სიამოვნებით იძენდნენ რადიაციით გაჯერებულ საგნებს - ურანის საბანს ართრიტისთვის, რადიოაქტიურ კოსმეტიკას სიბერის წინააღმდეგ, რადიოაქტიურ წყალს და ა.შ.
ასობით წლის განმავლობაში მედიკოსები სისხლის გამოშვებას პაციენტების მდგომარეობის შესამსუბუქებლად საუკეთესო საშუალებად მიიჩნევდნენ. ამ მეთოდს სხვადასხვა დაავადების დროს, ფილტვების ანთების, სიცხის, წელის ტკივილის, რევმატიზმის ჩათვლით, XIX საუკუნემდე იყენებდნენ.
ჟურნალი ''რეიტინგი''
ვერცხლისწყლის, როგორც წამლის პოპულარობა მას მერე დაიწყო, როდესაც XVI საუკუნეში ექიმმა ჯონ ჰანტერმა გამოაცხადა, რომ სწორედ ამ ნივთიერებით განიკურნა სიფილისისგან. როგორც წესი, სიფილისს სამი სტადია აქვს, ორ-სამწლიანი რემისიის - დროებითი ჩაწყნარების პერიოდებით. როგორც ჩანს, სწორედ ასეთი რემისია მიიჩნია ჰანტერმა განკურნებად. თავისი ჯადოსნური წამლის სარგებლობის შესახებ მორიგი დისკუსიის დროს ექიმი გულის შეტევით გარდაიცვალა.
თამბაქოს პირველი მოქმედება XV საუკუნეში ინდიელებმა გამოსცადეს. იქ თამბაქოს ეწეოდნენ სიამოვნებისთვის, დეზინფექციისთვის, თავის ტკივილისა და გაციებისგან სა-მკურნალოდ, დაღლილობის მოსახსნელადაც კი.
როცა ევროპაში შეიტანეს, იქაც პანაცეად მიიჩნიეს და ლამის წმინდა ბალახად აღიარეს. XVII საუკუნიდან XIX-ის დასაწყისამდე ძალიან პოპულარული იყო თამბაქოს ოყნები. ინდოეთში კი თამბაქო კბილების სამკურნალოდ მიაჩნდათ და მისი კბილის პასტაც კი მოიგონეს.
ლობოტომია - პირველად ადამიანის თავის ტვინის ნაწილის გაკვეთის ოპერაცია 1890 წელს ჩაატარეს. მიიჩნეოდა, რომ ასე ფსიქიკურად დაავადებულთა განკურნება იყო შესაძლებელი. ლობოტომიის პოპულარობის პიკზე (1940-50-იან წლებში) მხოლოდ ბრიტანეთში ასეთი 40 ათასამდე ოპერაცია ჩატარდა.
ლსდ-თერაპია - 1950-60-იან წლებში მეცნიერები, რომლებიც ლსდ-ს იკვლევდნენ, იმ დასკვნამდე მივიდნენ, რომ ეს პრეპარატი ალკოჰოლიზმის, შიზოფრენიის დროს შეიძლებოდა გამოეყენებინათ. დღეს ის ჩვეულებრივ ნარკოტიკულ ნივთიერებებს გაუტოლდა, თუმცა ნორვეგიელი მეცნიერები მას ახლაც შეისწავლიან, რათა ზემოხსენებული ორი სენის მკურნალობისას გამოიყენონ.
ერთ დროს კოკაინსაც სამკურნალოდ იყენებდნენ - კოკა-კოლის გარდა, კოკაინი ბევრი სხვადასხვა მედიკამენტის შემადგენლობაში შედიოდა. მისი ეიფორიული, აღმგზნები და ტკივილ-გამაყუჩებელი ეფექტი გახდა მიზეზი, რომ ბევრმა ადამიანმა ის ცხოვრების ჯანსაღი წესის იდეალურ დანამატად მიიჩნია. თუმცა მალე გაირკვა მისი სხვა `დამსახურებები~ და მასზე დამოკიდებულების საშიშროებაც, რამაც აკრძალულ ნივთიერებათა სიაში შეიყვანა.
ნარკოტიკულ ნივთიერებებს შორის პოპულარული იყო ჰეროინიც, რომელსაც ხველების დროს, სპაზმების მოსახსნელად მიმართავდნენ. მხოლოდ 1910 წლისთვის დაადგინეს, რამდენად მავნე ზემოქმედებას ახდენდა ის ადამიანზე და როგორ დამოკიდებულებას იწვევდა.
ბრტყელი ჭიები, სოლიტერები, 1950-იან წლებში წონის დასაკლებად გამოიყენებოდა - მას ყლაპავდნენ და შემდეგ სოლიტერები `მიირთმევდნენ~ პატრონის მთელ საკვებს. თუმცაღა შედეგები გაცილებით მწვავე იყო, ვიდრე სიმსუქნეს შეიძლებოდა მოეტანა - მუცლისა და თავის ტკივილებიდან დაწყებული, გარდაცვალებით დამთავრებული.
რადიოაქტიური სასმელები - 1900-იანი წლების დასაწყისში რადიოაქტიურობა სასარგებლოდ მიიჩნეოდა და სიამოვნებით იძენდნენ რადიაციით გაჯერებულ საგნებს - ურანის საბანს ართრიტისთვის, რადიოაქტიურ კოსმეტიკას სიბერის წინააღმდეგ, რადიოაქტიურ წყალს და ა.შ.
ასობით წლის განმავლობაში მედიკოსები სისხლის გამოშვებას პაციენტების მდგომარეობის შესამსუბუქებლად საუკეთესო საშუალებად მიიჩნევდნენ. ამ მეთოდს სხვადასხვა დაავადების დროს, ფილტვების ანთების, სიცხის, წელის ტკივილის, რევმატიზმის ჩათვლით, XIX საუკუნემდე იყენებდნენ.
ჟურნალი ''რეიტინგი''
