ლევან ჯავახიშვილის წამოსვლის შემდეგ, ''იმედზე'' მუშაობა მისმა მეუღლემ დაიწყო

ტელეკომპანია „იმედში“ ბევრი სიახლე იგეგმება. 2 ნოემბრიდან არხზე პოლიტიკური თოქ- შოუ „ღია ეთერი“ გავა, რომლის წამყვანები ინგა გრიგოლია, შალვა რამიშვილი, დუტა, ნანიკო ხაზარაძე და ეკა ხოფერია იქნებიან.

უნდოდათ, რომ მათ გუნდში თეა სიჭინავაც ყოფილიყო, მაგრამ ასე არ მოხდა. თეა შემოთავაზებაზე უარის თქმა ამჯობინა. ჟურნალისტს არხზე მთავარი საინფორმაციო გამოშვება მიჰყავს.

არხი ახალი სატელევიზიო სეზონიდან დატოვა ლევან ჯავახიშვილმა. ლევანი ახალ სპორტულ არხს შეუერთდა, თუმცა ცნობილი გახდა, რომ სპორტული არხი,TVS ისე რომ ეთერში არ გასულა, დაიხურა.

ლევანი „იმედიდან“ წამოვიდა, თუმცა არხს შეუერთდა მისი მეუღლე მარიკუნა ოშხნელი. ცნობილი გახდა, რომ ის „ღია ეთერის“ გუნდის ერთ-ერთი წევრი იქნება. მარიკუნა ოშხნელი უკვე ძალიან ბევრ მილოცვას იღებს. რამდენიმე წუთის წინ სოციალურ ქსელში შემდეგი შინაარსის სტატუსი გამოაქვეყნა.

„იმდენი მოლოცვა მივიღე, იმდენი წერილი, იმდენი კომენტარი ვნახე და უკვე იმდენი ადამიანი ალაპარაკდა, ემოციებისგან სასიამოვნოდ დავიღალე, წარმომიდგენია რა იქნება 2 ნოემბრიდან. მადლობა, რომ ხართ ასეთი აქტიურები, იმედის კვირა თქვენი კვირაა!“

მარიკუნას ჟურნალისტი ინგა გრიგოლია გამოეხმაურა. „მარიკუნა, ჩემო მაგარო და ნიჭიერო, უმაგრესი გოგო ხარ შენ, ამიტომაც მინდოდა ძალიან, რომ ჩვენს გუნდში ყოფილიყავი... და ბედნიერი ვარ.“

„ვამაყობ, რომ ვარ შენი გუნდის წევრი“, - პასუხობს ინგას მარიკუნა.

სალომე დადიანი